29 C
Phnom Penh

អ្នក​​​តវ៉ា​​​មកពី​​​តំបន់​​​បឹង​​​កក់​​​ដែលធ្លាប់​​​តែរួបរួម​​​គ្នា​​​បង្ហាញភាព​​​បែក​​​បាក់​​​

ដោយ ឌឹ ខេមបូឌា ដេលី

បទវិភាគ

កា​រ​​​ត​វ៉ា​មួយធ្វើ​ឡើង​​​ដោ​យ​​​អ្នក​​ភូមិ​​បឹង​កក់នៅ​​ទល់​មុខ​សាលា​​រា​ជ​ធា​​​នី​​កា​ល​​ពី​ម្សិល​មិញ​​​​បា​ន​​បង្ហាញ​​​អំ​ពី​កា​រ​​បែ​ក​បាក់​​​គ្នា​រវា​ង​សកម្ម​​​​ជ​​ន​មួយ​​ក្រុម​ ​ជាមួ​យ​​​អ្នក​​ត​វ៉ា​មួ​យ​ក្រុមទៀត​​​ ​ដោ​យ​ចោទ​ភាគី​​ម្ខាង​ទៀ​ត​​​ថា​​​​លក់​ឧត្តម​គតិ។

អ្នក​តវ៉ា​មកពី​តំបន់​បឹងកក់​ប្រវាយ​ប្រតប់​ជាមួយ​ក្រុម​សណ្ដាប់​ធ្នាប់​​ក្នុង​បាតុកម្មមួយ​នៅ​ខាង​ក្រៅ​សាលា​រាជធានី​ភ្នំពេញ​ កាលពីម្សិលមិញ​។ ពួកគាត់​តវ៉ា​សុំ​ប័ណ្ណ​កម្មសិទ្ធិ​ដីនៅ​ក្នុង​តំបន់​អភិវឌ្ឍន៍​បឹង​កក់​។ (ស៊ីវ ចាន់ណា​​)
អ្នក​តវ៉ា​មកពី​តំបន់​បឹងកក់​ប្រវាយ​ប្រតប់​ជាមួយ​ក្រុម​សណ្ដាប់​ធ្នាប់​​ក្នុង​បាតុកម្មមួយ​នៅ​ខាង​ក្រៅ​សាលា​រាជធានី​ភ្នំពេញ​ កាលពីម្សិលមិញ​។ ពួកគាត់​តវ៉ា​សុំ​ប័ណ្ណ​កម្មសិទ្ធិ​ដីនៅ​ក្នុង​តំបន់​អភិវឌ្ឍន៍​បឹង​កក់​។ (ស៊ីវ ចាន់ណា​​)

អ្នក​តវ៉ា​​​សំ​ខាន់​​ពី​​រនាក់នៅ​​ក្នុង​​​ការ​​​​​​តវ៉ា​​​ដែល​បា​ន​កើត​ឡើង​ជា​​​ច្រើន​​ឆ្នាំ​​មក​ហើយ​ និ​ង​ដែល​បាន​​ទទួល​កា​រ​​​ចាប់​អារម្មណ៍​យ៉ាង​ខ្លាំង​​​​ពី​អន្តរជាតិ​នោះ ​គឺ​​អ្នក​ស្រី ហេង មុំ ឈរ​​នៅ​តា​ម​ផ្លូវ​​​ក្រៅ​​សាលា​​រាជ​ធា​​នី​ ជាមួ​យ​​ស្ត្រី​មួយ​ក្រុម​ ​ចំ​ណែក​​​អ្នក​​ស្រី​ ទេព វន្នី ​​ដែល​​​ជា​មិត្ត​ភក្តិ​កន្លង​មក ឈ​រ​​ជាមួ​យ​​អ្នក​ផ្សេង​ទៀត​​​នៅ​ចំ​កណ្តាល។

អ្នក​ស្រី​ ហេ​ង មុំ ​បា​នស្រែ​ក​​ដាក់​ក្រុម​​​របស់​អ្នក​ស្រី ​វន្នី ​ពី​ម្ខាង​ផ្លូវ​​​ថា “ អ្នក​ស្រី ទេព វន្នី កំ​ពុង​​ដឹក​នាំ​​អ្នក​ភូមិ​ ដែល​​​បា​ន​ទទួល​​​ប័ណ្ណ​កម្មសិទ្ធិ​​​រួច​ហើយ​ដើម្បី​ធ្វើ​​ការត​វ៉ា ដែល​​​នឹ​ង​​រារាំ​ង​​​ពួ​ក​​យើង​មិនឲ្យ​​ទទួល​បា​​ន​​ប័​ណ្ណ​កម្ម​សិទ្ធិ​ដី​​​​”។ “ គាត់​​មិ​ន​ខ្វល់​អំ​ពី​​​អ្នក​ឈឺ​ចាប់​នោះ​ទេ​ ​ពី​ព្រោះ​​​គាត់​​ចង់​​ធ្វើ​ឲ្យ​​​​ដូច​លោកស្រី អ៊ុ​ង​សាន ស៊ូ​ជី [អ្នក​​​គាំ​​ទ្រ​​​លទ្ធិ​ប្រជា​​ធិប​តេយ្យ​​នៅ​ភូមា]​ ដែរ​”។

​​​អ្នក​ស្រី វន្នី ​​ដែល​ថ្មីៗ​នេះ​បា​នទៅ​​​​​​​ក្រុង​​វ៉ា​ស៊ី​ន​តោន ​​ដើម្បី​ទទួល​​រង្វាន់​​ភាព​​​​ជា​មេ​ដឹក​នាំ​​​ពិ​ភពលោក​ពី​លោកស្រី ហ៊ីលឡារី គ្លី​ន​តុន ​​អតី​ត​​រដ្ឋ​មន្ត្រី​ក្រសួង​កា​រ​បរទេស​​​អា​មេ​រិក​​​បា​ន​​​​​ទទួល​​​ប័​ណ្ណ​​កម្មសិទ្ធិ​​ដី​ក្នុ​ង​ឆ្នាំ​​២០១២ ​ជា​ផ្នែ​ក​​នៃ​​ដី​​១២,៤៤​ហិកតា ​ដែល​រដ្ឋា​ភិ​បាល​​​លៃទុក​សម្រាប់​អ្នក​ភូមិ​បឹង​កក់​ ​ដែល​​បាត់​បង់​​ផ្ទះ​​​របស់​​ខ្លួន​ ដើម្បី​​​​បើក​​ផ្លូ​វ​ឲ្យ​​​ក្រុម​​ហ៊ុ​ន​​អចល​ន​​​ទ្រព្យ​​​ដ៏​ចម្រូ​ង​ចម្រាស់​អភិ​វឌ្ឍ​ទី​នោះ​។

​​អ្នក​ស្រី វន្នី ​​មា​ន​ប្រ​សាស​ន៍​ថា ​អ្នក​ស្រី​​មិ​ន​ដឹង​ថា​ អ្នក​ស្រី មុំ ​បំ​បែ​ក​ខ្លួន​​ចេញ​ពី​ក្រុម​​​​របស់​​អ្នក​​ស្រី​​​ទេ​ ហើយ​បាន​​​អះ​អា​ង​ថា ​រដ្ឋា​ភិ​បាល​នៅ​​ពី​ក្រោ​យ​ជម្លោះ​​​​របស់​​​​អ្នក​តវ៉ា​​ទាំង​នេះ​។ អ្នក​ស្រី​បា​ន​មា​ន​ប្រ​សាសន៍​បន្តទៀត​​​ថា  “ ខ្ញុំ​​គិត​ថា នេះ​​ជា​​ល្បិច​កល​​របស់​​​អាជ្ញា​​​ធរ​។ នៅ​ពេល​​យើង​កំ​​ពុង​ទាម​​ទា​រ​​យុត្តិធម៌​​​នៅ​ក្នុ​ង​ប្រទេ​ស​មួ​យ​ដែល​គ្មាន​តម្លា​​ភាព​ និង​គ្មាន​កា​រ​​គោ​រព​សិទ្ធិ​មនុស្ស​​ដូ​ច​​នេះ រដ្ឋា​​ភិ​បា​ល​តែង​តែ​មា​ន​យុទ្ធ​សាស្ត្រ​បំ​បែ​ក​​ក្រុម​​​​របស់​​យើ​ង​​”។

យោង​តា​ម​​អ​ង្គកា​រ​​សិទ្ធិ​មនុស្ស​​​​អា​ដ​ហុក ​បា​ន​ឲ្យ​ដឹង​ថា ​​​ទោះ​ជា​រួប​រួ​ម​គ្នា​​​​ឬ​​​មិន​រួប​រួម​ក៏​ដោយ​ ​​បាតុ​ករ​​​ទាំ​​ង​អស់​​​ដែល​​ព្យា​យាម​​​បិទ​មហា​​វិថី​​មុនី​វង្សកា​ល​​ពី​ព្រឹក​ម្សិល​មិញ ត្រូ​វ​បា​ននគរ​បាល​​បង្ខំ​​ឲ្យ​ចាក​​ចេញ​ ដោ​យ​ធ្វើ​ឲ្យ​មា​ន​កា​រ​ប្រ​​វាយ​ប្រតប់​គ្នា​​ ដែល​​បណ្តាល​ឲ្យ​​​ស្ត្រី​ម្នាក់​​រលូត​កូ​ន​។

​​អ​ង្គកា​រ​​អាដ​ហុក​បាន​​ចេញ​សេចក្តី​​ប្រកាស​មួ​យ​​កា​ល​ពី​ម្សិល​មិញ​ឲ្យ​នគរបាល​​ទទួល​​ខុស​​ត្រូ​វ​​ចំ​ពោះ​កា​រ​​រលូត​កូ​ន​​​របស់​​ឈ្មោះ កែក ចាន់រស្មី។ អង្គ​កា​រ​​នេះ​បា​ន​​លើក​ឡើង​ថា ​ចាន់រស្មី ​មា​ន​គគ៌​​ពីរ​​ខែ​កន្លះ​។

​​អ្នក​​ស្រី ចាន់​រស្មី ​​បា​ន​​មា​ន​ប្រ​សាសន៍​​តា​ម​​ទូ​រស័ព្ទ​កា​ល​​ពី​ម្សិល​មិញ​ថា “ នៅ​រសៀល​នេះ នគរបាល​​បា​ន​រុញ​ខ្ញុំ​ដួល​ទៅ​នឹង​​ដី​ ហើយ​​​​​ធ្វើ​​ឲ្យ​​ខ្ញុំ​​រលូត​កូ​ន​”។ គាត់​​បន្ត​​​ទៀត​​ថា​ ​អ្នក​ស្រី​មិន​បាន​​ទៅ​មន្ទីរ​​ពេទ្យ​​ទេ ប៉ុន្តែ​​​ត្រូ​វ​​​បា​ន​ឆ្មប​​​ព្យា​​បា​ល​​នៅ​ផ្ទះ​​​​របស់​អ្នក​ស្រី​។

​​លោក ជួ​ន សុវណ្ណ ​ស្នង​ការ​​នគរបាល​​រាជ​ធា​​នី​ភ្នំ​ពេញ​ មិ​ន​អាច​​ទាក់ទ​ង​​​សុំ​ការ​​​អត្ថា​​ធិ​ប្បាយ​​បា​ន​​ទេ​។

​​​​​ពេល​ទាក់​​ទ​ង​​​តា​ម​ទូ​រ​ស័ព្ទ​ លោក ប៉ា សុជាតិ​វង្ស អភិ​បាល​​រាជ​ធា​​នី​ភ្នំ​ពេញ​ គ្រាន់​តែ​​មា​ន​ប្រ​សាស​​ន៍​ថា កា​រ​ស្វែ​ង​រក​ដំ​ណោះ​ស្រាយ​​សម្រាប់​គ្រួសារ​​ទាំ​ង​នោះ ​គឺ​​ជា​​​អា​ទិ​ភាព​​​របស់​​សាលា​​រាជ​​ធា​នី​។ “ យើង​​កំ​ពុ​ង​ដោះ​ស្រាយ​​បញ្ហា​នេះ​”៕

ប្រែសម្រួល​ដោ​យ ចេវ ប៊ុននី​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស