គណបក្ស​​សង្គ្រោះ​ជាតិ​ផ្អាក​យុទ្ធ​នា​ការ​​ដើម្បី​​​ត្រៀម​ខ្លួន​​​សម្រាប់​​កា​រ​​វិល​ត្រឡប់​​របស់​លោក សម ​រង្ស៊ី​

គ​ណ​​បក្ស​សង្គ្រោះជាតិ​​​បា​ន​ផ្អាក​​យុទ្ធ​​នា​កា​រ​​​​​​ធំៗ​​ទាំ​ង​​​អស់​របស់​​​ខ្លួន​​​នៅ​​ទូ​ទាំ​ង​​​រាជ​ធានី​ភ្នំពេញ​​ ​​​​​​ ខណៈ​​​ខ្លួន​​​​​​​​ត្រៀ​ម​រៀប​ចំការ​​ជួប​ជុំ​​​​​គ្នា​​​ដ៏​​​​ធំ​មួ​យ​​ដើម្បី​​​​​ស្វាគមន៍​លោក សម ​រង្ស៊ី ប្រធា​ន​​គ​ណ​បក្ស​​​​​នេះ​​​នៅ​ថ្ងៃ​សុក្រ​​​ ពេល​​លោក​វិល​​​ត្រឡប់​​​​មក​​កាន់​​​​មាតុ​​​ប្រទេ​ស​វិញ​ បន្ទាប់​​ពី​​​​ បាន​​​រស់​​​​​​នៅ​​​ដោយ​​​ការ​​​និ​រទេស​​ខ្លួន​​​នៅ​ក្រៅ​​​​ប្រទេ​ស​​​​​​​​​​អស់រយៈពេល​​​​ពេល​ជិត​​បួ​ន​ឆ្នាំ​​​​​​​។

ខណៈ​​​នៅ​​​សល់​​​តែ​​​ជិត​​​ពីរ​​​សប្តាហ៍​​​ទៀត​​​ដល់​​​ពេល​​​​​​​​​បោះ​​ឆ្នោត​​ជ្រើស​​រើស​តំ​ណាង​រាស្ត្រ​​​​​ថ្ងៃ​​ទី២៨ កក្កដា​​​​នោះ​​​ ​​គ​ណ​បក្ស​ប្រឆាំ​ង​​កំ​ពុង​​តែ​សង្ឃឹម​​ថា​​ នឹ​ង​មា​ន​​​អ្នក​​​​គាំ​​ទ្រ​​​យ៉ាង​​តិច​​​​​៤០.០០០​​នាក់​​រង់ចាំ​​​ស្វាគមន៍​​​នៅ​ក្នុ​ង​រាជ​ធា​​នី​ ពេល​​ប្រធាន​​​គណបក្សសង្គ្រោះ​​​ជាតិ​​​ លោក​ សម ​រង្ស៊ី ​មក​​ដល់​​​អា​​កាស​​យាន​​ដ្ឋាន​​​អន្តរ​ជាតិ​ភ្នំ​ពេញ​ មុន​​​ពេល​​​ធ្វើ​​​ដំណើរ​​​ទៅ​​​​​សួ​ន​​សេរី​ភាព​ ​​​​ ​​​ដែល​​​​ជា​​​កន្លែង​​​លោក​​​ត្រូវ​​​​​​ថ្លែង​​​ទៅកាន់​​​​អ្នក​គាំ​ទ្រ​គណ​​បក្ស​​​​នេះ​​​។

​លោក យឹម សុ​វណ្ណ ​​អ្នក​នាំ​​ពាក្យ​​​​​​គ​ណ​​បក្ស​​សង្គ្រោះ​​​ជាតិ​​​ បា​ន​​​ឲ្យ​​​ដឹង​​​​ថា​ គ​ណ​​បក្ស​​​​​នេះ​​​បាន​​​​​​ផ្អាក​កា​រ​​ជួ​​ប​ជុំ​​​​​​​​គ្នា​​​ និង​​ការ​ហែ​ក្បួ​ន​របស់​ខ្លួន​​នៅ​ទូ​ទាំង​រាជ​​​ធា​នី​​ភ្នំពេញ​​​កា​ល​ពី​ម្សិល​មិញ​ ហើយ​នឹង​ចាប់​ផ្តើម​​​​​ឡើង​​​វិញ​​​តែ​​​នៅ​ថ្ងៃ​​​ព្រហស្បតិ៍​​​​ប៉ុណ្ណោះ​​​ ដើម្បី​រក្សា​​ធ​ន​​​ធាន​ និង​​​ត្រៀម​​រៀ​ប​ចំ​​​​ខ្លួន​​​​​​។ លោក​បា​នមាន​​ប្រ​សាសន៍​បន្តទៀត​​​ថា “ យើង​ត្រូ​វ​​​​​សន្សំ​​ថា​ម​​​ពល​​ និង​ធន​​ធាន​របស់​យើង ដើម្បី​​​ត្រៀម​​​ស្វា​គមន៍​លោក សម  ​រង្ស៊ី ​នៅ​ថ្ងៃ​​​ទី​១៩ ខែ​កក្កដា។ហេតុដូច្នេះ​​​ហើយ​​​ទើប​​​​យើង​​​ផ្អាក​​​​តែកា​រ​​ហែ​ក្បួន​​​​​​​ធ្វើ​​​យុទ្ធនាការ​​​ធំៗប៉ុណ្ណោះ​​  ប៉ុន្តែ​យើង​​នៅ​តែធ្វើ​យុទ្ធ​នា​ការ​​​​ឃោសនា​​បោះ​ឆ្នោត​នៅ​ថ្នាក់​​ឃុំ  ​​និងថ្នាក់​​​​ស្រុក​​​ដដែល​​​ទេ​​​​​​”។

លោក​បា​ន​បន្ត​​​ថា  គ​ណ​បក្ស​នេះ​​កំ​​ពុងចំ​ណា​​យ​ពេល​​រៀប​ចំ​​​​​​​​ដំ​ណើរ​​​​ទស្សនកិច្ច​​​​​របស់​លោក សម រង្ស៊ី ​ទៅ​​​​កាន់​​​បណ្តា​​​​​ខេត្ត​​​នានា​​​​​​​​ផង​​​ដែរ​​​។​​​ លោក​​​​​​ សម​​​ រង្ស៊ី គ្រោង​​​​​​ចំណាយ​​​​​​ពេល​​​នៅ​​​តាម​​​​ខេត្ត​​​​​​រហូត​​​​​​ដល់​​​ថ្ងៃ​​​បោះឆ្នោត​​​ គឺ​​​លើក​​​លែង​​​តែ​​​​​​មួយ​​​ថ្ងៃ​​​ នៅ​​​ចន្លោះ​​​ថ្ងៃ​​​វិល​​​ត្រឡប់​​​មកកាន់​​​​​​មាតុ​​​ប្រទេសវិញ​​​​​​ និង​​​ថ្ងៃ​​​បោះឆ្នោត​​​ប៉ុណ្ណោះ​​​​​​។ ​លោក​​បា​ន​ឲ្យ​​​ដឹង​​​​ថា លោក សម រង្ស៊ី នឹ​ង​​ចុះ​​​ទៅ​​ខេត្ត​​​​​​នានា​​​ចំនួន​​​១៥​​​​ ​​​​​អំឡុង​​​ពេល​នោះ​ ដោ​យ​​ផ្តោត​លើ​​ខេត្ត​ជុំ​​វិញ​​រាជ​ធានី​ភ្នំពេញ​ និង​ខេត្ត​ផ្សេង​ៗ​​​ទៀត​​​នៅ​ភាគ​​ខាង​លិច និង​​​ភាគ​​​កណ្តាល​ ក្នុង​​​នោះ​​​មាន​​​ទាំង​​ខេត្ត​បាត់​ដំ​បង ​បន្ទាយ​មា​ន​​ជ័យ ​កំ​ពង់ធំ និង​ខេត្ត​សៀម​រាប​​​​ផងដែរ​​​។ លោក  សុវណ្ណ  បា​នមាន​​​ប្រសាសន៍​​​ថា​ ​“ ទាំង​​​​​​អស់​​​មា​ន​១៥​ខេត្ត​ ដូច្នេះ​​​​លោក​ត្រូវ​​ចុះ​ទៅ​កាន់​ខេត្ត​ចំនួន​​ពីរ​​​ក្នុង​​​​​មួយ​​​​ថ្ងៃ​​​”។ ​

កាល​​​បរិច្ឆេទ ​និង​​ដំ​ណើរ​​​ពិត​ប្រាកដរបស់​លោក​ សម រង្ស៊ី ​​​នៅ​​​មិន​​ទាន់​​​​ត្រូវបាន​​​​​កំណត់​​​​នៅ​ឡើយ​​​​​ទេ​។ ​លោក ស្រី មូ សុខ​ហួរ ​បេក្ខ​​​ជន​​ត​ំ​ណាង​រាស្ត្រ​​​​​គ​ណ​បក្សសង្គ្រោះ​ជាតិ​ ដែល​​កំ​ពុង​​ឈរ​​​​ឈ្មោះ​​បោះ​ឆ្នោត​​​​នៅ​ខេត្ត​​បាត់​ដំ​បង​ បា​នឲ្យ​​​ដឹង​​​​ថា​ លោក​ស្រី​នឹង​​​ធ្វើ​ដំ​ណើរ​មក​កាន់​​រាជ​​ធានី​​​​ភ្នំ​​ពេញ​​​ ដើម្បី​ចូល​​​រួ​ម​ក្នុង​​​កិច្ច​​​ប្រជុំ​​​​​បក្ស​​​នៅ​ថ្ងៃ​​ពុធ ​​ដើម្បី​​​ចាប់​ផ្តើម​​​សម្រេច​ផែន​កា​រ​ធ្វើ​យុទ្ធនា​ការ​​​សម្រាប់​លោក សម រង្ស៊ី​។

​ដោ​យ​​សារ​​​​​លោក សម រង្ស៊ី ​​​​មាន​​​ប្រ​ជា​​ប្រិយ​ភាព​​​បំ​ផុត​​​តែ​​​នៅ​​​តាម​​​តំបន់​​​ក្រុ​ង​​នោះ​ លោក​ស្រី​​ មូ  សុខ​ហួរ​​​ បា​នឲ្យ​​​ដឹង​​​ថា ​កា​រ​​ផ្តោត​​​​​​​លើ​​​​​ការ​​​ចុះ​​​ទៅ​​​តាម​​​​​​ខេត្ត​ ​​​គឺ​​​​​មាន​​​កម្រិត​​​មធ្យម​​​តែ​​​ប៉ុណ្ណោះ​​​​​​​​​​​​​​ ដែល​​​ការ​​​ធ្វើ​​​បែប​​​នេះ​​​ គឺ​​​​ដើម្បី​​​​​​ដណ្តើម​​​យក​​​ប្រជាប្រិយ​​​ភាព​​​របស់​​​គណ​​បក្ស​​ប្រជាជន​កម្ពុជា​​ក្នុង​​​ចំ​ណោម​​​​​​​​​​អ្នក​បោ​ះ​​ឆ្នោត​នៅ​តាម​​​​​​តំបន់​​​ជន​បទ​​​​ផង​​​ និង​​​​ដើម្បី​​​​បង្កើន​​​វត្ត​​​មាន​​​របស់​​​លោក​ សម រង្ស៊ី ​នៅ​តា​ម​​តំ​បន់​​​​ដែល  ​​​​​​គ​ណ​បក្ស​​ប្រឆាំ​ង​​​​មាន​​​ឱកាស​​​តិច​​​បំផុត​​​ក្នុងការ​​​​​​​ផ្ស​ព្វផ្សាយ​​​គោល​​​នយោបា​យ​​​របស់​​ខ្លួន​​​​​តាម​​​ប្រព័ន្ធ​​​​​​ផ្សព្វផ្សាយ​​​ផង​​​​​​​។ លោក​ស្រី​បា​ន​មា​ន​ប្រ​សាសន៍​ថា “ ប្រជា​ពល​រដ្ឋ​នៅ​តាម​​តំបន់​​​ជន​បទ​​ចង់​ឃើញ​គាត់​​​  បំ​ផុត ​​​ព្រោះ​​ពួក​​គាត់​​​​មិន​​​សូវ​​​បាន​​​ទទួល​​ព័ត៌មា​ន​​​​តា​ម​​ប្រព័ន្ធ​ផ្សព្វផ្សាយ​​​ទេ”។

​គួរ​​​រំឭក​​​ថា​​​ លោក​ សម រង្ស៊ី បា​ន​និង​កំ​ពុង​​​រស់​នៅ​ក្នុង​ប្រទេ​ស​​បា​​រាំ​ង​​​​​​​អស់​​​រយៈ​​ពេល​​ជិត​​​បួ​ន​ឆ្នាំ​​​​មក​​​ហើយ  ​​​​​​ដើម្បី​​​​គេច​ពី​ទោស​​ជាប់​​ពន្ធនាគារ​រយៈ​​​ពេល១១​​​​ឆ្នាំ​ ​​​​ក្រោម​​​បទ​​​​​​ចោទ​​​ប្រកាន់​​​ដែល​​​​មជ្ឈដ្ឋាន​​​​ទូ​​ទៅ​​​​ចាត់ទុក​​​ថា​​ ជា​រឿង​​នយោ​បា​យ​។ យោង​​​តា​មសំ​ណើ​​​​របស់​លោក​​នា​យក​រដ្ឋ​មន្ត្រី ហ៊ុន សែន ​​ព្រះ​មហា​​​ក្សត្រ  នរោត្តម​ ​​​ សីហមុនី  ​បា​ន​ព្រះ​រាជទាន​​​លើក​លែង​​ទោស​​ដល់​លោក​​ សម​​​ រង្ស៊ី​​​ កា​ល​ពី​​ថ្ងៃ​សុក្រ  ​ដែល​​​នេះ​​​ជា​​​ការ​​​​​​ត្រួស​​ត្រាយ​ផ្លូ​វ​សម្រាប់​​​​ការ​​វិល​ត្រឡប់​​​​​​របស់​លោក​៕

ប្រែសម្រួលដោយ ចេវ ប៊ុនី

© 2013, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.