30 C
Phnom Penh

មន្ត្រី​កង​រាជ​អាវុធ​ហត្ថ​​​​ជាង​​​១០០​​​នាក់​​​នៅ​​​ខេត្ត​​​បន្ទាយ​​​មាន​​​ជ័យ​​​ហ្វឹកហាត់​​​សម្រក​​ក្បាល​ពោះ​ធំ

ដោយ ឌឹ ខេមបូឌា ដេលី

បទវិភាគ

​កាល​ពី​ម្សិល​មិញ មន្ត្រី​កង​រាជ​អាវុធ​ហត្ថ​ជាង១០០​នាក់​មក​ពី​អង្គភាព​មួយ​នៅ​ក្នុង​ខេត្ត​បន្ទាយ​មាន​ជ័យ​បាន​ទទួល​​បញ្ជា​ឲ្យ​ដោះ​អាវ​របស់​ខ្លួន​ និងដើរ​នៅ​ចំពោះ​មុខ​ប្រព័ន្ធ​ផ្សព្វ​ផ្សាយ​ដែល​បាន​ជួប​ជុំ​គ្នា​ ដើម្បី​បង្ហាញ​ថា ការ​ដុះ​ក្បាល​ពោះ​ធំ​កំពុង​តែ​ធ្វើ​ឲ្យ​​​កង​កម្លាំង​ប្រដាប់​អាវុធ​កម្ពុជា​ប្រឈម​​នឹង​បញ្ហា​។

​នៅ​ក្នុង​ភាព​យន្ដ​ ទា​ហាន​​ត្រូវ​បាន​ចាត់​ទុក​ថា​ ជា​អ្នក​​ការ​ពារ​​ដ៏​​​សំខាន់​របស់​ជាតិ​។ ប៉ុន្ដែ​ការ​ដោះ​សម្លៀក​បំពាក់​របស់​កង​រាជ​អាវុធ​ហត្ថ​កាល​ពី​ម្សិល​មិញ បាន​បង្ហាញ​យ៉ា​ង​ច្បាស់​នូ​វ​មូល​ហេតុ​ដែល​មន្ត្រី​​ប្រដាប់​អាវុធ​មួយ​ចំនួន​ត្រូវ​បាន​បញ្ជា​ឲ្យ​​​បរិភោគ​អាហារ និង​ការធ្វើ​​​លំហាត់​ប្រាណ​​​ឲ្យ​បាន​ត្រឹម​ត្រូវ​ ​​​​​​​​​​​​ដើម្បី​ប្រឆាំង​នឹង​ការ​ដុះ​ក្បាល​ពោះ​ធំ ដែល​កំពុង​តែ​​ធ្វើ​ឲ្យ​ប៉ះ​ពាល់​​ដល់​​​សោភ័ណភាព​ និង​ ប្រសិទ្ធ​ភាព​របស់​យោធា​។

លោក រ័ត្ន ស៊្រាង មេបញ្ជាការ​កង​រាជ​អាវុធ​​​​ហត្ថ​ខេត្ត​បន្ទាយ​​មាន​ជ័យ​បាន​មាន​ប្រសា​​​សន៍​ថា “ មន្ត្រី​របស់​យើង​មិន​អាច​អនុញ្ញាតឲ្យ​មាន​ក្បាល​ពោះ​ធំ​ទេ ព្រោះ​វា​ប៉ះ​ពាល់​ដល់​សោភ័ណរបស់​កង​កម្លាំង​​ប្រដាប់​អាវុធ និង​ធ្វើ​ឲ្យ​ពួកគេ​ប្រឈម​នឹង​បញ្ហា​សុខ​ភាព​ ដូចជា ជំងឺ​ទឹក​នោមផ្អែម ​ដែល​មាន​ន័យ​ថា ពួកគេ​ក៏​នឹង​បាត់​បង់​សមត្ថ​ភាព​បំពេញ​ការ​ងារ​ក្នុង​ពេល​អនាគត​ផង​ដែរ”។​​​

មន្ត្រី​កង​រាជ​អាវុធ​ហត្ថ​នៅ​ក្នុង​ខេត្ត​បន្ទាយ​​​​មាន​ជ័យ និង​ខេត្ត​ដទៃ​ទៀត​នៅ​ទូ​ទាំង​ប្រទេស​​​​ ទុក​​ពេល​ឲ្យ​ចំនួន​ប្រាំ​មួយ​ខែ ដើម្បី​បោះ​បង់​ទម្លាប់​ចាស់​ចោល ហើយ​ស្រា​បៀរ​ក៏​ត្រូវ​បាន​ហាម​ឃាត់​ដែរ ដើម្បី​កែ​ប្រែ​រូប​រាង​ឡើង​វិញ។​​​​​​

លោក​មេបញ្ជា​​​ការ​​​ រ័ត្ន ស៊្រាង​ បាន​មាន​ប្រសាសន៍​ថា ប្រសិន​បើ​ពួក​គេ​​​មិន​សម្រក​ទម្ងន់​ទេ នឹង​ត្រូវ​បញ្ជូន​ទៅ​កន្លែង​ហ្វឹក​ហាត់​ ដើម្បី​ឲ្យ​​គ្រូ​បង្វឹក​​ជួយ​បង្វឹក​ពួកគេ​ឲ្យ​មាន​រូប​​​រាង​​សម​ស្រប​។

ដោយសារ​តែ​​មានបញ្ហា​កាន់​តែ​ច្រើន​​​របស់​កង​​កម្លាំង​ប្រដាប់​អាវុធ​ដុះ​ក្បាល​ពោះ​ធំ​​នោះ​​​ លោក ខេង ទីតូ អ្នក​នាំ​ពាក្យ​កង​រាជ​អាវុធ​ហត្ថ​​លើ​ផ្ទៃ​ប្រ​ទេស​ បាន​មាន​ប្រសាសន៍​ថា អាជ្ញាធរ​បាន​គិត​ឃើញ​ថា​ វា​ជា​ការ​ចាំ​បាច់​ដើម្បី​ចាត់​វិធាន​ការ​​ពិសេស​ និង​ជា​សាធារណៈ​នេះ​ក្នុង​បំណង​កែ​លម្អ​​រាង​កាយ​ និង​សុខភាព​ជា​ទូទៅ​​។

លោក ខេង ទីតូ បាន​មាន​ប្រសាសន៍​អំពី​បញ្ហា​លើស​ទម្ងន់​​​របស់​​យោធា​​ថា “ ជាទូទៅ​មនុស្ស​ធាត់​ប្រឈម​នឹង​ជំងឺ​ដូច​ជា​ទឹក​នោម​ផ្អែម​ជាដើម​ ហើយ​គេ​មិន​អាច​ធ្វើ​ដំណើរ​លឿន​បាន​ដូច​មនុស្ស​ធម្មតា​ទេ​ ដូច្នេះ​យើង​ចាត់​វិធា​​ន​ការ​នេះ​ជា​លើក​ដំបូង​ ដើម្បី​ឲ្យ​កង​កម្លាំង​ប្រដាប់​អាវុធ​របស់​យើង​អាច​​ធ្វើ​ជា​គំរូ​ល្អ​សម្រាប់​មនុស្ស​ទូទៅ”។

លោក ស៊ុន សម្បត្តិ មេបញ្ជាការ​រង​កង​រាជ​​អាវុធ​ហត្ថ​ខេត្ត​បន្ទាយ​មាន​ជ័យ​ បាន​មាន​ប្រសាសន៍​ថា ជា​ការ​​ខិត​ខំ​ប្រឹង​ប្រែង​ដើម្បី​ពន្លឿន​ការ​សម្រក​ទម្ងន់​​​របស់​ពួក​គេ​ អាវ​ភ្លៀង​ធ្ងន់​ចំនួន​១១៤​អាវ​ត្រូវ​បាន​បែង​ចែក​ទៅ​ឲ្យ​អង្គភាព​របស់​​លោក​​សម្រាប់​​ឲ្យ​​មន្ត្រី​​ម្នាក់​ៗ​ពាក់​ក្នុង​ពេល​ហ្វឹក​ហាត់​។

លោក ស៊ុន ស​ម្បត្តិ​ បាន​មាន​ប្រសាសន៍​ថា  ការ​ពាក់​អាវ​ភ្លៀង​ក្នុង​ពេល​ហ្វឹក​ហាត់​អាច​​​ជួយ​ឲ្យ​ពួក​គេ​ស្រក​​ទម្ងន់​ ព្រោះ​ពួក​គេ​​នឹង​ក្ដៅ​ខ្លាំង​”។
លោក​បាន​មាន​ប្រសាសន៍​បន្ថែមទៀត​​ថា មន្ត្រីលើស​ទម្ងន់​ ដែល​ចំណាយ​ពេល​អង្គុយ​លើ​កៅអី​ក្នុង​ផ្ទះ​​ច្រើន​ជាង​ចេញ​ប្រតិបត្តិការ​ខាង​ក្រៅ​ គឺ​ពិបាក​ទាំង​ដើរ​ខណៈ​ដែល​អ្នក​ខ្លះ​ទៀត​បាន​សន្លប់​​អំឡុង​​​​ពេល​ហ្វឹក​ហាត់​ទៀត​ផង​។

យោង​តាម​លោក ស៊ុន​ សម្បត្តិ បាន​ឲ្យ​ដឹង​ថា ការ​​ព្រមាន​ដំបូង​​ឲ្យ​​កង​​កម្លាំង​ប្រដាប់​អាវុធ​​ចាត់​វិធាន​ការ​ប្រឆាំង​នឹង​ការ​កើន​ទម្ងន់​នោះ​ គឺ​នៅ​ក្នុង​ឆ្នាំ ២០០៧​ នៅ​ពេល​ដែល​ទាហាន​ជា​ច្រើន​បាន​ដួល​ និង​សន្លប់​ខណៈ​ពេល​កំពុង​ឡើង​ទៅ​ជួយ​​ក្នុង​កិច្ច​សហ​ប្រតិ​បត្តិការ​សង្គ្រោះ​ជន​រង​គ្រោះ​​ធ្លាក់​យន្ត​ហោះ​​របស់​ក្រុមហ៊ុន​អាកាសចរណ៍​ភីអឹមធី នៅ​ក្នុង​ខេត្ត​កំពត​ ដែល​បាន​សម្លាប់​អ្នក​ធ្វើ​ដំណើរ​ទាំង​អស់​ចំនួន​២២​នាក់។

យោធា​មិន​មែន​ជា​​ផ្នែក​​តែមួយ​របស់​រដ្ឋាភិបាល​ដែល​​ត្រូវ​មាន​រាង​សម​នោះ​ទេ​ ​។​​មន្ត្រី​នគរបាល​ចរាចរ​ក្នុង​រាជ​ធានី​ភ្នំពេញ​ ក៏​ត្រូវ​មាន​​រូប​រាង​សម​​​រម្យ​នៅ​តាម​​ផ្លូវ​ក្នុង​រាជ​ធានី​ភ្នំពេញដែរ ជា​ការ​ងារ​មួយ​ដែល​តម្រូវ​ឲ្យ​មាន​ការ​ធ្វើ​​​លំហាត់​ប្រាណ​តិច​តួច​ក្រៅ​ពី​ការ​ងារ​ប្រមូល​ប្រាក់​ពិន័យ​។

លោក អ៊ុំ វណ្ណារិន អាយុ​៥០​ឆ្នាំ បាន​ទទួល​​​ស្គាល់​​ខណៈ​ពេល​កំពុង​​ល្បាត​​នៅ​​កាច់​ជ្រុង​មហាវិថី​ព្រះ​នរោត្ដម និង​ផ្លូវ​លេខ​២៤០ កាល​ពី​ម្សិលមិញ​ថា “ ក្បាល​ពោះ​របស់​ខ្ញុំ​ធំឡើង​ៗ​ ពេល​ដែល​ខ្ញុំ​ចាប់​ផ្ដើម​ផឹក​ស្រាបៀរ​​​​ជាមួយ​មិត្ត​ភក្តិ​ក្រោយ​ពី​ការ​ងារ​”៕

ប្រែសម្រួល​ដោយ ហម សុផាណ្ណា​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស