29 C
Phnom Penh

មិន​ដូច​ពេល​បោះឆ្នោត​លើក​មុន​ៗ​ទេ វិនិយោគិន​ក្នុងវិស័យ​អចល​ន​ទ្រព្យ​នៅ​តែ​មាន​ទំនុក​ចិត្ត​ខ្ពស់​

ដោយ ឌឹ ខេមបូឌា ដេលី

បទវិភាគ

​កាលពី​១០​ឆ្នាំ​មុ​ន មុន​ពេល​ថ្ងៃបោះ​ឆ្នោត​​មក​ដល់​ប្រជាជន​ទូទាំងប្រទេស​​បាន​ទិញ​អង្ករ​​ទុក​សម្រាប់​​ករណី​ការ​បោះឆ្នោត​​​​ជំរុញ​ឲ្យ​ប្រទេស​ធ្លាក់​ចូល​ក្នុង​ស្ថានភាព​ច្រ​បូក​ច្រ​បល់។ ​នៅពេល​នោះ​អាជីវករទូ​ទាំ​ង​ប្រទេស​បាន​រង់ចាំឱកាស​ល្អ​សិន មុនពេ​លធ្វើ​ការ​​​សម្រេច​ចិត្ត​បោះទុនវិនិយោគ​សំ​ខាន់​ៗ​របស់​ខ្លួន​ ​ហើយ​​អ្នក​ដែលមាន​លទ្ធភាព​​ចង់ចាក​ចេ​ញពី​ប្រទេស​អំឡុង​ពេល​​បោះឆ្នោត​ ក្នុង​ក​រ​ណី​​ស្ថានភាព​ចាប់​ផ្តើម​បង្ក​ក្តីបារម្ភ​។

ក៏ប៉ុន្តែ ​បន្ទាប់​ពី​គណបក្ស​ប្រជាជន​ក​ម្ពុជា​បាន​កាន់​អំណាច​រយៈ​ពេល​២០ឆ្នាំ ​ក​ម្រិតនៃ​ក្តីបារម្ភ​ ដែល​ធ្លាប់​តែ​មានកម្រិត​ខ្ព​ស់អំឡុង​ពេល​បោះឆ្នោត​បាន​ធ្លាក់​ចុះ​វិញ​។ នៅ​ទូទាំង​​រាជធានី​ភ្នំពេញ​ សកម្មភាព​គ​ម្រោង​សា​ង​សង់​​អគារ​ធំៗ​កំពុងកើន​ឡើ​ង​ជា​លំដាប់​ ហើយ​កាល​ពី​ម្សិល​មិញ​វិនិយោ​គិ​ន​នានា ​បានលើក​ឡើងថា ​ពួក​គេ​មិនខ្វល់​​ពី​ស្ថានភាព​ប្រែ​ប្រួល​នយោបាយ​នា​ពេ​ល​ខាង​មុខ​នទេ​។ ​លោក ​ចូក ​មាលី​ ទីប្រឹក្សា​ក្រុម​ហ៊ុន​ ប៊ុណ្ណា​ រៀល​ធី ​ដែល​ស្ថិត​ក្នុង​ចំ​ណោម​ក្រុម​ហ៊ុន​អចល​នវត្ថុ​ធំៗ​​បំផុត​​នៅ​ក្នុង​ប្រទេស​កម្ពុជា​ ​បាន​មានប្រសា​សន៍​ថា “ ​ការ​បោះឆ្នោត​លើកនេះ​មិនដូច​កាល​​ពីមុ​ន​ទេ​ ពីព្រោះ​អ្វីៗ​កាលពីមុន​បាន​ស្ថិត​​ក្នុង​​​ស្ថានភាព​មិន​ប្រាកដ​។ ​បច្ចុប្បន្ន ​ប្រជាជន​ដឹ​ង​ហើយថា ​អ្នក​ណា​នឹង​ដឹកនាំរដ្ឋាភិបាល​ថ្មី​ ​ហើយ​​ពួក​គាត់​នៅ​តែ​បន្ត​ធ្វើការ​ងារ​រប​ស់ខ្លួន​។ ​សកម្មភាព​វិនិយោគ​ក្នុងវិស័យ​អ​ច​លន​វត្ថុ​ [និង​ដី] ​ចេះ​តែ​បន្ត​កើន​ឡើង​ពី​មួ​យ​ឆ្នាំទៅ​មួយ​ឆ្នាំ​”​។

លោក  មាលី ​ បាន​លើ កឡើង​បន្ថែម​​ទៀ​ត​ថា “ ប្រាំ​ឆ្នាំ​មុន ​យើង​មិ ន​ដឹង​ច្បាស់​ថា អ្វី​ដែល​នឹង​កើត​ឡើង​ទេ​។ មាន​រឿង​នយោ​បាយ​ជា​ច្រើន​កើតឡើង​ [ហើ​យ​] អំឡុង​ថ្ងៃ​​បោះឆ្នោត​​​​លើក​មុន​ៗ​ តែង​តែ​ឮ​សំឡេង​បាញ់​​ប្រហារ​គ្នា និង​រឿងរ៉ាវ​ផ្សេង​ៗ​ទៀត​ដែល​ប៉ះ​ពាល់​ដល់ប្រជាជន​”។​

កត្តា​មួយ​ដែល​ឆ្លុះបញ្ចាំងឲ្យ​ឃើញ​អំ​ពី​កម្រិតទំនុកចិត្ត​របស់វិនិយោគិន​ អាច​ជា​តម្លៃ​ដី។ យោងតាម​តួលេខ​ផ្តល់​ដោយ​ក្រុ​ម​ហ៊ុន ប៊ុណ្ណា រៀល​ធី តម្លៃ​ដីនៅ​ក្នុង​រាជធា​នីភ្នំពេញ​ បាន​កើនឡើង​២៥​ភាគរយ​ ក្នុង​រ​យ​​​ៈ​ពេល​ប្រាំ​មួយ​ខែ​ ​មុន​ថ្ងៃ​បោះឆ្នោត​ឆ្នាំ​នេះ​។ ក៏ប៉ុន្តែ​ ​​កំណើន​នៃ​តម្លៃ​ដីនេះ​មិន​មា​ន​កើតឡើង​ចំពោះ​គ្រប់​ករណី​ទេ​។ ​

​លោក ​ប្រេតុន ស្កៀរ៉ូនី ​(Bretton ​Scia​ro​ni​) សហ​នាយក​ក្រុម​ហ៊ុន​ផ្តល់​សេវា​កម្ម​ផ្នែ​ក​ច្បាប់​ ​ស្កៀ​រ៉ូនី ​អិន អាសូស៊ីអេត (Sci​ar​o​ni ​and ​Assoc​iates​) បាន​លើក​ឡើងថា តាម​ទ​ម្លាប់​ប្រតិ​ប​ត្តិការ​អាជីវកម្ម​ដីធ្លី​អា​ច​នឹង​បង្អង់​ល្បឿ​ន​ ​នៅ​មុនពេល​ថ្ងៃ​បោះ​ឆ្នោ​ត​ម​កដល់​។​ ​អំឡុង​ពេល​បោះឆ្នោត​កាលពី​ឆ្នាំ​២០០៨ មាន​សកម្ម​​ភាព​អាជីវកម្ម​បន្តិច​ប​ន្តួច​ ដោ​យ​សារ​តែ​វិបត្តិ​ហិរញ្ញ​វត្ថុ​សាកល​លោក​។ លោក​បានថ្លែង​​ថា “ នៅ​ពេល​រ​ដ្ឋា​ភិ​បាល​ ត្រូវ​បាន​បង្កើត​ឡើ​ង​ ធនាគារ​ ​ឡេ​ម៉េន​ ប្រាឌ័រ ​(Lehman Brot​​hers​)​ បាន​ក្ស័​យ​ធន​ ​ហើយ​នៅពេល​វិបត្តិ​ហិរញ្ញវត្ថុ​អ​ន្តរ​ជាតិ​ផ្ទុះឡើងមាន​ន័យថា ​ទី​ផ្សារ​អចលន​​វ​ត្ថុ​មិ​ន​បាន​ចាប់​ផ្តើម​មានសកម្ម​ភាព​វិញ​ទេ​​”។

​លោក ផល្លា ឧត្តម​ ប្រធានក្រុម​ការ​ងា​រ​នៅ​ក្រុម​ហ៊ុន​ ប៊ុណ្ណា​ រៀល​ធី ​បាន​លើ​ក​ឡើង​ថា​​ រយៈ​ពេល​ប្រាំឆ្នាំ​បាន​កន្លង​ផុត​ទៅ​យ៉ាង​លឿន ​ហើយតម្លៃដីធ្លី​បាន​កើន​ឡើង​ដ​ល់​កម្រិតដូច​​កាលពីមុនឆ្នាំ​២០០៨​វិញ​។​ លោ​ក​បានបន្ត​ថា​ ​ដី​នៅ​តំប​ន់​ក​ណ្តាល​ ដូច​ជា ​សង្កាត់​បឹង​កេង​កង​១​ ក្នុង​រាជ​ធានី​​ភ្នំ​ពេញ ​ប​ច្ចុប្បន្ន​​ត្រូវ​បាន​លក់​ ក្នុ​ង​ត​ម្លៃ​៣.៣០០​ដុ​ល្លា​រ​ក្នុងមួយ​ម៉ែត្រ​ក្រឡា​​ ពោ​ល​គឺ​​តម្លៃនេះ​បាន​កើន​ឡើង ​ពី​២.៨០០​ដុល្លា​រ​ក្នុង​មួយ​ម៉ែ​ត្រ​ក្រឡា​កាលពី​ប្រាំមួយខែ​មុ​ន​។ លោក ឧត្តម ​បាន​មានប្រសា​សន៍ថា “ យើង​មិន​មា​ន​បញ្ហា​​ទាក់​ទង​នឹង​ស្ថាន​ភាព​ន​យោបាយ​ ​និ​ង​សេដ្ឋកិច្ច​ទេ ​ហើយ​អ្នក​លក់​​នៅតែ​បន្ត​​ជួ​ញ​ដូរដីរបស់ខ្លួន​ ទោះជា​នេ​ះ​ជា​រដូវ​បោះ​ឆ្នោត​ក៏ដោយ​”។

សន្ទុះកំណើន​នៃ​ចំនួន​គម្រោង​ចេញ​អ​នុវត្ត​​​​លើ​ទីផ្សារ​អចល​នវត្ថុ​ កាលពីពេល​ថ្មី​ៗ ​ក៏បាន​ជួយ​ជំរុញ​ឲ្យតម្លៃ​ដី​ក្នុងតំបន់​ជាយ​​រាជ​ធានី​ភ្នំពេញ​កើនឡើង​ផងដែរ​ ដូចជា​នៅ​ខណ្ឌ​សែន​សុខ ​និង​ខណ្ឌ​ពោធិ៍សែន​ជ័​យ​ជាដើម​។ ក្នុង​ខណ្ឌ​ទាំងនេះ តម្លៃ​ដីបាន​កើន​ឡើង​២៥​ភាគរយ​ ដល់​១.០០០​ដុល្លា​រ​ក្នុងមួយម៉ែត្រ​ក្រឡា​ ក្នុងរយៈ​ពេល​ប្រាំ​មួ​យ​ខែ​ចុង​ក្រោយ​នេះ​។

​កាលពី​ខែ​ឧសភា​​ ក្រុម​ហ៊ុនកូរ៉េ​ខាង​ត្បូ​ង​ឈ្មោះ ប៊ូយុង​ គ្រុប (Bo​oyung ​Group) បា​ន​ចាប់​ផ្តើម​ដំណើរ​សាង​សង់​ទីក្រុង​រ​ណ​ប​មួយ​ក្នុងខណ្ឌសែន​សុខ​ ​​នៅតាម​ប​ណ្តាយ​​មហា​វិថី​សហ​ព័ន្ធរុស្ស៊ី ​ដោយ​ត្រូវ​ចំណាយ​ទុន​ចំនួន​១,១​ពាន់លានដុល្លារ​ ហើយ​បាន​ក្លាយ​ជា​គម្រោ​ង​អភិវឌ្ឍ​ន៍​ទ្រង់​ទ្រាយ​ទី២ ​ដែលត្រូវ​បាន​ដាក់​ឲ្យដំណើរ​ការក្នុង​រាជធានី​ភ្នំពេញ​ ក្នុង​ខែ​ឧសភា​ឆ្នាំ​២០១៣​។​

​លោក ម៉ាក វីលៀម ​(Mark​ Will​iams​) អ្នក​គ្រប់គ្រង​នៅ​ក្រុម​ហ៊ុន ស៊ីប៊ី រីឆាត អេ​លីស (CB Rich​ard ​Ellis​)​ ​នៅ​ប្រទេស​កម្ពុ​ជាបាន​មាន​ប្រសាសន៍ថា “ ខ្ញុំ​អាច​និយាយ​បានថា ​ចំនួន​​អតិថិជន​ពិត​ជា​មិន​បាន​ទទួល​រង​នូវ​ផល​ប៉ះ​ពាល់​ច្រើន​ទេ​ ទោះ​បីជា​អ​តិ​ថិជន​ក្នុងស្រុក​មួយចំនួន​បាន​ផ្អាក​​​ស​ក​ម្មភា​ព​វិនិយោគ​រហូត​ដល់​ពេល​បោះឆ្នោ​ត​កន​្ល​ង​ផុត​ក៏ដោយ​។ ប៉ុន្តែ ​​ពួក​គេ​នឹង​នៅ​តែ​​វិ​និ​យោគ​”។ ​លោក​បាន​លើកឡើង​​ទៀ​ត​ថា​  មូ​ល​ហេតុ​តែ​មួយគត់​ ដែល​​ធ្វើ​ឲ្យគ​ម្រោ​ង​មួ​យចំនួ​ន​កាត់បន្ថយ​សកម្ម​ភាពរប​ស់​ខ្លួ​នគឺ ដោ​យសារ​មន្ត្រីរដ្ឋា​ភិ​បាល​​ជា​ប់​រវ​ល់​ធ្វើ​យុ​ទ្ធនាគារ​ឃោសនា​កា​រ​​បោះ​ឆ្នោត​”។​​

​លោក ​សៀ ​ឆាយ​លីន ​នាយក​ក្រុម​ហ៊ុន​ក្នុងស្រុក​ វីសាល ​រៀល​ធី បានលើក​ឡើ​ង​ថា ​លោក​រំពឹង​ថា ​តម្លៃដី​នឹង​កើន​ឡើង​ក្រោ​យ​ថ្ងៃបោះឆ្នោត​ ទោះបីជា​លោ​​ក​លែ​ង​ព្យាករ​មួយ​រយៈ​ក៏ដោយ​។ ​លោក​​មា​ន​ប្រសា​សន៍ថា ​ “ ការទិញ​ និង​លក់​ដីធ្លី​នឹ​ង​មិន​ធ្លាក់ចុះទេ​។ ​ផ្ទុយ​ទៅវិញ ​វា​នឹង​បន្ត​កើ​ន​ឡើង​” ​ក្រោយ​ថ្ងៃបោះឆ្នោត​។

​លោក ឧត្តម​ ​ដែលធ្វើការ​នៅ​ក្រុម​ហ៊ុ​ន​ ប៊ុណ្ណោ​ រៀល​ធី បានលើក​ឡើង​​បន្ថែម​​ទៀត​ថា លោក​រំពឹង​ថា ​តម្លៃអចលន​វត្ថុ​នឹង​កើន​ឡើង​ដល់​កម្រិត​​ដូច​មុន​វិបត្តិ​ឆ្នាំ​២០០​៨​។ ​លោក​បាន​មាន​ប្រសាសន៍ថា “ ​បន្ទា​ប់​ពី​ការ​បោះឆ្នោត​កន្លង​ផុត​ ​តម្លៃ​ដី​នឹង​កើ​នឡើង​ ​ហើយ​​​នឹង​កើន​ឡើង​​ដល់​កម្រិត​មួ​យ​ខ្ពស់​ជាង​តម្លៃ​ជួញ​ដូរ​មុនឆ្នាំ​២០០៨​”៕​

ប្រែ​សម្រួលដោយ​ កង សុធា​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស