29 C
Phnom Penh

ឯក​​​អ​គ្គ​​​រដ្ឋ​​ទូត​​ចិ​ន​​​អ​បអរ​​សា​ទរ​​គ​ណ​​បក្ស​​ប្រជាជន​កម្ពុជា​​​​​ចំពោះ​​​ជ័យ​​​ជម្នះ​​​​​​នៅ​​​ក្នុង​ការ​បោះ​ឆ្នោត​ជាតិ​

ដោយ ឌឹ ខេមបូឌា ដេលី

បទវិភាគ

យោង​តា​ម​មន្ត្រី​ម្នាក់​នៅ​ក្រសួង​មហា​ផ្ទៃ​បាន​ឲ្យ​ដឹង​ថា កាល​ពី​ម្សិលមិញ ​លោក ស ខេង ​រដ្ឋ​មន្ត្រីក្រសួង​មហាផ្ទៃ​ បាន​ជួប​ជាមួយ​លោក​​ស្រី​ ប៊ូ ជាំង​គ័រ ឯកអគ្គ​រដ្ឋ​ទូត​ចិន​ទើប​​​​​​តែង​តាំង​ថ្មី ដែល​បាន​អប​អរ​សាទរ​លោក​ស ខេង​​​ ចំពោះ​​​ជ័យ​ជម្នះ​របស់​គណបក្ស​ប្រជា​​​ជន​កម្ពុជា ​ក្នុង​ការ​បោះឆ្នោត​ជ្រើ​ស​តាំង​តំណាង​រាស្ត្រ​កាល​ពី​ខែ​មុន​​​​នេះ​​​។

លោក សាឯម សាវុធ អគ្គ​នាយក​រង​នៃ​អគ្គ​នាយក​ដ្ឋាន​ទំនាក់​ទំនង​អន្តរជាតិ​របស់​ក្រសួង​មហាផ្ទៃ​ មាន​ប្រសាសន៍​ថា “ លោក​ស្រី​បាន​ធ្វើ​ការ​វាយ​តម្លៃ​​​​​ខ្ពស់​​​អំពី​ការ​បោះ​ឆ្នោត​នៅ​ក្នុង​ប្រទេស​កម្ពុជា ​ដែល​លោក​​​​ស្រី​​​​លើក​ឡើង​ថា ត្រូវ​បាន​រៀប​ចំ​ឡើង​​​​ដោយ​រលូន​។គាត់​​​ក៏​បាន​ផ្ដល់​ការ​អប​អរ​សាទរ​ចំពោះ​ថ្នាក់​ដឹក​នាំ​គណបក្ស​ប្រជា​​​ជន​កម្ពុជា​ដែល​ទទួលបាន​ជ័យ​ជម្នះ​ក្នុង​ការ​បោះ​ឆ្នោត​ផងដែរ​​​​”។

រយៈពេល​​​​​​​​​ប៉ុន្មា​ន​ម៉ោង ​​​​​​​បន្ទាប់​​​ពី​​​​​​​ការ​បោះ​ឆ្នោត​បាន​បញ្ចប់​កាល​ពី​ថ្ងៃ​ទី​២៨ ខែ​កក្កដា គណបក្ស​ប្រជា​ជន​កម្ពុជា​បាន​ឲ្យ​ដឹង​ថា ខ្លួន​បាន​ទទួល​ជ័យ​ជម្នះ​ ដោយ​ទទួល​បាន​​អាសនៈ​​​​ចំនួន​៦៨​ក្នុង​ចំណោម​១២៣​អាសនៈ​នៅ​ក្នុង​សភា ។​​​ តួលេខ​​​​នេះ​​​ត្រូវ​​​​បាន​​​ច្រានចោល​​​ដោយ​​​​​​​​​គណបក្ស​សង្គ្រោះ​ជាតិ​​​​ ដែល​​​​អះអាង​ថា មាន​ការ​​​​លួច​​​បន្លំ​សន្លឹក​ឆ្នោត​យ៉ាង​ច្រើន​ និង​ដែល​​​លើក​ឡើង​ថា ខ្លួន​ទើប​​​ជា​​​​អ្នក​ឈ្នះ​​​​​​​​ស្រប​ច្បាប់។

ប្រទេស​ចិនស្ថិត​​​​​​​ក្នុង​ចំណោម​ប្រទេស​​​​មួយ​ចំនួន​តូច​ដែល​បាន​អប​អរ​សាទរ​គណ​​​បក្ស​ប្រជាជន​កម្ពុជា ​​​ក្រោយ​​​​​ការ​ប្រកាស​លទ្ធផល​បឋម​ រួម​​​ជាមួយ​នឹង​ប្រទេស​ហុង​​​គ្រីនិង​ប្រទេស​បង់​ក្លាដែស​។ លោក​ស្រី ប៊ូ ក៏​បាន​ជួប​ជាមួយ​នឹង​លោក​នាយក​រដ្ឋ​មន្ត្រី ហ៊ុន សែន កាល​ពី​សប្ដាហ៍​មុន​ផងដែរ។

លោក សាឯម សាវុធ បាន​​​ឲ្យ​​​ដឹង​​​​ទៀតថា ​​​​​ឯក​អគ្គ​រដ្ឋ​ទូត​​​​រូបនេះ​​​មិន​បាន​ពិភាក្សា​អំពី​សំណើ​​​របស់​គណបក្ស​សង្គ្រោះ​ជាតិ​សុំឲ្យ​អង្គការ​សហ​ប្រជាជាតិ​ចូលរួម​ក្នុង​គណៈ​​​កម្មាធិការ​រួម​មួយ​ ដើម្បី​ស៊ើប​អង្កេត​ភាព​មិន​ប្រក្រតី នៃ​ការ​បោះ​ឆ្នោត​​​​ទេ​។ លោក​​បានមាន​ប្រ​សាសន៍បន្ត​​​ថា “គាត់​​​​គ្រាន់​តែ​បាន​ស្វាគមន៍​ដំណើរ​ការ​ល្អ​​​​ជា​ទូទៅ​​​​ក្នុង​​​​ការ​បោះ​ឆ្នោត​ប៉ុណ្ណោះ​ ហើយ​បាន​លើក​ឡើង​ថា ប្រទេស​ចិននឹងបន្ត​ជួយ​យើង​ក្នុង​ការ​​​​អភិវឌ្ឍ​សេដ្ឋកិច្ច​ ផ្លូវ​ថ្នល់ និង​វិស័យ​ផ្សេង​ៗ​ទៀត​”៕

ប្រែ​​​សម្រួល​​​ដោយ ចេវ ប៊ុននី

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស