28 C
Phnom Penh

អំពើហិង្សា​​ទាក់​​ទ​ង​នឹង​​​យុទ្ធ​នា​ការ​​ឃោស​នា​ថយ​​ចុះ ​​តែ​​​ពាក្យ​បណ្តឹង​​កើន​ឡើង​​​ធៀប​​​នឹង​​​ឆ្នាំ​​២០០៨​

ដោយ ឌឹ ខេមបូឌា ដេលី

បទវិភាគ

​លោក ​ទេព នី​ថា ​អ​គ្គ​​លេខា​​ធិ​ការ​​​នៃ​​គ​ណៈកម្មាធិការ​​​​ជាតិ​​រៀប​ចំ​កា​រ​​បោះ​ឆ្នោ​ត​​​(គ.ជ.ប.)​បា​ន​​​​ឲ្យ​​​ដឹង​​​កា​ល​​​ពី​ម្សិល​មិញ​​ថា  គ.ជ.ប.​​បា​ន​​ទទួល​​ពាក្យ​បណ្តឹង​​​​ជិត​​៤០០​ករណី​​​ទាក់​​​ទ​ង​នឹង​​​យុទ្ធ​នា​កា​រ​​​​ឃោស​​នាបោះ​ឆ្នោត​មុន​កា​រ​​បោះ​​ឆ្នោត​ជ្រើ​ស​តាំង​តំ​ណា​ង​​​រាស្ត្រ​នៅថ្ងៃ​​​អា​ទិត្យ​នេះ។​​​ ​​​​នេះ​​​ជា​កា​រ​កើន​ឡើង​​​​​​​​គួរ​​​ឲ្យ​​​កត់​​​​សម្គាល់​​​ បើ​​​ធៀប​​​នឹង​​​​រយៈ​​ពេល​​ដូចគ្នា​​នៅ​​​ក្នុង​ឆ្នាំ​​២០០៨​។

លោក នី​ថា ​​បា​នបន្ត​​​​ថា ចំ​នួនពាក្យ​បណ្តឹង​​​ដែល​​​បាន​​​​ដាក់​​ទៅ​​គ.ជ.ប. ​និង​គ​ណៈ​​​កម្ម​​កា​រ​​ថ្នាក់​ខេត្ត​និង​​​ថ្នាក់​​​​​​​​​​ឃុំ​​សង្កាត់​​​របស់​​​ខ្លួន​​​គិត​​​​​​មក​ទល់​​​​​​នឹង​​​ពេល​​​​នេះ​មា​នចំ​នួ​ន​​៣៨៨​ករណី​ហើយ​​​ ដោយ​​​ពាក្យ​​​បណ្តឹង​​​ទាំងអស់​​​​​​​ត្រូ​វ​បា​ន​​ដោះស្រាយ​រួច​​​​​​​ លើកលែង​​​តែ​​​ប្រ​ហែល​៥០​​ករណី​​​​ប៉ុណ្ណោះ​​​ ។

​​លោក​បា​នមាន​​​ប្រសាសន៍​​​​ថា​“ ចំនួ​ន​​​​ពាក្យ​​បណ្តឹង​​​ដែល​​គ.ជ.ប.​​​បា​ន​​​ទទួល ​​​​​គឺ​​​មា​ន​ចំនួន​​​ច្រើន​ជា​ង​​ឆ្នាំ​​២០០៨ ព្រោះ​​ក្នុង​ឆ្នាំ​​២០០៨ ​មា​ន​​​ពាក្យ​​បណ្តឹង​តែ​​២៤៤​ករណី​​ប៉ុណ្ណោះ​​ពេញ​​​មួយ​​​​​​​យុទ្ធ​នា​កា​រឃោស​នា​​បោះ​ឆ្នោត​​រយៈ​​​ពេល​​៣០​ថ្ងៃ​​​”។

​លោក នី​ថា​ ​បាន​លើក​ឡើង​​​​ថា ​​​យុទ្ធនា​ការ​​​​​​​​ឃោសនា​​​អាណត្តិ​​​នេះ​មា​ន​​កា​រ​ប្រើ​​ហិង្សា​តិ​ច​​​បំ​ផុត​​ ទោះបី​​​ជា​​​​មាន​​​ការ​​​ប៉ះ​​​ទង្គិចគ្នា​​​រវាង​ក្រុម​អ្នក​គាំទ្រ​​​ជា​យុវ​​ជន​​របស់​​គ​ណ​បក្ស​ប្រជា​​ជន​កម្ពុ​​ជា​ និងអ្នក​​គាំ​​ទ្រ​​​​​​ជា​យុវ​​ជន​​របស់​​​​គ​ណ​បក្ស​​សង្គ្រោះ​​ជាតិ​​​នៅ​​​ជិត​​វត្ត​​​ភ្នំ​​​​​ កា​ល​​ពី​ថ្ងៃ​សុក្រ​ ដែល​​​ពេល​​​នោះ​​​​​​មាន​​​ការ​​​បញ្ជូន​​​អ្នក​គាំ​​ទ្រ​​​គណ​​បក្ស​ប្រជា​ជន​​ចំ​នួន​​ប្រាំ​នាក់​​​ទៅ​​មន្ទីរ​​ពេទ្យ​ក៏ដោយ​​​។

​លោក​ ទេព នីថា បាន​មា​ន​​ប្រ​សាសន៍​បន្ត​ទៀត​ថា​“ យុទ្ធនា​កា​រ​​​​ឃោស​នា​​បោ​ះ​ឆ្នោត​ក្នុង​​​​អា​​​ណត្តិ​នេះ​​ដំ​ណើរ​​ការ​បា​នល្អ​​​​ជាង​​​អាណត្តិ​​​​​​មុន​​​​។ មា​ន​ករណី​​ប្រើ​អ​ំ​ពើ​ហិង្សា​តិច​តួច​  ប៉ុន្តែ​​​​​​វា​​​អាច​​​​គ្រប់​គ្រ​ង​បា​ន​ ហើយ​​​​ជា​​​និច្ច​កា​លវា​​​​​កើត​​​មាន​​​​ឡើង នៅ​​​​ពេល​​​មាន​​​​ការ​​​ប្រមូលផ្តុំ​​​គ្នា​​​ច្រើ​ន​។​​​យុវ​ជ​ន​​​ដែល​​​ចូល​​​រួ​ម ​​ឆាប់​​​ខឹង​​​ណាស់​​​…។ ​ពួ​ក​គេ​​ស្រែ​ក​​ដាក់​គ្នា​​​ទៅ​​វិញ​ទៅមក ​និង​​​យក​​​របស់​​​របរ​​​គប់​​​​​​​គ្នា​​”។

លោក គល់ បញ្ញា នាយក​​​ប្រតិបត្តិ​​​នៃ​​​គណ​ៈ​​កម្មាធិ​ការ​ដើម្បី​កា​រ​​បោះ​ឆ្នោត​ដោយ​សេរី​និង​យុត្តិធម៌​នៅ​កម្ពុជា បាន​​​លើកឡើង​​​កា​ល​ពី​ម្សិល​មិញ​​ថា  ​កា​រ​​​កើន​ឡើង​​​​​​​​នូវ​​​ពាក្យ​បណ្តឹង​ និ​ង​កា​រ​​ថយ​ចុះ​នូវ​​​​​ការ​ប្រើ​​​អ​ំ​ពើ​ហិង្សា​ គឺ​​​​​មា​នទំនាក់​​​ទំនង​​​​នឹង​​​គ្នា​។

​លោក​​​​មា​ន​​ប្រ​សាស​​ន៍​ថា “ ពាក្យ​បណ្តឹង​​​​​​​​មាន​​​កា​រ​​កើន​ឡើង​ដោយសារ​​​​​ពេល​នេះ​​ប្រជា​​ពល​រដ្ឋ​បាន​​​ដឹង​ពី​​​វិធី​​​​​​​​សាស្ត្រ​​​ក្នុងការ​​​ប្រើ​​​ពាក្យ​បណ្តឹង​​ជំនួស​​​ឲ្យ​​​ការ​​​​​​ប្រើ​អំ​ពើ​ហិង្សា​។ ពេល​​​​ពួ​កគេ​មា​នបញ្ហា​ ​ពួក​គេ​​ប្រើ​​​ពាក្យ​​បណ្តឹង​​​​ដើម្បី​​​​រក​​​ដំណោះ​​​ស្រាយ​​​។ ​ខ្ញុំ​​គិត​​​ថា​ នេះ​​​​ជា​​​​ការ​​​តាំងចិត្ត​​​បែប​ថ្មី​​​​របស់​គ​ណ​​​​បក្ស​​នយោ​បា​យ​​​ទាំងនោះ​​​​​​​”។

​លោក បញ្ញា ​បា​ន​បន្ថែ​ម​​ថា​ ​​ពាក្យ​បណ្តឹង​​ក៏​កំ​ពុង​ត្រូវ​បា​នប្រើ​​សម្រាប់​ហេតុ​ផល​​​​ផ្សេង​​​ៗ​​​ទៀត​​​ដែល​​​មាន​​​ការ​​​គិត​​​ទុក​​​ជាមុន​​​ផង​​​ដែរ​​​​ ​​ដោ​យ​​​គ​ណ​បក្ស​​កា​ន់​​អំណាច​​​​និង​អាជ្ញា​​ធរ​​​បាន​​​ដឹង​​​កាន់​តែ​​​ច្បាស់​​​​​​អំ​ពី​តម្លៃ​​​របស់​​​​​​ពាក្យ​​​បណ្តឹង​​​ទាំងនោះ​​​​​​សម្រាប់​​​ប្រើប្រាស់​​​ជា​​​​​ឧបក​រណ៍​​​​នយោបា​យ​​​​​​។ ​លោក​បា​ន​មា​ន​ប្រ​សាស​​ន៍​ថា “ វា​ក៏​​​បាន​​​ក្លាយ​​​ជា​​វិធីសាស្ត្រ​​​មួ​យ​​​​ក្នុងការ​​​ធ្វើ​ឲ្យ​​​​ពាក្យ​​បណ្តឹង​​​ប្តឹងគ​ណ​​បក្ស​​​ប្រឆាំ​ង​​កើន​ឡើង​​​ផង​ដែរ​​។ បណ្តឹង​​ជា​​ច្រើ​ន​​​​ពុំ​​​មាន​​​អ្វី​​​ធំដំ​​​​​ុទេ​។ វា​គ្រាន់​​​​​​តែ​ពាក់ព័ន្ធ​​​នឹង​​​កា​រ​​ប្រើ​​​​ទីកន្លែ​ង​​​សា​​ធា​​​រណៈ​​​​​​ ដើម្បី​​​ឃោសនា​​​ប៉ុណ្ណោះ​”។

​លោក យឹម ​​សុ​វណ្ណ ​​អ្នក​នា​ំ​​ពាក្យ​​គ​ណ​បក្ស​​សង្គ្រោះ​ជាតិ​ បា​នឲ្យ​​​ដឹង​​​​កា​ល​​ពី​ម្សិល​មិញ​​ថា ​​គណ​​បក្ស​​​​របស់​លោក​​​ភាគ​ច្រើន​​​បញ្ជូ​ន​ពាក្យ​បណ្តឹងទៅ​ គ.ជ.​ប.​​​អំពី​កា​រ​​ជ្រៀត​ជ្រែក​ក្នុង​សកម្ម​​ភាព​​​​​​ឃោសនា​​​របស់​ខ្លួន។ លោក​បា​នមាន​ប្រសាស​ន៍​​​ថា​ “ គ​ណ​បក្ស​របស់ខ្ញុំ​​បា​ន​បញ្ជូ​ន​​​ពាក្យ​បណ្តឹង​​​ជាង​១០០​ករណី​​​ទៅ គ.ជ.​ប. ភាគ​ច្រើន​ គឺ​​​ពាក់​ព័ន្ធ​នឹង​​កា​រ​​​​រំ​ខាន​​ដល់​យុទ្ធ​នា​កា​រ​​​​ឃោស​​នា​​បោះ​ឆ្នោត​របស់​​​យើង​​​”៕

(រាយ​កា​រ​ណ៍​បន្ថែម​​ដោយ ​Alex Willemyns)
    ប្រែសម្រួល​ដោ​យ ​ចេវ ប៊ុននី​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស