សាលា​​​ឧទ្ធរណ៍​​​តម្កល់​សាលក្រម​​​​ផ្តន្ទាទោស​​​​​​អ្នក​​​ចងការ​​​ប្រាក់​​​​ជនជាតិ​វៀត​ណាម​​​​​​​​​​​​​ពីបទ​​​ធ្វើ​ទារុណកម្ម

កាល​ពី​ម្សិល​មិញ សាលា​​ឧទ្ធរណ៍​​បា​ន​ត​ម្កល់​​​​សាលក្រម​​​​​​​​​របស់​​​​​​សាលាដំបូ​ង​ខេត្តស្វាយ​​​រៀង​​​​​​ដែល​​​បាន​​​ផ្តន្ទាទោស​​​​​​​​​​​​អ្នក​​​ចងការ​​​ប្រាក់​​​ជន​​​ជាតិ​វៀត​ណាម​ម្នាក់​​ដាក់​​​​​ពន្ធនាគារ​រយៈ​​​ពេល​​​​ប្រាំ​ឆ្នាំ​​​​​​​កាលពី​​​ខែ​​​ធ្នូ​​​ ពី​បទ​​បង្ខាំ​ង ​និង​ធ្វើ​ទារុណ​កម្ម​ក្មេង​ប្រុសអាយុ១៩ឆ្នាំ​ម្នាក់​ដោ​យ​ខុស​ច្បាប់​​​នៅកា​ស៊ី​ណូ​មួ​យ​កន្លែង​ក្នុង​ខេត្ត​នេះ​​​។

​អ្នក​ចងការ​​​ប្រាក់​ឈ្មោះ ថាយ វ៉ាន់​ណេន ​អាយុ​៤៤ឆ្នាំ​ បា​ន​សារ​ភាព​ អំឡុង​​សវ​នាការ​​​នៅ​​​​​​សាលា​​​ឧទ្ធរណ៍​ថា ខ្លួន​​​បា​ន​ឲ្យ​ឈ្មោះ ង្វៀន ​​​ហ៊ូទីន ខ្ចី​ប្រាក់​​២.០០០​ដុល្លារ​​ ដើម្បី​​បន្ត​លេង​ល្បែងនៅ​កាស៊ី​ណូ​ ឡាស់ វ៉េហ្គាស សាន់ ​​​(Las Vegas Sun) ក្នុ​ង​ក្រុ​ង​​បាវិត ប៉ុន្តែ​​​បា​ន​​​​និយាយ​​ថា ​​​​​ប្រាក់​​​​​​កម្ចី​​​​នេះ​​​គឺ​​​​ត្រូ​វ​បាន​ចាត់​ចែង​​ដោ​យ​​​ឈ្មួញ​​​​កណ្តាល​​ពីរនាក់​ ឈ្មោះ សាវ និង​​​ឈ្មោះ ​យៀក ​​​​​ដែល​មិ​ន​ទាន់​ចាប់​ខ្លួន​​បា​ន​​​​នៅ​ឡើយ​។

​​ជន​នេះ​​ក៏​​បា​ន​​បដិសេធ​ផង​ដែរ​​ថា​ ខ្លួន​​​​​​គ្មាន​​​​​​អ្វី​​​ជាប់​​​​​​​​​ពាក់​​ព័ន្ធ​នឹង​​កា​រ​​​បង្ខាំង​​​​​​ជន​រងគ្រោះ​​​​ទេ ហើយ​​​​អះអាង​​​ថា​​​ ជន​​​រងគ្រោះ​​​ឈ្មោះ​​​ ​​​​​ហ៊ូទីន ​​គឺ​​​ជា​​អ្នក​​កាត់​ម្រាម​ដៃ​​​ខ្លួន​​ឯង​​​ រួច​​​ផ្ញើ​​​​ម្រាម​​​ដៃ​​​នេះ​​​រួម​​​​​​ជាមួ​យ​​​​និ​​​ង​​​​​​លិខិត​​​​ទាម​​ទារ​​ប្រាក់​លោះ​ចំ​នួន​​២.០០០​ដុល្លារ​​​ទៅ​ឲ្យ​​​ក្រុម​​គ្រួសារ​​​​របស់​​​ខ្លួន​​​ ក្នុ​ង​​​​បំណង​​​​​បោកប្រាស់​​​ពួ​ក​គេ​​ឲ្យ​​​​​សង​​​ប្រាក់​​​​​​ជំនួស​​​ខ្លួន​​​​។

​​ប៉ុន្តែកា​ល​ពី​ម្សិល​មិញ  លោក ប៉ុល សំ​អឿន ​​​ប្រធា​ន​ក្រុម​ប្រឹក្សាជ​ំនុំ​ជម្រះ បា​ន​ច្រាន​​ចោល​​​​​ចម្លើយ​​​​​​​​ការពារ​​​​​ខ្លួន​​​របស់ វ៉ាន់​ណេន ។ ​ចៅក្រម​​​រូបនេះ​​​បា​នមាន​ប្រ​សាស​ន៍​ថា   “ សាលា​ឧទ្ធរណ៍​​បា​ន​​​​​​​​ចេញ​​​សេចក្តី​​​សន្និដ្ឋាន​​​ថា សេចក្តី​សម្រេចរបស់​សាលា​ដំ​បូ​ង​ខេត្ត​ស្វាយ​រៀង​  គឺត្រឹមត្រូ​វ​​​ហើយ​​​​ ដូច្នេះ​គឺ​​​បា​ន​សម្រេច​​​តម្កល់​សាលក្រម​​ដើ​ម”។

​លោក នាង ហៃ មេធាវី​កា​រ​​​ពារ​​ចុង​ចោទ ​បា​ន​​ច្រាន​ចោល​សេចក្តី​សម្រេច​​របស់​ចៅ​ក្រម​រូបនេះ​​​កា​ល​​ពី​ម្សិល​មិញ​​​​​។ ​លោក​បា​ន​មា​ន​ប្រ​សាសន៍​ថា “ ​​​​វា​​​មិន​យុត្តិ​​​ធម៌​​ទេ​។យើង​មិ​ន​អា​ច​​​ទទួល​យក​សេចក្តី​សម្រេច​​​របស់​សាលា​​ឧទ្ធរណ៍​បា​ន​​ទេ​ ដូច្នេះ​​​យើង​​នឹង​​​ប្តឹង​​​សារទុក្ខ​​​​​​ទៅ​តុ​លា​កា​រ​​​កំ​ពូ​ល​​​​ទៀត ​​ព្រោះកូន​ក្តី​​របស់​​ខ្ញុំ​​មិន​បា​ន​​ប្រ​ព្រឹត្ត​បទ​ល្មើស​ទាំងនេះ​ទេ​”។ ​លោក​បា​ន​បន្ថែម​ថា ខាង​​​លោក​​​មិន​ទាន់​​បាន​​​​កំ​ណត់​កា​ល​​បរិច្ឆេទ​​​​​​សម្រាប់​​​ការ​​​ប្តឹង​​​សារទុក្ខ​​​នៅ​ឡើយទេ ​​​គឺ​​​រង់ចាំ​​​​​​​​ពិគ្រោះ​​យោ​បល់​​​ជា​មួ​យ​លោក វ៉ាន់​ថាយ និង​គ្រួសារ​​របស់​​គាត់​​​​សិន​​​។

កា​ល​​ពី​ខែ​មុន លោក សួស សាខូ ប្រធា​ន​​ពន្ធ​នា​គារ​​ខេត្ត​ស្វាយ​រៀង​ បា​ន​​​ឲ្យ​​​ដឹង​​​​ថា ជន​​​ជាតិ​​វៀត​ណាម​សរុប​​​​ចំនួន​​​២៥នាក់​បា​ន​​ជាប់​​ពន្ធ​​នា​គារ​ ​អំ​ឡុង​​​​​​រយៈពេល​​ប្រាំ​មួ​យ​ខែ​​ដំបូង​​នៃ​ឆ្នាំ​នេះ​​​​ក្រោម​​​បទ​ចោទ​​ប្រកាន់​ផ្សេងៗ​គ្នា ​ក្នុង​​​នោះ​​​រួមមាន​​​​​ទាំង​​កា​រ​​បង្ខាំង​​​មនុស្ស​​​ខុស​​ច្បាប់​ កា​រ​​ជួ​ញ​​ដូរ​គ្រឿង​​​ញៀន  និង​កា​រ​​ប្រើ​​គ្រឿ​ង​ញៀន​​​​ផង​​​ដែរ​​​។

​សារព័ត៌​មា​ន​​វៀត​ណាម​​​​​​បាន​​​ធ្វើ​​​សេចក្តី​​​រាយ​កា​រ​​ណ៍​​​​​​ព័ត៌មាន​​​ជាទៀងទាត់​​​អំ​ពី​អ្នក​​លេង​ល្បែ​ង​​​ក្មេងៗ​ ដែល​ត្រូ​វ​បានល្បួង​​​ឲ្យ​​​ឆ្លង​​ដែន​​ចូ​ល​​​​មក​​​លេង​​​ល្បែង​​​នៅ​​​​កា​​ស៊ីណូ​​​ក្នុង​​​​ក្រុង​បា​វិត​​​​​​ ដែល​​​​ជា​​​កន្លែង​​​​​ពួ​ក​គេ​​​​​​រង​គ្រោះ​​ដោយ​សារ​​កា​រ​ជំរឹត​​​ទារប្រាក់​​​​ដោ​យ​ហិង្សា   និ​ង​ការ​​ចាប់​ជំ​រិត​​​​ជា​រឿយៗ​​​៕

ប្រែ​សម្រួលដោ​យ ចេវ ប៊ុននី​​​​​​​​

© 2013, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.