29 C
Phnom Penh

អ្នក​ជំនាញ​ដោះ​មីន​ម្នាក់​ស្លាប់​ និង​ពីរ​នាក់​ទៀត​រង​របួស​ ដោយ​សារ​ការ​​​ផ្ទុះ​​​យុទ្ធ​ភណ្ឌ​មិន​ទាន់​ផ្ទុះ​មួយ​គ្រាប់​

ដោយ ឌឹ ខេមបូឌា ដេលី

បទវិភាគ

នគរបាល​ ​​និងអង្គការ​​​ ហាឡូ ត្រាស់ (​​​​​​Halo Trust)​ បាន​​​ឲ្យ​ ដឹង​កាល​​​ពីម្សិ លមិញ​​​ថា​ អ្នក​ជំនាញ​​​​ដោះ​មីន​​​ម្នាក់​​​បាន​​​ស្លាប់​​​ ហើយ​​​ពីរ​នាក់​​ទៀត​​​​រង​​​​​​របួស​​ធ្ងន់​នៅ​ក្នុង​​​ហេតុការណ៍​​​ផ្ទុះ​​​យុទ្ធ​ភណ្ឌ​​​​​​មិន​​​ទាន់​​​ផ្ទុះ​​​មួយ​គ្រាប់​​នៅ​​​ឃ្លាំង​​​ស្តុក​ទុក​គ្រាប់​​​មីន​​​មួយ​កន្លែង​ក្នុង​​​​​​​​ខេត្ត​កោះកុង​​​ ដែល​​​អង្គការ​​​ដោះមីន​​​នេះ​​​​​ យក​ធ្វើ​ជា​កន្លែង​​​សម្រាប់​​​​​​ដាក់​​​គ្រាប់​​​មីន​​ ​និង​​​យុទ្ធភ័ណ្ឌ​​​មិន​​​ទាន់​​​ផ្ទុះ​​​។

លោក រៀល ចាន់ដារ៉ា​​​​​​ អធិការ​នគរបាល​​​ស្រុក​​​មណ្ឌល​​​សីមា​​​ បាន​​​មាន​​​ប្រសាសន៍ថា “ បុរស​​​ម្នាក់​​​បាន​​​ស្លាប់​​​នៅនឹង​​​កន្លែង​​​។ ជើង ​​​និង​​​ក​របស់​​​គាត់​​​បាន​​​រងរបួស​​យ៉ាង​ធ្ងន់​ធ្ងរ ​​​​​​ហើយ​​​មនុស្ស​​​ពីរ​​​នាក់​​​ទៀត​​​បាន​​​រងធ្ងន់ ហើយ​​​ត្រូវ​​​បាន​​​បញ្ជូន​​​ទៅ​​​មន្ទីរ​​​ពេទ្យ​​​បង្អែក​​​ខេត្តកោះកុង​​​ ដើម្បី​​​ជួយ​​​សង្គ្រោះ​​​បន្ទាន់”​​​។

លោក រៀល ចាន់ដារ៉ា​​​ បាន​​​មាន​​​ប្រសាសន៍​ថា ហេតុការណ៍​​​ផ្ទុះ​នេះ​​​បានកើត​​​ឡើង​​​កាល​​​ពី​រសៀល​​​ថ្ងៃពុធ។ លោកមាន​​​ប្រសាសន៍​​​បន្ថែមថា បុរសទាំង​​​បីនាក់​ ដែល​​ជាអ្នក​​​ជំនាញ​​​ផ្នែក​​​យុទ្ធភណ្ឌ​​​មិន​​​ទាន់ផ្ទុះ​​​ កំពុង​​តែ​ព្យា  យាម​​​រើ​​​យុទ្ធភណ្ឌ​​​មិនទាន់​​​ផ្ទុះ​​​មួយ​គ្រាប់ ​​ដែល​​​នៅ​​​សល់​​​ពីសម័យ​​​​​​សង្គ្រាម​​ នៅ​ពេល​នោះ​វា​​​បាន​​​ផ្ទុះ​​​ឡើង​តែ​ម្តង​​។

លោក រៀល ចាន់ដារ៉ា​​​ បាន​​​មាន​​​ប្រសាសន៍​ថា “ ​អ្នក​ទាំង​នោះ​មាន​កំហុស​​បច្ចេកទេស​​ នៅ​​ពេល​រើ​​​យុទ្ធភណ្ឌ​មិន​​​ទាន់ផ្ទុះ​ ​​នៅ​ឯ​ឃ្លាំង​​​ដាក់​​​គ្រាប់​​​របស់​​​ពួកគាត់​​​”។ លោក បាន​បន្ថែម​​​ទៀត​ថា លោក​មិន​ដឹងច្បា  ស់ថា​​ តើ​ហេតុអ្វី​​បាន​ជា​ការផ្ទុះ​​​នេះ​​​កើតមាន​​​ឡើងនោះ​​​ទេ​​​។

អង្គការ​​ ហាឡូ ត្រាស់​ បាន​​​ប្រកាសឲ្យ​​​ ដឹង​​​នៅក្នុង​​​សេចក្តី​​​ថ្លែងការណ៍​​​មួយ​​​កាលពី​​​ម្សិ ល​មិញថា​​​ បុគ្គលិក​​​ដែលស្លាប់​​​នោះ​​ មាន​​​​​​ឈ្មោះ ​មុល ពិសិដ្ឋ ដែលបាន​​​ធ្វើការ​​​ជា​​​មួយ​​​នឹង​​​អង្គការ​នេះ​​​ចាប់​តាំង​​​ពីឆ្នាំ​២០០៤​​​មក​ម៉្លេះ​​។

អង្គការនេះ​បានឲ្យ​ដឹង​ថា “ លោក មុល ​ពិសិដ្ឋ គឺ​​​ជា​​​បុគ្គលិក​​​ឧស្សា  ហ៍​​​ព្យា  យាម​​​ និង​មាន​ប្រជា​ប្រិយ​ភាព​ម្នាក់​”។

លោកវេជ្ជបណ្ឌិត សួន ​​​សាមិត ​​​អនុ​​​ប្រធាន​​​មន្ទីរពេទ្យ​ បង្អែក​នេះ​បាន​​​មាន​​​ប្រសាសន៍​​​ថា ​អំបែងគ្រាប់ ​​​ក៏បាន​​​ធ្វើ​ឲ្យ ​បុគ្គលិក​របស់​អង្គការ​​ ហាឡូ​ ត្រាស់​ អាយុ​៤៣​ឆ្នាំ​ ឈ្មោះ​ គង់​​​ វិបុល​​​រង​​របួស​ចំ​ក្បា  ល​​​និង​ទ្រូង​​​ រីឯ​អ្នក​ធ្វើ​ការ​ងារ​ជា​មួយ​គាត់​ម្នាក់​ទៀត​ ឈ្មោះ យុទ្ធ ខួយ ​​​អាយុ​៣៨​ឆ្នាំ​រងរបួស​ចំ​​ជើង​​​ឆ្វេង ​​​និងក្បា  លផងដែរ​​​។

លោក គង់ វិបុល​​​ និង លោក​​​ យុទ្ធ ខួយ ​​​ត្រូវ​បាន​​​​បញ្ជូន​ទៅ​កាន់​​​មន្ទីរ​​​ពេទ្យ ​​​បង្អែក​​​ខេត្ត​ភ្លាមៗ​ ហើយ​ត្រូវ​បាន​វះ​កាត់​យក​អំបែង​​​គ្រាប់​ចេញ​​​​ពីមុខ​​​របួស​​​របស់​​​ពួកគាត់​​​នៅក្នុង​​​ការ​វះ​កាត់​ជួយ​​​សង្គ្រោះ​​​បន្ទាន់​​​​​។

លោកមាន​​​ប្រសាសន៍បន្ថែម​ថា “ ​យើង​​​បានបញ្ជូន​​​បុរស​​​ទាំងពីរនាក់​​​នេះ​​​ទៅ​​​កាន់​​​មន្ទីរ​ពេទ្យ​​​ កាល់ម៉ែត ​[នៅ​​​រាជធានី​​​ភ្នំពេញ​] ​​ដើម្បី ​​​​ព្យា  បាល​​​បន្ថែមទៀត​​​ ហើយអ្នក​​​ទាំងពីរ​​បាន​ទៅ​​​ដល់​​​ទីនោះ​​​នៅម៉ោង​​​ប្រហែល​​​១ទៀប​​​ភ្លឺ​​​កាល​​​ពី​​ម្សិ លមិញ​​​។

សមាជិក​​​របស់ក្រុមការ​ងារ​របស់​អង្គការ​ ហាឡូ​ ត្រាស់​ ដោះ​បាន​​​គ្រាប់​​​ប្រហែល​​​៤០០​​គ្រាប់​​​​ពីភូមិ​​​ចាំយាម​​​នៅ​​​ខេត្តកោះកុង ខណៈ​​​ដែល​អង្គការ​​​មាន​​​មូលដ្ឋាន​​​នៅ​​​ចក្រភព​​​អង់គ្លេស​មួយ​នេះ​​ដែល​​​បាន​​​ធ្វើការងារ​​​នៅ​​​​​ប្រទេស​​​កម្ពុជា​​​ចាប់​​​ពីឆ្នាំ​​​១៩៩១ បាន​បោស​​​​ សម្អាត​គ្រាប់មីន​ និង​​​យុទ្ធភណ្ឌ​មិនទាន់​​​ផ្ទុះ​​​សរុប​​​ទាំង​​​អស់​​​បាន​ចំនួន​​​៤២៥.០០០គ្រាប់​​​នៅ​​​ទូទាំង​​​ប្រទេស​ប្រទេស​កម្ពុជា​​។​

ហេតុ​ការណ៍​​ផ្ទុះ​នេះ​​​ជា​ការ​ក្រើន​រំឭក​ដល់​ក្រុម​អ្នក​ដោះ​មីន​ឲ្យ​នឹក​ឃើញ​ដល់​គ្រោះ​​ថ្នាក់​ ដែល​​​អ្នកដោះមីន​​​ និងអ្នកជំនាញផ្នែក​​​យុទ្ធ​​​ភណ្ឌ​​​​​​មិនទាន់​​​ផ្ទុះ ​ប្រឈមមុខ​​​នឹងការងារ​​​ប្រចាំថ្ងៃ​​​។

កាលពីខែ​​​មករា​​​ អ្នកជំនាញ​​​ផ្នែកយុទ្ធ​​​ភណ្ឌ​​​មិន​​​ទាន់​​​ផ្ទុះ​​អាមេរិក៤នាក់​​​ដែល​​​ធ្វើ​​​ការ​​​ជា​មួយ​​​​នឹង​​​មជ្ឈ មណ្ឌល​​​សកម្ម​​​ភាព​​​​​​កម្ចាត់គ្រាប់​​​មីន​​​កម្ពុជា​​​ និង​​​អង្គការ​ Golden West Humanitarian ​បាន​​​រង​​​របួស​​​ពេល​​​យុទ្ធភណ្ឌមិន​​​ទាន់​​​ផ្ទុះ​​​មួយ​​​បាន​​​ផ្ទុះ​​​ឡើង​​​ដោយ​​​ចៃដន្យ​​​​​​អំឡុង​​​ពេល​​​ធ្វើ​​​ការ​​​ហ្វឹក​ហ្វឺន​​​​មួយ​​​នៅ​​​ក្នុង​​​ខេត្តបាត់​​​ដំបង​​​៕​​​

    ប្រែសម្រួលដោយ ស៊ុំ សុខភុំ

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស