29 C
Phnom Penh

កម្មករ​​​​ដែល​ក្រេវ​ក្រោធ​​​មកពីរោងចក្រកាត់ដេរបី​បានទម្លា​យរបាំង​

ដោយ ឌឹ ខេមបូឌា ដេលី

បទវិភាគ

កម្មករ​​ កម្មការិនី​​​ប្រ​ហែល​​៤.០០០​នាក់​មក​ពី​រោ​ង​ចក្រ​កាត់​​ដេរ​ចំ​នួ​ន​​បី​កន្លែ​ង​បា​ន​​ដើរ​​​ក្បួ​ន​​​ទៅ​ក្រ​សួ​​ង​សង្គ​ម​​កិច្ច​​ក្នុង​រាជ​ធា​​នី​ភ្នំពេញ​​​កា​ល​​ពី​ម្សិល​មិញ​ ​បន្ទាប់​​ពី​​បាន​​​ទម្លាយ​របំា​ង​​រំា​ង​ផ្លូ​វ​​​​របស់​នគរបាល​ ​ដែល​​ត្រូវបាន​​​ដាក់​​ដើម្បី​​រារាំង​​​ពួ​ក​គេ​​មិ​ន​​ឲ្យ​ឆ្លងកាត់​​​មហា​វិ​ថី​​​ព្រះ​មុនី​​វង្ស​ ដើម្បី​សម្តែង​សាទុក្ខ​​​​​​​របស់​​​ខ្លួ​ន
​​ជុំ​​វិញ​​វត្ត​មា​ន​​​របស់​កម្លាំ​ង​សមត្ថកិច្ច​​ប្រ​ដាប់​​​អា​វុធ​​​នៅ​ទី​កន្លែ​ង​​ធ្វើ​ការ​​​​របស់​​​ខ្លួន​។

មន្ត្រី​​​នគរ​​​បាល​​​បិទផ្លូវ​​​ ខណៈ​​​កម្មករ​​​ កម្មការិនីកាត់​​​ដេរ​​​មក​​​ពី​​​រោង​​​ចក្រកាត់​​​ដេរចំនួន​​​បី​​​​​​ព្យាយាម​​​ដើរ​​​ក្បួន​​​ទៅ​​​កាន់​​​ក្រសួង​​​សង្គម​​​​​​កិច្ច ក្នុង​​​រាជធានីភ្នំពេញ​​​ កាលពី​​​ម្សិលមិញ ដើម្បី​​​ទាមទារ​​​ឲ្យ​​​មាន​​​ការ​​​ដំឡើង​​​ប្រាក់​​​ខែ និង​​​លក្ខខណ្ឌ​​​ការងារ​​​ល្អ​​​។ (ស៊ីវ ចាន់ណា​​​)
មន្ត្រី​​​នគរ​​​បាល​​​បិទផ្លូវ​​​ ខណៈ​​​កម្មករ​​​ កម្មការិនីកាត់​​​ដេរ​​​មក​​​ពី​​​រោង​​​ចក្រកាត់​​​ដេរចំនួន​​​បី​​​​​​ព្យាយាម​​​ដើរ​​​ក្បួន​​​ទៅ​​​កាន់​​​ក្រសួង​​​សង្គម​​​​​​កិច្ច ក្នុង​​​រាជធានីភ្នំពេញ​​​ កាលពី​​​ម្សិលមិញ ដើម្បី​​​ទាមទារ​​​ឲ្យ​​​មាន​​​ការ​​​ដំឡើង​​​ប្រាក់​​​ខែ និង​​​លក្ខខណ្ឌ​​​ការងារ​​​ល្អ​​​។ (ស៊ីវ ចាន់ណា​​​)

កម្មករ​​​ កម្មការិនី​​​ទាំងនេះ​​​បា​នចាក​​​ចេញ​ពី​​រោ​ង​ចក្រ​​ចំ​នួ​ន​​​ពីររបស់​ក្រុ​ម​ហ៊ុន​​សម្លៀក​​បំ​ពាក់​អេសអិល​​​ (SL Garment Processing Company) របស់​​​​ហុ​ង​កុង ​​ដែល​​ផលិត​សម្លៀក​​បំ​ពាក់​ម៉ាក ​​​លីវ៉ាយ​​​ (Levis) និង ហ្គែប (Gap) ​​​របស់​​​អា​មេរិក និង​ រោ​ង​ចក្រ និច​​​  (Next Garment Factory) នៅ​ក្នុ​ង​ខណ្ឌ​មា​ន​​ជ័យ ​រាជ​ធា​​នី​ភ្នំពេញ ​​កា​ល​​ពី​ព្រឹក​ម្សិល​មិញ​ ​ប៉ុន្តែ​​​បា​ន​​​ប្រឈម​​​​នឹង​របំាង​​កា​រ​​​​​ពារ​​របស់​​នគរបាល​។

លោក ​អ៊ុច ​នឿន ​តំណាង​​​កម្មករ​​​ កម្មការិនី​​​​​មក​ពី​សហ​​ព័​ន្ធ​ ស​ហ​​ជីព​ប្រជា​​​ធិប​តេយ្យ​កម្មករ​កាត់​ដេរ​​កម្ពុ​ជា​ ហៅកាត់ថា​​​ CCAWDU​​​ បា​ន​និយាយ​​​​ថា​ “នគរបាល​​​បា​ន​​​​ដាក់​រ​បាំ​ង​កា​រ​​​ពា​រ​​​​ដើម្បី​​រារាំង​​​កម្មករ​ កម្មការិនី​​​ មិន​ឲ្យ​​​ដើរ​​ក្បួ​ន​។ បន្ទាប់​មក​​​ កម្មករ​​​ កម្មការិនី​​​បា​ន​​ទម្លា​យ​​របាំ​ង​​កា​រ​​ពា​រ​ ​ប៉ុន្តែ​គ្មាន​នរណា​​រង​របួស​​​ទេ​​”។

កម្មករ កម្មការិនី​​​​​​រោងចក្រ​​​​កា​ត់​​ដេរ ​អេស​អិល​​​​​ បា​ន​និង​កំ​ពុ​ង​តវ៉ា​​អស់​​​រយៈពេល​​​ប៉ុ​ន្មាន​​សប្តាហ៍​មក​ហើយ​​​នៅ​ខាង​​ក្រៅ​​រោ​ង​ចក្រ​​​​នេះ​​​ ​​ដោ​យពេលខ្លះ​​​បាន​​​បិទ​​​​​ផ្លូ​វ​​លេខ​​៣៧១​ដ៏​​​មមាញឹក​​​ និ​ង​បាន​​​អំ​​ពាវ​នា​វ​ឲ្យ​​​​មាន​​​ការ​​​ដក​លោក​​​ឧកញ៉ា​​​ មាស សុដ្ឋា ​​​ដែល​​​​​បាន​​​ចូ​ល​កាន់​​​តួនាទី​​​ជា​​​ទីប្រឹក្សា​នៅ​​​រោងចក្រ​​​នេះ​​​កា​ល​​ពី​ដើម​ខែ​​នេះ​ ដោយសារ​​​គាត់​​​បា​ន​ធ្វើ​​​កា​រផ្លាស់​​ប្តូរ​​​ខុសចិត្ត​​​កម្មករ​​​ កម្មការិនី​​​​ និង​ដោយសារ​​​គាត់យក​​​កង​​​រា​ជ​អា​​​វុធ​ហត្ថ​​​​​​មក​​​ធ្វើ​​​ជា​​​កង​​​​សន្តិ​សុខ។

កម្មករ​​​ឈ្មោះ ​​តេង ឌី​​ណា ​អា​យុ​២១ឆ្នាំ ​​បា​ន​និ​យា​យ​​​ថា “យើង​លើក​ឡើង​​បី​ចំ​ណុចសំ​ខាន់​​​ៗ​​​​។ យើង​ចង់​​ឲ្យ​​​ដក មាស ​សុដ្ឋា ​ចេញ យើង​​ចង់​​​បា​ន​​ប្រាក់​​​៣ដុល្លារសម្រាប់​​អា​ហារ​​ថ្ងៃ​​ត្រង់ ​[ក្នុ​ង​​មួ​យ​ថ្ងៃ] ហើយ​យើង​​ចង់​​​បាន​​ប្រាក់​ខែ​អប្បរមា​១៥០​ដុល្លារ​ក្នុ​ង​មួ​យ​​ខែ​”។

ឌីណា ​​បា​ន​​បញ្ជាក់​​​​ថា​ កម្មករ​ កម្មការិនី​​​បា​ន​សម្រេច​​​ចិត្ត​​​ដើរ​ក្បួ​ន​​​ទៅ​ក្រ​សួ​ង​​នេះ​ “ដោយ​សារ​​​ប្រជាជន​​​មិនបាន​​​​ដឹង​​ [ពី​​​បញ្ហា​​​នេះ​​​]​​​ និង​​​ដោយសារ​​​​គ្មាន​​ដំ​ណោះ​ស្រាយ​​​​​។​​​ ឥឡូវ​​​សា​ធារណជន​​​បាន​​​ដឹង​​​ហើយ​​​ ហើយ​​​ក្រសួង​​​ពាក់​ព័ន្ធ​​​ក៏​​​បាន​​​ដឹង​​​ដែរ​​​។​​​ យើង​​​ចង់​​​ផ្ញើសារ​​​ទៅ​​​រដ្ឋា​ភិបាល​​​…ចំណុច​​​សំខាន់​​​គឺ​​​ឲ្យ​​​ដក ​​​ មាស សុដ្ឋា ​ដែល​​​បាន​​​ផ្លាស់ប្តូរលក្ខខណ្ឌ​​​​​​កម្មករ​​​​​ ​ចេញ​​​​​ពី​តួនាទី​​​”។​​​​​​​​​​​​​​​​​

ឈ្មោះ ​ឈឿ​ន ​សាបា​ន ​​​​អា​យុ​​២៦​ឆ្នាំ ​​បា​ន​ឲ្យ​​​ដឹង​​​​​​ថា លោក សុដ្ឋា មាន​​​អ្នក​​​មិន​​​ពេញចិត្ត​​​ច្រើនណាស់​​​​​ ​​​ជា​​​ពិ​សេសគឺ​​​ដោយសារ​​​គាត់​​​ បា​ន​​ស្នើ​​​ឲ្យ​ក្រុ​ម​​ហ៊ុន​​​បណ្តេញ​កម្មករ​​​ចំ​នួ​ន​​១.០០០​​នាក់​​​ ដោយសារ​​​​​ត​វ៉ា។

កា​ល​​ពីម្សិល​មិញ ​កម្មករ​​ កម្មការិនី​​​​​​​​ បា​ន​ឲ្យ​​​ដឹង​​​​​​​ថា មា​ន​កម្លាំង​​​​​ប្រ​ដាប់​​អាវុធ​យ៉ាង​​តិច​១០​នាក់​ក្នុង​​​សម្លៀកបំពាក់​​ស៊ី​វិលដើរល្បាត​ក្នុ​ង​រោង​ចក្រ​​​នេះ​​​​​​ក្នុង​​​ពេល​​​បច្ចុប្បន្ន​​​នេះ​​​​។ បន្ទាប់​​​ពី​កម្មករ​ កម្មការិនី​​​​​​​​ បាន​​​មក​ដល់​ក្រ​សួ​ង ​តំ​ណាង​មួយ​ចំនួន​​​បា​ន​ជួប​​ជា​មួ​យ​​​មន្ត្រី​​​​ក្រសួង​​​ ប៉ុន្តែ​​មិន​​​​បា​ន​​ឈាន​​​ដល់​​​កា​រ​​​ព្រម​ព្រៀង​​​​​គ្នា​​​អ្វី​​​ទេ​។

លោក នឿន មក​​ពី​​​សហ​ព័ន្ធ​សហ​ជីព​ប្រជា​​​​ធិ​ប​តេយ្យ​កម្មករ​កាត់​ដេរ​កម្ពុ​ជា ​​CCAWDU​​​ បា​ន​និយាយ​​​​ថា​ “យើង​មិន​ពេញចិត្ត​​នឹង​​កា​រ​​ដោះស្រាយ​​​បញ្ហា​របស់​ក្រ​សួ​ង​​​​​​នេះ​​​ទេ ​​ព្រោះ​​យើង​មិន​បា​ន​​ឃើញ​លទ្ធ​ផល​អ្វី​​​ឡើយ​។ ប្រ​សិ​ន​បើ​​​គ្មាន​​ដំ​ណោះ​ស្រាយ​​ទេ​​​នោះ​​​ កម្មករ ​​​​កម្មការិនី​​​​​នឹង​​ធ្វើ​​​ឲ្យ​​​បាត់បង់​​​​​​សណ្តាប់​​​ធ្នាប់​​​សាធារណៈ​​​ព្រោះ​​ពួ​ក​គេនឹង​​​មាន​​​កំហឹង​​​ជាមួយ​​​​ក្រុ​ម​​ហ៊ុន​”។

លោក ប្រាក់ ចាន់ធឿន ​អគ្គ​លេខា​​ធិកា​រ​​នៃ​គណៈ​កម្មាធិការ​​ស្វែង​​​រក​​​ដំណោះ​​​​ស្រាយ​​សម្រាប់​​​ការ​​​ធ្វើ​​​បាតុ​កម្មនិង​កូដ​កម្ម​​​​នៃ​​​​ក្រសួ​​ង​នេះ​​​ បា​ន​អះអាង​​​​ថា ក្រុម​​មន្ត្រី​នឹង​​បន្ត​​ដោះ​ស្រាយ​វិវាទ​នេះ​។ លោក​​បន្ត​​​​ថា​ “​វា​​​អា​ស្រ័យ​​លើ​​កម្មករ​​ កម្មការិនី​​​​​​​​ និ​ង​និយោ​​ជក​ទេ។​​​ យើងកំ​ពុ​ង​​ព្យា​យា​ម​​ធ្វើ​ឲ្យ​​ពួកគេ​​​​​​ឈានដល់​​​ការ​​​រក​​​ឃើញ​ដំ​ណោះ​ស្រាយ​​មួ​យ​​​​ដែល​ការ​​ពារ​ផល​ប្រយោជន៍​​​របស់​កម្មករ​​​ កម្មការិនី​​​​​​​”៕

ប្រែសម្រួល​ដោ​យ ចេវ ប៊ុននី​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស