34 C
Phnom Penh

​​​ស្ត្រី​​​ពីរ​​​នាក់​​​​​​​ត្រូវ​​​ចោរ​ប្លន់​និង​រឹត​ក​សម្លាប់​​​​នៅ​​​ខណ្ឌ​​​ពោធិ៍​​​សែន​​​ជ័យ​​​

ដោយ ឌឹ ខេមបូឌា ដេលី

បទវិភាគ

សាកសព​​​ស្ត្រី​​​វ័យ​​​ក្មេង​​​ពីរនាក់​​​ដែល​​​បាន​​​បាត់​​​ខ្លួន​​​កាល​​​ពីព្រឹក​​​ថ្ងៃ​​​ច័ន្ទ ត្រូវ​​​បាន​​​គេ​​​ប្រទះ​​ឃើញ​​​ដោយ​​​ចង​​​ភ្ជាប់​​​គ្នា​​​ និង​​​ត្រូវ​​​គេ​​​ទម្លាក់​​​ចោល​​​នៅ​​​ដីឡូ​​​ទំនេរ​​​មួយ​​​កន្លែង​​​​​​ក្នុង​​​ខណ្ឌ​​​ពោធិ៍​​​សែន​​​ជ័យ​​​ កា​​​លពីព្រឹក​​​ម្សិលមិញ​​​ ហើយគឺ​​​ជា​​​ហេតុ​​​ការ​​​ណ៍​​​មួយ​​​ដែល​​​នគរបាល​​​ជឿ​​​ជាក់​​​ថា ​​​​​​ជា​​​អំពើ​​​ប្លន់​​​​​​។

អ្នក​​​ដំណើរ​​​ឆ្លង​​​កាត់​​​បាន​​​ប្រទះ​​​ឃើញ​​​សាក​​​សព​​​ដ៏គួរ​​​ឲ្យ​​​រន្ធត់​​​​​​ទាំង​​​ពីរ​​​នៅ​​​ម៉ោង​​​ ៧ និង​​​​​​៤៥​​​នាទី​​​ព្រឹក​​​​​​ចម្ងាយ​​​ប្រហែល​​​១.៥០០​​​ម៉ែត្រ​​​​​​ពី​​​ប៉ុស្តិ៍​​​នគរបាល​​​​​​សង្កាត់​​​ក្រាំង​​​ធ្នង់​​​​​ ហើយ​​​បន្ទាប់​​​មក​​​បាន​​​នាំ​​​នគរបាល​​​​​​ទៅ​​​ត្រួត​​​ពិនិត្យ​​​សាក​​​សព​​​ទាំង​​​ពីរ  ម្នាក់ឈ្មោះ វ៉ន លក្ខិណា​​​ ​​​អាយុ​​​២១​​​ឆ្នាំ​​​​​​ និង​​​ម្នាក់​​​ទៀតត្រូវ​​​ជា​​​​​​ប្អូន​​​ជីដូន​​​មួយ​​​​​​ឈ្មោះ ជួ​​​ប ស្រី​​​លក្ខណ៍ អាយុ​​​១៩​​​ឆ្នាំ ​​​ដែ​​​ល​​​ត្រូវ​​​គេវាយ​​​ដំ​​​ និង​​​ចង​​​ភ្ជាប់​​​គ្នា​​​។

លោក​​​ ម៉ក់​​​ មីុ នាយប៉ុស្តិ៍​​​នគរបាល​​​សង្កាត់​​​ក្រាំង​​​ធ្នង់​​​​​​ បាន​​​លើក​​​ឡើង​​​ថា “ សាក​​​សព​​​ទាំង​​​ពីរ​​​ត្រូវ​​​គេ​​​ចង​​​ភ្ជាប់​​​គ្នា​​​ ហើយ​​​កប់​​​ក្រោម​​​​មែក​ឈើ និង​​​ស្លឹកឈើ​​​ ព្រម​​​ទាំង​​​មាន​​​ស្នាម​​​រឹត​​​ក​​​ទៀត​​​ផង​​​។ យើង​​​ជឿ​​​ជាក់​​​ថា ជន​​​រង​​​គ្រោះ​​​ទាំង​​​​​ពីរ​​​ត្រូវ​​​គេ​​​ដឹក​​​យក​​​ទៅទម្លាក់​​​​​​ចោល​​​នៅ​​​ទី​​​នោះ​​​ បន្ទាប់​​​ពី​​​សម្លាប់​​​នៅ​​​កន្លែង​​​ផ្សេងរួច​​​​​​”​។ លោក​​​បាន​​​បន្ថែម​​​ទៀត​​​ថា  សាក​​​សព​​​ទាំង​​​ពីរ​​​ហើ​​​ម​​​ ហើយ​​​មាន​​​ក្លិន​​​ស្អុយ​​​ ​​​បញ្ជាក់​​​ថា​ជន​​​​រង​​​គ្រោះ​​​បាន​​​ស្លាប់​​​ជាច្រើន​​​​​​ថ្ងៃ​​​មក​​​ហើយ​​​។

លោក ស្រី​​​ រស់​​​  ចៅសង្កាត់​​​ក្រាំង​​​ធ្នង់​​​​​​បាន​​​មាន​​​ប្រសាសន៍ថា “ យើង​​​ជឿ​​​ជាក់​​​ថា វា​​​គឺ​​​ជា​​​ករណីប្លន់​​​ ពីព្រោះ​​​​​​ម៉ូតូ​​​របស់​ជន​​​រង​​​គ្រោះ​​​ត្រូវ​​​គេ​​​លួច​​​យក​​​ទៅ​​​បាត់​​​ ហើយ​​​យើង​​​បាន​​​ដឹង​ថា ជន​​​រង​​​គ្រោះ​​​ម្នាក់​​​ក្នុង​​​ចំណោម​​​ជន​​​រង​​​គ្រោះ​​​ទាំង​​​ពីរ​​​មាន​​​លុយជាប់​​​​នឹង​​​ខ្លួន​​​ចំនួន​​​១.៣០០ដុល្លារ​​​​សម្រាប់​​​​បង់​​​ថ្លៃ​​​សាលា”។ លោកបាន​​​​​​បន្ថែម​​​​​​ថា ជន​​​រងគ្រោះ​​​ទាំង​​​ពីរ​​​ គឺ​​​ជា​​​សិស្ស​​​​​​នៅ​​​សាលា​​ឯក​​​ជន​​​មួយ​​​ក្នុង​​​ខណ្ឌ​​​ពោធិ៍សែន​​​ជ័យ​​​។

លោក​​​ កែវ​​​  សន្ធោត​​​ន៍​​​  នាយប៉ុស្ដិ៍​​​​សង្កាត់​​​ភ្នំពេញថ្មី​​​​​​ ជាកន្លែង​​​ដែល​​​ជន​​​រង​​​គ្រោះ​​​រស់​​​នៅ​​​​ បាន​​​លើក​​​ឡើង​​​ថា អាជ្ញាធរ​​​សង្ស័យ​​​ថា ជន​​​​រង​​​គ្រោះ​​​ប្រហែល​​​ជាស្គាល់​​​ឃាតករ​​​ ហើយ​​​​ឃាត​ករ​​​ទាំង​​​នោះ​​​ប្រហែល​​​ជា​​​រៀប​​​ចំ​​​ផែន​ការ​​​ ដើម្បី​​​មក​​​ជួប​​​​​​ជន​​​រងគ្រោះ​​​ទាំង​​​ពីរ ពី​​​ព្រោះ​​​​ពួក​​​គេ​​​បាន​​​ដឹង​​​ថា ជន​​​រង​​​គ្រោះ​​​ ជួប ​​​ ស្រី​​​​​​លក្ខណ៍ មាន​​​លុយ​​​ជាប់​​​នឹង​​​ខ្លួន​​​យ៉ាង​​​ច្រើន​​​​​។

ម្តាយ​​​របស់​​​ ជួប​​​ ស្រីលក្ខណ៍​​​ អាយុ​​​៤១​​​ឆ្នាំ​​​បាន​​​និយាយ​​​ថា កូន​​​​​​ស្រី​​​របស់​​​គាត់​​​បាន​​​ស្នាក់​​​នៅ​​​ជាមួយ​​​បងប្អូន​​​ជីដូន​​​មួយ​​​របស់​​​នាង​​​កាល​​​ពី​​​ខែមុន​​​ ហើយ​​​បាន​​​បញ្ជាក់​​​ថា ពួក​គេ​​​​បាន​​​ជិះ​​​ម៉ូតូ​​​ចេញ​​​ក្រៅ​​​ជាមួយគ្នា​​​ ដោយ​​​បាន​​​យ​​​ក​លុយ​​​​ទៅ​​​បង់​​​ថ្លៃ​​​សាលា​​​ និង​​​ថ្លៃ​​​ប្រឡង។

ក្រុម​​​គ្រួសារ​​​របស់​​​ជន​​​រង​​​គ្រោះ​​​ទាំង​​​ពីរ​​​ដែលសុទ្ធ​​​តែ​​​រស់​​​នៅ​​​ក្នុង​​​សង្កាត់​​​ភ្នំពេញ​​​ថ្មី​​​​​​ បាន​​​​​​ប្រាប់​​​នគរបាល​​​ថា ជន​​​រង​​​គ្រោះ​​​ទាំង​​​ពីរ​បាន​​​បាត់​​​ខ្លួន​​​ចាប់​​​តាំង​​​ពីពេល​​​ចាក​​​ចេញ​​​ពីផ្ទះ​​​កាល​​​ពី​​​ថ្ងៃ​​​ច័ន្ទ​​​មកម៉េ្លះ ប៉ុន្តែ គ្នាន​​​​​​ក្រុម​​​គ្រួសារ​​​ណា​​​មួយ​​​​បាន​​​ដាក់​​​ពាក្យ​​​បណ្តឹង​​​ទៅ​​​អាជ្ញាធរ​​​ឡើយ​​​។ លោក​​​ កែវ សន្ធោតន៍ បាន​​​ថ្លែង​​​ថា “ នគរ​​​បាល​​​មិន​​​បាន​​​ទទួល​​​ពាក្យ​​​បណ្តឹង​​​ ដើម្បី​​​​​​ផ្តល់​​​ដំណឹង​​​ឲ្យ​​​យើងដឹង​​​​​​ថា ជន​​​រង​​​គ្រោះ​​​ទំាងពីរ​​​បាន​​​បាត់​​​ខ្លួននោះ​​ទេ”៕

ប្រែ​​​សម្រួល​​​ដោយ ស៊ា ស៊ុយ​​​ឈាង​​​­

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស