34 C
Phnom Penh

តុលាការ​​កំ​ពូល​​បើក​សវ​នា​​ការ​លើ​​​បណ្តឹង​​​សាទុក្ខ​របស់​​​​​អតីតប្រធាន​កង​​​​អង្គ​រក្សរបស់​​​​​ លោក ជា ស៊ីម

ដោយ ឌឹ ខេមបូឌា ដេលី

បទវិភាគ

​កា​ល​​ពី​ម្សិល​មិញ ​តុ​លា​ការ​​កំ​​ពូ​ល​​​បា​ន​​​បើក​​​សវ​នា​ការលើ​​​បណ្តឹង​​​​​សាទុក្ខ​​​​របស់​​​អតីត​ឧត្ត​ម​​សេនីយ៍ឯក​កងយោធពល​ខេមរភូមិន្ទ​​ ឈឿន ​​​​ចាន់​​ថ​ន ​​អតីតប្រធា​ន​​កង​អង្គ​រក្ស​​របស់​លោក ​​ជា ស៊ី​ម ​ប្រធា​ន​​ព្រឹទ្ធ​សភា ដែលកំពុងតែ​​​​​​ជា​​ប់​​ពន្ធ​​​​នាគារ​​រយៈ​​​ពេលជា​ច្រើន​ឆ្នាំ​ ពី​បទ​លក់​​និ​ង​​​បំផ្លាញ​​​​ទ្រព្យ​សម្បត្តិ​រដ្ឋ​  ​​​ក្លែង​បន្លំ​ឯក​​សារនិង​​​​ប្រើ​​​អា​វុធ​​​​ខុស​​ច្បាប់​។

​​ក្នុ​ង​​ខែ​​កុម្ភៈ​​ឆ្នាំ​​២០១២ ​លោក ​ចាន់​ថន ​ត្រូវ​​​បា​ន​តុ​លាការ​​យោ​ធា​​ផ្តន្ទា​​​ទោស​ដាក់​ពន្ធនា​​​​គារ​​រយៈ​ពេល​​២៦ឆ្នាំ​​​ពី​បទ​រំ​លោភ​លើ​​​សេ​ច​ក្តី​​​ទុ​ក្ខ​ចិត្ត​ ​និង​បទ​​​លក់​​និង​​បំ​ផ្លាញ​​​ទ្រព្យ​សម្បត្តិ​​យោ​ធា​​​​ដោយ​ខុស​​ច្បាប់​។ ក្នុង​​​ខែ​​​​​នោះ​​​​ សាលា​​​ដំ​បូ​​ង​​​​​​​រាជ​ធា​​នី​​ភ្នំ​​ពេញ​​​បា​ន​ផ្ត​ន្ទា​​​ទោស​លោក​ឲ្យ​ជាប់​ពន្ធ​នា​គារ​រៈពេល​១០ឆ្នាំ​​ថែម​ទៀត ពី​បទ​កាន់​​​​​​កាប់​​​អា​​វុធ​​​ខុស​​ច្បាប់​ ​បញ្ជា​ឲ្យ​​ប្រើ​​អា​វុធ​​​ដោយ​​​​​​​​​គ្មាន​កា​រ​​អនុញ្ញាត​​​ត្រឹម​ត្រូ​វ​ ក្លែ​ង​បន្លំ​​ឯក​​​​សារ​​ និង​ប្រើ​​​ឯក​សារ​ក្លែ​ង​បន្លំ​។

​​​ទោស​​​ទាំ​ង​​​ពីរ​នេះ​​​ត្រូ​វ​​​បា​ន​​​សាលា​ឧទ្ធរណ៍​​​តម្កល់​កា​ល​​ពី​ក្នុ​ង​ខែ​កុម្ភៈ​ ​ដោ​យ​​​​ចៅ​ក្រមបាន​​​​ច្រាន​​​​​ចោល​​កា​រ​​អះ​​អា​ង​​​​របស់​លោក ចាន់​ថន ​​​ដែល​​​​ថា​​ លោក​មា​ន​​​សិទ្ធិ​ប្រើ​​​អា​​វុធ​​ទាំង​​​នោះ​​​ព្រោះ​​​វា​​​​ជាកម្ម​​​សិទ្ធិ​​​​​​របស់​​អង្គ​ភាព​​​​កង​​​អង្គ​​​រក្ស​​​របស់​លោក​ ជា ស៊ីម​​​ និ​​​ង​​​ថា កេស​​​លាក់​​អា​វុធ​ និ​ង​គ្រាប់​​​រំ​សេវ​​​ដែល​​ត្រូវ​បាន​​រក​​ឃើញ​​ក្នុ​ង​កា​រ​​​ឆ្មក់​ចូល​​​ក្នុ​ង​ផ្ទះ​​​​របស់​លោកត្រូវ​​​បាន​​​​​​រក្សា​​​​​​ទុក​​​នៅ​ទី​នោះ​​តាម​​​ការ​​​បញ្ជា​​​របស់​លោក​ ជា ស៊ីម​ ប៉ុណ្ណោះ​។

​​នៅ​ក្នុ​ងតុលា​កា​រ​ កា​ល​ពី​ម្សិល​មិញ អតីត​ឧត្ត​ម​​សេនីយ៍ឯក ឈឿន ចាន់​ថន ​បា​ន​​បដិសេធ​កា​រ​​ចោទ​​ប្រ​កាន់​ទាំង​អស់​ម្តង​ទៀត​ ​ហើយ​ថា​ លោក​មា​ន​ឯកសារ​​បញ្ជាក់​ថា​​លោកមិន​បា​ន​​ធ្វើ​អ្វី​​ខុស​​​។ ​លោក​​បា​ន​​និយាយ​​​ថា “ ខ្ញុំ​មិន​បា​ន​​ប្រព្រឹត្ត​​​​​បទ​ល្មើស​​​​ដូច​​​ដែល​​​តុ​លា​ការ​​ចោទ​ប្រកាន់​ខ្ញុំ​​ទេ​។ខ្ញុំ​មិន​បាន​​លក់​​អា​វុធ​​​ទេ វា​មិន​​​មែន​​​ជា​​​រឿង​​​ពិត​ឡើយ​​​​”។

លោក ចាន់ថន ​បា​ន​លើក​ឡើង​​ពី​កា​រ​​ចោទ​​​ប្រកាន់​​​ពី​បទ​ក្លែ​ង​បន្លំ​​ឯក​សារនេះ​ ដោយ​​​បាន​​​​​​​​​អះ​អាង​​ថា​ លោក អ៊ុក ឈឿន ​ដែល​​​ជា​​​អតី​ត​ថ្នាក់​​​លើ​​​​​​របស់​​លោកនិងដែល​​​​ជា​អតី​ត​​ប្រធា​ន​​​​​​កង​អង្គ​​​រក្ស​​​របស់​លោក ​ជា ស៊ីម ​បា​នប្រើ​​លេខ​​​អត្ត​​​សញ្ញាណ​​ទា​ហា​ន​ “ ខ្មោច​” ​​របស់​​​សព​​​ទាហា​ន​​​​​ម្នាក់​ ​ដើម្បី​ដំ​ឡើង​ឋាន​ន្តរ​ស័ក្តិ​របស់​​​លោក ​​ចាន់​ថន ​​ពី​វរសេនី​យ៍ត្រី​ ​ទៅ​​ជា​​​វរសេនីយ៍​​​ទោ។ ​លោក​បា​ន​និយាយ​ថា“ ខ្ញុំ​​មិន​បាន​​​ដឹង​អំ​​ពី​​រឿង​នេះ​ទេ​ ​ព្រោះ​មេ​របស់​ខ្ញុំ​​​ជា​​​អ្នក​​​ធ្វើ​។ ខ្ញុំ​​​​ មិន​ដឹង​​ថា​គាត់​ធ្វើ​​ដោយ​​​របៀប​​​​ណា​​ទេ​​”។

លោក ​ណា​ច ​ទី ​មេធា​វី​តំ​ណា​ង​ឲ្យ​ក្រសួ​ង​កា​រ​​​​ពា​រជាតិ​ និ​ង​លោក ​ជា ស៊ីម  ​​​មា​ន​ប្រ​សាស​ន៍​ថា​ ​​ តំណាង​​​អយ្យកា​រ​​​មា​ន​ភ័ស្តុតា​ង​ជា​​​​ច្រើន​​​សម្រាប​​​់ដាក់​​​បន្ទុក​​​​​​​​ភ្ជាប់​​លោក ចាន់​ថន​ ​ទៅ​នឹ​ង​បទ​ល្មើស​​​ទាំង​​​នោះ​​​”។ ​លោក​បា​ន​មាន​ប្រ​សាស​ន៍​ថា “ សូម​​​តុលា​កា​រ​​​តម្កល់​​សាល​​​ក្រម​​របស់​តុ​លា​ការ​​​យោធា​​​និង​​សាល​ក្រម​​​​របស់​សាលា​ដំ​បូ​ង​រា​ជ​ធានី​ ភ្នំ​ពេញ​​​”។

កា​រ​ផ្តន្ទា​​​ទោស​​លោក ​​ចាន់​ថន ​បា​ន​ធ្វើ​​​ឡើ​ង​ភ្លាមៗ​ បន្ទាប់​​ពី​រឿង​ក្តីដាច់​​​ដោយ​​ឡែក​មួយ​​​ពាក់​​​ព័ន្ធ​​​នឹង​​​មន្ត្រី​ជំនិតៗ​​​របស់​លោក ​​ជា ស៊ីម ​​នៅ​ដើមឆ្នាំ​​២០១២ ពេលមន្ត្រី​​​​ចំ​នួ​ន​បួ​ន​នាក់​ផ្សេង​​​ទៀត​​​របស់​ប្រធា​ន​​ព្រឹទ្ធសភា​រូប​​​នេះ​​​​​ត្រូ​​​វ​បា​ន​​ដាក់​ពន្ធនាគារ​​ដូចគ្នា​​​​ ​ពី​បទ​​បោ​ក​ប្រាស់​ប្រធាន​​ព្រឹទ្ធសភា​​ដែល​កំ​​​ពុង​មា​ន​​​ជ​ំ​​ងឺ​នេះ​​​ឲ្យ​ចុ​ះ​ហត្ថ​​លេខា​​​លើ​កិច្ច​ស​ន្យាក្លែ​ង​ក្លាយ​​​​​​​របស់​រដ្ឋា​ភិបាលដែល​​​មា​ន​ទឹកប្រាក់​​រាប់​លា​ន​​​​ដុល្លារ​​សហ​​​រដ្ឋ​​​អាមេរិក​​​៕

  ប្រែសម្រួលដោ​យ ចេវ ប៊ុននី​​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស