ធនាគារ​ Mizuho របស់ជប៉ុន ​គ្រោង​នឹង​បើ​ក​កា​រិ​យាល័យ​តំណាង​នៅ​កម្ពុជា

តំណាង​ធនាគារ​ មីហ្ស៊ូហូ (Mizuho) បាន​ឲ្យ​ដឹង​កាល​ពី​ថ្ងៃ​ច័ន្ទ​ថា ​ធនាគារ​ជប៉ុន​ដ៏ធំ​មួយ​នឹង​បើក​ការិយាល័យ​តំណាង​ នា​ខែ​កក្កដា​ខាង​មុខ​ ដោយសារ​តែ​វិនិយោគិន​ជប៉ុន​​ភាគ​ច្រើ​ន បាន​ចាប់​អារម្មណ៍​ខ្លាំងទៅ​លើ​ទីផ្សារ​កម្ពុជា​។

​អ្នកស្រី ជា ប៉ូ ឡេង ​តំណា​ង​ធនាគារ​ មីហ្ស៊ូហូ ហ្វាយ​ណា​ន់​សល គ្រុប ​(Mizuho Finan​cial Gro​uo​p) បា​ន​ឲ្យ​ដឹង​ថា ធនាគារ​​នេះ​នឹង​បើ​ក​ការិ​យា​ល័យ​​តូចមួយ​ ​នៅ​ភ្នំពេញ ថាវ័រ​ (P​hnom P​enh Tower​)​ នៅ​​​តាមបណ្តាយ​មហាវិថី​ព្រះ​មុនីវង្ស ​នា​ថ្ងៃទី​៨ខែ​​ក្រោយ​។​

អ្នកស្រី​ ប៉ូឡេង ​បាន​មានប្រសាសន៍​ថា “​យើង​នឹង​បើក​ការិយាល័យ​តំណាង​មួ​យ​ ​ដើម្បី​ប្រមូល​ព័ត៌មាន​ទាក់​ទង​នឹង​សេដ្ឋ​កិច្ច​ សង្គម​ និងនយោ​បា​យ​របស់​ប្រទេស​ក​ម្ពុ​ជា​ ក៏ដូចជា ​ស្វែង​យល់​ថា តើ​ខ្លួន​នឹង​អា​ច​ផ្តល់​ផល​ប្រយោជន៍​ ដល់​វិនិយោ​គិ​ន​ជប៉ុ​ន ​និង​​វិនិយោគិន​បរទេស​ដោយ​របៀប​ណា​​”​។​​ ​

​អ្នកស្រី ប៉ូឡេង បាន​ប​ន្តថា “ យើង​ប្រមូល​ព័ត៌មាន​ផ្សេង​ៗ… ជាពិសេស ​សម្រាប់​ម្ចាស់​សហ​​​​គ្រាស​ជប៉ុ​ន​ ដែល​ចង់​មក​បោះ​ទុន​វិនិ​យោគ​ នៅក្នុងតំ​ប​ន​់​​សេដ្ឋកិច្ច​ពិសេស​នៅ​​ទី​នេះ”។ ​អ្នកស្រី​ក៏​បាន​លើកឡើង​បន្ថែម​ទៀត​ថា ​ការ​បង្ហាញ​ខ្លួន​របស់​ធនាគារ​ មីហ្យ៊ូ​ហូ នៅ​លើ​ទីផ្សារ​កម្ពុជា ​ឆ្លុះ​បញ្ចាំង​ឲ្យ​ឃើញ​ថា ​ធនាគារ​នេះ​កំពុង​តែ​ខ្នះខ្នែងកាន់តែ​ខ្លាំង​ឡើង​ៗ ​ក្នុង​កា​រ​វាយលុក​ទីផ្សារ​តំបន់​មេគង្គ ​ហើយកាល​​ពីឆ្នាំ​មុន ​ធនាគា​រនេះ​បាន​បើក​ការិយាល័​យ​​តំណាង​មួយ​នៅ​ទីក្រុង​ រ៉ង់​ហ្គូន។

​ធនាគារ​ជប៉ុន​ធំៗ​ចំនួន​ពីរ​ផ្សេង​ទៀត​​គឺ​ធនាគារ​​ តូក្យូ​-​មីស៊ុប៊ីស៊ី ​(Bank​ of T​okyo-Mitsub​ishi​) ​និង​ធនាគារ​ ស៊ូមីតូម៉ូ ​មីត​ស៊ុយ​ (Sum​itomo ​Mitsui​ Ban​king​ Corpor​ation​) ក៏​មាន​ការិយាល័យ​តំណាង​នៅ​ប្រទេស​កម្ពុ​ជា​ផងដែរ​ ខណៈ​ដែល​ម៉ារ៉ូ​ហាន់ ​ធនាគារ​ជប៉ុន (Maruhan Japan Bank) បាន​និងកំពុង​ធ្វើ​ប្រតិ​បត្តិ​ការ​អាជីវ​ក​ម្ម​របស់ខ្លួន​ តាំង​ពីឆ្នាំ​២០០៨​មក​៕

ប្រែសម្រួល​ដោយ ក​ង សុធា​

© 2013, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.