កាលពីម្សិ លមិញ គណៈកម្មាធិការជាតិរៀបចំការបោះឆ្នោត(គ.ជ.ប.)បានប្រកាសថា ទូរទស្ស ន៍ជាតិកម្ពុជានឹងផ្សព្វផ្សាយការឃោសនាពីគោលនយោបាយបក្ស ដែលបានថតទុកជាមុនសម្រាប់គណបក្ស នយោបាយចំនួនប្រាំបី ដែលចូលរួមប្រកួតប្រជែងក្នុងការបោះឆ្នោតជាតិនាថ្ងៃទី២៨ ខែកក្កដា ប៉ុន្តែ សំណួរត្រូវបានចោទសួរអំពីការចាក់ផ្សាយ ដែលនឹងហាមមិនឲ្យគណបក្ស ទាំងអស់សួរដេញដោលគ្នានោះ។
គណបក្ស ប្រាំបីនឹងត្រូវផ្តល់រយៈពេលពីរម៉ោង ដោយគណបក្ស នីមួយៗមានពេល១៥នាទី ដើម្បី ផ្ស ព្វផ្សាយគោលនយោបាយបក្ស របស់ខ្លួននៅពេលព្រឹក និងពេលរសៀល តាមស្ថានីយទូរទស្ស ន៍ជាតិ និងវិទ្យុ ជាតិ FM96 Mhz ព្រមទាំងស្ថានីយវិទ្យុវត្តភ្នំ FM ១០៧.៥ ចាប់ពីថ្ងៃទី២៧ ខែមិថុនាដល់ថ្ងៃទី២៦ ខែកក្កដា។
គណបក្សនីមួយៗអាចប្រើការឃោសនារបស់ខ្លួនរយៈពេល១៥នាទី ដើម្បីផ្សព្វផ្សាយសារផ្ទាល់ខ្លួន ឬក៏ពួកគេអាចចូលរួមដោយបង្កើតជាក្រុមមួយ ដែលតំណាងមកពីគណបក្ស នីមួយៗមានពេល១៥នាទី ដើម្បី អានគោលនយោបាយបក្សដែលមានការរៀបចំទុកជាមុនរបស់ខ្លួន។
លោក យឹម សុវណ្ណ អ្នកនាំពាក្យរបស់គណបក្សសង្គ្រោះជាតិ ដែលឈរឈ្មោះជាបេក្ខជនតំណាងរាស្ត្រផងដែរ បានថ្លែងថា បើគ្មានការជជែកដេញដោលទេ សេរីភាព និងសមត្ថភាពក្នុងការប្រកួតប្រជែងគ្នានៅក្នុងឃោសនាតាមទូរទស្សន៍ អាចមានបញ្ហា។
លោកបន្តថា “ គ្មានការសួរដេញដោលបន្តផ្ទាល់ដូចប្រទេសប្រជាធិបតេយ្យផ្សេងទេ ពីព្រោះការឃោសនាទាំងអស់នេះ សុទ្ធតែត្រូវបានថតទុកជាមុន”។
លោកមានប្រសាសន៍ថា “ ការឃោសនាជាក្រុមនេះក៏គ្មានការសួរដេញដោលដែរ ពីព្រោះយើងគ្រាន់តែអង្គុយ និងអានគោលនយោបាយរបស់គណបក្សប៉ុណ្ណោះ”។ លោកបានបន្ថែមថា ការឃោសនាខ្លះត្រូវបានថតរួចហើយ។
ការបោះឆ្នោតជាតិពេលខាងមុខនេះ នឹងកំណត់គណបក្ស ណាដែលនឹងទទួលបានអាសនៈនៅក្នុងរដ្ឋសភាមាន១២៣អាសនៈ ដែលគណបក្ស ប្រជាជនកម្ពុជាទទួលបានអាសនៈលើសលប់ ចាប់តាំងពីឆ្នាំ១៩៩៨មក។ ប្រជាពលរដ្ឋកម្ពុជាជាង៩,៦លាននាក់បានទៅចុះឈ្មោះបោះឆ្នោត ដែលក្្នុងនោះចំនួនគណបក្សដែលចូលរួមប្រកួតប្រជែងធ្លាក់ចុះពី២៣គណបក្សក្នុងឆ្នាំ២០០៣ មកនៅត្រឹមប្រាំបីគណបក្សប៉ុណ្ណោះ។
លោក ច័ន្ទ យ៉េត អនុប្រធានគណបក្សសាធារណរដ្ឋប្រជាធិបតេយ្យ ដែលគេ មិនសូវស្គាល់ បានមានប្រសាសន៍ថា លោកសោកស្តាយដែលការផ្សាយតាមទូរទស្ស ន៍នេះមិនអនុញ្ញាតឲ្យ គណបក្សនីមួយៗសួរដេញដោលអំពីគោលនយោបាយបក្សនោះ។
លោកបានបន្តថា “ គោលនយោបាយគណបក្ស របស់យើង គឺដើម្បី ស្វែងរកយុត្តិធម៌ និងបម្រើប្រជាពលរដ្ឋខ្មែរ “ ដែលរងផលប៉ះពាល់ដោយសារជម្លោះដីធ្លី និងភាពអយុត្តិធម៌ក្នុងសង្គម”។
លោកស្រី ឡូរ៉ា ថនតុន (Laura Thornton) នាយិកាប្រចំាប្រទេសរបស់វិទ្យាស្ថានជាតិប្រជាធិបតេយ្យដែលមានមូលដ្ឋាននៅក្រុងវ៉ាស៊ីនតោន បានមានប្រសាសន៍ថា អង្គការរបស់លោកស្រី កំពុងមានផែនការបង្កើតការដេញដោលតាមវិទ្យុ និងទូរទស្សន៍សម្រាប់បេក្ខជនឈរឈ្មោះជាតំណាងរាស្ត្រ ដូចដែលពួកគេធ្លាប់បានធ្វើក្នុងការបោះឆ្នោតមុនៗ ប៉ុន្តែកំពុងប្រឈមនឹងឧបសគ្គពីគណបក្សប្រជាជនកម្ពុជាដែលគ្រប់គ្រងដោយលោកនាយករដ្ឋមន្ត្រី ហ៊ុន សែន។
លោកស្រីបានមានប្រសាសន៍បន្ថែមទៀតថា បើទោះជាគណបក្ស ប្រជាជនកម្ពុជាធ្លាប់បានចូលរួមក្នុងការជជែកដេញដោលបែបនេះពីមុនមក ដែលត្រូវបានគណៈកម្មាធិការជាតិរៀបចំការបោះឆ្នោតសម្រេចយល់ព្រមសម្រាប់ឆ្នាំ២០១៣ក៏ដោយ ក៏គណបក្ស ប្រជាជនបានលើកសំណួរអំពីភាពស្របច្បា ប់ក្នុងការបង្កើតការជជែកដេញដោលនេះ ដោយយោងដល់មាត្រា៥នៃ(ច្បាប់ស្តីពីការបោះឆ្នោត) ហើយយើងកំពុងព្យាយាមដោះស្រាយរឿងនេះ”។
គេនៅមិនទាន់ច្បា ស់ថាតើហេតុអ្វីបានជាគណបក្ស ប្រជាជនកម្ពុជាលើកឡើងពីមាត្រានេះ ដែលចែងថា ការបោះឆ្នោតត្រូវតែយុត្តិធម៌ ហើយប្រព័ន្ធបោះឆ្នោតសមាមាត្រ ដោយមានតំណាងខេត្ត និងក្រុង។
លោកស្រី ថនថុន បានថ្លែងថា “ ខ្ញុំគិតថា គ្មានអ្វីនៅក្នុងច្បាប់ដែលហាមប្រាម[ការផ្សាយតាមទូរទស្ស ន៍] មិនឲ្យ មានភាពច្នៃប្រឌិត ដើម្បីទទួលបានការចាប់អារម្មណ៍នោះទេ”។
លោក ទេព នីថា អគ្គលេខាធិការរបស់គណៈកម្មាធិការជាតិរៀបចំការបោះឆ្នោត បានលើកឡើងថា គណបក្ស នយោបាយទាំងអស់ត្រូវទទួលខុសត្រូវចំពោះការផ្សា យពីគោលការណ៍បក្ស របស់ខ្លួន។
លោកបានបន្តថា “ ពួកគេត្រូវទទួលខុសត្រូវចំពោះការចំណាយ និងអាចថតឃ្លីបនេះបាននៅចំណុចដែលពួកគេចង់បាន”៕
(រាយការណ៍បន្ថែមដោយ Lauren Crothers)
ប្រែសម្រួលដោយ ចេវ ប៊ុននី