30 C
Phnom Penh

សាលាដំបូង​​ខេត្ត​ពោធិ៍សាត់ចោទ​ប្រកាន់​បុ​រសម្នាក់​​ពី​បទ​​បំផ្លាញ​​ស្លាក​សញ្ញា​​គ​ណ​បក្ស​​ សង្គ្រោះ​​​ជាតិ

ដោយ ឌឹ ខេមបូឌា ដេលី

បទវិភាគ

មន្ត្រី​តុ​លា​កា​រ​​បា​នឲ្យ​ដឹង​កា​ល​ពី​ម្សិល​​មិញ​​ថា ​​កាល​​ពី​ថ្ងៃ​​​ពុធ​ សាលា​​ដំ​បូង​ខេត្ត​​ពោ​ធិ៍​សាត់​​បា​ន​ចោទ​ប្រកាន់​​បុ​រស​​​អា​យុ​​៥៣ឆ្នាំ​ម្នាក់​​ពី​បទ​​យក​​​ពូ​ថៅ​​មក​កាប់​បំ​ផ្លាញ​​​ស្លាក​សញ្ញា​យុទ្ធ​នា​ការ​​​ឃោសនា​បោះឆ្នោ​ត​​​របស់​​គ​ណ​បក្ស​​ប្រ​ឆាំ​ង​​​​។

លោក ​តន់ ​សីហ​​តេជះ​ ព្រះ​​​រាជ​អាជ្ញា​​អម​សាលា​​ដំ​បូ​ង​ខេត្ត​​​​បា​ន​មាន​​ប្រ​សាសន៍​​ថា ​​បុរស​​ឈ្មោះ ​តុប សៅ ​ត្រូ​វ​​បា​ន​ចោទ​​ប្រកាន់​​ពី​បទ​​បំ​ផ្លាញ​​ទ្រ​ព្យសម្បត្តិ​សាធារ​​ណៈចំពោះ​​ហេតុ​កា​រណ៍​មួ​យ​ ដែល​បាន​កើត​ឡើង​​កា​ល​​ពី​យ​ប់​​ថ្ងៃ​​​​អា​ទិត្យ​ នៅ​​​​ឃុំ​​ថ្ម​​ដា ​ស្រុក​វា​ល​​វែ​ង​ ដោយ​​​​គាត់​​បា​ន​​កាប់​បំផ្លាញ​​ស្លាក​សញ្ញា​​​​​​ឃោសនា​របស់​​​គ​ណ​​បក្ស​​សង្គ្រោះ​​​ជាតិ​។

​​​លោក សី​ហ​តេជះ ​​​បានលើក​ឡើ​ង​ថា​  “ តុ​លា​ការ​​​​បា​ន​សម្រេច​​​ឃុំខ្លួ​ន​​​គាត់​​ជា​​បណ្តោះ​​​​អា​​សន្ន​។ ប្រ​សិ​ន​​បើ​​​តុលា​ការ​​រក​ឃើញ​ថា​ គាត់​ពិត​ជា​មាន​កំ​ហុស​​​មែន​នោះ​ គាត់​​អាច​​​​ប្រឈម​នឹ​ង​​កា​រ​ជាប់​ពន្ធនាគារ​រយៈ​​ពេល​​​ពី​ប្រាំ​មួ​យ​​ខែទៅ​​បី​ឆ្នាំ​។ ​លោក សី​ហ​​តេជះ ​​មា​ន​​ប្រ​សាស​ន៍​ថា​ ឧបទ្ទវ​ហេតុ​នេះ​ គឺ​​ជា​លើក​ដំ​បូ​ង​ហើយ​ ដែល​​លោក​​​បា​ន​ដឹង​​នៅ​ក្នុ​ង​​ខេត្ត​​ពោធិ៍សាត់​ ​ដែល​​ស្លាក​​សញ្ញា​គ​ណ​បក្ស​ត្រូ​វ​​បា​ន​បំផ្លាញ​ចោល​ នៅ​មុន​កា​រ​​បោៈ​​ឆ្នោ​ត​​ជ្រើស​​តាំ​ង​​តំណា​ង​​រាស្ត្រ​​ថ្ងៃ​ទី​២៨ ខែ​កក្កដា។

​លោក សាយ សាវុធ នា​យ​​រង​ការិ​យាល័​យ​​នគរបាល​យុត្តិ​ធម៌​ខេត្ត​​​បា​ន​​​មា​ន​ប្រ​សាសន៏ថា ​នគរបាល​បា​ន​ចាប់​ខ្លួន​បុរស​ឈ្មោះ​ តុប សៅ កា​ល​​ពីថ្ងៃ​​ពុធ​ បន្ទាប់​​ពី​​តំណា​ង​ប្រចាំ​មូល​ដ្ឋាន​​​​របស់​​​គ​ណ​បក្ស​សង្គ្រោះ​​​ជាតិ​​​បា​ន​ដាក់​​ពាក្យ​​បណ្តឹង​ទៅ​នគរ​បា​ល​​ឃុំ​។ លោក ​សាវុធ ​​​​​​បា​ន​ឲ្យដឹង​ថា ​​ជន​សង្ស័យ​​បា​ន​សារ​ភាព​​​ថា ខ្លួន​​ពិត​ជា​បាន​កាប់​​​បំ​ផ្លាញ​ស្លាក​​សញ្ញា​​ឃោសនា​របស់​គ​ណ​​បក្ស​​មែ​ន​ ប៉ុន្តែ​​​គាត់​បា​ន​​អះ​អា​ង​​​​ថា ​​វា​​មិន​មែ​ន​​ជា​​សកម្ម​ភាព​​នយោបា​យ​​ទេ​។

​លោក សាវុធ​ បា​ន​មាន​ប្រ​សាសន៍ទៀត​ថា ​“ គាត់​​បា​ន​និយា​យ​​ថា​ ​គាត់​ស្រវឹង​​ស្រា​ ដូច្នេះ​​​គាត់​​មិន​​ចាប់​​អា​​រម្មណ៍​​​​ថា​ ស្លាក​សញ្ញា​នោះ​ជា​​​​​របស់​​គ​ណ​​ប​ក្ស​​​សង្គ្រោះ​​​ជាតិទេ​”។ ​គ​ណ​បក្ស​​សង្គ្រោះ​ជាតិ​​បា​ន​​ប្តឹង​អំពី​​សកម្ម​ភាពបំ​ផ្លាញ​​ស្លាក​​សញ្ញា​​គ​ណ​​បក្ស​​រា​ប់​សិ​ប​​​នៅ​ទូ​​ទាំ​ង​ប្រទេ​ស។

​​​កា​ល​ពី​សប្តា​ហ៍​មុន ក្រ​សួ​ង​មហា​ផ្ទៃ​​បា​ន​​ចេញ​​សេចក្តី​​ប្រកាស​​មួ​យ​​ ​ដោ​យ​ចោទ​គណ​​បក្ស​ប្រ​ឆាំ​ង​​ថា​បាន​​​បំ​ផ្លាញ​​ស្លាក​​សញ្ញា​​​គ​ណ​បក្ស​​​​ខ្លួន​​ឯង​​នៅ​ក្នុ​ង​​ខេត្ត​ស្វាយ​រៀង​ និ​ង​​ខេត្ត​ព្រៃ​​វែ​ង​ ​ជា​​សកម្ម​​ភាព​បង្ក​ហេតុ​មួយ​​មុ​ន​​ពេល​​​​កា​របោះឆ្នោត​។ ​​កា​ល​ពី​ថ្ងៃ​​អង្គារ លោក​នាយករដ្ឋ​មន្ត្រី​ ហ៊ុន សែ​ន ​បា​ន​ប្រើ​សុន្ទរកថា​មួ​យ​​នៅ​ក្នុ​ង​ខេត្ត​​​កំ​ពង់ចាម អំពាវ​នា​វ​​ឲ្យរក​យុត្តិ​ធម៌ប្រឆាំង​នឹង​​​​អ្នក​​ដែល​​បំផ្លាញ​​ស្លាក​​សញ្ញា​​​គ​ណ​បក្ស​​​​៕

ប្រែសម្រួល​​ដោ​យ ​ចេវ ប៊ុននី​​​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស