30 C
Phnom Penh

លោក សម រង្ស៊ី ​ចោ​ទ​ប្រកាន់​បក្ស​ប្រជាជន​ថាលួ​ច​ស​ន្លឹ​ក​ឆ្នោត​

ដោយ ឌឹ ខេមបូឌា ដេលី

បទវិភាគ

​លោក​ សម រង្ស៊ី ​ប្រធានគណបក្ស​ស​ង្គ្រោះ​​ជាតិ​ បាន​ត្រឡប់​មក​ប្រទេស​កម្ពុជា​វិញ​កាល​ពី​ថ្ងៃសុក្រ បន្ទាប់​ពី​បាន​ធ្វើ​ទស្សនកិច្ច​រយៈ​ពេល​​​​១១​ថ្ងៃ​ នៅសហរដ្ឋ​អា​មេរិក​ ​ហើយ​​បាន​ចោទប្រកាន់​គណប​ក្ស​កាន់​អំណាយ​ថា ​កំសាក ​និង​បានលួច​​ស​ន្លឹក​ឆ្នោត​ក្នុង​ការបោះ​ឆ្នោត​ជាតិ​ ដែល​បា​នប្រព្រឹត្ត​ទៅ​កាល​ពី​ថ្ងៃទី​២៨​ខែ​កក្កដា​ ពី​គណបក្ស​របស់​លោក​។

លោក សម រង្ស៊ី មក​​​ដល់​​​អាកាស​​​យាន​​​ដ្ឋាន​​​ភ្នំពេញ ​​​កាល​​​ពី​​​ថ្ងៃ​​​សុក្រ​​​ ដោយ​​​ទទួល​​​បាន​​​ការ​​​ស្វាគមន៍​​​ពី​​​អ្នក​​​គាំ​​​ទ្រ​​​ជា​​​ច្រើន​​​រយ​​​នាក់​​​ បន្ទាប់​​​ពី​​​បាន​​​ជួប​​​មន្ត្រី​​​អង្គការ​​​សហ​​​ប្រជា​​​ជាតិ​​​នៅ​​​អាមេរិក ដើម្បី​​​ពិភាក្សា​​​អំពី​​​ភាព​​​​​​មិន​​​ប្រក្រតី​​​ក្នុង​​​ការ​​​បោះ​​​ឆ្នោត​​​ជាតិ​​​។ (ស៊ីវ ចាន់ណា
លោក សម រង្ស៊ី មក​​​ដល់​​​អាកាស​​​យាន​​​ដ្ឋាន​​​ភ្នំពេញ ​​​កាល​​​ពី​​​ថ្ងៃ​​​សុក្រ​​​ ដោយ​​​ទទួល​​​បាន​​​ការ​​​ស្វាគមន៍​​​ពី​​​អ្នក​​​គាំ​​​ទ្រ​​​ជា​​​ច្រើន​​​រយ​​​នាក់​​​ បន្ទាប់​​​ពី​​​បាន​​​ជួប​​​មន្ត្រី​​​អង្គការ​​​សហ​​​ប្រជា​​​ជាតិ​​​នៅ​​​អាមេរិក ដើម្បី​​​ពិភាក្សា​​​អំពី​​​ភាព​​​​​​មិន​​​ប្រក្រតី​​​ក្នុង​​​ការ​​​បោះ​​​ឆ្នោត​​​ជាតិ​​​។ (ស៊ីវ ចាន់ណា

​អ្នកគាំទ្រ​ពីរ​បីរយ​នាក់​បានតម្រង់​ជួរ​គ្នា​នៅ​តាម​ដង​ផ្លូវខាង​ក្រៅ​ច្រក​មក​ដល់​វី​អាយ​ភី​ នៅឯ​អាកាស​យានដ្ឋាន​អន្តរ​ជាតិ​ភ្នំ​ពេញ ​ដើម្បីទទួល​ស្វាគមន៍​លោក  សម រ​ង្ស៊ី ​ដែល​បាន​វិល​ត្រឡប់​មក​វិញ ​បន្ទាប់​ពី​បាន​បំពេញ​ដំណើរ​ទស្សនកិច្ច​របស់​លោក​។ អំ​ឡុង​ដំណើរ​ទស្សនកិច្ច​នោះ​ លោ​ក​​បា​ន​ចូល​រួមពិធី​​អាពាហ៌​ពិពាហ៌​កូនស្រី​រប​ស់​លោក​ ​និង​ជួប​ជាមួយ​មន្ត្រី​ជាន់ខ្ពស់​របស់​កា​រិយាល័យ​​កិច្ច​ការ​ន​យោបាយ​ នៃ​អង្គកា​រ​សហប្រជាជាតិ​ នៅ​បុរីញូវយ៉ក​។​

​លោក​​ សម រង្ស៊ី ​ត្រូវបាន​អ្នក​គាំទ្រ​ឡោម​ព័ទ្ធ​ជុំវិញ​ ​នៅ​ពេល​លោក​មក​ដល់​ទី​ក្រុង​ភ្នំ​ពេញ​ភ្លាម​ហើយ​បាន​ធ្វើ​ដំណើរ​ដោ​យ​ថ្មើរ​ជើង ដើម្បី​ស្វាគមន៍​អ្នក​គាំទ្រ​​ទាំង​ឡាយ​ ជា​ហេតុ​បណ្តាល​ឲ្យ​ចរាចរ​ណ៍ត្រូវ​ស្ទះ​​នៅតាម​ផ្លូវ ​នៅពេល​ប្រជាជន​ឈរ ​និង​ស្រែក​ឲ្យ​មាន​​​​ការ​ផ្លាស់ប្តូរ​ ដោយ​លើក​ម្រា​ម​ដៃ​ប្រាំពីរ​ឡើង​ ដើម្បី​ជាសញ្ញា​តំណាង​ឲ្យ​លេខ​រៀង​របស់​គណបក្ស​នៅ​លើ​សន្លឹ​ក​ឆ្នោត​។ បន្ទាប់​មក​ លោក​បាន​ធ្វើ​ដំណើរ​ដោយ​រថយន្ត ទៅ​កាន់​ទីស្នាក់​ការ​គណប​ក្ស​​សង្គ្រោះ​ជាតិ ​នៅ​ក្នុង​សង្កាត់​ចាក់អង្រែ​ក្រោ​ម​។

​លោក​បាន​មានប្រសាសន៍​នៅ​ពេ​ល​លោក​ចាក​ចេញ​ពី​ថ្លោង​ទ្វារ​អាកាស​យា​ន​ដ្ឋាន​អន្តរ​ជាតិ​ភ្នំ​ពេញ​ថា “ពួកគេ​ការ​ពា​រ​ជោគជ័យ​របស់​ប្រជាជន​កម្ពុជា​ ដែល​គណ​បក្ស​ប្រជាជន​កម្ពុជា​បាន​ប្លន់​ពីយើង​។ ​យើ​ង​ត្រូវតែ​រៀបចំ​វិធានការ​នានា និង​ផ្តួច​ផ្តើ​ម​អ្វី​គ្រប់​យ៉ាង​ ដើម្បីទាមទារ​យុត្តិធម៌​ ​ស​ម្រាប់​ប្រជាជន​កម្ពុជា​”។​

ថ្លែង​ពី​តុ​កិត្តិយស​ ទៅ​កាន់​ប្រជា​ជ​ន​​ប្រហែល​​​​២០០​នាក់​ នៅ​ខាង​ក្រៅ​ទី​ស្នា​ក់​ការ​គណបក្ស​សង្គ្រោះ​ជាតិ ​លោក​ ស​ម រង្ស៊ី ​បាន​រៀប​រាប់​អំពី​ជំនួប​ទាំង​ឡាយ​ដែល​លោក​បាន​ធ្វើ​ឡើង​ ជាមួយ​​មន្ត្រី​អង្គ​ការ​សហ​ប្រជាជាតិ ​និងតំណាង​អង្គការ​មិ​ន​មែនរដ្ឋាភិបាល​ ហើយ​​លោក​បានលើក​ឡើងថា “​ពួក​គេ​បាន​ឃើញ​ច្បាស់ណាស់ថា​គណបក្ស​សង្គ្រោះ​ជាតិ​ ទទួល​​បាន​សម្លេង​ភា​គច្រើន។ ដូច្នេះ​ហេតុ​អ្វី​បាន​ជាគណប​ក្ស​​​ផ្សេង​ហ៊ាន​និយាយថា ​ខ្លួនឈ្នះ? ​គ្មាន​អ្នក​ណា​គេ​ជឿ​ទេ​”។​

​លោកបាន​ថ្លែង​​បន្ថែម​ទៀត​ថា គណ​បក្ស​កាន់​អំណាច​ ដែល​កំពុង​អះ​អាង​ថា​ ខ្លួ​ន​ទទួល​បាន​៦៨អាសនៈ​ ​និង​គណៈ​​​កម្មាធិការ​​​ជាតិ​​​រៀប​​​ចំ​​​ការ​​​បោះ​​​ឆ្នោត ដែល​បាន​ចូល​ដៃ​ចូល​ជើង​ ជាមួយ​គណបក្ស​ប្រជាជន​កម្ពុ​ជា បា​ន​ស៊ុម​គ្រលំគ្នា​លួច​ឈ្មោះ​អ្នក​បោះ​ឆ្នោ​ត​១,៣​លាន​នាក់​ ពី​គណបក្ស​សង្គ្រោះ​ជាតិ។​​

លោក​បានមានប្រសាសន៍បន្ត​ថា “​តា​ម​លទ្ធ​ផល​ប៉ះបឋម​ ​គ.ជ.ប. ​និង​គណបក្ស​ប្រជា​ជន​កម្ពុជា​ បាន​ប្រកាស​ថា ​ពួកគេ​ទទួល​បាន​៣,២​លាន​សម្លេង​ ​ហើយ​គណបក្ស​សង្គ្រោះ​ជាតិ​ទទួល​បាន​២,៩​លាន​សម្លេ​ង​”​។ លោក​បាន​អះអាងថា ​ឈ្មោះ​ “ខ្មោច”​ ​ចំនួ​ន​មួយលាន ដែល​មាន​​នៅ​ក្នុង​បញ្ជី​ឈ្មោះ​អ្ន​ក​បោះ​ឆ្នោ​ត​ ក៏ត្រូវបានប្រើ​ប្រាស់​ដើម្បី​បង្កើន​ចំនួន​សន្លឹក​ឆ្នោតគាំទ្រ​គណបក្ស​ប្រ​ជាជន​កម្ពុជា​។​

​អំឡុង​អវត្ត​មាន​របស់​លោក សម រង្ស៊ី ​រដ្ឋា​ភិបាល​បាន​ចាប់ផ្តើមបង្ហាញសាច់ដុំ​ផ្នែ​ក​យោ​ធាកាន់​តែ​ធំឡើង​ៗ​ ដោយ​បា​ន​ដាក់​ព​ង្រា​យ​​កងកម្លាំង​ប្រដាប់​អាវុធ​ នៅ​តាម​តំ​បន់​ជាយរាជធានីភ្នំ​ពេញ​ និងរបាំង​បន្លា​លួ​ស​កាន់​តែ​ច្រើន​។ មន្ត្រី​នានា​បាន​និយា​យថា ​ការ​បង្ហាញ​ភាពខ្លាំង​បែប​នេះ ​គឺជា​ផ្នែក​មួយ​នៃ​ការ​ត្រៀម​ទប់​ទល់​បាតុកម្ម​តវ៉ា​ប្រឆាំង​លទ្ធ​ផលនៃការបោះឆ្នោត​។

​លោក សម រង្ស៊ី បាន​មានប្រសាសន៍​ថា ​ “គណបក្ស​ប្រជាជន​កំសាក​ណាស់​។ គេ​ចាញ់​ការបោះ​ឆ្នោត​ហើយ ប៉ុន្តែ ​ឥឡូវ​ពួក​គេ​កំពុង​តែប្រើ​​​ប្រាស់​​​​កម្លាំង​ប្រដាប​អាវុធ​ មក​គំរា​ម​កំហែង​ប្រជាជន​កម្ពុជា​។ ថោក​​ណា​ស់ ​កំ​សាក​​​​ណាស់”។ ​​លោក​​​បាន​​​មាន​​​ប្រសាសន៍​​​បន្ថែម​​​ទៀត​​​ថា “កម្លាំង​ប្រដាប់​អាវុធ​ និង​រថ​ពា​ស​ដែក​​ គួរ​តែ​ត្រូវ​បាន​យក​ទៅ​ព្រំដែន​ថៃ​ និង​​​វៀត​​​ណាម​ ​​​​​​ដើម្បី​ការពារ​ពួកយើង​ ពីព្រោះ​ប្រទេស​ថៃ និងប្រទេស​វៀត​ណា​ម ចង់​លួច​ទឹកដី​របស់​​​ប្រទេស​​​កម្ពុជា​”។ លោក សម រង្ស៊ី ជាប្រធាន​​​គណបក្ស​​​សង្គ្រោះ​​​ជាតិ​​​ បាន​​​មាន​​​ប្រសាសន៍​​​បន្ត​​​ទៀត​​​ថា “ពួក​​​គេមិនគួរ​ប្រើប្រាស់​កម្លាំង​​​ប្រដាប់​អាវុធ​ ​និង​រថពាស​ដែក​ មក​​បំភិត​បំភ័យ​ប្រជា​​​ជន​នៅ​កណ្តាល​​​ទីក្រុង​​​ភ្នំ​​​ពេញ​​​ទេ”។

​គណបក្ស​ប្រឆាំង​​​ដ៏​​​មាន​​​ប្រជា​​​ប្រិយ​​​ភាព​​​នេះ​​​ បាន​ឲ្យដឹង​តាំ​ង​ពី​ពេល​បោះឆ្នោត​ថា ​បាតុកម្ម​ដោយ​សន្តិ​​វិធី​អា​ចជា​ជម្រើស​ចុង​ក្រោយ​ ហើយ​កា​លពីថ្ងៃ​ព្រហស្បតិ៍ ​លោក កឹម សុខា ​អនុ​ប្រ​ធាន​គណ​បក្ស​នេះ​ បាន​លើក​ឡើងថា គ​ណបក្ស​សង្គ្រោះ​​​ជាតិ ​​ត្រៀម​ខ្លួន​រួច​ជា​​​ស្រេច​ ស​ម្រាប់​ធ្វើ​មហា​បាតុ​កម្ម​​និង​ធ្វើ​ពហិការ​ស​ភា​។ ​កាលពី​ម្សិល​មិញផង​​​ដែរ  លោក សម រង្ស៊ី ​បា​ន​លើក​ឡើង​អំពី​រឿង​នេះ​​​​ដែរ ក៏ប៉ុន្តែ ​មិន​បា​ន​បញ្ជាក់​កាល​បរិច្ឆេទ​ជាក់​លាក់​ទេ​។ ​លោ​ក​បាន​មាន​ប្រសា​សន៍ថា ​ “​ខ្ញុំ​ជំរាប​ប្រជាជ​ន​​​ទាំងអស់ថា  ​ដោយ​ចាប់​ផ្តើម​ពេល​ឥឡូវ​នេះទៅ យើង​នឹង​រៀប​ចំ​ព្រឹត្តិការណ៍​ជាច្រើ​ន​ ​​ទៅ​តាម​ដំណាក់​កាល ​ដើម្បី​ការពារ​ជ័យ​ជ​ម្នះ​របស់​យើង​ ​និង​ដើម្បី​សង្គ្រោះ​ជាតិ​រប​ស់​យើង​ ពី​ព្រោះ​ប្រជាជន​កម្ពុជា​ ដាច់ខាត​​ទាម​ទារ​ឲ្យ​មានការផ្លាស់ប្តូរ”។

​នៅ​អាកាស​យាន​ដ្ឋាន​អន្តរ​ជាតិ​ ភ្នំ​ពេ​ញ ​អ្នក​ស្រី សេង គឹមស្រ៊ុន ​អាយុ​៤០​ឆ្នាំ​ បា​ន​លើក​ឡើងថា ​អ្នកស្រីបាន ត្រៀម​ខ្លួន​រួ​ច​ជា​សម្រេច​ និង​មាន​ហ៊ាន​លះ​បង់​ជីវិត​រប​ស់​អ្នកស្រី​ដើម្បី​គណបក្ស ​ប្រសិន​បើ​មា​ន​វា​យប្រហារ​ដោយ​កម្លាំង​យោធា​ណាមួយ​ចេញ​ពី​រដ្ឋាភិ​បាល​ ទៅលើ​បាតុកម្ម​។ អ្នក​ស្រី​បាន​បញ្ជាក់​ថា  “​ខ្ញុំ​មិន​អាច​ទទួល​យក​​ [​ល​ទ្ធ​ផល​នេះ​]​ បានទេ​។ ប្រសិន​បើ​មាន​បា​តុកម្ម ខ្ញុំ​នឹងចូលរួម​។ ខ្ញុំ​មិន​ខ្លាច​ទេ​ ហើយ​ខ្ញុំ​ហ៊ាន​លះ​បង់​ជីវិត​របស់ខ្ញុំ​”៕

(រាយការណ៍​បន្ថែម​ដោយ ​Lauren Crothers)
ប្រែ​សម្រួល​ដោយ កង សុធា​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស