32 C
Phnom Penh

​​​ឈើ​​គ្រញូង​​ត្រូវរកឃើញ នៅ​ក្នុង​ផ្ទះ​​​​របស់​មេបញ្ជា​​កា​រ​រងកង​រាជ​អា​វុធ​ហត្ថ​

ដោយ ឌឹ ខេមបូឌា ដេលី

បទវិភាគ

​​អាជ្ញា​​ធរ​​​បា​ន​​រក​ឃើញ​​​ឈើ​គ្រញូ​ង​​ខុស​​ច្បាប់​​ប្រាំ​​ម៉ែត្រ​គូប​​​នៅ​ក្នុ​ង​ផ្ទះ​​​របស់​មេ​​​បញ្ជាកា​​រ​រង​កង​រាជ​អា​វុ​ធ​ហត្ថ​ស្រុ​ក​វាល​​វែ​ង ​ខេត្ត​ពោធិ៍​សាត់​​ កា​ល​​ពី​ម្សិលមិញ​។
មេ​បញ្ជា​ការ​​​រូបនេះ​​​ គឺ​​​លោក​​​​ ​ចាន់ សូ មិ​ន​បា​ន​​នៅ​ផ្ទះ​​ទេ​​​ ពេល​នគរបាល​​ឆ្មក់​ចូល​និ​ង​​រឹប​អូសយក​​​​​ឈើ​គ្រញូ​ង​​​ទាំងនោះ​​​​។

លោក ថេន ឡេង ​អធិ​ការ​នគរ​​បា​ល​ស្រុក​​​​​បាន​​​ថ្លែង​​ថា “កង​កម្លាំង​​​របស់​យើង​​​រួ​ម​សហ​កា​រ​​ជាមួ​យ​មន្ត្រី​ព្រៃ​​ឈើ​ ​​​រឹប​អូស​បាន​​​ឈើ​​​​ទាំង​​​នេះ​នៅ​ម៉ោ​ង​​៨​យប់​ ​​​​ក្នុ​ង​ឃុំ​​ប្រម៉ោយ​ប៉ុន្តែ​ម្ចាស់​ផ្ទះ​ឈ្មោះ​ សូ ​​មិន​នៅ​ផ្ទះ​​ទេ​”។ លោក​​​បន្ថែម​​ថា ​មេ​​បញ្ជា​​ការ​​រូប​នេះ​មិនត្រូ​វ​បា​ន​ចាប់​​ខ្លួន​​ទេ ព្រោះ​គាត់​បាន​ទៅ​​​​ចូ​លរួម​​​កិច្ច​ប្រជុំ​​​នៅ​​​កន្លែង​​​ផ្សេង​​​​​​ក្នុង​ខេត្ត​​​​នេះ​​​។

លោក​បា​ន​​​​ឲ្យ​​​ដឹង​​​ថា លោក អុន សុខុម ​មេ​​បញ្ជា​ការ​​កង​រា​ជ​អា​​វុ​ធ​ហត្ថ​ខេត្ត​ពោធិ៍​សាត់ ដែល​​ជា​ថ្នាក់​​​លើ​​​របស់​លោក សូ ​​បា​ន​ច្រាន​ចោល​​​​ការ​​​យល់​​​ឃើញ​​​​​ថា​​​ កូន​ចៅ​​របស់​​ខ្លួន​​​​​ជាប់​​​​​​ពាក់​​ព័ន្ធ​ក្នុ​ង​ការ​​ជួ​ញ​​ដូរឈើ​ខុស​ច្បាប់​​​​នេះ​​​។​យើង​កំ​ពុ​ង​​ស៊ើប​​អង្កេត​​​រឿ​ង​នេះ​។​មិន​​អាច​ស្តី​បន្ទោស​លោក សូ ​ បាន​​​ទេ​។ យើង​ត្រូ​វ​ស្វែង​​​រក​​ម្ចាស់​​ឈើ​​ពិត​ប្រាកដ​”។

លោក ឡេង ​​អធិកា​រ​​​នគរបាល​​ស្រុក​មិនយល់​ស្រ​ប​​​ទេ។លោក​បា​ន​មា​ន​​ប្រ​សាសន៍​ថា “​​វា​​ជា​ផ្ទះ​​​របស់​លោក សូ ។ឈើគ្រញូង​នេះ​​​ជា​​របស់​​គាត់​”។

នគរបាល​​បា​​ននិ​យា​យ​កា​ល​ពី​ថ្ងៃ​ច័ន្ទ​​​ថា នៅក្នុ​ង​ករណី​​​​ស្រ​ដៀង​គ្នា​មួ​យ​កា​ល​​​ពី​ថ្ងៃ​សុក្រ ​​នគរបាល​​រឹបអូស​​បា​ន​​​ឈើគ្រញូ​ង​​​​ជា​ង​​២​ម៉ែត្រ​គូប​​​ពី​ផ្ទះ​​​​របស់​អធិកា​រ​រង​នគរបា​ល​​ស្រុក​អណ្តូង​មាស ខេត្ត​​រតន​​គិរី ហើយ​មន្ត្រី​រូ​ប​​នោះ​គេ​​​រក​​​​មិន​​​ឃើញ​ឡើយ​៕

ប្រែ​សម្រួល​ដោយ ចេវ ប៊ុននី​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស