31 C
Phnom Penh

គណៈកម្មាធិការ​បេតិកភណ្ឌ​ពិភព​លោក​បូក​សរុប​លទ្ធ​ផល​នៃ​កិច្ច​ប្រជំុ​ ខណៈ​ដែល​នៅ​មាន​បញ្ហា​ប្រឈម​ជា​ច្រើន​

ដោយ ឌឹ ខេមបូឌា ដេលី

បទវិភាគ

សម័យ​ប្រជំុ​លើក​ទី​៣៧​របស់​គណៈ​កម្មា​​​ធិ​​​កា​បេតិភណ្ឌ្ឌ​ពិភព​លោក​នៅក្នុង​​រាជ​ធានី​ភ្នំ​ពេញ​ កាល​ពី​ពីរសប្តាហ៍​មុន​ បាន​ធ្វើ​សេចក្តី​សម្រេច​ចំនួន​២៣៤​ចំណុច​​ដែល​មាន​ដូច​ជា​ ការ​ដាក់​បញ្ចូល​សិលាចារិក​នៅ​តាម​តំបន់​វប្ប​ធម៌​ និង​តំបន់​ធម្មជាតិ​ថ្មីៗ​ចំនួ​ន​​​​១៩​កន្លែង​​ទៅ​ក្នុង​បញ្ជី​បេតិភណ្ឌ​ពិភព​លោក​ ដែល​រហូត​មក​ដល់​ពេល​បច្ចុប្បន្ន​នេះ​មាន​តំបន់​សរុប​ចំនួន​៩៨១​កន្លែង​ហើ​យ​ដែល​ត្រូវ​បាន​​​គេ​ចុះ​ក្នុង​បញ្ជីនេះ​។

គណៈ​ប្រតិភូ​រាប់​រយ​នាក់​ ដែល​បាន​ចូល​រួម​ក្នុង​កិច្ច​ប្រជំុ​នេះ​ ដែល​ធ្វើ​ជា​អធិប​តី​​ដោយ​​​​លោក​ឧបនាយក​រដ្ឋ​មន្ត្រី​ សុខ អាន​ នៅ​ក្នុង​រាជ​​​​ធានី​ភ្នំ​ពេញ​ មាន​គម្រោង​ធ្វើ​ដំណើរ​ទៅ​កាន់​តំបន់​ឧទ្យាន​អង្គរ​នៅ​ខេត្ត​សៀម​រាប​នា​ព្រឹក​នេះ ​ហើយ​នៅ​ទី​នោះ​ពិធី​បិទ​កិច្ច​ប្រជំុ​នឹង​ត្រូវ​ធ្វើ​ឡើង​យប់​នេះ។  គណៈ​កម្មាធិការ​បេតិភណ្ឌពិភព​លោក​បាន​ឲ្យ​ដឹង​តាម​សេចក្តី​ថ្លែង​ការណ៍​មួយ​កាល​ពី​សប្តាហ៍​មុន​ថា​ នៅ​ក្នុង​កិច្ច​ប្រជំុ​បិទ​នេះ​តំបន់​បេតិភណ្ឌចំនួន​៦​កន្លែង​របស់​ប្រទេស​ស៊ីរី​ ត្រូវ​បា​ន​ដាក់​បញ្ចូល​ទៅ​ក្នុង​បញ្ជី​តំបន់​​ដែល​ត្រូវ​ការ​ពារ​ “ ដើម្បី​ឲ្យគេ​ចាប់់​អារម្មណ៍​​​​ទៅ​លើ​​​ហានិ​ភ័យ​នានា​ ដែល​តំបន់​ទាំង​នេះ​កំពុង​​តែ​ជួប​ប្រទះ​​ដោយ​សារ​តែ​ស្ថាន​ភាព​នៅ​ក្នុ​ង​ប្រទេស​នេះ”។

តាម​ពិត​ទៅ​ គណៈ​ប្រតិភូ​មួយ​ចំនួន​បាន​ជំរុញ​ប្រទេស​ជា​សមាជិក​ទាំង​ឡា​យកំុ​បណ្តោយ​ឲ្យ​រឿង​នយោ​បាយ​ជ្រែត​ជ្រែក​​ជា​មួយ​​ការ​អភិ​​​រក្ស​តំបន់​បេតិភណ្ឌ ខណៈ​ដែល​គណៈ​កម្មា​​ធិការ​នេះ​មិន​ទាន់​ចុះ​បញ្ជី​​តំបន់​ដែល​ត្រូវ​ការ​ពារ​គឺ​ “ ទីក្រុង​ចាស់​ ហ្សេ​រុយ​សាឡិម និង​ជញ្ជាំង​ក្រុង​នេះ”។

អំឡុង​កិច្ច​ប្រជំុនេះ​ ដោយ​សារ​តែ​មា​ន​ការ​ស្នើ​សំុ​ពី​សំណាក់​អាជ្ញាធរ​ប៉ាឡេស្ទីន ​ទើប​​​​ប្រទេស​ហ្ស៊កដានី​ដាក់​ជូន​នូវ​ដំណោះ​ស្រាយ​​​​មួយ​ ដែល​រិះ​គន់​ប្រទេស​អីុស្រា​អែល​​​​យ៉ាង​ខ្លាំង​លើ​ផែន​ការ​អភិវឌ្ឍន៍​រប​ស់​ប្រទេស​អីុស្រាអែល​នៅ​ភាគ​ខាង​កើត​ជញ្ជាំង​ក្រុង​ហ្សេរុយសាឡិម​។ លោក​ សុខ​ អាន​ បាន​ថ្លែងថា​​​ “ ក្តី​​​​​​​បារ​ម្ភ​​​​​​​របស់​គណៈ​កម្មា​ធិការ​នេះ​គឺ​ថា តើ​ត្រូវ​អភិរក្ស​…​ត្រូវ​ជួស​ជុល​ទី​ក្រុង​នេះ​បែប​ណា​។ ​យើង​បញ្ចៀស​កំុ​ឲ្យ​បញ្ហា​នយោ​បាយ​មក​ពាក់​ព័ន្ធ​”។

​កាល​ពី​ថ្ងៃ​អង្គារ​ លោក ​ហ្វ្រង់​ស៊ី​ស្កូ បង់​​​ដារីន​(Francesco Bandarin) ​តំណា​ង​អង្គការ​យូណេស្កូ (Unesco)​ បាន​ថ្លែង​ប្រាប់​គណៈ​ប្រតិ​​​ភូ​​​​​ថា ​អង្គការ​យូ​ណេស្កូ ​បាន​បាត់​បង់​ហិរញ្ញ​ប្ប​​​ទាន​របស់​ខ្លួ​ន​ជិត​៣០​ភាគ​រយ​ ហើយ​ថា ​ការ​កាត់​បន្ថយ​ថវិកា​នេះ​ នឹង​ប៉ះ​ពាល់​ដល់​កម្ម​វិធី​​ទាំង​អស់​របស់​ខ្លួន​នៅ​ក្នុង​រយៈ​ពេល​ដ៏​ខ្លី​ខាង​មុខ​នេះ​ដូចជា​ មជ្ឈ​មណ្ឌល​​​​បេតិភណ្ឌពិភព​លោក​ដែលត្រូវបាន​​​​បង្កើ​ត​ឡើង​ដោយ​អង្គ​​​​​​​​​ការ​​​​យូណេស្កូ​ ដើម្បី​ជួយ​ដល់​​​​ប្រទេស​នានា​ ក្នុង​​ការ​អភិរក្ស​តំបន់​បេតិភណ្ឌរបស់​ខ្លួន​។
លោក​បាន​ថ្លែងថា​ បុគ្គលិក​​​មួយ​​​ចំនួនរបស់​​​មជ្ឈ​មណ្ឌល​​​​នេះ​​ត្រូវ​បាន​កាត់​បន្ថយ​រួច​​​ស្រេច​ទៅ​ហើយ​ ហើយ​ថវិកា​​​របស់​មជ្ឈ​មណ្ឌល​​​​​​​ប្រហែល​ជា​អាច​ត្រូវ​កាត់​បន្ថយ​អស់​ចំនួន​២០​ភាគ​រយ។ ការ​កាត់​បន្ថយ​​​​ថវិកា​នេះ​ នឹង​ត្រូវ​លើក​យក​មក​ពិភាក្សា​នៅ​អំឡុង​សម័យ​ប្រជំុ​ពិសេស​​របស់​ក្រុម​ប្រឹក្សា​ប្រតិ​បត្តិ​របស់​អង្គការ​យូណេស្កូ​ នៅ​ថ្ងៃ​ទី​៤ ​ខែ​កក្កដា​។

គណៈ​ប្រតិភូ​​បាន​បញ្ចេញ​ប្រតិ​កម្ម​យ៉ា​ង​ខ្លាំង​ចំពោះ​ការ​ប្រកាស​ជូន​ដំណឹង​អំពី​កា​រ​កាត់​បន្ថយ​ថវិកា​នេះ​ ដោយ​បាន​លើក​ឡើង​ថា កម្ម​វិធី​បេតិភណ្ឌពិភព​លោក​មាន​សារៈ​សំខាន់​ខ្លាង​ណាស់​ ចំពោះ​ប្រទេស​ទាំ​ង​ឡាយ​ ហើយ​វា​មាន​ភាព​ចាំ​បាច់​ខ្លាំង​ណាស់​​​សម្រាប់​អង្គ​​​ការ​យូណេស្កូ ​ដោយ​មិន​អាច​កាត់​បន្ថយ​វា​បាន​ទេ​។ ​លោក ចូអ៊ែល​ រ៉ាហ្វែល​ឡា ​(Joel Rahpela)​ ជា​គណៈ​ប្រតិភូ​មក​ពី​ប្រទេស​អាហ្វ្រិក​​​​ខាង​ត្បូង​បាន​មាន​ប្រសាសន៍ថា​ “ កម្ម​វិធី​នេះ​ គឺ​ជា​​កម្ម​វិធី​មួយ​ក្នុង​ចំណោម​កម្ម​វិធី​ដ៏​សំខាន់បំផុត​​របស់​អង្គការ​យូណេ​ស្កូ”។ កិច្ច​ប្រជំុ​លើក​ក្រោយ​របស់​គណៈ​កម្មា​ធិ​​​កា​បេតិភណ្ឌពិភព​លោក​ ត្រូវ​បាន​​​​​គ្រោង​ធ្វើ​នៅ​ប្រទេស​កាតា​ នៅ​ខែ​មិថុនា​ ឆ្នាំ​២០១៤​៕

ប្រែ​សម្រួល​ដោយ ហួង​ កុកទៀន​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស