32 C
Phnom Penh

នគរបាល​​​ចាប់​​​ខ្លួន​​​ក្រុម​​​ចាប់ជំរិតជនជាតិ​​​វៀតណាម​​​ចំនួន​ប្រាំ​​​នាក់ ពីបទ​ចាប់​ជំរិត​អ្នក​ជំនួញ​ម្នាក់​

ដោយ ឌឹ ខេមបូឌា ដេលី

បទវិភាគ

ក្រុម​មន្ត្រីបាន​​​ឲ្យ​​​ដឹងកាល​​​ពីម្សិ លមិញ​​​ថា នគរបាល​​​បាន​​​ចាប់​​​ខ្លួន​​​ជនជាតិ​វៀតណាម​​​ប្រាំនាក់ កាល​​​ពី​​ល្ងាច​​​​ថ្ងៃ​​​អង្គារ ពីបទ​​​ចាប់​​​ជំរិត​អ្នកជំនួញ​​​ម្នាក់​​​នៅ​​​ក្រុង​​​សៀម​​​រាប និង​​​បាន​​​ទារ​​​ប្រាក់​​​ចំនួន​​​៥០.០​​​០០​​​ដុល្លារ​​​ពី​​​គ្រួសារ​​​ជន​​​រង​​​គ្រោះ​​​ជាថ្នូរនឹងការ​​​ដោះលែង​​​។

លោកឧត្ដមសេនីយ៍ត្រី ឆាយ គឹមស៊ុន ស្នងការនគរបាល​​​ខេត្ត​​​កំពង់ចាម ​​​មាន​​​ប្រសាសន៍​​​ថា លោក អ៊ឹង វាសនា អាយុ​​​៣៨​​​ឆ្នាំ ត្រូវ​​​បាន​​​នាំ​​​​ចេញ​​​ពីសណ្ឋា​​​គារ​​​មួយ​​​កន្លែង នៅ​​​ក្នុង​​​ក្រុង​​​​​​សៀមរាប​ កាល​​​ពី​​​យប់​​​ថ្ងៃ​​​ច័ន្ទ ទៅ​​​កាស៊ីណូ​​​មួយ​​​នៅ​​​ក្នុង​​​ខេត្ត​​​កំពង់ចាមជាប់​​​ព្រំ​​​ដែន​​​ប្រទេស​​​វៀតណាម​​​។

លោក បាន​​​មាន​​​ប្រសាសន៍ថា “ ដំបូង​​​ជន​​​ល្មើស បាន​​​ទារ​​​ប្រាក់លោះ៥០.០០០​​​ដុល្លារ។​ប៉ុន្តែ បន្ទាប់ពី​​​ការ​​​តថ្លៃ​​​គ្នា​​​មក​​​ជន​​​ល្មើស​​​បាន​​សុខ​​​​ចិត្ត​​​ទទួល​​​យក​​​ប្រាក់៣០.​​​​​០​០០​​​ដុល្លារ” ។

លោកឧត្ដមសេនីយ៍ត្រី ឆាយ គឹមស៊ុន​ មាន​​ប្រសាសន៍ថា  អ្នកស្រី យេន ​ចាន់​ណា  ​អាយុ​​​២៦​​​ឆ្នាំ ​ត្រូវជា​ប្រពន្ធជនរង​គ្រោះ​បាន​​​ធ្វើ​ដំណើ​​​រ​​​ទៅ​​​កាស៊ីណូ​​​នេះ ដើម្បីចរចា​​​សុំឲ្យ​​​​​​ដោះ​​​លែង​​​ប្ដី​​​របស់​​​អ្នកស្រី ប៉ុន្តែ ពេល​​​អ្នក​​​ស្រី​​​ប្រគល់​​​ប្រាក់​​​៣០.០០០​​​ដុល្លារ នៃ​​​ការ​​​សុំ​​​បញ្ចុះតម្លៃ​​​ពី​​​៥០.០០០​​​ដុល្លារ​​​នោះ ​អ្នកស្រី​​​ក៏​ត្រូវបាន​​​គេវាយ​​​ធ្វើបាប​​​យ៉ាង​​​ខ្លាំងផងដែរ​។

តែទោះជាយ៉ាងណា​ ម្ដាយ​​​របស់​​​អ្នក​​​ស្រី ​យេន ចាន់ណា  ដែលបាន​​​ទទួល​​​​ដំណឹង​​​នេះ ​បាន​​ប្ដឹង​​​នគរបាល ដែល​​​បាន​​​​​​ចាប់​​​ខ្លួន​​​ជន​​​ល្មើស​​​​នៅ​​​ម៉ោង​​ប្រហែល​​​៧​​​និង​​​៣០​​​យប់​​​​ថ្ងៃ​​​អង្គារ។

លោកឧត្ដមសេនីយ៍ត្រី ឆាយ គឹមស៊ុន  ​បាន​ថ្លែង​ថា“សរុប​​​ទាំង​​​អស់​​​មាន​​​ជន​ជាតិ​វៀត​ណាម​​​​​ប្រាំនាក់ រួម​​​មាន​​​ស្រ្តី​​​ម្នាក់ ​ដែល​​​​កំពុង​​​សាក​​​សួរ​​​នៅ​​​ស្នង​​​ការ​​​ដ្ឋាននគរបាល​​​ខេត្ត” ។លោក បាន​មាន​​​​​ប្រសាសន៍​​​បន្ថែម​ថា មិន​មាន​​​ការខាតបង់​​ប្រាក់​​​នោះ​​​ទេ ហើយជន​​​រង​គ្រោះ​​​​កំពុង​​​សម្រាក​​​ព្យា​​បាល​​​នៅ​​​មន្ទីរពេទ្យ​​​ខេត្ត ៕

    ប្រែសម្រួលដោយ ស៊ុំ សុខភុំ

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស