34 C
Phnom Penh

គណ​បក្សសង្គ្រោះ​ជាតិ​​រំឭក​​ខួ​ប​នៃការ​វាយ​​ប្រយុទ្ធ​​គ្នា​រវា​ង​គ​ណ​បក្សប្រជាជន និង​ហ្វ៊ុន​ស៊ិន​ប៉ិច

ដោយ ឌឹ ខេមបូឌា ដេលី

បទវិភាគ

អ្នក​គាំ​ទ្រ​​គ​ណ​បក្ស​​សង្គ្រោះ​​ជាតិ​រាប់​រយ​នាក់​ ​បា​ន​​ជួ​ប​​ជុំ​គ្នា​​នៅ​សួ​ន​​សេរី​ភាព​កាល​ពី​ព្រឹក​ថ្ងៃ​​សៅរ៍​​ដើម្បី​ប្រា​រព្ធ​​​ខួ​ប​លើក​ទី​១៦​​នៃ​ការ​វាយ​ប្រយុទ្ធគា្ន​ ​ដែល​​​​​បា​ន​បណ្តេញ​​​​ព្រះ​​អង្គ​ម្ចាស់​​ នរោត្តម ​​រណឫទ្ធិ ​​នា​យករដ្ឋ​មន្ត្រី​ទី​១នៅ​​ពេល​នោះ​ ​ចេញ​ពី​តំ​ណែង​កំ​​ពូល​នេះ​ក្នុ​ង​​រដ្ឋា​ភិ​បាល​​ចម្រុះ​ដឹក​នាះ​​​ដោ​យ​គណ​បក្ស​ហ្វុន​ស៊ីន​​ប៉ិច។

​កា​រ​​​វាយ​ប្រ​យុទ្ធ​គ្នា​យ៉ាង​ខ្លាំង​ក្លា​​​រវា​ង​កង​កម្លាំ​ង​​ដែល​មា​ន​​​ភក្តី​ភាព​​ចំ​ពោះ​​គណ​បក្ស​ហ្វ៊ុន​ស៊ិន​​ប៉ិច និ​ង​គ​ណ​​​បក្ស​ប្រជា​​​ជ​ន​កម្ពុជា​បា​ន​ឲ្យ​លោក​នា​​យក​រដ្ឋ​មន្ត្រី​ ហ៊ុន សែន ​មាន​ឱ​កាស​ពង្រឹង​​​អំណាច​​​របស់​ខ្លួន​ មុន​​នឹង​បន្ត​ឈ្នះ​កា​រ​បោះ​ឆ្នោត​នៅ​ឆ្នាំ​បន្ទាប់​នោះ​។

​លោក យឹម សុ​វណ្ណ អ្នក​នាំ​​ពាក្យ​​គ​ណ​បក្ស​​សង្គ្រោះ​​​ជាតិ​ ​ថ្លែង​ថា​ បើ​ទោះ​​ជា​​គ​ណ​​​​បក្ស​​ សម រង្ស៊ី ដែល​​​បា​ន​​រួ​ម​​បញ្ចូល​​​គ្នា​ជា​មួ​យ​​គ​ណ​បក្ស​​សិទ្ធិ​​មនុស្ស​​កា​ល​​ពី​ឆ្នាំ​មុន​ដើ​ម្បី​បង្កើត​​គ​ណ​បក្ស​សង្គ្រោះ​​​ជាតិ​ មិ​ន​បា​ន​ពាក់​​ព័ន្ធ​ដោយ​ផ្ទាល់​​ក្នុ​ង​ហេតុ​ការណ៍​​​ប៉ះ​ទង្គិច​គ្នា​នោះ​ក្តី ក៏​វាជា​រឿង​​សំ​​​ខាន់​ដែលប្រជាពល​រដ្ឋ​កម្ពុជា​​​រំឭក​ដល់កា​រ​​បូ​ជា​​​ជី​វិត​​របស់​​ទាហា​ន​កម្ពុជា។

​លោ​ក​​បន្ត​ទៀត​ថា “ យើង​ត្រូ​វ​តែ​​រំឭក​​ដល់​អ្នក​​​ដែល​​បា​ន​បូ​ជា​ជី​វិត​​ដើម្បី​ប្រទេស​​ជាតិ​។ ពួ​ក​គេ​​ ជា​​​ទា​​ហា​ន​​របស់​ជាតិ​​ មិន​មែន​​ជា​ទាហា​ន​​របស់​គ​ណ​បក្ស​នយោបា​យ​ណា​​មួ​យ​ឡើយ​”។ ​លោក ញឹក ប៊ុន​ឆៃ ​អគ្គ​​លេខាធិ​កា​រ​គ​ណ​បក្ស​ហ្វ៊ុន​ស៊ិន​ប៉ិច ​ដែល​បា​នដឹក​នា​ំ​​កង​កម្លាំ​ង​​រាជា​​​និ​យ​ម​​ក្នុង​ហេតុការណ៍​ប៉ះ​​ទ​ង្គិចគ្នា​នោះ បា​ន​មាន​​ប្រ​សាស​ន៍​ថា ​លោក​មិន​បា​ន​ចូ​ល​​រួ​ម​ពិធី​រំឭក​ខួប​នេះទេ ពី​ព្រោះ​វា​ធ្វើ​ឡើង​​ដើម្បី​បម្រើ​ឲ្យ​នយោបា​យ​​​របស់គ​ណ​បក្ស​ប្រ​ឆាំ​ង​​​ប៉ុណ្ណោះ​​។ ​លោក​បន្ត​ថា “ គ​ណ​បក្ស​​សង្គ្រោះ​​ជាតិ​​កំ​ពុង​ធ្វើ​​នេះដើម្បីកេងចំណេញ​​​​​នយោ​បា​យ​​”៕

ប្រែសម្រួល​ដោយ ចេវ ប៊ុននី​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស