29 C
Phnom Penh

បុរស​ម្នាក់​ស្លាប់​ ពីរនាក់​​​​ទៀត​​​រង​របួស​ដោយសារ​រន្ទះ​បាញ់​នៅ​ក្នុង​ខេត្ត​បន្ទាយ​មានជ័យ

ដោយ ឌឹ ខេមបូឌា ដេលី

បទវិភាគ

មន្ត្រី​​​​មូលដ្ឋាន​​​បាន​​​ឲ្យ​​​ដឹង​​​កាលពី​ម្សិលមិញ​​​​ថា បុរស​អាយុ​២៤​ឆ្នាំ​ម្នាក់បាន​ស្លាប់​​​​ ហើយ​​​​ពីរ​​​​នាក់​ទៀត​​​បាន​​​​រង​របួស ​ពេលពួក​គេ​ត្រូវ​រន្ទះ​បាញ់​​​​ក្នុង​ស្រុកស្វាយ​ចេក ខេត្ត​បន្ទាយ​មាន​ជ័យ​​​ កាល​ពី​ថ្ងៃ​អាទិត្យ។

មុនពេល​​​កើតហេតុ​​​ បុរស​រូបនេះ​​​​កំពុង​​តែ​​​បាញ់​ថ្នាំ​សម្លាប់​ស្មៅ​នៅឯ​​​​ចម្ការ​ដំឡូង​មី​មួយ​កន្លែង​ក្នុង​ឃំ​ស្លក្រាម នៅ​ម៉ោង​ប្រហែល​៣​រសៀល ស្រាប់​តែ​​​ត្រូវ​​​រ​​​ន្ទះ​​​​បាញ់​​​តែ​​​ម្តង​​​​។

លោក ជា ស្លុញ អធិការ​នគរ​បាល​ស្រុក​បាន​មាន​ប្រសាសន៍​ថា “មេឃ​ចាប់​ផ្តើម​ងងឹត​ ដូច្នេះ​ រស់ សេរី ក៏​​​បាន​ដក​ទូរស័ព្ទ​របស់​ខ្លួន​ចេញ​ពី​ហោប៉ៅ​ដើម្បី​បិទ​ មុន​ពេល​ព្យុះ ភ្លៀង​​​​​ចាប់​ផ្តើម ហើយ​​​ពេល​នោះ​​​​ក៏ ត្រូវ​​​រន្ទះ​​​​បាញ់​​​​។​​​គាត់​​​បាន​​​​ស្លាប់​ភ្លាម​​​មួយ​​​រំពេច​​​​”។

លោក កុក ហួន ​ជា​​​មេឃុំ បាន​​​​ឲ្យ​​​ដឹង​​​ថា កម្មករ​ ដែល​នៅ​ក្បែរ​នោះ​បាន​ព្យា​យាម​ជួយ​ជន​រង​គ្រោះ​ទាំង​នេះ។ លោក​បាន​មាន​ប្រសា សន៍ថា “បន្ទាប់​ពី​ពួក​គេ​បាន​ឮ​ផ្គរលាន់​​ ពួក​គេ​ក៏​បាន​រត់​ទៅ​ជួយ។ ក៏​ប៉ុន្តែ ​បុរស​ម្នាក់​ក្នុង​ចំណោមនោះ​​​ត្រូវ​​​គេ​​​ជួយ​​​មិន​​​ទាន់ទេ​​​​”។

អ្នក​​​​រង​របួស​​​ទាំង​​​​ពីរ​នាក់​​​គឺ​​​ឈ្មោះ នុង អៀត អាយុ​២៥​ឆ្នាំ និង​ ឈ្មោះ គុំ អាយុ​២៤​ឆ្នាំ ​ត្រូវ​បាន​បញ្ជូន​ទៅ​មន្ទីរ​ពេទ្យ​ក្នុង​ក្រុង​សិរី សោ ភ័ណ។  មុខ​របួស​របស់​​​​ឈ្មោះ​​​ គុំ ​​​ត្រូវ​​​គ្រូពេទ្យ​​​ប្រាប់ថា​​​ មាន​សភាព​ធ្ងន់​។ ការ​ស្លាប់​ដោយសារ​​​​រន្ទះ​បាញ់​​​​គឺកើត​ឡើង​​ជា​ទូទៅ​ទៅ​ហើយ ​អំឡុង​រដូវ​ភ្លៀង។ គណៈ​កម្មាធិការ​ជាតិ​គ្រប់​គ្រងគ្រោះ​មហន្តរាយ​​​បាន​​​​​​ឲ្យ​​​ដឹង​​​ថា​ មនុស្ស​​​៨៣​នាក់​​​​បាន​​​រង​​​​គ្រោះ​​​ក្នុង​រយៈ​ពេល​ប្រាំពីរ​ខែ​ដំបូង​​​​នៃ​​​​ឆ្នាំ​នេះ៕

ប្រែ​សម្រួល​ដោយ ចេវ ប៊ុននី

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស