28 C
Phnom Penh

​សាលា​ដំបូង​រាជធានីចោទ​ប្រកាន់​ជន​ជាតិ​នីហ្សេរីយ៉ា បួន​នាក់​ និង ជន​ជាតិ​ខ្មែរ​ម្នាក់​ពី​បទ​ជួញ​ដូរ​គ្រឿង​ញៀន

ដោយ ឌឹ ខេមបូឌា ដេលី

បទវិភាគ

កាលពី​ម្សិល​មិញ សាលា​ដំបូង​រាជ​ធានី​ភ្នំពេញ​​​​បាន​ផ្ដន្ទា​ទោស​​បុរស​ជន​ជាតិ​ នីហ្សេ​​​រី​​​យ៉ា ចំនួន​បួន​នាក់​ និង​ជន​ជាតិ​ខ្មែរ​ម្នាក់​ពី​បទ​ជួញដូរ​គ្រឿង​ញៀន ទម្ងន់​សរុប​​ចំនួន​​​៨៧០​​​ក្រាម​រួម​ទាំង​​​គ្រឿង​ញៀន​ប្រភេទ​មេ​តំហ្វេ​តាមីន និង​កញ្ឆា​​ផង​​ដែរ។

​​លោក គឹម ដានី ចៅ​ក្រម​​ជំនុំ​ជម្រះ​បាន​មាន​​​​ប្រសាសន៍​ថា ជន​សង្ស័យ​​ឈ្មោះ ស៊ូ ម៉េង​​​កៅ​ អាយុ​៦២ឆ្នាំ ឈ្មោះលីអូណឺដ អាម៉ា​​​​​​ហ្សាដូ (Leonard Amazado)អាយុ​៣៩ឆ្នាំ ឈ្មោះ ជូដេអូយ៉េ ប៊ូអ៊ីចខូវ (Judeoye Buich​​​khov) អាយុ​២៩ឆ្នាំ ឈ្មោះ ខន់ថេស ចន​​​ ហ្វី​​​លីប (Conteh Jhon Philip) អាយុ​៣៣ឆ្នាំ និង​ឈ្មោះ​ អានីណា ប៊ូកេផូល​(Aninna Buike Paul) អាយុ​២៨ឆ្នាំ​ អ្នក​ទាំង​អស់​ត្រូវ​បាន​ចាប់​ខ្លួន​កាលពី​ខែ​​កញ្ញា នៅ​ក្នុង​រាជធានី​ភ្នំពេញ។

ជន​សង្ស័យ​​​ឈ្មោះ ស៊ូ  ម៉េងកៅ បាន​សារ​​​ភាព​​​​កាលពី​ម្សិល​មិញ​ថា  ខ្លួន​មាន​តួនាទី​ជា​អ្នក​​​បើកបរ​រថ​យន្ត​ឲ្យ​ឈ្មោះ​ ខន់ថេស ចន​​​ ហ្វី​​​លីប​ នៅ​ពេល​នគរ​​​បាល​បាន​បញ្ឈប់​រថ​​​យន្ត​របស់​ខ្លួន​​កាលពី​ថ្ងៃ​ទី​២៥ ខែ​កញ្ញា  ហើយ​​​​នគរបាល​បាន​រក​ឃើញ​​​​​​​គ្រឿង​ញៀន​​​​ប្រ​ភេទ​​មេតំហ្វេតាមីន ចំនួន​២៥០ក្រាម​នៅ​លើ​ខ្លួន​ ហ្វីលីប។

បន្ទាប់​​ពី​ការ​ឆែក​ឆេរ​​ផ្ទះ​របស់​លោក​ ម៉េង កៅ​ នគរ​បាល​​បាន​រក​ឃើញ​​សារធាតុ​គ្រឿង​ញៀន​​ចំនួន​២៧០ក្រាម​ថែម​ទៀត​ រួម​​​ទាំង​កញ្ឆា និង​គ្រឿង​ញៀន​ដែល​គេ​មិន​ស្គាល់​​​​ផ្សេងទៀត​ផង​ដែរ។

បន្ទាប់​ពី​ការ​សាក​សួរ​ ឈ្មោះ ហ្វីលីប​ បាន​ឆ្លើយ​​ដាក់​ ​ជន​ជាតិ​នីហ្សេរីយ៉ាបី​នាក់​ផ្សេង​ទៀត​​ដែល​​​ក្រោយ​មក​ត្រូវ​បាន​ចាប់​ខ្លួន​ ហើយ​​អ្នក​ទាំង​ប្រាំ​នាក់​នេះ ត្រូវ​បាន​តុលាការ​​​​​ចោទ​ប្រកាន់​ពី​បទ​ជួញ​ដូរ​គ្រឿង​ញៀន។

លោក ម៉េង កៅ បាន​បដិសេធ​ថា ខ្លួន​មិន​បាន​ដឹង​ថា ឈ្មោះ​ហ្វីលីប ជួញដូរ​គ្រឿង​ញៀន​​​​នោះ​ទេ​ ហើយ​ថា ខ្លួន​បាន​រក្សាទុក​គ្រឿង​ញៀន​ខ្លះ​នៅ​ក្នុង​ផ្ទះ​នោះ​គឺ​សម្រាប់​ប្រើប្រាស់​ផ្ទាល់​ខ្លួន ដើម្បី​ព្យាបាល​ជំងឺ​របេង​តែ​ប៉ុណ្ណោះ។ តុលាការ​នឹង​ចេញ​សាល​ក្រម​​ពាក់​ព័ន្ធ​នឹង​ករណី​នេះ​នៅ​ថ្ងៃ​ទី​៥ ខែ​សីហា ខាង​មុន​នេះ៕

ប្រែសម្រួល​ដោយ​ ឃិន ណៃ​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស