វាជាកន្លែងផ្ដល់ឈាមខុសពីធម្មតា: សាលរបាំនៃសណ្ឋាគារសូហ្វីតែលក្នុងរាជធានីភ្នំពេញ តុបតែងលម្អដោយកម្រាលព្រំនិងអំពូលភ្លើងដ៏ប្រណីត ព្រមទាំងមានក្រុមតន្ត្រីយុវជនលេងហ្គីតាច្រៀងចម្រៀងខ្មែរយ៉ាងសប្បាយ ប៉ុន្តែកាលពីម្សិលមិញទីនេះគឺជាកន្លែងដែលអ្នកផ្តល់ឈាមបានទៅផ្តល់ឈាមចំនួន២៣៨ប្លោក នៅមុនពេលប្រារព្ធទិវាផ្តល់ឈាមពិភពលោកលើកទី១០ ដែលនឹងប្រារព្ធឡើងជាផ្លូវការ នៅថ្ងៃសុក្រ។
យុទ្ធនាការប្រមូលឈាមនេះគឺជាមុខព្រួញរបស់មជ្ឈ មណ្ឌលជាតិផ្តល់ឈាម និងកម្មវិធីឡូយ៩របស់ទូរទស្សន៍ប៊ីប៊ីស៊ីត្រាស់ ជាផ្នែកមួយនៃយុទ្ធនាការរយៈពេលប្រាំបួនថ្ងៃ ដើម្បី លើកទឹកចិត្តឲ្យ ប្រជាពលរដ្ឋនៅទូទាំងប្រទេសបរិច្ចាគឈាមឲ្យបានចំនួន៩៩៩ប្លោក ដែលក្នុងមួយប្លោកនៃឈាមមានចំណុះ៣៥០មិល្លីលីត្រ ។
យោងតាមលោក ហុក គឹមចេង នាយកមជ្ឈ មណ្ឌលជាតិផ្តល់ឈាមបានឲ្យ ដឹងថា ភាគច្រើននៃអ្នកផ្តល់ឈាមកាលពីម្សិលមិញ គឺជាមនុស្សវ័យជំទង់។
លោកបានមានប្រសាសន៍ថា “ យុទ្ធសាស្ត្ររបស់យើងយកយុវវ័យជាទិសដៅ ពីព្រោះពួកគេចូលរួមយ៉ាងសកម្មនៅក្នុងសង្គម ហើយពួកគេអាចទទួលបានព័ត៌មានយ៉ាងងាយស្រួលម្យ៉ាងទៀតពួកគេសុខភាពល្អ”។ លោកបានបន្ថែមថា ៥០ភាគរយនៃអ្នកផ្តល់ឈាមក្នុងឆ្នាំ២០១២ មានអាយុចន្លោះពី២០ឆ្នាំទៅ៣០ឆ្នាំ ប៉ុន្តែ អ្នកផ្តល់ឈាមកាលពីម្សិលមិញ អាយុចន្លោះពីអាយុ១៥ឆ្នាំទៅ២៤ឆ្នាំ។
បញ្ហាមួយក្នុងចំណោមបញ្ហាសំខាន់សម្រាប់លោក គឺការស្វែងរកអ្នកដែលមានឈាមក្នុងក្រុម រីសឺសដក (Rh -) ពីព្រោះឈាមរបស់ពួកគេ ដែលមានអតិសុខុមប្រាណពិសេស នោះកម្ររកបានណាស់។
អ្នកដែលបានចុះឈ្មោះផ្តល់ឈាមកាលពីម្សិ លមិញ ពេលនេះមានឈ្មោះនៅក្នុងកម្រងទិន្នន័យជាតិ ហើយយើងអាចទាក់ទងពួកគេបានគ្រប់ពេល ប្រសិនបើយើងត្រូវការឈាមរបស់ពួកគេ។
លោកវេជ្ជបណ្ឌិត ហុក គឹមចេង បានមានប្រសាសន៍ថា“ បញ្ហាគឺមិនមែនការខ្វះឈាមនោះទេ ប៉ុន្តែ គឺដោយសារតែប្រភេទឈាមកម្រនេះតែម្ដង។ យើងចាំបាច់ត្រូវចុះឈ្មោះអ្នកផ្តល់ឈាមជាតិ ក៏ដូចជាអន្តរជាតិដែលមានឈាមស្ថិតក្នុងក្រុម រីសឺសដក”។
មជ្ឈមណ្ឌលជាតិផ្តល់ឈាមបច្ចុប្ប ន្ននេះត្រូវរក្សាឈាមឲ្យបានយ៉ាងតិចចំនួន៧០០ប្លោក បម្រុងទុកនៅក្នុងធនាគារឈាម។
សម្ផស្ស ជូម៉ិក អាយុ២៨ឆ្នាំបានយល់ច្បា ស់អំពីសារៈសំខាន់នៃការផ្តល់ឈាម។ កាលពីម្សិលមិញ គឺជាលើកទី៣២ ដែលគាត់បានផ្តល់ឈាមក្នុងក្រុមប៊ីបូក (B+) ។
សម្ផស្ស ជូម៉ិក បានមានប្រសាសន៍បន្ថែមថា “ ខ្ញុំចាប់ផ្តើមផ្តល់ឈាមចាប់តាំងពីខ្ញុំអាយុ១៦ឆ្នាំម្ល៉េះ ព្រោះខ្ញុំតែឃើញមានជនរងគ្រោះជាច្រើននាក់ខ្វះឈាម។ ដូច្នេះប្រាកដជាមានតម្រូវការឈាមខ្ពស់។ថ្ងៃនេះ គឺជាថ្ងៃដ៏អស្ចារ្យ ដែលបានឃើញអ្នកស្ម័គ្រចិត្តផ្តល់ឈាមជាច្រើននាក់។ បើធៀបនឹងពីរបីឆ្នាំមុន ពេលនេះមានអ្នកដែលស្ម័គ្រចិត្តផ្តល់ឈាមតាមការលើកទឹកចិត្តច្រើនជាងមុន”។
នៅជ្រុងម្ខាងនៃកន្លែងបរិច្ចាគឈាមនោះគឺនិស្សិ តពេទ្យ មា្នាក់ឈ្មោះ ទូច ភក្ដី អាយុ២១ឆ្នាំដែលបានផ្តល់ឈាមជាលើកទី១ បន្ទាប់ពីត្រូវបានគ្រូរបស់គាត់និយាយប្រាប់អំពីព្រឹត្តិការណ៍នេះ។
គាត់បាននិយាយថា“ ខ្ញុំភ័យណាស់ព្រោះវាជាការផ្តល់ឈាមលើកដំបូងរបស់ខ្ញុំ។ ខ្ញុំខ្លាចឈឺ ប៉ុន្តែ ខ្ញុំមានជំនឿថា ឈាមដែលខ្ញុំបានផ្តល់នឹងអាចសង្គ្រោះបានជីវិតមនុស្ស ម្នាក់ នៅថ្ងៃណាមួយ”៕
ប្រែសម្រួលដោយ ហម សុផាណ្ណា