28 C
Phnom Penh

ក្រសួ​ង​មហាផ្ទៃ៖ អ្នក​កា​ប់​ឈើ​​គ្រញូ​ង​​​ប្រាំ​មួ​យ​នា​ក់​​ត្រូ​វ​ទាហាន​​​ថៃ​បាញ់​សម្លាប់ ​ក្នុ​ង​​​ពេល​មួ​យ​ខែ​​​​

ដោយ ឌឹ ខេមបូឌា ដេលី

បទវិភាគ

​​ក្រសួ​ង​មហា​ផ្ទៃ​​​បា​ន​លើក​ឡើង​​​​​ថា​ ​​​​ជន​ជាតិ​ខ្មែរចំ​នួ​ន​ប្រាំមួ​យ​នាក់​ ត្រូ​វ​​បា​ន​​កង​កម្លាំ​ង​​​ថៃ​បាញ់​សម្លា​ប់​ក្នុ​ង​​រយៈ​ពេល​​មួ​យ​ខែ នៅ​ក្នុ​ង​របាយ​កា​រណ៍​​កម្រមួ​យ គូ​ស​បញ្ជាក់​​ពី​ផ​ល​​​ប៉ះ​ពាល់​​នៃការ​​​ជួញ​​​ដូរ​​​ឈើ​គ្រ​​​ញូ​ង ​ដែល​​កំ​ពុង​បន្ត ​និ​ង​កា​រ​​​ប្រឹង​​ប្រែ​ង​​​របស់​​អាជ្ញា​​ធរ​​ក្នុង​កា​រ​​​​​​ទប់ស្កាត់​។

​​​​របាយ​កា​រណ៍មួយ​​​​ចុះផ្សាយ​​​តា​ម​គេ​ហ​​​ទំ​ព័រ​​របស់​​ក្រសួ​ងមហា​​​ផ្ទៃ ​​ចុះកាល​​​បរិច្ឆេទ​​​​ថ្ងៃ​​សុក្រនិ​ង​ចុះ​ហត្ថលេខា​​ដោ​យ​លោក​ឧត្ត​ម​សេនីយ៍​ទោ​​​ សេង វណ្ណា ប្រធា​ន​​​នា​យក​ដ្ឋាន​​ព័ត៌មា​ន​​នៃ​ក្រ​សួ​ងមហា​​​ផ្ទៃ​​ បាន​​​​ឲ្យ​​ដឹង​ថា ពល​​រដ្ឋ​ខ្មែរ​ចំ​នួន​​ប្រាំមួ​យ​នាក់​​​ ដែលឆ្លង​​​ដែន​​​ទៅ​​​​​​ស្វែងរក​​​ឈើគ្រញូង​​​ចន្លោះ​​​ពី​​​ថ្ងៃ​​​ទី​​១៩ ខែ​​ឧសភា ដល់​​​​​ថ្ងៃ​​ទី​​២០ ខែ​​មិ​ថុនា​​ ត្រូ​វ​បា​ន​​​ទាហា​ន​ថៃ​បាញ់​សម្លាប់ ​និង​ប្រាំ​ពីរនាក់​​ទៀត​​រង​របួស​​​។

របា​យ​​កា​រ​ណ៍​នេះ​​បា​ន​ឲ្យ​​ដឹង​ថា ទាហាន​​​ថៃ បានចាប់​ខ្លួ​ន​​​​ជន​ជាតិ​ខ្មែរ​​ចំ​នួន​​ប្រាំ​មួ​យនាក់​​​អំឡុ​ង​​​​ពេល​​នោះ។លើស​​​ពី​​​នេះ​​​ទៅ​​​ទៀតរបា​យ​​​កា​​រណ៍​​​នេះ​​​​បន្តថា​ ជ​ន​ជាតិ​ខ្មែ​រ​ចំ​នួន​​៣២​នាក់​​បា​ន​​​ពើប​​​ប្រទះនឹង​​​ទាហា​ន​​ថៃ​ ប៉ុន្តែ​ត្រូ​វ​បា​ន​​បញ្ជូ​ន​មក​ទឹក​​​ដីមកម្ពុជា​​វិ​ញ​ដោយ​សុវត្ថិភាព។

តម្លៃខ្ពស់​​​នៃ​​​ឈើ​គ្រញូ​ងដោយ​​​សារ​តែ​មានតម្រូ​វ​​កា​រ​​​ខ្លាំង​​​នៅ​ក្នុ​ង​ប្រទេស​​ចិន ដែល​​​ឈាន​​​ដល់​​​រាប់​​ពាន់​ដុល្លារ​​ក្នុ​ងមួ​យ​​ម៉ែត្រ​​​គូបបា​ន​ជំរុញ​​​ឲ្យ​ពល​រដ្ឋ​ខ្មែរ​​ឆ្លង​​​ដែន​​ស្វែ​ង​​រក​​ឈើ​ប្រភេទ​​​នេះ ដោ​យ​​​ប្រថុ​យ​នឹង​ការ​​ត្រូវ​ចាប់​ខ្លួន​​ដោ​យ​ទាហា​ន​​ថៃ​​​​នៅ​ក្នុង​តំ​បន់ព្រៃ​​តា​ម​​​ព្រំ​​ដែ​ន​។ ក្នុ​ង​ឆ្នាំ​​២០១២ ​​ជន​ជាតិ​ខ្មែរ
​ចំ​នួន​​៤៥នាក់ ​​ត្រូ​វ​បា​ន​​​​​ទា​ហា​ន​​ថៃ​​បាញ់​សម្លាប់​ក្នុ​ង​ហេតុ​ការណ៍​បែ​ប​នោះ​។

​រ​បាយ​​ការ​ណ៍​​នេះ​​ក៏​ឲ្យ​ដឹង​ដែរ​ថា ​អាជ្ញាធរ​​​​កម្ពុជា បានប្រឹង​ប្រែង​យ៉ាង​​​ខ្លាំង​​​ក្នុង​​​ការ​​​ទប់​ស្កាត់​​​​​រំហូរ​ឈើ​​​ខុស​​ច្បាប់​​​ ដែល​​​ជាទូទៅ​​នាំ​ចេញ​​​ទៅ​​​ប្រទេ​ស​វៀត​ណាម​​នេះ ចាប់​​​តាំង​​​ពី​​​ខែ​​​កុម្ភៈមក។​ របាយ​​​ការណ៍​​​នេះ​​​បន្តថា “រថ​​​យន្ត​​​ធុន​​​តូច​​​និង​​​រថ​​​យន្ត​​​ធុន​​​ធំ​​​ចំនួន​​​ប្រាំបួន​​​គ្រឿង​​​ និង​​​ឈើ​​​គ្រញូង​​​សរុប​​​៥៧៧ដុំ ​​​ទម្ងន់​​​៨.២៨៣​គីឡូក្រាម​​​​ត្រូវបាន​​​រឹប​​​អូស​​​ចាប់​​​តាំង​​​ពី​​​ខែ​​​កុម្ភៈ​​​មក”។

​​របាយ​​​ការណ៍​នេះ​​លើក​​​ឡើង​​​ទៀត​ថា​ ​​ថៃ​​​បា​ន​​​បញ្ជូន​​​ជន​ជាតិ​ខ្មែរ​​សរុប​​ចំ​នួន​​២៦៦​​នាក់​ដែល​​​ជា​​​ប់​​​ពាក់ព័ន្ធ​​​នឹង​​​​បទ​​ល្មើស​ផ្សេង​​គ្នា​មក​​​កម្ពុជាវិញ អំឡុង​​​ខែ​​​នោះ​​​គិត​​​រហូត​​​មក​​ទល់​ថ្ងៃ​សុក្រ​នេះ​។ ​រដ្ឋាភិ​បាល​នៃ​ប្រទេស​​ទាំ​ង​​​ពីរ បា​ន​ជួប​ពិភាក្សា​​​គ្នា​​​​ប៉ុ​ន្មាន​លើក​មកហើយ​​ដើ​ម្បី​ទ​ប់​ស្កាត់​​ការ​ស្លាប់​នៅ​​តា​ម​ព្រំ​ដែន​ ប៉ុន្តែ​​​​មក​​​ទល់ពេល​នេះ មា​ន​កា​រ​រី​ក​ចម្រើន​​តិច​តួច​ណាស់​​ក្នុ​ង​កា​រ​​​កាត់​បន្ថយ​​ចំនួន​​ឧបទ្ទវហេតុ​៕

 ​ប្រែសម្រួលដោ​យ ចេវ ប៊ុននី​​​​​​​​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស