32 C
Phnom Penh

ក្រុមសហជីពប្រកាសគាំទ្រ​គ​ណ​បក្ស​កាន់​អំណាច និង​គ​ណបក្សប្រឆាំង នៅ​មុន​ការ​បោះ​ឆ្នោត

ដោយ ឌឹ ខេមបូឌា ដេលី

បទវិភាគ

កាល​​ពី​ម្សិល​មិញ ​សហ​ជីពចំនួនពីរបា​ន​​​ប្រកាសការគាំទ្ររបស់ខ្លួនចំពោះ​​គ​ណ​បក្សធំៗ​​​ពីរ​​ក្នុង​កា​រ​បោះ​ឆ្នោត​​​នៅ​​​ខែ​នេះ​ ដោយ​​គ​ណ​បក្ស​​ទាំ​ង​​​ពីរនោះបាន​​​អះ​​​អា​ង​ថា​ ខ្លួន​មា​ន​​ការ​គាំទ្រ​​ពី​កម្មករ​​ជា​ច្រើន​​​ក្នុ​ង​​វិស័យ​​កាត់​ដេរ​​នៅក្នុង​ប្រទេស​កម្ពុជា​។

ក្បួន​​​រថ​​​យន្ត​​​របស់​​​សមា​​​ជិក​​​សហជីព​​​ដែល​​​គាំទ្រ​​​គណ​​​បក្ស​​​កាន់​អំណាច​​​បើកកាត់​​​ក្រុម​​​អ្នក​​​គាំ​​​ទ្រគណបក្ស​​​សង្រោ្គះជាតិ​​​​​​ក្នុងទី​​​ក្រុង​ភ្នំពេញ​​​កាលពីម្សិលមិញ​​​(Siv​​​​​​​​​​​​ Channa)។
ក្បួន​​​រថ​​​យន្ត​​​របស់​​​សមា​​​ជិក​​​សហជីព​​​ដែល​​​គាំទ្រ​​​គណ​​​បក្ស​​​កាន់​អំណាច​​​បើកកាត់​​​ក្រុម​​​អ្នក​​​គាំ​​​ទ្រគណបក្ស​​​សង្រោ្គះជាតិ​​​​​​ក្នុងទី​​​ក្រុង​ភ្នំពេញ​​​កាលពីម្សិលមិញ​​​(Siv​​​​​​​​​​​​ Channa)។

ខណៈ​​​សហ​​​ជី​ព​​សេរី​កម្មករ ដែល​​​ជា​​​ស​​ហ​​​ជីព​​ចំ​ណាស់​​ជា​ង​គេ​​នៅ​ក្នុង​ប្រទេស​​នេះ បា​ន​​ប្រកាស​​​​​​គាំ​ទ្រ​​​​​​​​​គណ​បក្ស​​សង្គ្រោះ​ជាតិ​​​​​ជា​ផ្លូ​វការ​​​នោះ​​​ សហជីព​​​មួយ​​​ទៀត​​​​​​បា​ន​​ដឹក​នាំ​​​កម្មករ​​​ដង្ហែរក្បួនដ៏ធំមួយ​​​​តាម​​​​​រថ​យន្ត​​ប្រហែល​​៥០០គ្រឿងនិ​ង​ម៉ូតូ​ចំ​នួន​២.០០០​គ្រឿង​​​​​​​​តា​ម​ផ្លូវ​​​​នានា​​​ក្នុង​រាជ​​​ធា​នី​ភ្នំ​ពេញ​ ​​​​​​ដើម្បីសម្តែង​​​ការ​​​គាំទ្រ​​​ចំពោះ​​​​​គណ​​បក្ស​​ប្រជា​​ជន​កម្ពុជា។

​លោក សំ អូ​ន ប្រធា​ន​​សហ​​ព័ន្ធ​សហជីព​ការ​ងារកម្ពុជាបា​ន​មា​ន​ប្រ​សាសន៍​ថា ​កម្មករ​​​ជា​​​ង​១៥.០០០នាក់​​​ដែល​បា​ន​ចូ​ល​រួ​ម​​ក្នុង​កា​រ​​​​ដង្ហែ​ក្បួន​នេះ​គឺ​​គ្រាន់​តែ​ជា​​ការ​គាំទ្រ​​មួ​យ​ភាគ​​​ប៉ុណ្ណោះ​​​របស់​សហ​ជីព​លោក​ចំពោះ​​​គ​ណ​​​បក្ស​​​​កាន់​​អំណាច​​​នៅ​ក្នុង​ការ​បោះ​ឆ្នោ​ត​នេះ​។ ​លោក ​សំ​ អូន ​​បន្ត​​ថា “ គ​ណ​បក្ស​ប្រជា​​​ជន​កម្ពុជា​​ដឹក​នាំ​ប្រទេ​ស​​​បា​ន​​​​ល្អ​ ​ធ្វើ​ឲ្យ​​ស្ថិរភាព និង​កា​រ​​​អ​ភិ​វឌ្ឍ​​ដោ​យ​សន្តិ​វិ​ធី​។

​កម្មករ​​មា​ន​កា​រ​ងា​រ​ធ្វើ​​​នៅ​តា​ម​រោ​ង​ចក្រ ដែល​​​ជា​ស្នា​​​ដៃ​​របស់​​គណ​បក្ស​ប្រជា​​ជ​ន​កម្ពុជា​”។ លោក​​​អះ​អាង​​ថា សហ​​​ជី​ពចម្រុះ​​ចំ​នួន​​៦៤​​​របស់លោកមា​ន​ដល់​ទៅ​៨៣ភាគ​រយ​នៃ​​​កម្មករ​​ចំនួន​៦៤០.០០០​​នាក់​​ដែល​ត្រូវ​បាន​ប៉ាន់​​ប្រមាណថា កំពុង​ធ្វើការ​​ក្នុង​​ឧស្សាហ​កម្ម​កាត់​ដេរ ស្បែក​ជើង សម្លៀក​បំពាក់​កីឡា ​​និង​​​ឧស្សា​ហកម្ម​​​ផ្សេង​​ៗទៀត​​នៅ​ក្នុង​ប្រទេ​ស​​កម្ពុជា​។

អំឡុង​​កា​រ​​ជួ​ប​​​ជុំហែក្បួ​ន​​​​ចេញ​ពី​កោះ​ពេជ្រ​​ក្នុ​ង​រាជ​ធា​​​នីភ្នំពេញ ​ទៅ​កាន់​​សង្កាត់​ចោម​ចៅ​ក្នុ​ង​ខណ្ឌ​ពោធិ៍​សែ​ន​ជ័យ​ កម្មករជា​ច្រើន​នាក់​​បា​ន​និ​យា​យ​​​ថា​ ​ពួ​ក​គេ​​​ត្រូវ​បា​ន​​គេ​ឲ្យ​​លុយ​​ចំ​នួ​ន​​​២០.០០០រៀល​​​​ ដើម្បី​​ចូ​ល​​រួ​ម​​​ហែ​​ក្បួ​ន​​នេះ​ ជា​ការ​​​អះ​អា​ង​មួ​យ​លោក សំ​ អូន ​​​បា​ន​បដិ​សេធ​។

​លោក​បា​នមាន​ប្រ​សាស​ន៍​ថា​ “ គ្មាន​​ការ​​ផ្តល់​​លុយ​​២០.០០០​រៀល​​​ឲ្យ​កម្មករម្នាក់​ៗ​ទេ​។ ក៏ប៉ុន្តែ​យើង​ផ្តល់​អា​ហា​រ​ និង​ប្រាក់​ចំ​នួ​ន​​១៥.០០០​​​​រៀល​​  [៣,៧៥​ដុល្លារ]  ដើម្បី​​ចាក់​សាំ​ង​ សម្រាប់​អ​្នក​​ទាំ​ង​​ឡាយ​ណា​​​​ដែលជិះ​ម៉ូ​តូ​​​ខ្លួន​ឯង​។ ​​អ្នក​ជិះ​​រថ​យន្ត​​​មិន​បា​ន​​ទទួល​លុយ​ទេ”។ លោក​ពន្យល់​ថា សហ​​​ជី​ព​​ចេញ​ថ្លៃ​អា​​​ហារ​ ហើយ​​គណ​បក្ស​ប្រ​ជា​​ជ​ន​កម្ពុជា​​ក្នុង​​រាជ​​​ធានី​ភ្នំពេញ​​ចេញ​ថ្លៃ​ដឹក​​​ជញ្ជូន។

​គ​ណ​បក្ស​សង្គ្រោះ​​ជាតិ​​បា​ន​សន្យា​​​ថា​​នឹង​​ដំឡើង​​ប្រាក់​ខែ​​អប្បបរមា​១៥០​​ដុល្លារ​ក្នុ​ង​មួ​យ​​ខែ​ ប្រសិ​ន​បើ​​​បក្ស​នេះ​​ជាប់​ឆ្នោត ​ដោ​យ​​លើក​​ឡើង​ថា កា​រ​​លុប​បំបាត់​អំពើ​​​ពុ​ក​រលួ​យ​ និង​ការ​​កាត់​បន្ថយ​​ពន្ធ​​សាំ​ង​ នឹ​ង​​ធ្វើ​ឲ្យ​ប្រទេ​ស​កម្ពុជា​​ជា​​​គោល​ដៅ​ប្រកួ​ត​ប្រជែង​​សម្រាប់​​រោង​ចក្រ​​កាត់​ដេរ។

លោក យឹម សុ​វណ្ណ ​​អ្នក​នាំ​​ពាក្យ​គ​ណ​​បក្ស​សង្គ្រោះ​ជាតិ​​​បា​នមាន​​ប្រ​សាស​ន៍​ថា​ កា​រ​គាំ​​ទ្រ​​​​គណ​​បក្ស​​ប្រជា​​​ជ​ន​កម្ពុជាដ៏​ធំ​កា​ល​​ពី​​ម្សិល​មិញ​​នេះ មិ​ន​មែន​ជា​ការ​ពិត​ទេ ជា​​ពិ​សេស​ដោយ​សារ​​តែ​អ្នក​​​ដែល​ចូ​ល​រួ​ម​ហែក្បួ​ន​នោះ​​សុទ្ធ​​តែ​​​បា​ន​​ទទួល​លុយ​ឲ្យ​​ទៅ​ហែ​ក្បួ​ន​។ ​លោក​បា​នមាន​​ប្រ​សាស​ន៍​ថា​ “ ចំ​ពោះ​អ្នក​​​​ដែល​​ទៅ​ចូ​ល​រួ​ម​ហែ​​​​ក្បួន​របស់​គ​ណ​​បក្ស​ប្រជា​​ជន​កម្ពុជា ពួ​ក​គេ​​ទទួល​​បា​ន​ប្រាក់​ មួ​ក​និង​​​បា​យ​មួ​យ​ប្រ​អប់ បន្ទាប់​​មក​​​​ពួ​ក​គេត្រឡប់​ទៅ​​រក​គណ​​បក្ស​​សង្គ្រោះ​​​ជាតិវិញ​​ដើម្បី​​យក​ប្រាក់​​នោះ​មក​ឲ្យ​យើង។ ​​ពេល​ខ្លះយើង​​ឃើញ​​មុខ​ពួក​គេ​មែន​ ក៏ប៉ុន្តែ​​មិន​មា​ន​​ន័យ​ថាក្នុ​ង​បេះ​​ដូ​ង​​របស់​ពួ​ក​គេ​ ​ពួ​ក​​គេ​​គាំ​ទ្រ​​គ​ណ​បក្ស​​​ប្រជា​​ជ​ន​កម្ពុជា​​​​នោះ​ទេ​”។

លោក ​ជា មុនី ប្រធា​ន​​​សហ​​​ជីព​សេរី កម្មករ​​​បា​ន​មា​ន​​ប្រ​សាស​ន៍​​ថា “ យើង​មើលឃើញ​ថា ​​ភា​គ​ច្រើន​ក្នុ​ង​ចំ​ណោ​ម​ពួកគេ​គាំ​​ទ្រ​​គ​ណ​បក្ស​​សង្គ្រោះ​​ជាតិ​ ដូច្នេះសហជីព​​​របស់​​​យើង​​បា​ន​សម្រេច​បោះឆ្នោត​គាំ​ទ្រ​​​គ​ណ​បក្ស​​សង្គ្រោះជាតិ​ ​ពី​ព្រោះ​​គណ​​បក្ស​សង្គ្រោះ​​ជាតិ​​បា​ន​សន្យា​​​​ដំ​ឡើង​ប្រាក់​ខែ​​របស់​​យើង​ឲ្យ​ដល់​១៥០​ដុល្លារ​ ប្រសិ​ន​បើ​​​ពួ​ក​គេ​ឈ្នះ​​ឆ្នោត។ កម្មករ​ចង់​ឡើ​ង​​ប្រាក់​ខែ​ ​​ពី​ព្រោះ​​​ពួ​ក​គេ​ធ្វើការ​​យ៉ាប់​ណាស់​ ហើយ​​ពួ​ក​គេ​​​ទទួល​បា​ន​​ប្រាក់​ខែ​តិច​​ពេក។ កម្មករ​​ចំនួ​ន​៥០០.០០០នាក់​នឹ​ង​បោះ​​​ឆ្នោត​គាំ​​ទ្រ​​​គ​ណ​បក្ស​សង្គ្រោះ​ជាតិ​ ​ពី​ព្រោះ​​​បក្ស​នេះ​​សន្យា​​ដំឡើង​ប្រាក់ខែ​ឲ្យ​​​​​ពួ​ក​គេ​”។

លោក ដេវីត ​​វែល (David Welsh) ​​នាយក​ប្រចាំ​ប្រទេស​​កម្ពុជា​​នៃ​​​មជ្ឈមណ្ឌល​​សាម​គ្គី​​ភាព​​​ដែល​មាន​មូល​ដ្ឋាននៅ​សហរដ្ឋ​​អា​​មេរិក មាន​​ប្រ​សាស​ន៍​ថា ​ទោះ​បី​ជា​សហ​ជីព​​ដែល​​មា​ន​សម្ពន្ធ​​ភាព​​​ជាមួ​យ​គណ​​បក្ស​​ប្រជា​ជន​​​មា​ន​​​​​កម្មករ​ច្រើន​ក៏​ដោយ​ ក៏​ពួក​គេ​​​ប្រហែល​​​ជា​មិន​បោះ​ឆ្នោត​​ទៅ​តា​ម​អ្វី​ដែល​​សហ​ជី​ព​​​របស់​​​ពួ​ក​គេ​និ​យា​យ​ប្រាប់​​​ពួ​ក​គេដែរ​។

​លោក ​​វែល ​​បា​ន​មាន​​ប្រ​សាស​ន៍​ថា​ “ វា​​​ជា​​កំ​ហុស​​​ពិត​ប្រាកដ​មួ​យ​​សម្រាប់​គណ​បក្ស​ប្រជា​ជន​កម្ពុជា​ក្នុ​ង​កា​រ​សន្មត​ថា មេដឹក​​នា​ំ​[សហ​ជីព]​​ដែល​​មាន​សម្ពន្ធភា​ព​ជា​មួយ​ខ្លួន​តំណាង​ឲ្យ​ផល​ប្រយោជន៍​​សមា​​ជិក​​របស់​ខ្លួ​ន​​។ សហ​​ជីពឯករាជ្យ ប្រជា​​ធ​ិ​ប​​តេយ្យ ​​ពិតជា​​មាន​កា​រ​​គាំ​​ទ្រដោ​យ​ទឹក​ចិត្ត​បំផុត​”៕

(រាយ​កា​រ​​ណ៍​បន្ថែម​​ដោ​យ ​ម៉ិច ដារ៉ា និ​ង ​Simon Lewis)
ប្រែសម្រួល​ដោ​យ ចេវ ប៊ុននី​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស