34 C
Phnom Penh

នគបាល​រក​ឃើញ​រថយន្ត​​២២គ្រឿង​ដែល​ត្រូវ​​គេ​លួច​​ក្នុង​ស្រុក​ល្វាឯម​​​

ដោយ ឌឹ ខេមបូឌា ដេលី

បទវិភាគ

មន្ត្រី​នគរបាល​ម្នាក់​បាន​ឲ្យ​ដឹង​កាលពី​ម្សិលមិញ​ថា​​រថយន្ត​ចំនួន​២២គ្រឿង​ក្នុង​ចំណោម​រថយន្ត​ទាំង​​​អស់​ជាង​២០០​គ្រឿង​​ដែល​ត្រូវ​បាន​គេ​លួច​ហើយ​លក់​ឲ្យ​ហាង​បញ្ចាំ​មួយ​ជា​ផ្នែក​​នៃ​គម្រោង​​​ឆបោក​របស់​ក្រុម​ហ៊ុន​ទេសចរណ៍​ក្លែង​ក្លាយ​មួយ​ ត្រូវ​បាន​​រក​ឃើញ​នៅ​ក្នុង​ស្រុក​ល្វា​ឯម ​​ខេត្ត​កណ្ដាល​។

ជន​រង​គ្រោះ​​​មួយ​​​ចំនួន​​​​បាន​ឲ្យ​ដឹង​ថា​​​ ខ្លួន​​​​ត្រូវ​​បុរស​ម្នាក់​​​និង​​​ស្រ្តី​ម្នាក់​​ដែលអះ​អាង​ថា ជា​បុគ្គលិក​​​ក្រុម​ហ៊ុន​ទេសចរណ៍​មួយ​​​​​​​​ មក​​​ទាក់ទង​​​​ ហើយ​​​​​សួរ​​ ថាតើ​​​​​​​​អាច​​​​​ឲ្យ​​​ពួកគេ​​​យក​​​​រថយន្ត​​​​​ទៅ​​​ជួល​​​ឲ្យ​ភ្ញៀវ​​​ទេសចរណ៍​​ក្នុង​រយៈ​ពេល​​​ជាក់លាក់​​​​មួយ​​​​​ដែរ​​​​​​ឬ​​​ទេ​​​​។ ជន​រង​គ្រោះ​ទាំង​នោះ​បាន​​​​ឲ្យ​​​ដឹង​​​​ថា ខ្លួន​​​បាន​ចុះ​កិច្ច​សន្យា​ជាមួយ​ប្ដី​ប្រពន្ធ​ទាំង​​​ពីរ​​​នាក់​​​នោះ​ ប៉ុន្តែ​​​គេ​ជឿ​ថា​​​ រថយន្ត​ទាំង​២១០​គ្រឿង​​​​​នោះ​​​ត្រូវ​​​​បាន​លក់​ឲ្យ​ហាង​បញ្ចាំ​​​ លី ហួរ នៅ​ក្នុង​ខណ្ឌ​ឫស្សី​កែវ​ រាជធានី​ភ្នំពេញ។

នគរបាល​ស្រុក​ល្វាឯម បាន​រក​ឃើញ​រថយន្ត​ចំនួន​១៦គ្រឿង​​​​ក្នុង​​​ចំណោម​​​រថយន្ត​​​ទាំង​​​អស់​​​នោះ​​​កាលពី​យប់​​​ថ្ងៃពុធ។ លោក ប៊ុន សត្យា​​ នាយ​​​​ការិយាល័យ​​​​នគរបាល​​​ព្រហ្ម​ទណ្ឌ​ក​ម្រិត​ស្រាល​​ បាន​មាន​ប្រសាសន៍​ថា “យើង​បាន​រក​ឃើញ​រថយន្ត​ចំនួន​ប្រាំមួយ​គ្រឿង​ទៀត​ [កាលពី​ថ្ងៃ ព្រហស្បតិ៍​] ហើយ​យើង​បាន​បញ្ជូន​រថយន្ត​ទាំង​នោះ​ទៅ​នាយក​ដ្ឋាន​នគរបាល​ព្រហ្ម​ទណ្ឌ​​​​​​រាជធានី​ភ្នំពេញ​រួច​ទៅ​ហើយ​”។

លោក​ ជា​ ធុល អធិការ​​​រង​នគរបាល​ស្រុក​បាន​ឲ្យ​​​ដឹង​​​ថា រថយន្ត​ទាំង​នោះ​​​​ត្រូវ​បាន​រក​ឃើញ​​នៅ​ក្នុង​ដី​ឡូដ៍​ឯកជន​មួយ​កន្លែង​។ លោក​​​​បាន​​​មាន​​​ប្រសាសន៍​​​ថា​​​ “យើង​ស៊ើប​​​​ដឹង​ថា ក្រុម​ហ៊ុន​មួយ​បាន​បញ្ជូន​រថយន្ត​ទាំង​នោះទៅ​​​​ដី​ឡូដ៍​​​​ហ្នឹង​​​” ដោយ​​​​បន្ថែម​ថា រថយន្ត​​​​​ទាំង​​​​១៨គ្រឿង​​ដែល​បាន​ឆ្លងកាត់​​​ការ​​​ត្រួត​ពិនិត្យ​ដោយ​​​មាន​ឯកសារ​ចុះ​បញ្ជី​ត្រឹម​ត្រូវ​​​ ត្រូវ​​​បាន​បញ្ជូន​ទៅ​រាជធានី​ភ្នំពេញ​​​​​ហើយ​​​​​។ ប្ដី​ប្រពន្ធ​ពីរ​នាក់ ឈ្មោះ​ យូ សុឃុន និង​ ​កែវ ស្រីនិត កំពុង​រត់​គេច​ខ្លួន​នៅ​ឡើយ​​៕

ប្រែ​​​សម្រួល​​​ដោយ​ ឃិន ណៃ

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស