29 C
Phnom Penh

ក្រុម​​​អ្នក​​​គាំ​​​ទ្រ​​​រាប់​​​ម៉ឺននាក់​​​ចូល​​​រួមស្វាគមន៏​​​លោក​​​​​​ សម រង្ស៊ី

ដោយ ឌឹ ខេមបូឌា ដេលី

បទវិភាគ

ថ្លែង​​​ទៅកាន់​​​ក្រុម​​​អ្នក​​​គាំទ្រ​​​​​​របស់​​​ខ្លួន​​​អំឡុង​​​ការ​​​ជួបជុំ​​​​​​គ្នា​​​ធំ​​​បំផុត​​​​​​​​​នៅ​​​ប្រទេស​​​​​​កម្ពុជា​​​ក្នុង​​​រយៈពេល​​​ពីរ​​​ទសវត្សរ៍​​​នេះ​​​ លោក​​​ សម​​​ រង្សុី​​​ ប្រធាន​​​គណបក្ស​​​សង្គ្រោះ​​​ជាតិ​​​ បាន​​​​លើកឡើង​​​​​​ថា​​​ លោក​​​វិល​​​ត្រឡប់​​​មក​​​ប្រទេស​​​នេះ​​​វិញ​​​ដើម្បី​​​រួបរួម​​​គ្នា​​​ជាមួយ​​​ប្រជាពលរដ្ឋ​​​ក្នុងបំណង​​​ផ្តួល​​​រំលំ​​​គណបក្ស​​​ប្រជាជន​​​​​​កម្ពុជា​​​​​​​​កំពុង​​​កាន់​​​អំណាច​​​។​

លោក​​​​​​​​​ សម​​​​​​​​​ រង្ស៊ី​​​  (ស្តាំ​​​)​​​ និងលោក​​​​​​​​​​​​​​​ កឹម សុខា (ឆ្វេង)​​​ ស្វាគមន៏ក្រុម អ្នកគាំទ្រនៅអាកាសយានដ្ឋានអន្តរជាតិភ្នំពេញ​​ (Kevin Doyle)
លោក​​​​​​​​​ សម​​​​​​​​​ រង្ស៊ី​​​  (ស្តាំ​​​)​​​ និងលោក​​​​​​​​​​​​​​​ កឹម សុខា (ឆ្វេង)​​​ ស្វាគមន៏ក្រុម អ្នកគាំទ្រនៅអាកាសយានដ្ឋានអន្តរជាតិភ្នំពេញ​​ (Kevin Doyle)

ឈរអមជាមួយ​​​លោក កឹម សុខា អនុ​​​ប្រធាន​​​គណ​​​បក្ស​​​​​​សង្គ្រោះ​​​ជាតិ​​​​​​ លោក សម រង្ស៊ី​​​​​​ បានថ្លែង​​​ថា “ខ្ញុំពិត​​​ជា​​សប្បាយចិត្តខ្លាំងណាស់ដែលបានឃើញបងប្អូនជនរួមជាតិទាំងអស់នៅទីនេះ។​​​ យើង​​​នឹងធ្វើដំណើរជាមួយគ្នា​ ហើយខ្ញុំនៅ​​​ទីនេះជាមួយបងប្អូនដើម្បីសង្គ្រោះ​​​ជាត​​​ិយើ​​​​​​ង” ។

ឈរនៅលើរថយន្ត​​​​​​មួយ​​​គ្រឿង​​​ លោក​​ សម រង្ស៊ី និងលោកកឹមសុខា ដែល​​​បាន​​​លើក​​​ដៃឡើង​​​​​​លើ​​​ជា​​​សញ្ញា​​​បង្ហាញ​​​ពី​​​ការ​​​សាមគ្គីគ្នា​​​បានចាប់ផ្តើម​​​ធ្វើដំណើរ​​​កាត់​​​ក្រុម​​​អ្នក​​​គាំទ្រ​​​ដែល​​​មាន​​​ចំនួន​​​​​​​​​​​​​​​ច្រើន​​​ឆ្ងាយ​​​ជាង ចំនួន​​​​​​​​​​​​២០.០០០ នាក់​​​​​​ដែល​​​​​​​​​ត្រូវបាន​​​​​​​​​រំពឹង​​​ថា នឹង​​​​​បង្ហាញ​​​ខ្លួន​​​​នៅ​​​​​អាកាស​​​យាន​​​ដ្ឋាន​​​​​​អន្តរ​​​ជាតិ​​​ភ្នំពេញ ដើម្បី ស្វាគមន៍​​​ការ​​​​​ធ្វើ​​​មាតុភូមិ​​​និវត្ត​​​របស់​​​លោក​​​។

ក្រុម​​​អ្នកគាំទ្រ​​​រាប់​​​មុឺន​​​នាក់បានឈរជាជួរ តាមបណ្តោយមហាវិថីសហពន្ធរុស្ស៊ី ​​​ខណៈ​​​រថយន្ត​​​ដែល​​​មានបិទ​​​​​​រូបសញ្ញា​​​​​​គណបក្ស​​​សង្គ្រោះ​​​​​​ជាតិ​​​បាន​​​ធ្វើ​​​ដំណើរ​​​យឺតៗ​​​ឆ្ពោះ​​​ទៅកាន់​​​​​​ទីលានប្រជាធិបតេយ្យ ដែលជា​​​កន្លែង​​​លោក​ សម រង្ស៊ី ​​​គ្រោង​​​ថ្លែង​​​សុន្ទរកថាជាលើក​​​ដំបូង​​​របស់​​​ខ្លួន​​​ក្នុង​​​រយៈ​​​ពេល​​​ជាងបួន​​​ឆ្នាំ​​​នេះ​​​។

លោក​​​ សម រង្ស៊ី បានភៀស​​​ខ្លួនទៅកាន់​​​ប្រទេសបារាំងកាលពីឆ្នាំ២០០៩ ដើម្បីគេច​​​ពី​​​ទោស​​​ជាប់ពន្ធនាគារ​​​​​​រយៈពេល​​​១១​​​ឆ្នាំ​​​ក្រោម​​​បទ​​​ចោទ​​​ប្រកាន់​​​ដែល​​​មជ្ឈដ្ឋាន​​​ទូទៅ​​​ចាត់ទុក​​​ថា​​​ ជារ​​​ឿង​​​នយោបាយ​​​។​​​ លោក​​​ត្រូវបាន​​​​​​ព្រះ​មហាក្ស​​​ត្រ​ នរោត្តម សីហមុនី ​ព្រះ​រាជ​ទាន​លើក​លែង​ទោស​​​​​​កាលពី​​​សប្តាហ៍​​​​​​មុន​​​។

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស