31 C
Phnom Penh

ក្រសួង​មហាផ្ទៃ​ជួប​ប្រជុំជាមួយ​ NGO ​ដើម្បី​តវ៉ា​ការ​ធ្លាក់​ចំ​ណាត់​ថ្នាក់​ស្ថាន​ភាព​ជួ​ញ​ដូរ​មនុស្ស​

ដោយ ឌឹ ខេមបូឌា ដេលី

បទវិភាគ

កាលពី​ម្សិ​ល​មិញ ​មន្ត្រី​មក​ពី​ក្រសួង​មហា​ផ្ទៃ​​​ បាន​បើក​កិ​ច្ច​ប្រជុំ​សម្ងាត់​ជាមួ​យ​​តំ​ណាង​អង្គការ​មិនមែន​រដ្ឋាភិបាល​ ដើម្បី​​​​​ត​វ៉ា​​​​នឹង​របាយការណ៍​ ស្តីពី​ស្ថានភាព​ជួញដូរ​មនុ​ស្ស​​ជាសាក​ល​ របស់​ក្រសួង​ការ​បរទេស​ស​ហរដ្ឋ​អាមេរិក​ ដែល​បាន​ទម្លាក់​ចំណាត់ថ្នា​ក់របស់​ប្រទេស​កម្ពុជា​។ ​របាយការណ៍​ប្រ​ចាំឆ្នាំ​ចេញ​ផ្សាយ​កាល​ពីខែ​មុន​នេះ ​បាន​ទ​ម្លាក់​កម្ពុជា​ពី​ថ្នាក់​ទី​២ ​ដែល​ប្រទេ​ស​នេះ​ធ្លា​ប់ទទួល​បាន​កាលពីបីឆ្នាំ​មុន ​មក​នៅថ្នាក់​ប​ញ្ជី​ឃ្លាំ​មើល​ថ្នាក់ទី២​វិញ​​ (Tier ​2 Wat​c​h List​)។​

ដោយ​មាន​ចំណាត់​​ថ្នាក់​ពីទី១​ដែល​បង្ហាញ​​ពី​ស្ថានភាព​ល្អ​បំផុត ​រហូត​ដល់​ថ្នាក់​ទី​៣ ​ដែល​បង្ហាញ​​ពី​ស្ថា​នភាព​អាក្រក់​បំផុត​ ​ជារឿយៗ​ឆ្លុះ​​បញ្ចាំង​ឲ្យ​ឃើញ​ពីកិច្ច​ខិតខំប្រឹង​ប្រែង​ ឬក៏​កង្វះខា​ត​ ​របស់​រដ្ឋាភិបាល​ ក្នុងការ​កាត់បន្ថយ​ស​ក​ម្មភាព​ជួញ​ដូរ​មនុស្ស​។ ​យោង​តាម​របាយ​ការណ៍​ថ្មី​បំផុតនេះ ​​ប្រ​ទេស​កម្ពុជា​ ​ទទួល​បាន​ចំណាត់ថ្នាក់​ទាប​ជាង​មុន​ក្នុងឆ្នាំ​នេះ​ ពី ព្រោះ​ជន​ប្រព្រឹត្ត​អំពើជួញដូរ​មនុស្ស​​តិច​​ជាង​មុន​ ត្រូវបាន​ផ្តន្ទាទោស​ក្នុងឆ្នាំ​២០១​២​ ​និង​មិន​មាន​កិច្ច​ខិត​ខំប្រឹង​ប្រែង​ ក្នុង​ការ​ឆ្លើយ​តប​ទៅ​នឹង​អំពើ​ពុក​រលួយ​ ​នៅ​ក្នុង​រ​ដ្ឋាភិបាល​ ជា​ហេតុ​ជំរុញ​ឲ្យ​សកម្មភាព​ជួ​ញ​ដូរ​មនុស្ស​កើន​ឡើង​។​

​នៅ​ក្នុង​កិច្ច​ប្រជុំ​ក្រោម​អធិប​តី​ភា​ព​រ​ប​ស់​លោកស្រី ជូ ប៊ុន​អេង ​រដ្ឋលេខាធិការ​ក្រ​សួ​ង​មហាផ្ទៃ​ ​មានវត្តមាន​​អ​ង្គ​ការ​គ​ម្រោង​ទីភ្នាក់​ងារ​​អង្គការ​សហ​ប្រ​ជា​ជាតិ​ទទួល​បន្ទុក​ការ​ជួញដូរ​មនុស្ស (​U​N​IAP​) អ​ង្គការ​​ទេសន្តរ​ប្រវេ​សន៍​អន្តរ​ជា​តិ​ (IOM​) ស​​មាគម​ទីភ្នាក់​ងារ​​​ពល​ករ​កម្ពុជា​ (ACRA) អ​ង្គការ​ Caram ​អង្គការ​ជំនួយ​ផ្លូវ​​ច្បាប់​ស​ម្រា​ប់​កុមារ និងស្ត្រី (LSCW​) និង​អង្គការ Winrock International។​

​លោកស្រី ​ប៊ុន​អេង ​បានមានប្រសា​សន៍ថា “ នេះ​មិនមែន​មានន័យ​ថា យើង​កំ​ពុង​​​ច្រាន​ចោល​លទ្ធ​ផល​​​ក្នុង​រ​បាយ​ការណ៍​នេះទេ ក៏​ប៉ុន្តែ ​យើង​ចង់​បំភ្លឺ​ចំ​ណុច​មួយចំនួន​​ក្នុង​របាយ​ការណ៍​នេះ​”។​ ​រ​បាយការណ៍​នេះ​ក៏​បាន​លើក​ឡើង​ថា ​ភូមិពេ​ស្យាចារ​ ស្វាយ​ប៉ាក ​ដែល​មាន​ឈ្មោះ​អាក្រក់​​​នៅ​ក្បែរ​រាជធា​នី​ភ្នំពេញ​ ហើយ​​​ជាកន្លែង​ដែ​លពេស្យាចារ​កុមារ​​ត្រូវ​បាន​លក់​ជាចំហ​ អស់​រយៈ​ពេល​ជាច្រើន​ទស​វត្សរ៍​កន្លង​មក​ហើយ​នោះ​ ​នៅ​តែ​មាន​សកម្ម​ភាព​ទាំង​នេះ​ ទោះបី​ជា​មាន​កា​រប៉ុន​ប៉ង​បិទ​​​ពីសំណាក់​នគរបាល​ក៏ដោ​យ​។​កាលពីម្សិល​មិញ ​លោក​ស្រី ​​បាន​ថ្លែងថា ​​សកម្មភាព​បន្តកើ​ត​ឡើង​នៅ​ភូមិ​ស្វា​យ​ប៉ាក “ ​មិនមែន​ជា​ឆន្ទៈរ​បស់​រដ្ឋាភិបាល​ទេ​” ​ហើយ​លោកស្រី​បាន​ប​ដិ​សេធ​​មិន​អត្ថាធិ​ប្បាយ​លម្អិត​ជាង​នេះ​ ទេទា​ក់​​ទង​នឹង​កិច្ច​ប្រជុំ​កាល​ពី​ម្សិល​មិញ​។​ ​លោ​ក​ស្រី​បាន​ថ្លែង​បន្ថែម​ថា​ ល​ទ្ធផល​នៃ​កិច្ច​ប្រជុំ​នេះ​ នឹងត្រូវបាន​​ពិ​ភាក្សា​ ​​នៅស្ថា​ន​ទូត​​​អា​មេរិក​ នៅថ្ងៃ​ស្អែក​។

អ្នកចូលរួម​ក្នុង​កិច្ចប្រជុំ​នេះ ​នៅ​តែ​និ​យា​យ​​តិច​តួច​បំផុតអំពីរឿង​នេះ​​ កាលពីម្សិ​លមិញ​​។​លោក​ស្រី​ លី វីជុ​ត្ថា​ ​នាយិកា​អង្គការ LSCW ​ដែល​បានជួយ​ស្ត្រី​បម្រើ​តាម​ផ្ទះ​ធ្វើ​មាតុ​ភូមិ​និវត្ត​ពី​ប្រទេស​ម៉ាឡេស៊ី មា​ន​ប្រសាសន៍ថា ​កិច្ច​ប្រជុំ​នេះ​​ត្រូវ​បានរៀ​ប​ចំ​ឡើង ដើម្បី​ពិភាក្សា​ពី “ អ្វី​ដែល​ជាចំណុច​ត្រឹមត្រូវ ​និង​អ្វីដែល​ជា​ចំណុច​​មិនត្រឹមត្រូ​វ​” ​នៅ​ក្នុង​របាយ​ការណ៍​នេះ​។​លោក​ស្រី​​មាន​ប្រសាសន៍​ថា “ ខ្ញុំមាន​អារម្មណ៍​​​អាក់​អន់​ស្រពន់ចិត្ត​បន្តិច​ដែរ​​ ព្រោះ​យើង​បាន​​ខិត​ខំធ្វើការ​ណាស់ [អង្គ​កា​រ​របស់​យើ​ង]​ ​ក៏ដូច​​​ជាក្រសួង​មហាផ្ទៃ​ផ​ង​ដែរ​”។​ ក៏ប៉ុ​ន្តែ លោក​ស្រី​​បដិសេធ​​មិ​ន​ធ្វើ​អត្ថាធិ​ប្បា​យ​លើសពីនេះ​ទេ​។​

​លោក លឹម ទិត្យ​ ​អ្នកសម្រប​សម្រួលគ​ម្រោង​​ថ្នាក់​ជាតិ​​នៃអង្គការ U​NIAP ​ក៏បាន​ប​ដិសេធ​មិន​ធ្វើ​អត្ថាធិប្បាយ​ដែរ ទាក់ទង​នឹង​កិ​ច្ច​ប្រជុំ​នេះ​​។ ​បន្ទាប់​ពី​របាយការ​ណ៍​​នេះ​ត្រូវបានចេញ​ផ្សាយ​កាលពីថ្ងៃទី​២​១​ ខែ​មិថុនា ​ក្រសួង​ការ​បរទេស​ និង​សហ​ប្រតិ​បត្តិការ​អន្តរ​​ជាតិ​ បានចាត់​ទុក​លទ្ធផ​ល​​នៅ​ក្នុង​របាយ​ការណ៍​នេះ​ថា “ មិ​ន​ពិ​ត​” ​និង​ “ ​គួរ​ឲ្យ​អស់​សំណើច​”។​​ សេច​ក្តី​ថ្លែ​ង​ការ​ណ៍​របស់​ក្រសួង​ការ​​បរទេស​​ និង​ស​ហ​ប្រតិ​បត្តិការ​អន្តរ​ជាតិ​​​ បា​ន​​បង្ហាញថា​ រ​ដ្ឋា​ភិបាល​បាន​ចាប់​ខ្លួន​ជន​ស​ង្ស័យ ​១៣៣​នា​ក់ ​កាលពីឆ្នាំ​មុន ​ពីបទ​ជួញ​ដូ​រ​មនុស្ស​ ​បា​ន​ផ្ត​ន្ទាទោស​ជន​ល្មើស​៣០០​នាក់ ​និង​ជួ​យ​ស​ង្គ្រោះ​ជនរង​គ្រោះ​បាន​ចំនួន​៤​៥​៨​នា​ក់​។​

​ទោះ​ជា​យ៉ាង​ណា ​របាយ​ការ​ណ៍​របស់​សហ​រដ្ឋ​អាមេរិក ស្តីពី​ស្ថានភាពជួ​ញដូរមនុស្ស​ ​បាន​បង្ហាញថា ​មានជន​ល្មើ​ស​តែ​៤៤​នាក់​ប៉ុណ្ណោះ​ ដែលត្រូវបាន​ផ្តន្ទា​ទោស​ កាលពីឆ្នាំ​មុន​។​​ លោក ​ចូអេល ​ប្រេ​ស្តុន ​(Joel P​reston​) ​អ្នក​ពិគ្រោះ​យោបល​់​​នៅ​មជ្ឈមណ្ឌល​អប់រំច្បាប់​សម្រាប់​សហ​គ​មន៍​ ដែល​បាន​ជួយ​បញ្ជូន​​ជន​រង​គ្រោះ​ដោយសារ​អំពើ​ជួញ​ដូរមនុស្ស​ចំនួន​៧០០​នាក់​ ​ត្រឡប់​មកវិញ​កាលពីឆ្នាំ​មុន​ ​បា​ន​មានប្រសាសន៍ថា ​​ពាក្យ​បណ្តឹង​នៅ​​មជ្ឈ​មណ្ឌល​នេះ​ បាន​កើន​ឡើង​១.០​០​០​ភាគរយ​ ក្នុងឆ្នាំ​២០១២​ ដោយ​សារតែ​មាន​សកម្មភាព​ជួញ​ដូរ​ប្រជាជន​​ខ្មែរ​​ទៅធ្វើការ ​នៅ​ក្នុង​រោង​ច​ក្រ​កែ​ច្នៃ​អាហារ​សមុទ្រ​ នៅប្រទេស​ថៃ​។​​លោក​​បាន​ថ្លែង​ថា “ ការ​ងារនេះ​ត្រូវ​បាន​អនុវត្ត​ដោ​យ​ស​មា​ជិក​អង្គការ​ ACRA ក្រុម​ហ៊ុន​​ CDM Manpower ហើយ​​មិន​​មាន​ក្រុម​ហ៊ុន​ណាមួយ​ក្នុង​ចំណោម​​ក្រុម​ហ៊ុន​ទាំង​នេះ​ត្រូវ​បាន​​ផ្ត​ន្ទា​ទោស​ទេ​។​ការ​ទម្លាក់​​ចំ​ណា​ត់ថ្នាក់​នេះ​គឺសម​ហេតុ​ផល​ខ្លាំង​ណាស់​​​”៕

ប្រែសម្រួលដោយ កង សុធា

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស