31 C
Phnom Penh

បុរសអង់គ្លេសម្នាក់​​​ត្រូវចាប់​​​ខ្លួន​​​នៅ​​​បាត់​​​ដំបង ពីបទ​​​បៀត​​​បៀន​​​កេរ្តិ៍ភេទ​​ក្មេង​​​ប្រុស​​​អនីតិជន

ដោយ ឌឹ ខេមបូឌា ដេលី

បទវិភាគ

បុរស​​​ជន​​​ជាតិ​​​អង់គ្លេស វ័យ​​​៤៨​​​ឆ្នាំ​​​ម្នាក់​និង​​​ជាម្ចាស់​​​ហាង​​​កាហ្វេ ត្រូវបាន​​​ចាប់​​​ខ្លួន​​​​​​កាល​​​​​ពី​​​ល្ងាច​​​ថ្ងៃ​​​សុក្រ​​​ក្នុង​​​ក្រុង​​បាត់​​​ដំបង ពីបទ​​​បៀត​​​បៀន​​​កេរ្តិ៍ភេទ​​​ក្មេ​​​ងប្រុស​​​អនីតិជន​​​ម្នាក់។

ការ​​​ចាប់​​​ខ្លួន​​​នេះ​​​ធ្វើ​​​ឡើង​​​បន្ទាប់ពី​​​ក្មេង​​​ប្រុស​​​​នេះ​​​បាន​​​ទៅ​​​ប្តឹង​​​អង្គការ​​​សកម្ម​​​ភាព​​​ដើម្បី​​​កុមារ ​ជា​​​អង្គការ​​​ក្រៅ​​​រដ្ឋាភិបាល​​​ប្រ​​​ឆាំង​​​ជនរួម​​​ភេទ​​​​ជា​​​មួយ​​​កុមារ ដែល​​​បាន​​​ប្តឹង​​ទៅ​​​អាជ្ញាធរ​​​បន្ត។

​​​លោក ថុល យុទ្ធា នាយការិយាល័យ​​​នគរ​​​បាល​​ប្រឆាំង​​​ការ​​​ជួញ​​​ដូរ​​​មនុស្សនិង​​​ការ​​​ពារ​​​អនីតិជនខេត្ត​​​បាត់​​​ដំបង​​​បាន​​​មាន​​​ប្រសាសន៍​​​ថា ជន​​​សង្ស័យ​​​ឈ្មោះ ​ចូណាថាន ​ហ្គាយ ​(Jonathan Guy) ត្រូវ​​​បាន​​​តាម​​​ប្រមាញ់​​​ចាប់​​​ខ្លួន​​​បន្ទាប់ពី​​​អង្គការសកម្ម​​​ភាព​​​ដើម្បី​​​កុមារ បាន​​​ប្តឹង​​​ទៅ​​​នគរ​​​បាល​​​ថា​​​ខ្លួន​​​សង្ស័យ​​​ថា ឈ្មោះ ​ហ្គាយ បាន​​​ប្រព្រឹត្ត​​​អំពើ​​​អនាចារ​​​​លើ​អនីតិ​ជន​​​​នៅ​​​ក្នុង​​​បរិវេណហាង​​​កាហ្វេ Cafe Flirt របស់​​​ខ្លួន​​​ក្នុង​​​សង្កាត់​​​ស្វាយ​​​ប៉ោ។

លោក ថុល យុទ្ធា ​​​បានមាន​​​ប្រសាសន៍​​​ថា “ យើង​​​​​​​​ចាប់​​​ខ្លួន​​​ជន​​​សង្ស័យ​​​​​បាននៅ​​​ម៉ោង​​​ប្រហែល​​​៤និង​​​៣០​​​នាទី​​​ថ្ងៃ​សុក្រ​​​ និង​​​បញ្ជូន​​​គាត់​​​​ទៅ​​​មន្ទីរ​​​ឃុំ​​​ឃាំង ហើយ​​​អំឡុង​​​ពេល​​​សាក​​​​​សួរ​​ជន​​​សង្ស័យ​​​បានសារភាព​​​ថា​​​ ខ្លួន​​​ពិត​​​ជា​​​បាន​​​​បៀត​​​បៀន​​​កេរ្តិ៍​​​ភេទ​​ក្មេង​​​ប្រុស​​​​​​មិន​​​ទាន់​​​គ្រប់​​​អាយុ​​​ម្នាក់ប្រាកដ​​​មែន”។
លោក​​​​​​មាន​​​ប្រ​​​សាសន៍​​​បន្ថែម​​​ទៀត​​​ថា ជន​​​សង្ស័យ​​​បានសារភាព​​​ថា​​​ ខ្លួន​​​បាន​​​ឲ្យ​​​ប្រាក់​​​ទៅ​​​ក្មេង​​​ប្រុស​​​អនាថា​​​នេះ​​​ចន្លោះពី​​​២.៥០០​​រៀល​​​​ទៅ​​​៥.០០០​​​រៀល​ដើម្បី​ឲ្យ​​​រូប​​​គេ​​​ធ្វើ​​​សកម្ម​​​ភាព​​​ផ្លូវ​ភេទ​។

លោក រិន វិបុល មន្ត្រី​​​គម្រោង​​​នៅ​​​​អង្គការ​​​​សកម្ម​​​ភាព​​​ដើម្បី​​​កុមារ​​​បានមានប្រ​​​សាសន៍​​​ថា  “ ក្មេង​​​ប្រុស​​​នេះ​​​​​​​បាន​​​ប្រាប់​​​យើង​​​ថា ជន​​​សង្ស័យ​​​​​បាន​​​នាំ​​​រូប​​​គេ​​​ចូល​​​ទៅ​​​ក្នុង​​​ហាង​​​នោះ​​​ជា​​​ញឹក​​ញាប់ បន្ទាប់ពី​​​ហាង​​​នោះ​​​បិទ​​​នៅ​​​ម៉ោង​​​១១​យប់​ ហើយ​​​បាន​​​ប្រាប់​​​ឲ្យ​​​រូបគេ​​​ធ្វើ​​​សកម្ម​​​ភាព​​​សិច​​​ជា​​​ថ្នូរ​​​នឹង​​​ប្រាក់​​​”។​ ជន​​​សង្ស័យ​​​នឹង​​​ត្រូវ​​​​បញ្ជូន​​​​​ទៅ​​តុលាការ​​​នៅ​​​ថ្ងៃ​​​​​​នេះ៕

ប្រែ​​​សម្រួល​​​ដោយ តែម សុខុម

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស