28 C
Phnom Penh

តុលាការសហ​រដ្ឋ​​​​អាមេរិក​​​ផ្តល់​​​ឱកាស​​​ឲ្យ​​​ដៃគូ​​​ស្រឡាញ់​​​ភេទ​​​ដូចគ្នា​​​នៅ​​​ក្នុង​ប្រទេសកម្ពុជា​​​

ដោយ ឌឹ ខេមបូឌា ដេលី

បទវិភាគ

មេធាវី​​​នៅ​​​សហរដ្ឋ​​​អាមេរិក​​​មួយ​​​រូប​​​​បាន​​​​​​​ឲ្យ​​​ដឹង​​​​​​កាលពី​​​ម្សិលមិញ​​​ថា​​​ សេចក្តី​​​សម្រេច​​​របស់​​​តុលាការ​​​កំពូល​​​អាមេរិក​​​ក្នុងការ​​​អនុ​ញ្ញាត​​​​ឲ្យ​​​មាន​​​ការ​​​រៀប​​​​អាពាហ៍ពិពាហ៍រវាង​​​មនុស្ស​​​ស្រឡាញ់​​​ភេទ​​​ដូចគ្នា​​​ អាច​​​ជា​​​ការ​​​វិវឌ្ឍវិជ្ជ​មាន​​​​មួយ​​​សម្រាប់​​​​​ដៃគូ​​​ស្រឡាញ់​​​ភេទ​​​ដូចគ្នា​​​ ដែល​​​កំពុង​​​រស់នៅ​​​ក្នុង​​​ប្រទេស​​​កម្ពុជា។​​​

កាលពី​​​ថ្ងៃ​​​ពុធ​​​ ច្បាប់​​​ឆ្នាំ​​​១៩៩៦​​​ស្តីពី​​​ការ​​​ការពារ​​​អាពាហ៍ពិពាហ៍ ដែល​​​កំណត់​​​​​​និយម​ន័យ​​​​នៃ​​​ពាក្យ​​​​​​​​​អាពាហ៍ពិពាហ៍ថា​​​ ជា​​​ទំនាក់ទំនង​​​​​​ផ្លូវ​ភេទ​​​​​រវាង​​​បុរស​​​និង​​​ស្ត្រី​​​ ត្រូវ​​​​​ទុកជា​​​​និរាករណ៍​​​ដោយ​​​​​​តុលាការ​​​កំពូល​​​ ដែល​​​ក៏​​​​​​បាន​​​បដិសេធ​​​មិន​​​ចេញ​​​សេចក្តី​​​សម្រេច​​​ពាក់ព័ន្ធ​​​នឹង​​​សំណើ​​​លេខ​​​៨​​​ (Proposition 8) ឬ​​​​​​ប្រជាមតិ​​​​នៅ​​​​​​រដ្ឋ​​​កាលីហ្វ័រញា៉ ដែល​​​ស្នើ​​​ឲ្យ​​​មាន​​​ការ​​​ហាមឃាត់​​​ការ​​​រៀប​​​អាពាហ៍ពិពាហ៍រវាង​​​មនុស្ស​​​ស្រឡាញ់​​​ភេទ​​​ដូចគ្នា​​​​​​នៅ​​​ក្នុង​​​រដ្ឋ​​​នេះ​​​។ ជា​​​លទ្ធផល​​​មនុស្ស​​​​ស្រឡាញ់​​​ភេទ​​​ដូចគ្នា​​​អាច​​​រៀប​​​អាពាហ៍​ពិពាហ​​​៍ នៅ​​​ក្នុង​​​រដ្ឋ​​​នេះ​​​បាន​​​ម្តង​​​ទៀត​​​ហើយ​​​​។​​​

លោក វ៉េន​​​ វ៉េកមែន (Wayne Weightman) ​ អ្នក​​​ជំនាញ​​​ផ្នែក​​​អន្តោ​​​ប្រវេសន៍​​​នៅ​​​ក្រុមហ៊ុន​​​​​​ផ្ដល់​​​សេវា​​​ពិគ្រោះ​​​យោបល់​​​វ៉េកមែន (Weight​man Advisory Services) ដែល​​​មាន​​​អាជ្ញាប័ណ្ណ​​​អាមេរិក​​​ បាន​​​ឲ្យ​​​ដឹង​​​ថា​​​ ពលរដ្ឋ​​​អាមេរិក​​​ដែល​​​ជា​​​មនុស្ស​​​ស្រី​​​ស្រឡាញ់​​​​ភេទ​​​​ដូចគ្នា​​​ មនុស្ស​​​ប្រុស​​​ស្រឡាញ់​​​ភេទ​​​​​​ដូចគ្នា និង​​​មនុស្ស​​​ស្រឡាញ់​​​​​​​​​មនុស្ស​​​ទាំង​​​ពីរ​​​​ភេទ​​​ ដែល​​​កំពុង​​​មាន​​​ទំនាក់​​​ទំនង​​​​​​ផ្លូវ​​​ភេទ​​​ជាមួយ​​​ពល​​​រដ្ឋ​​​កម្ពុជា​​​ ឥឡូវ​​​នេះ​​​អាច​​​មាន​​​លទ្ធភាព​​​នាំ​​​ដៃ​​​គូ​​​​​​​​​​​​ទៅ​​​សហរដ្ឋ​​​អាមេរិក​​​ជា​​​មួយ​​​​​​ខ្លួន​​​បានហើយ​​​។

​​​​​​​​​​​​​​​​​​​​​​​​​​​​​​​​​​​​    លោក​​​ វ៉េកមែន បាន​​​មាន​​​ប្រសាសន៍​​​ថា “ ពល​​​រដ្ឋ​​​អាមេរិក​​​ ដែល​​​ចង់​​​នាំ​​​ដៃ​​​គូ​​​ស្រឡាញ់​​​ភេទ​​​ដូច​​​គ្នា​​​​​​​​​ទៅរស់នៅ​​​​​​​​​សហរដ្ឋ​​​អាមេរិក​​​មិន​​​អាច​​​ធ្វើ​​​ដូច្នេះ​​​បាន​​​ទេ​​​ ប៉ុន្តែ​​​​​​អាច​​​​​​​​​នាំ​​​ទៅ​​​លេង​​​បាន​​​​​​។ ពួកគេ​​​ជាប់​​​​​​ផុង​​​នៅ​​​ក្រៅ​​​សហរដ្ឋ​​​អាមេរិក​​​អស់​​​រយៈពេល​​​ពី​​​២០​​​ទៅ ៣០​​​ឆ្នាំ​​​មក​​​ហើយ”។

លោក វ៉េកមែន​​​ បាន​​​ឲ្យ​​​ដឹង​​​ថា ឥឡូវ ​​​ ដៃ​​​គូ​​​ប្រភេទ​​​នេះ​​​អាច​​​​​​ដាក់​​​ពាក្យ​​​ស្នើ​​​សុំ​​​ទិដ្ឋាការ​​​ទៅ​​​​​​លេង​​​រដ្ឋ​​​ណាមួយ​​​នៅ​​​សហរដ្ឋ​​​អាមេរិក​​​ដែល​​​​​​អនុញ្ញាត​​​​​​​​​ឲ្យ​​​មាន​​​ការ​​​រៀប​​​អាពាហ៍​​​ពិពាហ៍​​​រវាង​​​មនុស្ស​​​ស្រឡាញ់ភេទ​​​ដូច​​​គ្នា​​​ហើយ​​​។ បន្ទាប់​​​ពី​​​ចូល​​​ដល់​​​​​​ក្នុង​​​ទឹក​​​ដី​​​សហរដ្ឋ​​​អាមេរិក​​​ហើយ​​​ ពួក​​​គេ​​​មាន​​​ពេល​​​៩០​​​ថ្ងៃ​​​ដើម្បី​​​​​​បញ្ចប់​​​ដំណើរ​​​ការ​​​រៀប​​​អាពាហ៍​​​ពិពាហ៍​​​។

លោក វ៉េក​​​មែន​​​ បាន​​​បន្ត​​​ថា លោក​​​មិន​​​ដឹង​​​ថា តើ​​​សេចក្ដី​​​សម្រេច​​​របស់​​​តុលាការ​​​កំពូល​​​នេះ​​​អាច​​​ប៉ះពាល់​​​ដល់​​​មនុស្ស​​​ស្រឡាញ់​​​ភេទ​​​ដូចគ្នា​​​ប៉ុន្មាន​​​គូ​​​នៅ​​​ក្នុង​​​ប្រទេស​​​កម្ពុជា​​​ទេ​​​ ប៉ុន្តែ​​​​​​សេចក្ដី​​​សម្រេច​​​នេះ​​​​​​បាន​​​ផ្ដល់​​ឱកាស​​​ឲ្យ​​​ពួក​​​គេ​​​ហើយ​​​។

លោក វ៉េកមែន បាន​​​មាន​​​ប្រសាសន៍​​​ថា​ “ មាន​​​សមាជិក​​​សភា​​​ច្រើន​​​ណាស់​​​ ដែល​​​មិន​​​យល់​​​ស្រប​​​នឹង​​​សេចក្ដី​​​សម្រេច​​​នេះ​​​ ហើយ​​​ដែល​​​នឹង​​​យក​​​ជើង​​​រា​​​ទឹក​​​​​​និង​​​បង្ក​​​ការ​​​លំបាក​​​សម្រាប់​​រដ្ឋាភិបាល​​​របស់​​​លោក ​បារ៉ាក់​​​អូបាម៉ា ក្នុង​​​ការ​​​អនុវត្ត​​​សេចក្ដី​​​សម្រេច​​​នេះ​​​។

លោក ចន ស៊ីមម៉ុន (John Simmons)​ អ្នក​​​នាំពាក្យ​​​ស្ថានទូត​​​អាមេរិក​​​ប្រចាំ​​​ប្រទេស​​​កម្ពុជា ​​​​​​បាន​​​ឲ្យ​​​ដឹង​​​ថា ដៃ​​​គូ​​​ស្រឡាញ់​​​ភេទ​​​ដូច​​​គ្នា​​​​​​ចម្រុះ​​​ជាតិ​​​សាសន៍នៅ​​​តែ​​​បាន​​​ត្រឹម​​តែ​​​​រៀប​​​អាពាហ៍​​​ពិពាហ៍​​​ក្នុង​​​តំបន់​​​ទាំង​​​១៣ នៅ​​​អាមេរិក​​​ ដែល​​​អនុញ្ញាតឲ្យ​​​​មាន​​​ការ​រៀប​​​អាពាហ៍ពិពាហ៍​​​​​​​បែប​​​នេះ​​​ប៉ុណ្ណោះ​​​ ប៉ុន្តែ​​​ថា “ ពួក​​​គេ​​​នឹង​​​ទទួល​​​បាន​​​អត្ថប្រយោជន៍​​​គ្រប់​​​បែប​​​យ៉ាង​​​ ដែល​​​ពួក​​​គេ​​​ត្រូវ​​​ទទួល​​​បាន​​​តាម​​​ច្បាប់​​​សហព័ន្ធ​​​”។ ទោះជាយ៉ាង​​​ណា​​​ ដៃ​​​គូ​​​ប្រភេទ​​​នេះ​​​នៅ​​​តែ​​​ត្រូវ​​​ដាក់​​​ពាក្យ​​​ស្នើ​​​សុំ​​​ទិដ្ឋាការ​​​សម្រាប់​​​ដៃ​​​គូ​​​កម្ពុជា​​​  ក្រោយ​​​បញ្ចប់​​​ដំណើរ​​​ការ​​​​​​តាម​​​នីតិ​​​វិធី​​​​​​រួច​​​៕

ប្រែសម្រួល​​​ដោយ​​​ ភួន​​​ ច័ន្ទ​​​សេរីវុធ​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស