28 C
Phnom Penh

ប្រទេស​កម្ពុជា​បើក​​​សម័យ​ប្រជុំពេញ​អង្គ​នៃ​គណៈកម្មាធិ​​​ការ​​​បេតិកភណ្ឌពិភពលោក​​​ជាផ្លូវការ

ដោយ ឌឹ ខេមបូឌា ដេលី

បទវិភាគ

សម័យ​​​ប្រជុំ​​​លើក​​​ទី៣៧របស់​​​គណៈ​​​កម្មា ធិការ​បេតិកភណ្ឌ​​​ពិភពលោក បាន​​​បើក​​​ជា​​​ផ្លូវការ​​​កាលពី​​​រាត្រីថ្ងៃ​​​អាទិត្យ​​​ក្នុង​​​រាជធានី ភ្នំពេញ​​ ជាមួយ​​​នឹង​​​សារថា ការភ្ជាប់​​​ទីតាំង​​​បេតិក​ភណ្ឌទៅនឹង​​​និរន្តរភាព​​​នាពេល​​​នេះបាន​​​ក្លាយ​​​​ជា​​​កត្តាដ៏សំខាន់។
នៅពេល​​​ចំនួន​​​ទីតាំងដែល​​​ត្រូវបាន​​​ចុះ​​​ក្នុង​​​បញ្ជីបេតិកភណ្ឌពិភពលោក​​​កើន​​​ឡើង ​តម្រូវការ​​​មូលនិធិផ្តល់​​​ដោយប្រ​​​ទេស​​​ចំនួន​​​១៩០​​​ដែល​​​បាន​​​ចុះ​​​ហត្ថលេខា​​​លើ​​​អនុ​សញ្ញា​បេតិកភណ្ឌពិភព​​​លោក ក៏ចេះ​​​តែ​​​កើន​​​ឡើង​ទៅតាម​​​នោះ​​​ដែរ។

ក្នុង​​​សុន្ទរកថា​​​បើក​​​កិច្ច​​​ប្រជុំ​​​ក្នុង​​​នាម​​​​ជា​​​ប្រធាន​​​គណៈកម្មាធិការ​​​បេតិកភណ្ឌ​​​ពិភព​លោក​​​ ថ្លែង​​​ទៅ​​​កាន់​​​ភ្ញៀវ​​​ជាតិ​​​និង​​​អន្តរជាតិ​​​ប្រមាណ​​​១.០០០​​​នាក់​​​នៅ​​​វិមាន​​​សន្តិភាព​​ លោកឧបនាយករដ្ឋ​​​មន្ត្រី សុខ អាន បាន​​​មាន​​​ប្រ​​​សាសន៍​​​ថា “ ស្ថាន​​​ភាព​​​មូល​​​និធិ​​​បាន​​​ក្លាយ​​​ជាកត្តាគួរ​​​ឲ្យ​​​ព្រួយបារម្ភ”។

នៅរយៈពេល​​​១០​​​ថ្ងៃ​​​ក្រោយ គណៈ​​​ប្រតិភូ​​​២១​​​ប្រទេស​​​នៃ​​​គណៈ​​​កម្មាធិការ​​​បេតិ​​កភណ្ឌពិភពលោក នឹង​​​ពិនិត្យ​​មើល​​​​ស្ថាន​​​ភាព​​​​​​នៃ​​​ទីតាំង​​​បេតិកភណ្ឌ​​​នានា​​​ទូទាំង​​​​​​ពិភព​លោក​ហើយ​​​នឹង​​​ធ្វើ​​​សេចក្តី​​​សម្រេច​​​ថា តើ​​​ត្រូវ​​​​​ចុះ​​​បញ្ជី​​​បន្ថែម​​​ ឬ​​​ក៏​​​ត្រូវ​​​ដក​​​វា​​​ចេញ​​​ពី​​​បញ្ជី​​​សម្បត្តិ​​​បេតិកភណ្ឌ​​​ពិភព​​​លោកវិញ។

អាណត្តិ​​​របស់​​​ពួកគេ​​​នឹង​​​អនុវត្តតាម​​​អនុសញ្ញា​​​បេតិកភណ្ឌពិភពលោកចុះ​​​ហត្ថ​​​លេខាដោយ​​​ប្រទេស​​​ចំនួន​​​១៩០​​​ដើម្បី​​​ការពារ​​​ទីតាំង​​​វប្បធម៌ និង​​​ធម្មជាតិ​​​ទូទាំង​​សាកលលោក។

បណ្តា​​​វាគ្មិន​​​​​​លើក​​​ឡើង​​​ថា ស្ថាន​ការ​ណ៍​លំបាក​ផ្នែក​​​​​​សេដ្ឋ​​​កិច្ចក្នុង​​​រយៈពេល​​​ពីរ​​​បី​​​ឆ្នាំ​​​ចុង​​​ក្រោយ​​​​នេះ បានប៉ះ​​​ពាល់ដល់​​​កិច្ចការ​​​ពារ​​​ទាំង​​​​​​​​​​ទីតាំង​​​វប្បធម៌និង​​​ធម្មជាតិ​​​បេតិកភណ្ឌ​​​ពិភព​លោក។  លោក​​​ស្រី​​​អាលីសាន​ដ្រា ​គូមីនស៍ ​(Alissandra Cummins) ប្រធាន​មហា​សន្និបាត​របស់​​​​​​អង្គ​​​ការ​​​យូណេស្កូ ទទួល​​​បន្ទុក​​ឧបត្ថម្ភ​​​គាំទ្រ​​​គណៈ​​​កម្មាធិការ​​​បេតិកភណ្ឌ​​​ពិភព​លោក​​​​​មាន​​​ប្រ​​​សាសន៍ថា ផ្លូវ​​​មួយ​​​ដែល​​​អាច​​​ដោះ​ស្រាយ​​​​​​ការ​​​លំបាក​​​នេះ​​​​​​បាន គឺត្រូវ​​​គិត​​​ពី​​​សារៈ​សំខាន់​​​នៃ​​​វប្បធម៌​​ជាជាងផល​​​ប្រ​​​យោជន៍​​​ផ្នែក​​​សេដ្ឋកិច្ច។

លោក​​​ស្រី​​​​​​មានប្រសាសន៍​​​បន្ត​​​ថា ​ដោយ​សារតែ​​​ទីតាំង​​​ទាំងនោះ​​​ត្រូវបាន​​​ប្រកាស​​​​ថា​មាន​​​តម្លៃ​នឹង​​​ទុក​​​សម្រាប់​​​មនុស្ស​​​ជំនាន់​​​ក្រោយ​“ យើង​មិន​​​អាច​​​បរាជ័យ​​​បានទេ”។  លោក​​​នាយករដ្ឋ​​​​​​មន្ត្រី ហ៊ុន សែន ​បាន​មាន​​​​ប្រសាសន៍​​​សង្កត់​​​ធ្ងន់​ក្នុង​​​សុន្ទរកថា​​​បិទ​​​កិច្ច​​​ប្រជុំ​​​នេះ​​​ថា ឧទ្យានបុរាណអង្គរ​​​ ដែលជា​​​ទីតាំង​​​​បេតិកភណ្ឌ​​​មួយ​​​របស់​​​កម្ពុជា ​​​មាន​​​គោល​នយោ​​​បាយ​​​មួយ​​ នោះ​គឺការ​គ្រប់គ្រង​​​​​ប្រ​​​កប​ដោយ​​​​​​និរន្តរ​ភាព​​​។ ចាត់ទុកអង្គរ​​​ជា​​​សម្បត្តិ​សេដ្ឋ​កិច្ច ​លោក​​​ ហ៊ុន​​​ សែន មាន​​​ប្រសាសន៍​​​​ថា ដោយ​​​មាន​​ការ​​​​​​​គាំទ្រពី​​​គណៈ​​​កម្មាធិការ​​​អន្តរ​ជាតិ​អង្គរ​​​ ដែល​​​មាន​​​ក្រុម​​ការងារ​​​អន្តរ​ជាតិជួយ​​​កម្ពុជា​ជួស​ជុល​​​​​​​ប្រាសាទ​​​ឡើង​​​វិញ​​​និង​​​គ្រប់គ្រង​​​ទីតាំង​​​ប្រាសាទ​​​​​​នោះ យុទ្ធ​​​សាស្ត្រ​​​​មួូយ​​​សម្រាប់​​​វិស័យ​​​​​ទេសចរណ៍​​​ ត្រូវបាន​​​អភិវឌ្ឍ។

អំឡុង​​​ពិធី​​នេះ​​​ លោកស្រី ​អេមីលី ​រ៉ាហ្វឺធី ​(Emily Raferty) ប្រធានសារមន្ត្រី​​​សិល្បៈ​មេត្រូ​​​​​ប៉ូលីថែន (Metropolitan Museum of Art) ក្នុង​​​បុរី​​​ញូវយ៉ក ​​​សហ​​​រដ្ឋអាមេរិក បាន​​​ប្រគល់​​​បដិមា​កសាង​​​ក្នុង​​​សតវត្សរ៍ទី​​​១០​​​ចំនួន​​​ពីរ​​​ជា​​​ផ្លូវការ​​​ដល់​​​កម្ពុជាវិញ ដែល​​​លោក​​​ស្រី​​​​​​មាន​​​ប្រសាសន៍​ថា ត្រូវបាន​​​គេបរិច្ចាគ​​​ដល់​​​សារមន្ទីរ​​​នេះ​​​កាល​ពី​​​២០​​​ឆ្នាំមុន។សូម​​​បញ្ជាក់ថា បដិមាទាំងពីរ​​​នេះ​​​បាន​​​បាត់​​​ពី​​​ប្រាសាទ​​​កោះកេរ ក្នុង​​​ខេត្ត​​​ព្រះ​​​វិហារ​​​ក្នុង​​​ទស​​​វត្សរ៍​​​ឆ្នាំ១៩៧០៕

ប្រែសម្រួល​​​ដោយ តែម សុខុម​​​​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស