28 C
Phnom Penh

មនុស្ស​​​ស្លាប់​​​ដោយ​​​សារ​​​រន្ទះ​​​បាញ់​​​ កើន​​​ឡើង​​​ដល់​​​៨០នាក់​​​ក្នុងរយៈពេល​​​ប្រាំមួយ​​​ខែ​​​ដំបូង​​​នៃ​​​ឆ្នាំ​​​នេះ

ដោយ ឌឹ ខេមបូឌា ដេលី

បទវិភាគ

មន្ត្រី​​​បាន​​​ឲ្យ​​​ដឹង​​​ថា មនុស្ស​​​៨០​​​នាក់​​​បាន​​​ស្លាប់​​​ដោយ​​​សារ​​​រន្ទះ​​​បាញ់​​​​​​រយៈ​​​ពេល​​​ប្រាំមួយ​​​​ខែ​​​ដំបូង​នៃ​​​ឆ្នាំ​​​នេះ ដែល​​​មាន​​​ជន​​​រង​​​គ្រោះ​​​ចុង​​​​ក្រោយ​​​ត្រូវ​​​បាន​​​ចុះ​​​បញ្ជី​​​កាល​​​ពី​​​ថ្ងៃ​​​អង្គារ​​​នៅ​​​ខេត្តកំពង់​​​ចាម។

​​​លោក កែវ វី អនុប្រធាន​នាយកដ្ឋាន​ព័ត៌​មាន​​នៃ​​​​គណៈកម្មា​​​ធិ​​​ការ​​​ជាតិ​​​​គ្រប់​​​គ្រង​​​គ្រោះ​​​មហន្ដ​​​រាយ​​​បាន​​​មាន​​​ប្រសាសន៍​​​​ថា “ ក្នុង​​​រយៈ​​​ពេល​​​ប្រាំមួយ​​​ខែ​​​ដំបូង​​​នៃ​​​ឆ្នាំ​​​២០១៣​​​ មនុស្ស​​​ស្លាប់​​​ដោយ​​​សារ​​​រន្ទះ​​​បាញ់​​​បាន​​​កើន​​​ឡើង​​​ដល់ [​​​២១​​​ភាគ​​​រយ​​​] ​បើប្រៀប​ធៀប​​​ទៅ​​​នឹង​​​ឆ្នាំ​​​២០១២”។

យោង​តាម លោក កែវ វី​​​ បាន​​​ឲ្យ​​​ដឹង​​​ថា ​មាន​​​មនុស្ស​​​​​​ស្លាប់៨០​​​នាក់​​​នៅ​​​ឆ្នាំ​​​នេះ បើ​​​ប្រៀប​​​​ធៀប​​​ក្នុង​​​រយៈពេល​​​ដូច​​​គ្នា​​​កាល​​​ពី​​​ឆ្នាំ​​​មុនមាន​​​មនុស្ស​​​ស្លាប់​​​ចំនួន​​​តែ៦៦​​​នាក់​​​ ប៉ុណ្ណោះ។

​​​នៅ​​​ឆ្នាំ​​​នេះ​​​ មនុស្ស​​​៦៩​​​នាក់​​​បាន​​​រង​​​របួស​​​ហើយ​​​សត្វ​​​ពាហនៈ​​​ចំនួន​​​៤៦​​​ក្បាល​​​បាន​​​ងាប់​​។​​​លោក សូ សារិទ្ធ អធិការ​​​នគរ​​​បាល​​​ស្រុក​​​បាន​​​ឲ្យ​​​ដឹង​​​ថា លោក សេត វ៉ាន់​​​ឌឿន អាយុ​​​៤៧​​​​ឆ្នាំ ជា​​​កសិករ​​​ម្នាក់​​​នៅ​​​ស្រុក​​​កង​​​មាស​​​​​​បាន​​​ជ្រក​​​នៅ​​​ផ្ទះ​​​របស់​​​គាត់​​​អំឡុង​​​ពេល​​​មាន​ផ្គរ​រន្ទះ​​​​​ហើយ​​គាត់​​​ត្រូវ​​​បាន​​​រន្ទះ​​​បាញ់​​​កាល​​​ពី​​​ថ្ងៃ​​​អង្គារ​​​​​​នៅ​ពេល​នោះតែ​ម្តង​។

​​​​​​​​​លោក​​​ សូ សារិទ្ធ បាន​​​ថ្លែង​​​ថា​ “ រន្ទះ​បាន​បាញ់​​​​​តាម​​​អង់​​​តែន​​​ទូរទស្សន៍​​​ និង​​​ឧបករណ៍​​​​​​អគ្គិស​​​នី​​​ នៅ​​​ក្បែរ​​​ផ្ទះ​​​របស់​​​ជន​​​រង​​​គ្រោះនេះ​”៕

​​ ប្រែសម្រួលដោយ ស៊ុំ សុខភុំ

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស