34 C
Phnom Penh

រឿ​ង​ក្តី​លោក ឈូក បណ្ឌិត ត្រូ​វ​​​​បញ្ជូ​ន​ទៅ​សាលាឧទ្ធរណ៍

ដោយ ឌឹ ខេមបូឌា ដេលី

បទវិភាគ

មន្ត្រី​តុ​លាការ​បា​ន​​​​​​ឲ្យ​​​ដឹង​​​​កា​ល​ពី​ម្សិល​មិញ​​​​ថា ​​សាលា​ឧទ្ធរណ៍​​បា​ន​ទទួល​រឿង​​​​ក្តី​​​​របស់​​ ឈូក បណ្ឌិត អតី​ត​​អភិ​បាល​ក្រុ​ង​បា​វិត​ ​ដែល​ត្រូ​វ​បា​ន​​កាត់​​​​​ឲ្យ​​​ជាប់​​​ទោសកា​ល​​​ពី​​​ខែ​មិ​ថុ​នា​ ​ពី​បទ​​បាញ់​​​កម្មការិនី​​រោង​ចក្រ​កាត់​ដេរ​​បី​នាក់​​​​​ឲ្យ​​​រង​របួស ប៉ុន្តែ​​​​​​នៅ​​​​​​​តែមិន​ទាន់​ចាប់​​ខ្លួន​បា​ន​នៅ​ឡើយ​​​​ ទោះបី​​​​ជា​​​​​​​​ជន​​​នេះ​​​មាន​​​​​ទោស​​​ជាប់​​​​​​​ពន្ធនាគារ​​​រយៈពេល​១៨​ខែ​ក៏​​ដោ​យ​។

លោក សែម សុ​ផាត ​ក្រឡា​បញ្ជី​​សាលា​ឧទ្ធរណ៍​​​ ថ្លែង​​​​ថា “​​រឿ​ង​ក្តី​​​​​​​​​​​​របស់​ ឈូ​ក បណ្ឌិត ​​បា​ន​​មក​ដល់​សាលា​ឧទ្ធរ​ណ៍​រួច​​​ហើយ​” ដោយ​​​លោក​​​​​​បដិ​សេធ​មិ​ន​​បរិយាយ​​​​​​បន្ថែម​​​ឡើយ​។

បើទោះជា​សាលា​​ដំ​​បូ​ង​ខេត្ត​​ស្វាយ​រៀង​​​បា​ន​​ប្រ​កាស​​​ទោស​​​​របស់​​អតីត​​​អភិ​បាល​​ក្រុង​រូ​ប​នេះក្នុ​ង​ខែ​មិ​ថុ​នា​  និង​បា​ន​បង្គាប់​ឲ្យ​​​​​មាន​​​ការ​​​ចាប់​ខ្លួន​​​ជា​​​បន្ទាន់​​​ក៏​ដោយ​​​ ក៏​​ជន​​​នេះ​​​​នៅ​​​តែ​​​គេច​​​ផុត​​​​​ពី​ការ​​​ចាប់ខ្លួន​​​​​​។ មេធាវី​​​របស់​​គាត់​​បា​ន​ប្តឹង​​ឧទ្ធ​រណ៍​​នៅ​ក្នុង​ខែ​​កក្ក​​ដា​​​ទៅសាលាឧទ្ធរណ៍​ ​​​ជំ​​ទាស់​នឹ​ង​​សាល​ក្រម​​​​របស់​សាលា​​​​​​​​ដំបូ​ង​ខេត្ត​។

លោក ស៊ុន ប៊ុណ្ណា​រិទ្ធ មេ​ធាវី​​​របស់ ឈូ​ក​ បណ្ឌិត ​​បាន​​​អះអា​​ង​ថា លោក​មិន​ដឹង​​​ថា​កូ​ន​ក្តី​​​របស់​ខ្លួន​​​លាក់​​​ខ្លួន​​​​​​នៅ​​​ទី​ណា​​ទេ​  ប៉ុន្តែ​​​ជឿ​​ថា ​​គាត់​​ស្ថិត​​​​​​​​ក្នុង​ប្រទេស​កម្ពុជា​​នៅ​ឡើយ​ទេ​។ លោកបន្ត​​​ថា ​“គាត់​​បា​ន​ផ្ទេរ​សិទ្ធិ​ឲ្យ​ខ្ញុំ​​​ប្តឹង​ឧទ្ធរណ៍។ ​​គាត់​មិ​ន​​បាន​​​ចាកចេញពី[កម្ពុជា]​​​ទេ​​”។

លោក ​ជិ​ន លី​ដា មេ​ធាវី​​​​របស់​​​ស្ត្រី​រង​គ្រោះ​​​​ទាំ​ង​​បី​នាក់​ដែល​​​បាន​ប្តឹង​ឧទ្ធរណ៍​​​កាល​​ពី​ខែ​មុន​ ​ស្វែ​ង​រកសំណង​​​ជំ​​ងឺ​ចិត្ត​​​ជា​ប្រាក់​​ជា​ង​៩.៥០០​ដុល្លារ​ ​ដែល​​ដើម​ឡើយ​ត្រូ​វ​​​​សាលា​ដំ​បូង​​ខេត្ត​​​​​​​សម្រេច​​​ប្រគល់​ឲ្យ​​​​​​ពួកគេ​​​នោះ​​​ បា​ន​បន្ត​អំ​ពាវ​នា​វ​​ឲ្យ​​​​​មាន​​​ការ​​​ចាប់​​ខ្លួន​​​​​​អភិ​បា​ល​​​​​​ក្រុង​​​​​​​​​កំពុង​​​រត់​​​គេច​​​ខ្លួន​​​​​​​នេះ​។

លោក លីដា​ ​​ថ្លែង​ថា​ “​ខ្ញុំ​សូ​ម​​អ​ំ​​​ពាវ​​​នា​វ​ដល់​​អាជ្ញា​​ធរ​ មេត្តា​​​​​​ចាប់​​ខ្លួ​ន​ ឈូក បណ្ឌិត​”។ អ​ង្គកា​រ​​សិទ្ធិ​មនុស្ស​​​បា​ន​លើ​កឡើង​ម្តង​ហើយ​ម្តង​ទៀត​​​ថា ការ​​មិ​ន​​​ចាប់​​ខ្លួន​លោក ឈូក បណ្ឌិត គី​​​ជាភ័ស្តុតា​ង​​​​​​​បង្ហាញ​​​ពី​​​​​​​​​​វប្បធម៌​​​និ​ទណ្ឌ​ភាព​​​និ​ង​ប្រព័ន្ធ​​តុ​លា​ការ​​​ពុ​ក​រលួ​យ​​។

លោក មឿន តុ​លា​ ប្រ​​​ធា​ន​​កម្មវិធី​ការ​ងារ​​​​នៅ​​​​មជ្ឈមណ្ឌល​​​អ​ប់​​រំ​​ច្បាប់សម្រាប់​សហ​គមន៍​ ដែល​ផ្តល់​​ជំ​នួយ​ផ្នែ​ក​ច្បាប់​​សម្រាប់​​​​ជ​ន​រង​គ្រោះ​​​ទាំង​បីនាក់​នេះ​ បា​ន​លើក​ឡើង​ម្តង​ទៀត​កា​ល​​ពី​ម្សិល​មិញ​ថា អាជ្ញា​​​ធរ​​គ្មាន​​​ឆន្ទៈ​​​ចាប់​ខ្លួ​ន​អភិ​​បាល​​​​ដែល​​ត្រូ​វ​បា​ន​កាត់​​​​ឲ្យ​​​ជាប់​​​ទោសនេះ​​ទេ​ ដោ​យ​សារ​​​​​រូបគេ​​​​​មា​ន​​​ទំ​​​នាក់​ទំ​នងជាមួ​​​​ ក្រុម​​មន្ត្រី​​​ជាន់​ខ្ពស់​​​​របស់​គ​ណ​​បក្ស​ប្រជាជ​ន​កម្ពុ​ជា ​ដូច​​ជា​លោកស្រី ម៉ែន សំ​​អ​ន​ ឧប​នា​យក​រដ្ឋមន្ត្រី​​​​​​ប្រចាំ​​​ការ​​​ជា​ដើម​។ លោក​​បន្ថែម​​​ថា “យើង​​អា​ច​​មើល​ឃើញ​​​​​​​​​​តាំង​​​ពី​​​​ដំ​បូ​ង​មក​ម៉្លេះ​​​ថា ​​អាជ្ញា​​ធរ​​ចាប់​​ពី​ថ្នាក់​​មូ​ល​ដ្ឋាន​រហូត​ដល់​ថ្នាក់កំពូល​​​​​​ ​​​គឺ​​​​គ្មាន​​កា​រ​​ប្តេជ្ញា​ ឬ​ឆន្ទៈ​​​​​ក្នុងការ​​​ចាប់​ខ្លួន​​ជ​ន​នេះ​ទេ”។

ទោះ​​ជា​យ៉ាង​ណា​ ឧត្តម​សេនីយ៍ឯក  គៀត ច័ន្ទថា​រិទ្ធ អ្នក​នាំ​​​ពា​ក្យ​​​នគរបា​ល​​​ជាតិ​​បា​ន​​​​អះអាង​​​​ថា​ នគរបាល​​កំ​ពុ​ង​ប្រឹង​​​ប្រែង​អស់​​ពី​សមត្ថ​ភា​ព​​ក្នុងការ​​​​ស្វែង​​រក​ ឈូ​ក បណ្ឌិត និង​​សូម​ឲ្យ​​​​ប្រជាជន​​​ក្នុង​​​មូលដ្ឋាន​​​​ផ្តល់​ដំណឹងដល់​​​​​​​​អាជ្ញា​​ធរអំ​ពី​​​​កន្លែ​ង​​​​​​លាក់ខ្លួន​​​​​​​របស់​​គាត់​។ ឧត្តម​សេនីយ៍​ឯក​ ច័ន្ទ​ថា​​រិទ្ធ ​​បា​ន​បន្ត​​ថា “​​ប្រជា​ពល​រដ្ឋ​​​និយាយ​​​​ថា​ ​​​​បា​ន​​​ឃើញ​ ឈូ​ក ​បណ្ឌិត នៅ​ក្នុ​ង​ប្រទេស​កម្ពុ​ជា។​​​ នគរ​បាល​​សូ​ម​​​​​​​ឲ្យ​​​អ្នក​​ដែល​​ដឹ​ង​​​​​​​ថា​​​គាត់​​​​ស្ថិត​​​នៅ​ទី​ណា​​ ​សូ​ម​​​​មេត្តា​​​ប្រាប់​​​យើង​ផង​។ យើង​មិន​ខ្វល់​​​ថា​គាត់​​​​​​ស្គាល់​[មន្ត្រី​ជាន់​ខ្ពស់​​] ឬ​​​អត់​​​ទេ​។ យើង​​​ប្តេជ្ញា​​​ចាប់​​ខ្លួន​គាត់​”៕

ប្រែសម្រួល​ដោយ ចេវ ប៊ុននី​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស