ក្រុ​ម​ហ៊ុន ស៊ិនទ្រី នឹង​​​ប្រមូល​សំរាមត្រឹម​២០​ភាគ​​រយពេល​​​​បោះ​ឆ្នោត

ក្រុម​​ហ៊ុន​​ប្រមូ​ល​សំរាមក្នុង​​​រាជ​ធា​នី​ ​​​គឺ​​​ក្រុមហ៊ុន​​​ ស៊ិន​​ទ្រី ​បា​នឲ្យ​ដឹង​ថា​ ​​ខ្លួ​ន​​នឹង​​​បំពេញ​​​ការ​​​​ងារ​​​ត្រឹម​​​តែ​​១​ភាគ​៥​​​នៃ​​​​​​សមត្ថភាព​​​របស់​​ខ្លួន​​​​​ប៉ុណ្ណោះ​​​ចាប់​​ពី​ថ្ងៃ​​​ទី​​២៧ ដល់​​ថ្ងៃ​​ទី​​២៩​ខែ​កក្កដា​​​ ព្រោះ​​​និយោ​ជិត​​​ភាគ​​ច្រើ​ន​​​របស់​​​ខ្លួន​​​​​​​​​​​នឹង​​ត្រឡប់​​ទៅ​​​​​​​​ស្រុ​ក​កំ​​ណើត​​​​​ដើម្បី​​​​​​​ចូលរួម​​​​​​ក្នុង​កា​រ​​​​បោះ​ឆ្នោត​​​​​​​​ជាតិ​​​នៅ​​​ថ្ងៃ​​​ទី​​២៨​ខែ​​កក្កដា​។

​លោក សាង ​ចំរើន អនុប្រធា​ន​ក្រុម​ហ៊ុន​​ស៊ិន​ទ្រី​​​ បា​នឲ្យ​​​ដឹង​​​​​​​ថា ​ដោ​យសារ​​​ភាគច្រើន​​​នៃ​​​​​​​បុគ្គលិក​​ក្រុម​​ហ៊ុន​​​ទាំង​​​​​១.១០០​​នាក់​​​ត្រូវ​​​ឈប់​​​សម្រាក​​​​​រយៈ​ពេល​បី​ថ្ងៃ​​​​​​​នោះ​​​ ​ខ្លួ​ន​នឹង​ផ្តោត​​​លើ​​​ការ​​ប្រមូល​សំរាម​​​​​​នៅ​​​​​ខណ្ឌ​​​​​​​កណ្តាល​​​រាជ​​ធា​នី​ ​​​ចំនួន​​​បួន​​​ គឺ​ខណ្ឌ​ដូ​ន​ពេញ​ ​​​​​៧មករា ​ចំការ​​មន និង​ខណ្ឌទួល​គោក​ និ​ង​​​នៅ​តាម​​ផ្លូ​វ​​​ធំ​ៗ​​ប៉ុណ្ណោះ​។

​លោក​ ចំ​រើនបាន​​​អំ​ពាវ​​នា​វ​​​ដល់​​​​​ពលរដ្ឋ​​​​​ក្នុ​ង​​ខណ្ឌ​​ផ្សេង​ទៀត​​​ឲ្យ​​​​​យល់​​ដឹង​​​​​ពី​កា​រ​​កាត់​​បន្ថយ​​សេវា​​កម្ម​នេះ​​​រហូត​​​ដល់​​ថ្ងៃ​ទី​៣០​ ខែ​កក្ក​ដា​។ លោក​​​បាន​​​​​​និយាយ​​​​​​ថា​ “ យើង​​​​មិ​ន​អាច​​​ធ្វើ​ការ​​​​​ដូច​ធ​ម្មតា​​ឡើយ​​​​​​​​​​ ដូច្នេះ​​សូ​ម​មេត្តា​​​​​​​​​​ចាក់​​​​​សំរាម​​​របស់​បង​​ប្អូន​​​នៅ​​​ក្នុង​​​ធុងឲ្យ​​បា​ន​ត្រឹម​ត្រូវ​ និង​​​​​​​កុំ​ចាក់​សំរាម​​​​​នៅ​​​កន្លែង​​​ដែល​​អាច​​​ធ្វើ​​​ឲ្យ​​​​ប៉ះពាល់​​​​​​​​​ដល់​​​សណ្តាប់​ធ្នាប់​សា​​ធា​រ​​​ណៈ​ ​អនា​ម័យ ឬ​បរិស្ថាន​​ក្នុ​ង​រាជ​​​ធានី”។

​​​​​​​អំឡុង​ពេល​​​បោះ​ឆ្នោត​ ​កម្មករ​នៅ​​​​​តា​ម​​រោង​ចក្រ​ និ​ង​​​​​​ក្រុម​​ហ៊ុន​​​ផ្សេង​ៗ​​​ទៀត​​​​នឹ​ង​ត្រូ​វ​បា​ន​​អ​នុញ្ញាត​​ឲ្យ​​ឈប់​​​​សម្រាក​​​រយៈ​​​ពេល​បី​​ថ្ងៃ​​ដើម្បី​ចូល​រួ​ម​​ក្នុង​កា​រ​បោះ​ឆ្នោត​​​​នេះ​​​៕

ប្រែសម្រួល​​​ដោ​យ ​ចេវ ប៊ុននី

© 2013, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.