28 C
Phnom Penh

បុគ្គលិក​ ណាហ្គាវើល ​ត្រឡប់​ចូល​ធ្វើការ​វិ​ញ​បន្ទាប់​ពី​តុលាការចេញសាលក្រម

ដោយ ឌឹ ខេមបូឌា ដេលី

បទវិភាគ

​បុគ្គលិក​រាប់​​​​រយ​នាក់​របស់​កាស៊ី​ណូ និង​​សណ្ឋាគារ​ ណា​ហ្គា​វើល​ នៅក្នុង​រាជ​ធា​នី​ភ្នំពេញ ​បាន​ត្រឡប់​ចូល​ធ្វើការ​វិញ​ កា​ល​ពី​ម្សិល​មិញ ​ដើម្បីឆ្លើយ​តប​ទៅ​នឹង​សា​ល​ក្រម​របស់សាលាដំបូងរាជធានីភ្នំពេញ ដែល​តម្រូវ​ឲ្យ​ពួក​គេ​បញ្ចប់​សកម្ម​ភា​ពកូដកម្ម​របស់​ខ្លួន ដែល​បាន​កើត​ឡើ​ង​អស់រយៈពេល​​​​ជិត​ពីរ​សប្តាហ៍​។

​បុគ្គ​លិក​ទាំង​នេះ​បាន​ប្រមូល​ផ្តុំគ្នា​តវ៉ា​នៅ​ច្រកចូល​កាស៊ីណូ​ និង​សណ្ឋាគារ​​​តែ​មួ​យ​គត់​ដែល​មាន​អា​ជ្ញា​ប័ណ្ណ​​ ក្នុងរាជធានីភ្នំ​​ពេញ​នេះ​ ​តាំង​ពី​ថ្ងៃ​ទី១៣​ខែ​មិថុនា​ ដោយ​ទាម​ទារ​ឲ្យ​ក្រុម​ហ៊ុន​ទទួ​ល​បាន​ប្រាក់​ចំណូ​ល​ខ្ពស់​នេះ​ ដំឡើង​ប្រាក់​ឈ្នួល​អប្បបរមា​រប​ស់​ខ្លួន ពី​៨០​ដុល្លារ​ក្នុង​មួ​យ​ខែ​ ដល់​១៥០​ដុ​ល្លារ​ក្នុងមួយ​ខែ​ ​ហើយ​ក៏​បាន​បង្ក​ឲ្យ​មាន ​ហេតុការណ៍​ប៉ះ​ទង្គិច​​​គ្នា​ជា​មួយ​បុគ្គ​លិក​ស​ន្តិសុខ​របស់​កាស៊ីណូ​​នេះ​​​​។

យោង​តាម​​អ្នកស្រី សេង ធីតា តំណា​ង​បុគ្គ​លិក​បាន​ឲ្យដឹងថា ​គណៈ​គ្រប់​គ្រង​បាន​ប្រាប់​តំណាង​សហជីព ​កាលពី​សប្តាហ៍​មុន​ថា ​បុគ្គ​លិក​៤០០នាក់​ត្រូវ​បានបញ្ឈប់​ពីការ​ងារ​ ឬ​​ក៏ព្យួរ​ការងារ​ ក៏ប៉ុន្តែ កាល​ពី​ម្សិល​មិញ​ ​បុគ្គ​លិក​​​ទាំង​អស់​បាន​ត្រឡប់​ចូ​ល​ធ្វើការ​វិញ​។ ​អ្នកស្រី ​ធីតា ​បាន​មាន​ប្រ​សាសន៍ថា “ យើង​ទាំងអស់​គ្នា ​ទាំង១.៨០០​នា​ក់ រួម​ទាំង​អ្នកដែល​ត្រូ​វ​បាន​ព្យួរ​ការ​ងារ​ ​បាន​ចូលធ្វើ​ការ​​វិញ​ហើយ​កាល​ពី​ព្រឹក​មិញ​”។​

សាល​ក្រម​មួយទទួល​បាន​ ពី​សាលា​ដំ​បូ​ង​រា​​ជធានីភ្នំ​ពេញ​បាន​បង្ហាញ​ថា ​សាលា​ដំ​បូង​រាជធានីភ្នំ​ពេញ​យល់​ឃើញ​ថា​ កូដ​ក​ម្ម​នេះ​មាន​​លក្ខណៈ​ខុស​ច្បាប់​តាំងពីដំបូង​ ហើយ​កាលពី​ដំបូង​ តុលាការ​នេះ​បាន​ចេ​ញ​​សាល​ក្រម​​មួយ​បង្គាប់ឲ្យ​បុគ្គ​លិក​ទាំង​នេះ​ចូ​ល​ធ្វើការ​វិញ នៅ​ថ្ងៃទី​១៣ ​ខែ​មិថុនា​។ សាល​ក្រម​ទី២​ចុះថ្ងៃទី​២៦​ ខែ​មិថុនា​ឆ្នាំ​ ​២០១៣បាន​លើក​ឡើងថា ​សាលាដំបូង​រាជ​ធា​នីភ្នំពេញ “ បង្គាប់ឲ្យ​បុគ្គ​លិក​ និង​សហជីព​​នៅក្រុម​ហ៊ុន​ ​ណា​ហ្គាវើល​ ដែល​បាននិង​កំពុង​​ធ្វើ​កូដ​កម្ម​ខុស​ច្បាប់​ បញ្ឈប់​សកម្មភា​ព​កូដកម្មនេះ​ជាបន្ទាន់​”។ សាលក្រម​នេះ​មាន​ខ្លឹម​សារ​បន្ត​ទៀតថា “ ក្នុង​ករណី​នេះ ប្រសិន​បើ​អ្នក​មិន​ឈប់​ទេ ​ព្រះរាជអាជ្ញា​នឹ​ង​​អនុវត្ត​[សាល​ក្រម​នេះ​]​​ តាម​ច្បាប់​”។​

លោក សុខ ណារិទ្ធ​ ​អនុ​ប្រធាន​សហ​ព័ន្ធ​បុគ្គ​លិក​វិស័យ​ទេសចរ​ណ៍ និង​សេវា​ក​ម្ម​កម្ពុជា ​​បាន​មានប្រសាសន៍ថា ​សាលក្រម​ទី២​ ដែល​លោក​បាន​ឲ្យដឹង​លើក​ឡើងថា​ ត្រូ​វ​​បាន​ចេញ​ក្រោម​ឥ​ទ្ធិ​ពល​ ពី​ក្រុម​ហ៊ុន​​​ ណា​ហ្គា​វើល ​បាន​ដាក់​ទម្ងន់​បន្ថែម​ទៅ​លើ​សារ​របស់​សាលា​ដំបូង​​រាជធានីភ្នំពេញ​ ផ្ញើ​ទៅ​កាន់​​បុគ្គ​លិក​ទាំង​នេះ។ ​លោក​បានថ្លែ​ង​ថា “ ប៉ុន្តែ​នៅ​ពេល​នេះ​ ទោះ​​បីជាយើង​មិន​ចង់ធ្វើ​តាម​ ក៏ត្រូវ​តែ​ធ្វើ​តាម​ដែរ​​”។ ​ អ្នកស្រី​ ឈុំ ហ្វូនី អាយុ​៣២​ឆ្នាំ ដែល​បាន​ធ្វើ​ការ​នៅ​ក្រុម​ហ៊ុន ណាហ្គា​វើល ​តាំ​ង​ពី​ឆ្នាំ​២០០៨​មកនោះ បាន​លើក​ឡើងថា ​ទោះ​បី​ជា​មិនមាន​សម្បទាន​សម្រាប់​បុគ្គ​លិ​ក​ក៏​ដោយ អ្នក​ស្រី​បាន​ត្រឡប់​ចូល​ធ្វើ​ការ​វិញ​ហើយ​។

​អ្នកស្រី ហ្វូនី ដែល​បានធ្វើ​ការ​នៅ​ក្រុម​ហ៊ុន​ ណា​ហ្គា​វើល​ ដោយ​ទទួ​ល​បាន​ប្រាក់​​ខែ​៩០ដុល្លារ​ក្នុង​មួយ​ខែ​​ បាន​មាន​ប្រសា​សន៍​ថា “ ​ខ្ញុំគិតថា ​ដល់​ពេល​ដែ​ល​គេ​ផ្តល់​ឱកាស​ថ្មី​ឲ្យគ្នា​ទៅវិញ​ទៅមក​ហើ​យ។ ​ខ្ញុំ​សង្ឃឹម​ថា ពេលនេះ ​ក្រុម​ហ៊ុន​នឹ​ង​ពិត​ជាគិត​អំពី​ពួក​យើង​ [បុគ្គ​លិក​]”។​ នេះ​មិនមែន​ជាកូដ​កម្ម​លើ​ក​ដំបូង​នៅ​​ក្រុម​ហ៊ុន ណាហ្គាវើល​ ទេ ពោលគឺកាល​ពី​ខែ​​កុម្ភៈ​ ចំណាត់​ការ​ទ្រង​់ទ្រាយ​ធំ​ចេញពី​បុ​គ្គ​លិក​មួយ​បានកើតឡើង​ផងដែរ​ ហើយ​អ​្ន​ក​ស្រី សុភី​ ​បាន​លើក​ឡើងបន្ថែម​ទៀតថា​​​ បុគ្គ​លិក​នៅតែ​ចង់​ឲ្យ​មានការ​ដំឡើងប្រាក់​ឈ្នួល​របស់ខ្លួន​។ អ្នកស្រី​បាន​មានប្រសា​ស​ន៍ថា “ ខ្ញុំ​នឹង​ផ្តល់ឱកាស​ឲ្យពួកគេ។ ហើ​យ​ប្រសិន​បើ​ [ពួក​គេ​មិនដំឡើង​ប្រាក់​ឈ្នួល​ទេ​] យើង​នឹង​គិត​ពីការធ្វើ​កូដកម្ម​ម្តង​ទៀត​នា​ពេល​ឆាប់​ៗ​ខាង​មុខ​នេះ​”៕

ប្រែ​សម្រួល​ដោយ ​កង សុធា​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស