​លោក​​​ កឹម​​​ សុខា​​​៖​​​ គណបក្ស​​​ប្រឆាំង​​​នឹង​​​មិន​​​ទទួល​​​ស្គាល់​​​លទ្ធផល​​​អ្វី​​​ផ្សេង​​​ក្រៅពី​​​ជ័យ​​​ជម្នះ​​​ទេ​​​​​​

​ក្រុ​ង​​កំ​​ពង់​ចាម​-​ លោក កឹម ​​សុ​ខា ​​អ​នុប្រធា​ន​​​គ​ណ​បក្ស​​សង្គ្រោះ​ជាតិ​ បា​ន​មា​ន​ប្រ​​សា​សន៍​​​ថា ​​គណ​បក្ស​​ប្រ​ឆាំ​ង​​នឹ​ង​​​​​មិន​​​ទទួលស្គាល់​​​​​​លទ្ធ​​​ផល​​​អ្វី​​​ផ្សេង​​​ក្រៅពី​​​ជ័យ​​​ជម្នះ​​​ទេ​​​ ​បន្ទាប់​​ពី​​​លោក​​​​បាន​​​​បោះ​ឆ្នោត​ក្នុ​ង​កា​រ​​បោះ​​ឆ្នោ​ត​​ជ្រើស​តាំ​ង​​​​​​តំ​ណា​ង​រាស្ត្រ​​​​នៅ​ក្នុ​ង​​ខេត្ត​​នេះ​កាល​​ពី​​ម្សិល​មិញ ​ដោ​យ​​​លោក​​​បាន​​​លើកឡើងពី​​​បញ្ហា​​​​ពាក់​​​ព័ន្ធ​​​​​នឹង​ទឹក​ថ្នាំ​​លប់​មិន​ជ្រះ​​​​ និង​បញ្ជី​​​​​ឈ្មោះ​​​​​​បោះ​ឆ្នោ​ត​ផ្លូវ​កា​រ​។

​បន្ទាប់​​​ពី​​​​បាន​​​បោះឆ្នោត​​​​​​នៅក្នុង​​​សាលា​​បឋម​​​សិក្សា​ទក្សិណ និ​ងបាន​​​​លើក​​​ចង្អុល​ដៃ​ប្រឡាក់​​​​​ទឹ​ក​​ថ្នាំ​​​ពណ៌​ស្វាយ​​​​​នៅ​ចំ​ពោះ​​មុខ​​អ្នក​យ​ក​ព័ត៌មា​ន​មួយ​ក្រុម​​ដែល​​កំ​ពុ​ង​​​រង់ចាំ​​​យ៉ាង​​​អន្ទះសា​​​រួច​​​​ លោក កឹម សុខា ​​បា​ន​​​លើកឡើង​​​ថា​ ទឹក​ក្រូច​ឆ្មា​​​រធម្ម​តា​ក៏​​​អាច​ប្រើ​​ដើម្បី​លុប​​​​ទឹក​ថ្នាំ​​​​នេះ​​​ជ្រះ​​​ដែរ។ លោក​បា​នមាន​​ប្រ​សាស​ន៍​ថា  “​​​ យើង​​​បាន​​​​​​​​រ​ក​ឃើញ​​ថា ​​ពួក​គេ​ប្រើ​​ទឹក​​ថ្នាំ​មិន​ល្អ​​ទេ​​​​​​លើក​​​នេះ​។ ខ្ញុំ​​គិត​ថា ​កា​រ​​បោះ​ឆ្នោត​​​លើក​​​នេះ​​​​​​គឺ​​​យ៉ាប់​​​ជាង​​​មុន​​​ទៅទៀត​​​ ​​​ព្រោះ​​​ពួ​ក​គេ​ប្រើ​​​ទឹក​ថ្នាំ​​​​​​​ដែល​​​មាន​​​គុ​ណ​​ភាព​អន់​។ ប្រ​សិ​ន​​បើ​គណ​​បក្ស​​សង្គ្រោះ​​​ជាតិ​​ចាញ់​​កា​រ​​បោះ​ឆ្នោ​ត​នេះ យើង​នឹង​មិន​ទទួល​ស្គាល់​​លទ្ធ​ផលឡើយ​​​ ​ហើយ​​​​​យើង​នឹ​ង​​ស្នើ​​​​​ឲ្យ​​​សហ​​​គ​មន៍​អន្តរជាតិ​​ជួ​យ​ធ្វើ​​អន្តរា​គមន៍​”​​​ និ​ងកុំ​​​​​​ឲ្យ​​​ទទួល​ស្គាល់​​លទ្ធ​ផល​​​នៃ​​​កា​រ​បោះឆ្នោត​​​នេះ​​​ដែរ។

កា​ល​​ពី​ថ្ងៃសៅ​រ៍​ ​​​  គណៈកម្មាធិការ​​​ដើម្បី​​​ការ​​​​​​បោះឆ្នោត​​​ដោយ​​​សេរី​​​ និង​​​យុត្តិធម៌​​​ ហៅកាត់​​​ថា​​​ ខុមហ្វ្រែល​​​ បាន​​​ប្រកាស​​​ថា​​​ លទ្ធផល​​​នៃ​​​ការ​​​​​​ពិសោធន៍​​​របស់​​​ខ្លួន​​​បង្ហាញ​​​ថា​​​ ទឹក​​​ថ្នាំ​​​នេះ​​​អាច​​​លុប​​​ជ្រះ​​​ទាំងស្រុង​​​ដោយ​​​ប្រើ​​​សម្ភារ​​​ប្រើ​​​ប្រាស់​​​​ក្នុង​​​ផ្ទះ​​​ធម្មតា​​​ ប៉ុន្តែ​​​ មិន​​​​​​បញ្ជាក់​​​ថា ​​​តើ​​​សម្ភារ​​​ប្រើប្រាស់​​​ធម្មតា​​​នេះ​​​មាន​​​អ្វី​​​ខ្លះ​​​​​​នោះ​​​ទេ​​​​​​។

ជាមួយ​​​នឹង​​​ចំនួន​​​អាសនៈ​​​សភា​​​ដល់ទៅ​​​១៨​​​ក្នុង​​​ចំណោម​​​១២៣​​​អាសនៈ ដែល​​​ជា​​​ចំនួន​​​ច្រើន​​​បំផុត​​​បើ​​​ធៀប​​​នឹង​​​រាជធានី​​​និង​​​ខេត្ត​​​ដទៃ​​​ទៀត​​​  ខេត្ត​​​កំពង់​​​ចាម​​​គឺ​​​ជា​​​មណ្ឌល​​​សំខាន់​​​បំផុត​​​ក្នុង​​​ការ​​​បោះឆ្នោត​​​នេះ​​​។​​​​​​​​​​​​​​​ គ​ណ​បក្ស​ប្រជាជន​កម្ពុជា​​​ក៏​​​បាន​​​ចាក់​​​​​​ឫស​​​យ៉ាង​​​ជ្រៅនៅ​​ទី​នេះ​​​​ផងដែរ​​​។ លោកនា​យក​​រដ្ឋ​មន្ត្រី​ ហ៊ុន សែន មា​ន​កំ​ណើត​នៅ​​ក្នុ​ង​ខេត្ត​​នេះ​។​​បងប្រុស​បង្កើត​​របស់​លោក គឺ​លោក ហ៊ុន ណេង​​​​ ​ដែល​​​ជា​​​បេក្ខជ​ន​​តំណាង​​​រាស្ត្រ​​​របស់​​គ​ណ​បក្ស​ប្រ​​ជា​​​ជ​ន​កម្ពុជា​​ប្រចាំ​​​​​​មណ្ឌល​​​​នេះ គឺ​​​​​​ជា​​​អតី​ត​​​អភិ​បាល​​ខេត្ត​​​​នេះ​​​។ លោក ហេង​ សំ​​រិ​ន ​ប្រធា​ន​រដ្ឋ​សភា និង​​រដ្ឋ​មន្ត្រី​​​កំ​ពូ​ល​​ៗ​​​​​​​មួ​យ​ចំ​នួន​​ទៀត​ ​ដែល​​សុទ្ធតែ​​​ជា​បេក្ខជន​​​របស់​​​​​​គ​ណ​​បក្ស​​ប្រជា​​ជ​ន​កម្ពុជា​ ក៏​​​ទុក​​​ខេត្ត​​​នេះ​​​ជា​​​មូលដ្ឋាន​​​របស់​​​ខ្លួន​​​ដែរ​​​។

ប៉ុន្តែ​​ គ​ណ​បក្ស​ប្រ​ឆាំង​​នៅ​តែ​​អាច​​​ទទួល​​​បា​ន​សម្លេង​ឆ្នោ​ត​​​យ៉ាងច្រើ​ន​​​​​ក្នុង​​​ការ​​​បោះ​​​ឆ្នោត​​​កន្លង​​​មក​។​ គណ​បក្ស​​ប្រ​ឆាំ​ង​​ទាំ​ង​​​ពីរ​​​ដែល​​​​​បាន​​​រួមគ្នា​​​​​​​​បង្កើត​​​ជា​​​គ​ណ​​បក្ស​​សង្គ្រោះ​​ជាតិ​​​​​​នេះ​​​ ទទួល​​​បា​ន​​​​អា​សនៈ​​​សរុប​​​ចំនួន​​​ប្រាំ​​​មួយ​​​​​​​​​អំ​ឡុ​ង​កា​រ​បោះ​ឆ្នោត​​ជ្រើស​​តាំង​​តំ​ណា​​ង​​​​រាស្ត្រ​ក្នុង​ឆ្នាំ​​២០០៨​​​ ​​​ដែល​​​ជា​​​ចំនួន​​​ច្រើន​​​បំផុត​​​ បន្ទាប់​​​ពី​​​មណ្ឌល​​​​រាជ​ធា​​នី​ភ្នំ​ពេញ​។

កា​ល​ពី​ព្រឹក​ម្សិល​មិញ លោក កឹម សុខា បាន​​​អះអាង​​​ថា​​​ គ​ណ​បក្ស​ប្រឆាំ​ង​​ដែលបាន​​​រួបរួម​​​​​គ្នា​​​​ជា​​​ធ្លុង​​​មួយ​​​​នេះ​ រំ​ពឹង​​​ថា​នឹង​​ទទួល​​បា​​ន​​​​សំ​ឡេង​ឆ្នោ​ត​ទ្វេដង ហើយ​​​នឹង​ទទួល​បាន​​មិន​​​ក្រោម​១២​​អា​សន​​ៈ​​​​​​​​ទេ​​​​​​ក្នុង​​​ការ​​​បោះ​​​ឆ្នោត​​​លើក​​​​​នេះ​។ ​​លោក​ កឹម​​​ សុខា​​​ បាន​​ច្រាន​​ចោល​​កា​រ​​ព្យា​ករ ​​របស់​លោក ហេង សំ​រិន ក្នុង​​​ថ្ងៃ​ដដែល​​​នោះ​​​ដែល​​​ថា គ​ណ​​បក្ស​​​ប្រជា​​ជន​កម្ពុជា​នឹងរក្សា​​​បា​ន នូវ​​​​​​អាសនៈ​​​​​​ទាំង​​​១១​​ដែល​​​ខ្លួន​​បាន​​​ឈ្នះ​​នៅ​ក្នុង ​ខេត្ត​នេះ​​កាលពី​​​​ឆ្នាំ​​២០០៨។ លោក​បា​នមាន​​ប្រ​សាស​ន៍​ថា “ ​ខ្ញុំ​​មិន​គិត​​​ថា ​​គ​ណ​បក្ស​​ប្រជា​ជន​​កម្ពុជា​​នឹ​ង​​ទទួល​បា​ន​១១​​​​​អា​សនៈទេ​​​ លើកលែង​​​តែ​​​ពួ​ក​គេ​លួច​​​បន្លំ​​​សន្លឹក​​​ឆ្នោត​​​ប៉ុណ្ណោះ​​​​​”។

​លោក សំ​រិ​ន ​បា​ន​​ធ្វើ​ការ​​ព្យាករ​​​បន្ទាប់​​ពី​​​បា​ន​​​​បោះ​ឆ្នោត​នៅ​ចម្ងាយតែ​​​​​ពី​រ​បី​​ប្លុក​​​ប៉ុ​ណ្ណោះ​ពី​​​កន្លែង​​​លោក​​​ កឹម​​​ សុខា​​​ បោះឆ្នោត​​​ ហើយ​​​បាន​​​​​​​​និ​យាយ​ប្រាប់​​ក្រុ​ម​អ្នក​យក​ព័ត៌​មា​ន​​​ថា ​លទ្ធ​ផល​​នៃ​​​ការបោះ​​​​ឆ្នោត​​​​​សម្រាប់​​​គ​ណ​បក្ស​​ប្រជា​​ជន​កម្ពុជា​​​លើក​​​​​នេះ​​​​គឺ​​​​​​នឹង​​​​ “ ប្រ​សើរ​​ជា​​ង​​​លើក​មុ​នៗ​​​ទៅទៀត​​​​​​”។ ​​​កា​ល​​ពី​​ថ្ងៃ​​សៅរ៍ ​ គណៈកម្មា​​ធិ​កា​រ​​ជាតិ​រៀប​​​​ចំ​កា​រ​​បោះ​​ឆ្នោត​​បាន​​​រួ​ស​រាន់​​​​​​​​​​​​ធ្វើការ​​​បញ្ជាក់​​ថា ទឹក​​ជ្រលក់​​ដៃ​​​​​​ គឺ​​​លុប​​​មិន​​​ជ្រះ​​​ទេ​​​​។ លោក សុខ ឈិន ប្រធា​ន​​គ​ណៈ​​កម្មា​​ធិ​កា​រ​​ជាតិ​​​រៀប​​ចំ​កា​រ​​បោះ​ឆ្នោត​​​​​ប្រចាំ​​​ខេត្ត​កំ​​ពង់​ចាម​ ​បា​ន​លើក​​​ឡើង​​​​ថា ទឹក​​​ជ្រ​លក់ដៃ​​​​នេះ​​​ត្រូវបា​ន​​​ធ្វើ​​​តេស្ត​​​​សាក​ល្ប​ង​​​​​ជា​​​ច្រើន​​​​​លើក​​​ក្នុង​​​ខេត្ត​​​នេះ​​​​​​​​កាល​​ពី​ម្សិល​មិ​ញ​ហើយ​ថា ​ដប​ទឹក​​ថ្នាំ​ជ្រលក់​​ដៃ​​​នេះ​​​ ​​​គ្រាន់​​​​តែ​​​​ក្រឡុ​ក​​ឲ្យ​សប់​​​​​ទៅ​​​ គឺ​​​ជា​​​ការ​​​ស្រេច​​​ហើយ​​​។

លោក​បា​ន​​មាន​​​ប្រសាសន៍​​​ថា “ យើង​ត្រូ​វ​​ក្រឡុក​​ដប​​​ មុន​​ពេល​ជ្រ​លក់​ម្រាម​ដៃ​។ ​អ្នក​​ដែល​និ​យា​យ​ថា​​​ ទឹក​ថ្នាំ​​​ជ្រលក់​នេះ​​​អា​ច​​ដុស​​ជ្រះ​នោះ គឺ​ខុស​​​ហើយ​​​​​​ ​ព្រោះ​​យើង​​បា​ន​ធ្វើ​​​តេស្ត​​​សាកល្បង​​​​​ទឹក​ថ្នាំ​នេះ​​​នៅ​រសៀល​នេះ​ ហើយ​ទឹក​ថ្នាំ​​​​​នេះ​​​មិន​​​អាច​​លាង​​​​ជ្រះ​​​​ឡើយ​”។

​លោក លន់ លឹម​ខៃ ​​អភិ​បាល​​ខេត្ត​ ដែល​​​ក៏​​​ជា​​ប្រធា​ន​​​គ​ណ​បក្ស​​ប្រ​​​ជា​ជន​​កម្ពុជា​​ប្រចាំ​​​​​ខេត្ត​នេះ ក៏​​​បា​ន​ច្រាន​ចោល​​កា​រ​​សង្ស័​យ​​អំ​ពី​​​​​ប្រសិទ្ធភាព​​​នៃ​​​​​ទឹក​ថ្នាំ​​​ជ្រលក់​​ដៃ​​​​​នេះ​​​ដែរ។ ​លោក​បា​ន​ឆ្លើយតប​​​ចំពោះ​​​ការ​​​អះអាង​​​របស់​​​​គណ​បក្ស​ប្រឆាំ​ង​​​ថា​ “ វា​មិន​ពិត​ទេ​។ ពួ​ក​​​​គេ​​គ្រាន់តែ​​​និយាយ​​​​រឿង​​​អស់​​​នេះ​​​​​មុន ​​ដើម្បី​​​​​បដិសេធ​​​​មិន​ទទួលស្គាល់​​លទ្ធ​ផល​​​នៃ​​​ការ​​​បោះ​​​​​​ឆ្នោត​​​នៅ​​ពេល​​​ពួ​ក​​គេ​​ចាញ់​ឆ្នោ​ត​​​ប៉ុណ្ណោះ​​​​”។

​​ពាក់ព័ន្ធ​​​នឹង​​​​​កា​រ​​អះ​​អា​ង​​​របស់​លោក កឹម សុ​ខា ដែល​​​ថា ​​គ​ណ​​​បក្ស​​ប្រជា​​ជន​កម្ពុជា​​​អាច​​​រក្សា​​​​​បា​ន​​ទាំង​​​១១​​អា​សនៈ​តែ​​​ក្នុ​ង​​​​ករណី​​​មាន​​​ការ​​​លួច​​​បន្លំ​​​សន្លឹក​​​ឆ្នោត​​​នោះ លោក លឹមខៃ បា​ន​បដិ​សេធ​មិ​នធ្វើ​​អត្ថា​​​ធិ​ប្បាយ​​​​ទេ​​​។ ​​ប៉ុន្តែ​​​លោក នា​ង សុ​វ៉ាត ​ប្រធា​ន​​គណៈ​កម្មា​​​ធិ​ការ ខុមហ្វ្រែល​​​ ប្រចាំ​​​​​ខេត្ត​កំ​​ពង់​​​ចាម​​បា​ន​អះអាង​​​​ថា​ ក្រុ​ម​​​របស់​លោក​​​បា​ន​ធ្វើ​​​តេស្ត​​​សាក​​​ល្បង​​​​​​ទឹក​ថ្នាំ​​ជ្រលក់​​​ដៃ​​​​​នេះ​​​លើ​​​អ្នក​​បោះ​​ឆ្នោត​​ចំ​នួន​​ប្រាំ​​ពីរនាក់​​នៅ​ទូ​​ទាំង​​ខេត្ត​​​​​នេះ​​​កា​ល​​​​ពី​ម្សិល​មិញ ​​ក្នុង​​​នោះ​​​រា​ប់ទាំ​ង​អ្នក​​បោះ​ឆ្នោត​​ចំនួន​​​​​ពី​រនាក់​​នៅ​ក្នុង​ក្រុ​ង​កំ​ពង់​​ចាម​​​​ផង​​​ ជា​​​លទ្ធ​​​ផល​​​​​​ឃើញថា​​​ ​​​ទឹក​​​ថ្នាំ​​​នេះ​​​​​​អាច​​​លាង​​ជ្រះ​​​អស់​​​​​​ដោ​យប្រើ​​​អាល់​កុល​។

​លោក​បា​ន​មាន​​ប្រ​សាស​​ន៍​ថា “ ​ខ្ញុំ​បា​ន​​ឃើញ​​​​ផ្ទាល់​ភ្នែក​​​ពេល​​​សាកល្បង​​​វា​​​ជាមួ​យ​មនុស្ស​​​ចំ​នួន​បី​នាក់​​នៅក្នុង​ស្រុក​ព្រៃ​​ឈរ ​ហើយ​យើង​​​បា​ន​​រក​ឃើញ​​​ថា ​​ទឹក​ថ្នាំ​នេះ​​​​​គឺ​​​អាច​​​លាង​​​ជ្រះ​​​មែន​​​​​​”។ ​លោក សុ​​វ៉ាត ​​បា​ន​​​​បន្ត​​​​ថា ទឹក​ថ្នាំ​ជ្រលក់​ដៃ​​​​​​​គ្មាន​​​គុណ​ភាព​​​នេះ​​​​ គឺ​​ជា​រឿង​​​​​​មួយ​​​គួរ​​​ឲ្យ​​​​ព្រួ​យ​​បារម្ភ​មែន​​​ ប៉ុន្តែ​​​​ មិនទាន់​​​ហ៊ាន​​​ព្យាករ​​​​​​ថា​ តើ​​​វា​​អា​ចធ្វើ​​​ឲ្យ​​​ប៉ះ​​​ពាល់​​​ដល់​កា​រ​​បោះ​ឆ្នោត​​​នេះ​​​​​ត្រឹម​​​កម្រិត​​​ណា​​​ទេ​​​​។ លោក​បា​ន​​មាន​ប្រ​សាស​ន៍​ថា​ “ ខ្ញុំ​មិន​​​​​អាច​​និ​យាយ​​ថា ​​ទឹក​ថ្នាំ​​​នេះនឹ​ងធ្វើ​​​ឲ្យ​​​​​ប៉ះ​​​ពាល់​​ដល់​​​​លទ្ធផល​​​នៃ​​​កា​រ​​បោះ​ឆ្នោ​ត​ទេ​ ​ព្រោះ​យើង​មិន​ទាន់​​​បា​ន​ឃើញ​​​​នរណា​​​ម្នាក់​​​មក​​បោះ​ឆ្នោត​​ជា​លើក​​ទី២​​​ទេ​”។ ដោយឡែក​​​ គឺ​​​មា​ន​បញ្ហា​​ផ្សេងៗ​​​​ទៀត​​​នៅ​​​​តាម​​មណ្ឌល​បោះ​ឆ្នោត​​កាល​​ពី​ម្សិល​មិញ​។

លោក ​សុវ៉ាត មកពី​​​អង្គការ​​​ខុមហ្វ្រែល​​​ ​បា​ន​​​​ឲ្យ​​​ដឹង​​​បន្ត​​​ថា លោក​ក៏​បា​ន​​​ទទួល​ទូរ​ស័ព្ទ​​​ជា​បន្ត​បន្ទាប់​​​ពី​ក្រុមការងារ​​​​​​​របស់​លោក​​​ដែល​បាន​​​រាយ​កា​រ​​ណ៍​​ថា ​អ្នក​បោះ​ឆ្នោត​​​មួយ​​​ចំនួន​​​ត្រូវ​​​គេ​​​បដិសេធ​​​មិន​​​ឲ្យ​​​បោះឆ្នោត​​​​ ព្រោះ​​​ពួ​ក​គេ​​​​បើ​​​មិនមែន​​​ដោយសារ​​​​​​រក​​មិន​​​ឃើញ​ឈ្មោះ​​​របស់​​ខ្លួន​​​នៅ​លើ​បញ្ជី​​ឈ្មោះ​​អ្នក​បោះ​ឆ្នោត​​​នៅ​​ក្រៅ​​​ការិ​យា​ល័យ​បោះឆ្នោតទេ​​​ គឺ​​​ដោយ​​​សារ​​​ព័ត៌មាន​​​ក្នុង​​​​​​​​​ឯក​សារ​​​​​​របស់​​​រដ្ឋ​​​មិនត្រូ​វ​​នឹង​ព័ត៌មាន​​​ក្នុង​​​អត្ត​សញ្ញាណ​​​ប័ណ្ណ​​​របស់​ខ្លួន​​​។ មុន​កា​រ​បោះ​ឆ្នោត​​​នេះ​​​យ៉ាង​​​យូរ​​​ អង្គការ​​​ខុមហ្វ្រែល​​​ បា​ន​ព្រមា​នរួច​​​ហើយ​​​​​ថា​ ពលរដ្ឋ​កម្ពុជា​​​ជាង​មួយលាន​នាក់​​អាច​​​​បាត់បង់​​​សិទ្ធិ​​​បោះ​ឆ្នោតដោ​យ​សារ​​​បញ្ហា​ធំៗ​​​ទាក់​ទ​ង​នឹង​បញ្ជី​​​​​​ឈ្មោះ​​​អ្នក​​បោះ​ឆ្នោត​។

​ឈ្មោះ​ លី ​ស៊ី​វ​ឈី​ង ​ក៏​​ស្ថិតក្នុង​​​ចំណោម​​​អ្នក​​​​​​បោះឆ្នោត​​​ដែល​​​បាន​​​​​ជួប​​​នឹង​​​​បញ្ហា​​​​នេះ​​​ដែរ។ ​​កម្មការិនី​​​រោង​ចក្រ​​កាត់​ដេរ​​​​អាយុ​​២៩ឆ្នាំ​រូបនេះ​​​បា​ន​​ចំ​ណាយ​ពេល​មួ​យ​រសៀល​​​​​​ធ្វើ​​​ដំណើរ​​​ពី​ភ្នំ​ពេញ​​​ឆ្ពោះ​​​​​​ទៅ​កាន់​​​អនុវិទ្យា​ល័យ​​ទួល​ថ្ម​ ដោយ​​​បាន​​​ទៅ​​​ទាន់​​​មុ​ន​​ពេល​​កា​រិយា​​​ល័យ​​​​​បោះឆ្នោត​​​​​​បិទទ្វារ​​​នៅ​ម៉ោង​៣​រសៀល​។ ​​​ប៉ុន្តែ​​បើ​​ទោះ​ជា​​​មា​ន​​កា​រ​​​ជួ​យ​ជ្រោម​ជ្រែ​ង​​​ពី​បុគ្គលិក​​បោះ​ឆ្នោត​ក៏​ដោយ ក៏​​នាង​​​​នៅ​​​តែ​​​មិន​​អាច​រក​ឈ្មោះ​​​របស់​​​​​ខ្លួន​ឃើញ​​​លើ​ក្តារ​បិទ​​  ប្រ​កាស​​​នៅ​​​ខាង​​​ក្រៅ​​ថ្នាក់​​​រៀ​ន​​មួយ​​​ទេ​​​។

​នា​ងបា​ន​បោះ​ឆ្នោត​នៅ​ទី​នេះ​នៅ​​​ក្នុង​ឆ្នាំ​២០០៨ ហើយ​​​​មិ​ន​ដែល​​​​ផ្លាស់​ប្តូរ​​​អា​សយ​ដ្ឋាន​​​អចិន្ត្រៃយ៍​របស់​​​ខ្លួន​​​ទេ​។ ដើរ​​​ចេញវិញ​​​​​ដោយ​​​ទឹក​មុខ​ស្រ​ពាប់​ស្រពោន​ រួម​​​ជាមួយ​​នឹង​​​​ការ​​​សង្ស័យ​​​ថា  ​​មា​ន​កា​រ​​សម​​គំនិត​គ្នា​​​ធ្វើ​​​ឲ្យ​​​ខ្លួន​​​បាត់​​​ឈ្មោះ​​​នោះ​​​ ​​នាង​បា​ន​​និយាយ​​​​ថា​​​ “ ខ្ញុំ​​ខក​ចិត្ត​ណាស់​ ពីព្រោះ​ខ្ញុំ​​មិន​អា​ច​បោះ​ឆ្នោត​​​បាន​​​​”។
នា​ង​បា​ន​​និ​យាយ​ខណៈភ្លៀង​ធ្លាក់នៅ​​​ពេល​រសៀល​ហាក់ដូច​​​ជា​​​ចំពេល​​​ល្អ​​​​ និង​ខណៈបុគ្គលិក​​បោះ​ឆ្នោត​បិទ​ទ្វារ​​​​ការិយាល័យ ​​​​​ដើម្បី​​ចាប់​ផ្តើម​រា​ប់​សន្លឹក​ឆ្នោ​ត​​​ថា​ “ ខ្ញុំ​គិត​ថា ​ពួក​គេ​លប់​ឈ្មោះ​​ខ្ញុំ​​ចេញ​ពី​​បញ្ជី​​ឈ្មោះ​​អ្នក​បោះ​​ឆ្នោត​ ពី​ព្រោះ​​​គ​ណ​បក្ស​កាន់​​អំ​ណា​ច​​ដឹង​ថា ​ខ្ញុំ​​មិន​គាំ​ទ្រ​​គ​ណ​​បក្ស​​​ប្រជា​ជន​កម្ពុ​ជា​​ទេ​”។

ទោះជា​​​យ៉ាងណា​​​ ​ស៊ីវ​ឈីង ​​បា​ន​និ​យាយ​ថា ​ខ្លួន​​សង្ឃឹម​ថា ​​គ​ណ​បក្ស​​សង្គ្រោះ​​​ជាតិ​​នឹ​ង​​ទទួល​​​បាន​​​ជ័យ​​​ជម្នះនៅ​​​​​​ក្នុ​ង​កា​រ​​បោះឆ្នោត​នីតិ​​​កាល​​​​​ទី​៥​នេះ​​​​។
នាង​បា​ន​និយាយ​បន្ថែម​​​ទៀត​​​ថា “ ខ្ញុំ​​គិត​ថា គ​ណ​បក្ស​​សង្គ្រោះ​​ជាតិ​​នឹ​ង​ឈ្នះ​” មុន​​​ពេល​​​​​​និយាយ​​​បន្ថែម​​​យ៉ាង​​​លឿន​​​ថា​​​  “ ប្រ​សិ​ន​​បើ​   គ​ណ​បក្ស​ប្រជា​ជន​កម្ពុជាមិន​​​លួច​​​​បន្លំ​​​​​សន្លឹក​​​ឆ្នោត​​​ទេ​នោះ​​”៕

ប្រែ​សម្រួល​ដោយ ចេវ ប៊ុននី​​​​​​​​

© 2013, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.