29 C
Phnom Penh

ឯក​រាជភាព​របស់​គ.ជ.ប. គឺ​ជា​គន្លឹះ​សំខាន់​សម្រាប់​ការ​ទទួល​បាន​ស្ថិរភាព​ក្រោយ​ការ​បោះ​ឆ្នោត

ដោយ ឌឹ ខេមបូឌា ដេលី

បទវិភាគ

នៅ​ក្នុង​ខែ​ធ្នូ​ ឆ្នាំ២០១១ លោក សុរិយា​ ស៊ូបេឌី ប្រេសិត​ពិសេសរបស់​អង្គការសហ​ប្រជា​ជាតិ​ទទួល​បន្ទុកសិទ្ធិ​មនុស្ស​នៅ​កម្ពុជា​បានមក​បំពេញ​ទស្សន​កិច្ច​នៅ​ប្រទេស​នេះ​ ដើម្បីវាយ​តម្លៃ​អំពី​ស្ថាប័ន​រដ្ឋ​ដែលពាក់​ព័ន្ធ​ក្នុង​ដំណើរ​ការ​បោះ​ឆ្នោត។

លោកបាន​ធ្វើ​សេចក្តី​សន្និដ្ឋាន​ក្នុង​របាយ​ការណ៍​មួយ​ដែល​បាន​ដាក់​ជូន​មហា​សន្និបាត​អង្គការ​សហ​ប្រជា​ជាតិ​កាល​ពី​ខែ​កក្កដា ឆ្នាំ​២០១២​ថា កំណែ​ទម្រង់​ការបោះ​ឆ្នោត​ទ្រង់​ទ្រាយ​ធំ​ គឺជា​រឿង​ចាំ​បាច់​ណាស់​សម្រាប់​​ការ​រក្សា​សន្តិ​ភាព និង​ស្ថិរភាព​ក្នុង​ប្រទេស​នេះ​។

លោក​បាន​លើក​ឡើង​តាម​រយៈ​របាយ​ការណ៍​នេះ​ថា “ ប្រសិន​បើ​ដំណើរ​ការ​បោះ​ឆ្នោត​មិន​អាច​ទទួល​បានជំនឿ​ទុក​ចិត្ត​​ពី​អ្នក​បោះ​ឆ្នោត​ទេ​នោះ​ មូល​ដ្ឋាន​គ្រឹះ​រដ្ឋ​ធម្ម​នុញ្ញ​ និង​នយោ​បាយ​ដែល​មាន​ចែង​ក្នុង​កិច្ច​ព្រម​ព្រៀង​ក្រុង​ប៉ារីស​នឹង​រង្គោះ​រង្គើ​ ហើយ​កម្ពុជា​​អាច​ប្រឈម​នឹង​ការដោះ​ស្រាយ​បញ្ហា​ដោយ​ប្រើហិង្សា​ជា​ថ្មី​ម្តង​ទៀត”។

អ្វី​ដែល​ធ្វើ​ឲ្យ​លោក ស៊ូបេឌី ព្រួយ​បារម្ភ​បំផុត​នោះ នោះគឺ​គណៈ​កម្មា​ធិការ​ជាតិ​រៀប​ចំ​ការ​បោះ​ឆ្នោត (គ.ជ.ប.)។​គ.ជ.ប. គឺជា​ស្ថាប័ន​រដ្ឋា​ភិបាល​​មាន​សមាជិក​ប្រាំបួន​រូប​​ដែល​ទទួល​បន្ទុក​ធានា​ឲ្យ​បាន​ថា ឆន្ទៈ​របស់​ប្រជា​ពល​រដ្ឋ​ត្រូវ​បានឆ្លុះ​ប​ញ្ចាំង​តាម​រយៈ​លទ្ធ​ផល​នៃ​ការ​បោះ​ឆ្នោត​។

របាយ​ការណ៍​របស់​លោក​មាន​ខ្លឹមសារ​ថា “ គណៈ​កម្មាធិការ​ជាតិ​រៀប​ចំ​ការ​បោះ​ឆ្នោត​ គួរ​​ធ្វើ​កំណែ​ទម្រង់​ដើម្បី​ឲ្យ​មាន​ភាព​ឯក​រាជ្យ​​និង​ភាព​ស្វយ័ត​”។ ដើម្បី​សម្រេច​បំណង​នេះ​ លោក ស៊ូបេឌី បាន​ស្នើ​ឲ្យ​មាន​ការ​ព្រម​ព្រៀង​គ្នា​ជា​ឯកច្ឆន្ទ​ក្នុង​ចំណោម​គណ​បក្ស​នយោបាយ​នានានៅ​ក្នុង​រដ្ឋសភា​ជាតិ​ស្តីពីការ​តែង​តាំង​ប្រធាន​ និង​សមាជិក​គ.ជ.ប. និង​គណៈ​កម្មា​ធិការ​រៀប​ចំការ​បោះ​ឆ្នោត​ថ្នាក់​ខេត្ត​ ហើ​យ​លោក​ក៏​បាន​លើក​ឡើង​ថា “ ស្ថាប័ន​យុត្តិធម៌ និង​យន្ត​ការ​​ថ្មី​ដាច់​ខាត​ត្រូវ​បង្កើត​ឡើង​ក្រៅ​ក្រប​ខ័ណ្ឌ​ ​គ.ជ.ប. ដើម្បី​ដោះ​ស្រាយ​វិវាទ​ពាក់​ព័ន្ធ​នឹង​ការ​បោះ​ឆ្នោត​​ឲ្យ​បាន​សម​ស្រប​”។ ការ​ព្យាករ​ក្នុង​របាយការណ៍​របស់​លោក​គឺ​ពិត​ជា​ត្រឹម​ត្រូវ​មែន​។

រយៈ​ពេល​មួយ​ឆ្នាំ​ក្រោយ​មក គ.ជ.ប. ដែល​ពោរ​ពេញ​ទៅ​ដោយ​សមាជិក​មាន​ភក្តី​ភាព​ចំពោះ​គណ​បក្ស​ប្រជា​ជន​កម្ពុជា​របស់​លោក​នាយក​រដ្ឋ​មន្ត្រី ហ៊ុន សែន បាន​ក្លាយ​ជា​​​ចំណុច​ស្នូល​នៃ​វិវាទ​ពាក់​ព័ន្ធ​ទៅនឹង​ការ​បោះ​​ឆ្នោត​​ដែល​តម្រូវ​ឲ្យ​មាន​ដំណោះ​ស្រាយ​។

ក្រុម​អ្នក​វិភាគ និងក្រុម​អ្នក​សង្កេត​ការណ៍​បោះ​ឆ្នោត​បាន​លើក​ឡើង​ថា ប្រសិន​បើ​មាន​អំពើ​ហិង្សាកើត​ឡើង​​ក្រោយ​ការបោះ​ឆ្នោត​មែន​នោះ វា​ប្រាកដ​ជាដោយ​សារ​តែ​ការ​ខក​ខាន​របស់​រដ្ឋា​ភិបាល​ ក្នុង​ការ​អនុវត្ត​តាម​អនុ​សាសន៍​របស់​លោក ស៊ូបេឌី។

លោក កែម ឡី អ្នក​វិភាគ​នយោ​បាយ​ឯក​រាជ្យ​ បាន​ថ្លែងថា “ ឫស​គល់​នៃ​បញ្ហា​នេះ​​គឺ​នៅ​ត្រង់​ពួកគេ​ [រដ្ឋាភិបាល​លោក ហ៊ុន សែន] ​មិន​គោរព​តាម​អនុសាសន៍​របស់​អ្នក​ធ្វើ​របាយ​ការណ៍​ពិសេស​របស់​អង្គការ​សហ​ប្រជា​ជាតិ​រូប​នេះ។វាគឺ​ជា​ដើមហេតុ​បង្ក​ឲ្យ​មានអំពើ​ហិង្សា។ ហើយ​ដើម​ហេតុ​បង្ក​ឲ្យ​មានអំពើ​ហិង្សា​នេះ​គឺ​នៅ​ត្រង់​ពួកគេ​មិន​ចង់​ធ្វើ​ឲ្យ​ការ​ចុះឈ្មោះ​បោះ​ឆ្នោត​មាន​ភាព​ប្រសើរឡើង​ ពួកគេ​មិន​ចង់​ឲ្យ​បញ្ជី​ឈ្មោះ​បោះ​ឆ្នោត​មាន​លក្ខណៈ​ប្រសើរ​ឡើង​ ពួកគេ​មិន​ចង់​ឲ្យ​ប្រព័ន្ធ​បោះ​ឆ្នោត​មាន​ភា​ព​ប្រសើរ​ឡើង​ទេ”។​

លោក ធន់ សារ៉ាយ ជាប្រធានក្រុម​ប្រឹក្សា​​នាយក​នៃគណៈ​កម្មា​ធិការ​​ដើម្បីការ​បោះ​ឆ្នោត​​ដោយ​សេរី និង​យុត្តិ​ធម៌​នៅកម្ពុជា​ហៅ​កាត់​ថា ខុមហ្វ្រែល បាន​លើក​ឡើង​ថា ប្រសិន​បើ​គ.ជ.ប. មិន​អនុញ្ញាតឲ្យ​ស្ថាប័ន​ឯក​រាជ្យ​ណា​​មួយ​ចូល​រួម​ក្នុង​ការ​សើុប​អង្កេត​ការ​ចោទ​ប្រកាន់​ពី​ការ​លួច​បន្លំ​សន្លឹក​ឆ្នោត​នៅ​ថ្ងៃ​​២៨​​ ខែកក្កដា​ ទេនោះ​ ដំណោះ​ស្រាយ​ដោយ​សន្តិ​វិធី​​សម្រាប់​បញ្ហានយោ​បាយ​បច្ចុប្បន្ន​នេះ​​គឺ​មិន​ទំនង​ថា នឹង​អាច​ទទួល​បាន​ឡើយ។

លោក​បាន​មាន​ប្រសាសន៍​ថា “ ប្រសិន​បើយើង​មិន​ពង្រីក​សមាសភាព​ [គណៈ​កម្មា​ធិការ​សើុប​អង្កេត​ការបោះ​ឆ្នោត] ទេនោះ​គណ​បក្ស​សង្គ្រោះ​ជាតិ​នឹងមិនព្រម​ទទួល​យក​ [លទ្ធ​ផល​នៃ​ការបោះ​ឆ្នោត] ទេ ហើយ​ប្រសិន​បើ​គណ​បក្សសង្គ្រោះ​ជាតិ​មិន​ព្រម​ទទួល​យក​នោះ​​វា​ដោយសារតែ​តាំ​ង​ពី​ដើម​មកទល់នឹង​ពេលនេះ​ ពួក​គេ​មិន​ទុក​ចិត្ត​គ.ជ.ប. ឬ​លទ្ធ​ផល​បាន​មក​ពី​គណ​បក្សប្រជា​ជន​កម្ពុជា​ឡើយ​។ [គ.ជ.ប.] ត្រូវ​សម្រប​សម្រួល​ការ​ពិភាក្សា​រវាង​​គណបក្ស​ទាំង​ពីរ​ ដើម្បីស្វែង​រកដំណោះ​ស្រាយ​”។ លោក ធន់ សារ៉ាយ បានបន្ត​ថា “ ប្រសិន​បើ​​យើង​អាច​ធ្វើ​បែប​នេះ​បាន​ យើង​មាន​សង្ឃឹម​​ថា អាច​ដោះ​ស្រាយ​បញ្ហា​នេះ​និងបញ្ចៀស​ជម្លោះ​ហិង្សា​​ក្នុង​ពេល​​ដ៏​ខ្លី​ខាងមុខ​នេះ​បាន”។

បើទោះ​បី​ជា​មាន​ករណី​ដែល​គណ​បក្ស​ប្រឆាំង​ចោទ​ថា ជា​ការលុប​ឈ្មោះ​របស់​អ្នក​គាំ​ទ្រ​គណ​បក្ស​សង្គ្រោះ​ជាតិ​រាប់​ពាន់​នាក់​ចេញ​​ពី​បញ្ជី​ឈ្មោះ​បោះ​ឆ្នោត​ និង​ការ​​លួច​បន្លំ​សន្លឹក​ឆ្នោត​ទ្រង់​ទ្រាយធំ​នៅថ្ងៃ​បោះ​ឆ្នោត​ក៏ដោយ​ ក៏​គណ​បក្ស​សង្គ្រោះ​ជាតិ​នៅ​តែ​ទទួល​សំឡេង​ឆ្នោត​បាន​ដល់ទៅ​៤៤​,៥​ភាគ​រយ​ នេះ​បើ​យោង​តាម​លទ្ធ​ផល​បឋម​របស់​គ.ជ.ប. ។

លោក សម រង្ស៊ី និង​លោក កឹម សុខា បាន​បញ្ជាក់​ថា ខ្លួន​នឹង​មិន​ទទួល​យក​អ្វីផ្សេង​​ក្រៅ​ពី​ជ័យ​ជម្នះ​ និង​ការទម្លាក់​លោក ហ៊ុន សែន​ ពី​អំណាច​ទេ។ មេ​ដឹកនាំគណបក្ស​ប្រឆាំង​ទាំង​ពីរ​រូប​នេះ​​ក៏​បាន​គំរាម​ធ្វើ​បាតុកម្ម​ទូទាំង​ប្រទេស និង​ធ្វើ​ពហិការ​សភា​ជា​ជម្រើស​ចុង​ក្រោយ​ផង​ដែរ​ ប្រសិនបើ​ការ​ស៊ើប​អង្កេត​ដោយ​ឯករាជ្យ​អំពី​ភាព​មិន​ប្រក្រតី​ក្នុង​ការ​បោះ​ឆ្នោត​នេះមិនធ្វើ​ឡើងក្រៅ​ក្រប​ខ័ណ្ឌ គ.ជ.ប. ទេនោះ​។

គណ​បក្ស​សង្គ្រោះ​ជាតិ​​បាន​អំពាវ​នាវ​ឲ្យ​អង្គការ​សហ​ប្រជា​ជាតិ​ដើរ​តួ​នាទី​ជា​អាជ្ញាកណ្តាល​ក្នុង​គណៈ​កម្មា​ធិការ​ស៊ើប​អង្កេត​​ពហុ​ភាគី​​ ដែលនឹង​រួមមាន​គ.ជ.ប. និង​គណ​បក្ស​ប្រជាជន​កម្ពុជា​ ដោយ​ភាគី​នីមួយៗ​មាន​ភារកិច្ច​សើុប​អង្កេត​ដំណើរ​ការ​បោះ​ឆ្នោត គឺ​ចាប់ពី​ដំណើរ​ការ​ចុះ​ឈ្មោះ​បោះ​ឆ្នោត​ ដែល​ភាគ​ច្រើន​មើល​ខុស​ត្រូវ​​ដោយប្រធានភូមិ និង​ចៅសង្កាត់​ស្មោះ​ស្ម័គ្រ​នឹង​គណ​បក្ស​ប្រជា​ជន​កម្ពុជា រហូត​ដល់​ការ​រាប់​សន្លឹក​ឆ្នោត​របស់​គ.ជ.ប. នៅ​តាម​ការិយាល័យ​បោះ​ឆ្នោត​។

ទោះ​ជា​យ៉ាង​ណា​ គ.ជ.ប. បាន​បន្ត​ការ​ងារ​របស់​ខ្លួនតាម​កាលវិភាគ​​ដែល​ផ្តល់​ពេល​ត្រឹម​​​តែ​ប្រាំ​ថ្ងៃ​ប៉ុណ្ណោះសម្រាប់ការ​ស៊ើប​អង្កេត​​គិត​ចាប់​ពី​ថ្ងៃ​ពុធ​ អំពីភាព​មិន​ប្រក្រ​តី​ក្នុង​ការ​បោះ​ឆ្នោត​ មុន​ពេល​ចេញ​ផ្សាយ​លទ្ធ​ផល​បឋម​​​​ផ្លូវ​ការដែល​អាចប្តឹង​ជំទាស់​ទៅ​ក្រុម​ប្រឹក្សា​ធម្មនុញ្ញកម្ពុជា ​ដែលមជ្ឈដ្ឋាន​ទូ​ទៅ​ចាត់​ទុក​ថា​ ជា​ដៃ​គូរបស់​គណ​បក្ស​ប្រជា​ជន​កម្ពុជា។ គ.ជ.ប. ក៏បាន​បដិសេធ​ការ​អំពាវ​នាវ​​ពី​គណ​បក្ស​សង្គ្រោះ​ជាតិ និង​សង្គម​ស៊ីវិល ឲ្យស្ថាប័ន​នេះ​ចេញផ្សាយឯក​សា​រ ដែល​នឹង​ផ្តល់​​លទ្ធភា​ព​ឲ្យ​ក្រុម​អ្នកសង្កេតការ​ណ៍​បោះ​ឆ្នោត​ឯករាជ្យ​ សើុប​អង្កេត​ពីករណី​នៃ​ការ​ក្លែង​បន្លំ​អត្តសញ្ញាណនិង​ភា​ព​មិន​ប្រក្រតី​ក្នុង​ការ​បោះ​ឆ្នោត​។

លោក ទេព នីថា អគ្គ​លេខា​ធិការ​គ.ជ.ប.​បានឲ្យ​ដឹង​​កាល​ពី​ម្សិល​មិញ​ថា អនុ​គណៈ​កម្មការ​​មាន​សមាជិក​បី​រូប​ក្រោម​ការ​ដឹក​នាំ​របស់​រូបលោក នឹង​ទទួល​បន្ទុក​ពិនិត្យ​​របាយ​ការណ៍​ចំនួន​១៤​ ស្តី​ពី​ការ​ប្រព្រឹត្តខុស​នៅ​ថ្ងៃ​បោះ​ឆ្នោត​ ដែល​​របាយ​ការណ៍​ទាំង​នេះ​ត្រូវ​បាន​ដាក់​ប្តឹង​តាំង​ពី​ថ្ងៃ​ទី​២ ខែ​សីហា​ មក។ របាយ​ការណ៍​ចំនួន​ប្រាំពីរ​គឺ​ជា​របស់​​គណ​បក្ស​សង្គ្រោះជាតិ​ បួន​ទៀត​គឺ​ជា​របស់​គណ​​បក្ស​ប្រជា​ជន​កម្ពុជា​ ពីរ​ទៀត​ជា​របស់គណ​បក្ស​ហ្វ៊ិនស៊ិនប៉ិច​ និង​មួយ​ទៀត​ជា​របស់​អាជ្ញាធរ​មូលដ្ឋាន។

លោក ទេព នីថា បាន​មាន​ប្រសាសន៍ថា “ យើង​នឹង​ដាក់​របាយ​ការណ៍​ទាំង​នេះ​​ចំពោះ​​មុខ​គណ​បក្ស​នយោ​បាយ​ និង​សង្គម​ស៊ីវិល ដើម្បី​ទទួល​យក​មតិ​​យោបល់​ពី​ពួកគេ​​ពីអ្វី​ដែល​យើង​គួរ​ធ្វើ​​ដើម្បី​ដោះ​ស្រាយ​បញ្ហា​​ដែល​បាន​លើក​ឡើង​ក្នុង​របាយការណ៍​ទាំង​នោះ” ដោយ​លោក​បាន​បន្ថែម​ថា អនុ​គណៈ​កម្មការ​​មាន​សមាជិក​បីរូប​មាន​សមត្ថភាព​គ្រប់​គ្រាន់​ក្នុង​ការ​ស៊ើប​អង្កេត​ដោយ​ហ្មត់​ចត់​​ពី​របាយ​ការណ៍​ទាំង​១៤​នោះ​ មុន​ដំណាច់​​សប្តាហ៍​នេះ​។

លោកបានថ្លែង​បន្ត​​ថា “ ខ្ញុំមិន​គិត​ថា អនុ​គណៈ​កម្មការនេះមានការ​​ចាំបាច់​ត្រូវ​ចុះទៅ​ស៊ើប​អង្កេត​នៅ​តាម​មូល​ដ្ឋាន​ទេ។ នេះ​ហើយ​​ជា​មូល​ហេតុ​ដែល​យើង​ នឹង​ជួ​ប​ជាមួយ​​តំណាង​មក​ពី​គណ​បក្ស​នយោ​បាយ​ពាក់​ព័ន្ធ​នឹង​សង្គម​ស៊ីវិល​ដើម្បី​ប្រមូល​ព័ត៌​មាន​។ ធ្វើ​ដូច្នេះ​ យើង​អាច​ទាក់​ទង​​មន្ត្រី​រៀប​ចំ​ការ​បោះ​ឆ្នោត​នៅ​ថ្នាក់​មូល​ដ្ឋាន​ ដើម្បី​ឲ្យ​បាន​ដឹង​ តើ​ពិត​​ជា​មានករណី​ដូច​ការ​ចោទ​ប្រកាន់​មែន​​ឬ​យ៉ាង​​ណានោះ។ បន្ទាប់​ពី​បញ្ចូល​ [របាយ​ការណ៍​] ​តែ​មួយ​រួច​ យើង​នឹង​មាន​ករណី​តែ​ប៉ុន្មាន​ប៉ុណ្ណោះ​ដែល​ត្រូវ​ពិភាក្សា​នៅ​ចុង​សប្តាហ៍​នេះ​។

ដំណើរការស៊ើប​អង្កេត​នេះ​​ដែល​រួម​មាន​ទាំង​ការ​ត្រៀម​ពេល​វេលា​៤៨ម៉ោង​ទុក​​សម្រាប់​ការ​ពិចារណា​របស់​គ.ជ.ប.​ផង​នោះ នឹង​បញ្ចប់​មុនការ​ចេញ​ផ្សាយ​លទ្ធផល​បឋមផ្លូវ​ការ​​នៅ​ថ្ងៃ​ទី​១២ ខែសីហា។

លោក យឹម សុ​វណ្ណ អ្នក​នាំពាក្យ​​​​គ​ណ​បក្ស​​សង្គ្រោះ​​ជាតិ​ បា​ន​ឲ្យ​​​ដឹង​​​ថា គ​ណ​បក្ស​របស់​​​លោក​​​មិ​ន​​​ទាន់​បា​ន​សម្រេច​​ថា​​​​​​ តើ​ខ្លួ​ន​នឹង​​ចូល​​រួ​ម​​​​​ក្នុង​​​កិច្ច​ប្រជុ​ំ​​​​​នៅ​​​ចុងសប្តាហ៍​នេះ​​​ដើម្បី​​ពិ​ភាក្សា​​​​​​​ពី​​​ពាក្យ​បណ្តឹង​​​ទាំង​នោះ​​​​​​​ឬ​​​​​អត់​​​ទេ​ ប៉ុន្តែ​​ លោក​ប្រាកដ​​​ថា ការ​ស៊ើប​អង្កេត​​របស់​គ.ជ.ប.នឹ​ង​មិន​គ្រប់​គ្រាន់​​ល្មម​​​នឹង​​​ឲ្យ​​​គ​ណ​បក្ស​សង្គ្រោះ​​ជាតិ​និ​ង​អ្នក​​គាំ​​ទ្រ​​​របស់​​ខ្លួន​​ទទួល​យក​​​​​ទេ។ លោក​​​បន្ត​​​​ថា “ [អនុ​​គណៈកម្មការ​នេះ]​​​ ពុំ​​​មាន​​​ប្រសិទ្ធភាព​​​​សោះ​ឡើយ​។ យើង​​មិនទុ​ក​​ចិត្ត​គ.ជ.ប.​ទៀត​ទេ​។​យើង​មិន​ចង់​ពិភាក្សា​អំ​ពី​រឿងនេះ​​ទេ​ យើង​​ចង់​​​ពិ​ភាក្សា​​អំ​​ពី​កា​រ​​បង្កើត​​គ​ណៈកម្ម​ការមួ​យ​​​​ដែល​​អាច​​ដោះ​ស្រាយ​​បញ្ហា​ដោ​យ​មិន​លម្អៀង​​​និង​​ដោ​យ​ឯក​រាជ្យ​​”។​​

​លោក ផៃ ស៊ី​ផាន ​​អ្នក​នាំពាក្យ​​​​ទី​ស្តី​កា​រ​​​គ​ណៈ​រដ្ឋ​ម​ន្ត្រី​បា​នលើកឡើង​​​ថា ការ​មិ​ន​​​ទទួល​​​ស្គាល់​​​របស់​​គ​ណ​បក្ស​​សង្គ្រោៈ​​​ជាតិនូវ​​​​​​លទ្ធ​​ផល​​​​នៃ​​​កា​របោៈឆ្នោត​ គឺ​ផ្ទុយ​នឹ​ង​​ឆន្ទៈ​​​​​របស់​​ប្រជា​​ជន​​កម្ពុជា​​​​ហើយ​​​។លោក​ក៏​បា​ន​​​​​លើក​ឡើង​​​ផង​​​ដែរ​​ថា​ អា​ជ្ញា​​ធរ​​នឹងចាត់​​ទុ​ក​​បាតុកម្ម​ដែល​បា​ន​ស្នើឡើងនេះ​​​ថា​​​ ជា​ “ កុប​​កម្ម” ប្រ​ឆាំ​ង​រដ្ឋា​ភិ​បាល​។

​លោក​​បា​ន​មាន​​​ប្រសាសន៍​​​ថា​ “ ពួ​ក​គេត្រូ​វ​​​គោរពនីតិរដ្ឋ​​​​​​។​យុទ្ធ​​​នា​កា​រ​​​​​​ឃោសនា​​​បាន​​​ចប់​​​​សព្វគ្រប់​​​ហើយ។​​មា​ន​​​លទ្ធ​ផល​​​​​នៃ​​​​កា​រ​​​បោះ​ឆ្នោត​​​​ច្បាស់​​​ហើយ​​​។ ​ពេល​​​នេះ​គេ​​ត្រូ​វ​​​​​​​​និយាយ​​​​ពី​​​នីតិរដ្ឋ​​​តាម​​​បែប​​​ប្រជា​ធិបតេយ្យ​ និ​ងការ​​​​​គោរព​វា​​​វិញ​​​​​​”។ ​លោកបាន​​​បន្ត​​​​ថា “ យើង​មា​ន​​យន្ត​ការ​​​ដ៏​ល្អ​មួ​យ និង​​​​​មា​ន​សមត្ថភាព​​​គ្រប់​គ្រាន់​​ក្នុងការ​​​​ដោះស្រាយ​​​ ​[កា​រ​ខ្វែង​​​គំនិត​​​គ្នា​​​​​​] នៅ​ក្នុ​ង​រដ្ឋ​​​សភា​​​ជាតិ​​​ ​ជា​​​ជាង​​​ញុះញង់​​ប្រ​ជា​​​ពល​រដ្ឋ​​ឲ្យ​ចេញ​​​តា​ម​ដងផ្លូវ​​​​​​​ធ្វើ​​បាតុ​កម្ម​​​ដែល​​​​នឹង​​​ក្លាយ​​​​​​ជា​​កុប​កម្ម​”។

លោក ស៊ីផា​ន បា​ន​សួរ​​ថា “ ​ខ្ញុំ​​មិ​នដឹង​​​ថា ​តើ [មេដឹកនាំ​​គ​ណ​​បក្ស​​សង្គ្រោះ​ជាតិ] ​ច្រាន​​ចោល ​[លទ្ធផល​​​​​នៃ​​​កា​រ​បោះ​ឆ្នោត​] ដើម្បី​អ្វីទេ?។ តើ​​ពួ​ក​គេ​ចង់​​​ឃើញ​​ឈាម​ខ្មែរ​ហូរ​នៅ​លើ​ដងផ្លូ​វ​​ឬ​​​​​​​យា៉ងម៉េច​​​​​​?”។ លោក សុក សំ​​អឿន ជា​​​មេធា​វី​ និង​ជា​សមា​ជិក​ក្រុម​​​ប្រឹក្សា​​​​នា​​យក​របស់​ ខុម​ហ្វ្រែល​បា​ន​លើកឡើង​ថា មិន​​​ថា​​​មាន​​​អ្វី​​​កើត​ឡើង​​​ទេ​​​  ​គ.ជ.ប.​នៅតែអាច​ដើរ​​​​​តួនា​ទី​ដ៏​​​សំខាន់​​មួ​យ​​ក្នុ​ង​កា​រ​នាំ​​គ​ណ​បក្ស​​ប្រជាជន​កម្ពុជា​​និ​ង​គ​ណ​​បក្ស​​សង្គ្រោះ​​​ជាតិ​​​មក​​ពិ​ភាក្សា​​​​​គ្នា​​​អំពី​​​​វិធី​​​បោះ​ជំហាន​​​​ទៅ​​​មុខ​​​​ មុន​ពេល​​គ​ណ​បក្ស​សង្គ្រោះ​​​ជាតិ​​​​​​​​​ងាក​​​ទៅរក​​​ជម្រើស​​​ធ្វើ​​​មហា​​​​បាតុ​កម្ម​។

លោក​​​បា​ន​មាន​​​ប្រសាសន៍​​​ថា “ គ.ជ.ប. ត្រូ​វ​តែ​សម្រប​សម្រួល​កា​រ​​ពិ​ភាក្សា​រវា​ង​​​គ​ណ​បក្ស​​ទាំង​ពីរ​​​ហើយ​​​​ស្តាប់​​ពួ​ក​គេ​​​និយាយ​​​។​វា​​​មិនមែន​​​​​គ្រាន់តែ​​​ជា​​​រឿង​​​របស់​​​​​​គ​ណ​​បក្ស​​​ទាំ​​ង​​​ពីរ​​​​​​​​ប៉ុណ្ណោះ​​​ទេ​​​ តែ​ជា​​​រឿង​​​របស់​​​​​ប្រជា​​​ពល​រដ្ឋ​​​ដែរ​​​ ​ជា​​​ពិ​សេស​​​គឺ​​​ប្រជា​​ពល​រដ្ឋ​ដែល​​​គាំ​​ទ្រ​​គ​ណ​​បក្ស​សង្គ្រោះ​​​ជាតិ​។នេះ​​​ហើយ​​​ជា​មូល​​ហេតុ​​​ដែល​គ​ណ​បក្ស​​ទាំ​ង​ពីរ​ត្រូ​​វ​​​ពិ​ភាក្សា​គ្នា​ឡើង​​វិញ ដើម្បី​​​​​​​​ឲ្យ​​ប្រជា​​ពល​រដ្ឋស្ងប់ចិត្ត​​”។ ​លោក​បា​ន​​​បន្ថែម​​ថា “ ប្រ​​ជា​​ពល​រដ្ឋ​មិន​​​ជឿ​​ គ.ជ.ប.ទេ ​ដូច្នេះ​ខ្ញុំ​គិត​ថា ​​មា​ន​​តែ​​​​ការ​​​បង្កើត​​គណៈ​កម្មា​​ធិការ​​មួ​យ​​ និង​​​​​​ការ​​​បើក​​កា​រ​ស៊ើប​​អង្កេត​ប្រ​កប​​​ដោ​យ​តម្លាភាព​​​​ប៉ុណ្ណោះ ​ទើប​​​​​​ពួ​ក​​​គេ​​​​​​អាច​​​បញ្ចៀស​​​បាតុ​កម្ម​​​បា​ន​”៕

ប្រែ​​​សម្រួល​​​ដោយ ភួន ចាន់សេរីវុធ

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស