30 C
Phnom Penh

ព្រះសង្ឃខ្មែរក្រោម​តវ៉ា​​​​​​នឹង​​​​​​ការចាប់​​​​ខ្លួនពល​រដ្ឋ​​​​ខ្មែរក្រោមនៅ​​វៀតណាម​​​

ដោយ ឌឹ ខេមបូឌា ដេលី

បទវិភាគ

ព្រះសង្ឃខ្មែរ​​​ក្រោម​​​ជាង​​​៥០​​​អង្គ បាន​​​ធ្វើ​​​ការ​​​តវ៉ា​​​កាលពី​​​ម្សិល​​​មិញ​​​នៅ​​​សួនសេរី​​​ភាព​​​ក្នុង​​​រាជ​​​ធានី​​​ភ្នំពេញ ប្រឆាំង​​​នឹង​​​ការ​​​ចាប់​​​ខ្លួន​​​​​​​​​ខ្មែរ​កម្ពុជា​ក្រោម​​​មួយ​ចំនួន​ពី​សំណាក់​​​​​​​​​អាជ្ញា​ធរ ​​វៀតណាម ។

ដោយ​​​ផ្ដាច់​​​ចេញ​​​ពី​​​ប្រទេស​​​កម្ពុជា ពេល​​​អាណានិគម​​​បារាំង បាន​​​ប្រគល់​​​ដី​​​​​​នេះ​​​ទៅ​​​ឲ្យ​​​វៀតណាម កាល​​​ពី​​​ថ្ងៃ​​​ទី​​​៤ ខែ មិថុនា ឆ្នាំ​​​១៩៤៩ ក្រុម​​​ជន​​​ជាតិ​​​ភាគ​​​តិច​​​ខ្មែរ​​​ក្រោម​នេះ បាន​​​​​​​ត្អូញ​ត្អែរ​ជា​​​រឿយៗ​​​អំពី​​​ការ​​​​ប្រព្រឹត្ត​មិន​​​ត្រឹម​​​ត្រូវ​​​នៅ​​​ក្រោម​​​កណ្ដាប់​​​ដៃ​​​របស់​​​អាជ្ញាធរ​​​វៀតណាម។

លោក ថាច់ សេដ្ឋា ប្រធានសមាគមខ្មែរ​​​កម្ពុជា​​​ក្រោម បាន​​​មាន​​​​​​ប្រសាស​​​ន៍​​​អំឡុង​​​ពេល​​​​​​ធ្វើ​​​ការតវ៉ា​​​នេះ​​​ថា “ យើង​​​ធ្វើ​​​ការ​​​តវ៉ា​​​នៅ​​​ថ្ងៃ​​​នេះ ដើម្បី​​​ទាមទារ​​​ឲ្យ​​​អាជ្ញា​​​ធរ​​​វៀតណាម​​​គោរព​​​សិទិ្ធ​​​របស់​​​ខ្មែរ​​​កម្ពុជា​​​ក្រោម​​​ផង”។
ព្រះសង្ឃ​​​បាន​​​ចូល​​​រួម​​​ជាមួយ​​​នឹង​​​សមា​​​ជិក​​​ប្រហែល​​​១០​​​រូប​​​របស់​​សមាគម​​​ខ្មែរ​​​កម្ពុជា​​​ក្រោម​​​ដើម្បី​សិទិ្ធ​​​មនុស្ស និង​​​​​​​​​ការ​​​អភិវឌ្ឍន៍​(KKKHRDA) ដែល​​​បាន​​​កាន់​​​បដាស្នើ​​​សុំ​ឲ្យ​រដ្ឋាភិបាល​​​កម្ពុជា​​​​គាំទ្រ​ខ្មែរ​កម្ពុជា​ក្រោម​​​។

លោក ថាច់ សេដ្ឋា បាន​​​មាន​​​ប្រសាស​​​ន៏ថា ​អ្នក​​​តវ៉ា​​​ទាំង​​​នេះ មាន​​​​ប្រតិកម្ម​​​ចំពោះ​​​ការ​​​ចាប់​​​​​ខ្លួន​​​ព្រះ​​​សង្ឃប្រាំ​​​អង្គ​​រួម​​​ទាំង​​​ខ្មែរ​កម្ពុជា​ក្រោម​​​​​ប្រាំ​​​ពីរនាក់​​​ ដែលរស់​​​នៅ​​​​​​​ភាគ​ខាង​ត្បូង​ប្រទេស​​​​​វៀតណាម ដែល​​​បាន​​​តវ៉ា​​​ប្រឆាំង​​​នឹង​​​ការ​​​បណ្តេញ​​​ចេញ​​​ពី​​​ដី​​​របស់​​​ពួកគេ​​​។

ព្រះ​តេជគុណ​ ស៊ាន សុវណ្ណារ៉ា ព្រះ​​​ជន្ម​៣៣ព្រះ​​​វស្សា​​​មាន​​​សង្ឃដីកា​អំពី​​​​ព្រះ​សង្ឃ​ពីរអង្គ​​​ដែល​​​​កំពុង​ជាប់​​​ឃុំក្នុង​​​ពន្ធនាគារ​​​នៅ​​​ឡើយ​​​​​នោះ​ថា “ អាត្មាមាន​​​បំណង​​​អំពាវ​​​នាវ​​​ឲ្យ​​​អាជ្ញាធរ​​​វៀតណាម​​​ដោះ​​​លែង​​​ព្រះ​​​សង្ឃ​ទាំង​ពីរ​​​អង្គនេះ ព្រោះ​​​ព្រះ​​​សង្ឃ​​​ទាំង​​​នេះ​​​មិន​​​បាន​​​ប្រព្រឹត្ត​​​បទ​​​​​ល្មើស​​​​ណា​​​មួយ​​​នោះ​​​ទេ”។

នៅ​​​ក្នុង​​​ញត្តិ​​​មួយ​​​ ផ្ញើ​​​ជូន​​​រដ្ឋាភិបាល​​​កម្ពុជា​​​​​​នោះ សមាគម​​​ខ្មែរ​​​កម្ពុជា​​​ក្រោមបាន​​​លើក​​​ឡើង​​​ថា ខ្មែរ​កម្ពុជា​ក្រោម​​​ចំនួន​​​១២នាក់​ត្រូវ​​​បាន​​​ចាប់​​​ខ្លួន​​​ ប្រមាថ​​​ និង​​​វាយធ្វើ​​​បាប​​​ដោយ​​​អាជ្ញាធរ​​​វៀតណាម​​​ ​ចំពោះ​​​ការ​​​​ចោទ​ថា បាន​ផ្សព្វ​ផ្សាយ​​​​ព័ត៌មាន​​​​​អំពី​​​វិវាទដី​​​មួយ​​​ដល់​​​សមា​គម​​​ខ្មែរ​កម្ពុជា​ក្រោម​​​។ ញត្តិ​​​នេះ​​​បាន​​​ស្នើ​​​សុំ​​​​ឲ្យ​លោកនាយករដ្ឋ​​​មន្ត្រី​​​វៀតណាម ង្វៀន តាន់យុង (Nguyen Tan Dung)​ ​​​បញ្ជា​​​ឲ្យ​​​​គេ​ដោះ​​​លែង​​​ព្រះ​​​សង្ឃ ​ដែល​​​ជាប់​​​ឃុំ​​​ទាំង​​​នេះ​​​។

លោក កើត ឆែ ប្រធាន​​​រដ្ឋបាល​​​សាលា​​​រាជធានី​​​ភ្នំពេញ បាន​​​ទទួល​​​ញត្តិ​​​នេះ​​​បន្ទាប់​​​ពី​​​ព្រះ​​​សង្ឃ​​​ធ្វើការ​​​តវ៉ា​​​អស់​​​រយៈ​​​ពេល​​​ប្រហែល​​​​​​មួយ​​​ម៉ោង​​​។ លោកមាន​​​ប្រសាសន៍​​​ថា​“ ខ្ញុំ​​​​នឹង​​​បញ្ជូនញត្តិ​​​នេះទៅ​​​ក្រសួង​​​ការ​​​បរទេស​​​ខ្មែរ​​​ ពី​​​ព្រោះ​​​សាលា​​​រាជ​​​ធានី​​​មិន​​​មាន​​​សិទ្ធិ​​​បញ្ជូន​​​ញត្តិ​​​នេះ​​​ដោយ​​​ផ្ទាល់​​​ទៅ​​​ស្ថានទូត​​​វៀតណាម​​​ប្រចាំ​​​ប្រទេស​​​កម្ពុជា​​​នេះទេ ​​”៕

 ប្រែសម្រួលដោយ ស៊ុំ សុខភុំ

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស