29 C
Phnom Penh

ក្រុម​ហ៊ុន​សូគីម៉ិច​មាន​​គម្រោង​​សាង​សង់​សណ្ឋាគារ​មួយ​កម្ពស់​១៥ជាន់​នៅ​ជិត​ព្រះ​បរម​រាជវាំង​

ដោយ ឌឹ ខេមបូឌា ដេលី

បទវិភាគ

លោក​ សុខ​ គង់​ ស្ថាបនិក​ក្រុមហ៊ុន​សូគីម៉ិច​បាន​មាន​ប្រសាសន៍​ថា​​ ក្រុមហ៊ុន​សូគីម៉ិច​គ្រុប​ ជា​ក្រុម​ហ៊ុន​រក​ស៊ី​រួម​គ្នា​​ក្នុង​ស្រុក​ដ៏​ធំ​មួយ ​មាន​គម្រោង​សាងសង់​សណ្ឋាគារ​មួយ​មាន​កម្ពស់​១៥ជាន់​ ព្រម​ទាំង​មាន​ផ្សារ​ទំនើប​មួយ​ និង​ហាង​លក់​ទំនិញ​ទំនើប​ជាច្រើន​ទៀត​​នៅ​លើ​ផ្ទៃ​ដី​ជាង​១៥.០០០ម៉ែត្រ​ក្រឡា ស្ថិត​​នៅ​ខាង​ក្រោយ​វត្ត​ឧណ្ណាលោម​ ក្នុង​រាជធានី​ភ្នំពេញ​។

លោក សុខ គង់​ ​​មាន​ប្រសាសន៍​ថា ក្រុម​ហ៊ុន​​របស់​លោក​ បាន​ដាក់​សំណើ​សុំ​ប្រាក់​កម្ចី​ចំនួន​៤០លាន​ដុល្លារ​​តាម​រយៈ​ធនាគារ​មួយ ​ដែល​មាន​​​​​​​មូលដ្ឋាន​នៅ​ក្នុង​​ប្រទេស​ចិន​ ដើម្បី​ចាប់​ផ្ដើម​គម្រោង​នេះ​ ប៉ុន្តែ ធនាគារ​នោះ​បាន​​ពន្យារ​សំណើ​​​​​​​​​​របស់​ក្រុម​ហ៊ុន​សូគី​ម៉ិច​ដោយ​សារ​ស្ថានភាព​នយោបាយ​បច្ចុប្បន្ន​នៅ​​កម្ពុជា ​បន្ទាប់​ពី​ការ​បោះ​ឆ្នោត​​ជាតិ​កាលពី​ខែ​មុន​។

តំណាង​ម្នាក់​មក​ពី​អង្គការ​យូណេស្កូ ​(Unesco) ប្រចាំ​ប្រទេស​កម្ពុជា ​​មាន​ប្រសា​​សន៍​កាល​ពីម្សិល​មិញ​ថា ការ​សាង​សង់​អគារ​ខ្ពស់​បែប​នេះ​​​មិនគួរ​ត្រូវ​អនុញ្ញាត​ឲ្យ​សាង​សង់​ទេ​ ពីព្រោះ​វា​​ស្ថិត​នៅ​កៀក​នឹង​ព្រះ​បរម​​រាជ​រាំង​ពេក​ ហើយ​ថា​អង្គការ​យូណេស្កូ​អាច​នឹង​​ទៅ​ពិនិត្យ​មើល​ទីតាំង​នោះ​​នៅ​ចុង​សប្ដាហ៍​​នេះ។
ចំណែក​ លោក សុខ គង់ បាន​អះអាង​​ថា គម្រោង​នេះ​អាច​ចាប់​ផ្ដើម​បាន​ភ្លាម​​នៅ​ពេល​ណា​ទទួលបាន​ប្រាក់​កម្ចី​​ និង​នៅ​ពេល​ណា​​រដ្ឋា​ភិបាល​ថ្មី​ត្រូវ​បាន​បង្កើត​ឡើង​។

លោក​ សុខ​ គង់​ បាន​ថ្លែង​ដោយ​​​បដិសេធ​មិន​ប្រាប់​ឈ្មោះ​ធនាគារ​ចិន​​ថា “​យើង​​​​នឹង​ចាប់​ផ្ដើម​សាង​សង់​គម្រោង​នេះ​បន្ទាប់​ពី​​យើង​​ទទួល​ប្រាក់​កម្ចី​ពី​ធនាគារ​។​បច្ចុប្បន្ន​ធនាគារ​នេះ បាន​ពន្យារ​ពេល​ប្រាក់​កម្ចី​ ដោយ​សារ​ស្ថានភាព[​បន្ទាប់​ពី​ការ​បោះ​ឆ្នោត​]មិន​ល្អ​”។ លោក សុខ គង់ បាន​មាន​ប្រសាសន៍​ថា សណ្ឋាគារ​ និង​ហាង​លក់​ទំនិញ​ អាច​សាង​សង់​​លើ​ដី​ទំហំ​​ប្រ​ហែល​១០.០០០​ម៉ែត្រក្រឡា​ ដែល​ស្ថិត​នៅ​លើ​ដី​នៃ​អតីត​ពន្ធនាគារ​តេបី​​ (T3) ហើយ​​ថា​ក្រុម​ហ៊ុន​សូគីម៉ិច​មាន​គម្រោង​​​លក់​ដី​ដែល​នៅ​សេស​សល់​ទំហំ​៥.០០០​ម៉ែត្រ​ក្រឡា​ជា​ដី​​អតីត​ស្នង​ការ​ដ្ឋាន​នគរបាល​រាជ​ធានី​ភ្នំពេញ​ឲ្យ​ទៅ​ក្រុម​ហ៊ុន​ជប៉ុន​មួយ​។

លោក​មាន​ប្រសាសន៍​​ដោយ​​មិន​បញ្ចេញ​​ឈ្មោះ​ក្រុមហ៊ុន​នោះ​ថា “ ក្រុម​ហ៊ុន​ជប៉ុន​មួយ​​បាន​មក​មើល​​ដី​នេះ​ក្នុង​ពេល​ថ្មីៗ​នេះ ហើយ​មាន​គោល​បំណង​ទិញ​​ដី​នេះ​។ ប៉ុន្តែ ក្រុម​ហ៊ុន​​​មិន​ទាន់​​បាន​បញ្ជាក់​ពី​ការ​ទិញ​នេះ​នៅ​ឡើយ​ទេ បន្ទាប់​ពី​ខ្ញុំ​បាន​កំ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ណត់​​​តម្លៃ​៣៥០០ដុល្លារ​ក្នុង​មួយ​ម៉ែត្រ​ក្រឡា។ លោក សុខ គង់​ ​​​ថ្លែង​​ថា​ លោក​មិន​បាន​ដឹង​ថា  ក្រុម​ហ៊ុន ជប៉ុន​នោះ​មា​ន​​​គម្រោង​សាង​សង់​អ្វី​ទេ​ដី​ដែល​មាន​តម្លៃ​ខ្ពស់​ស្ថិត​នៅ​តែ​ពីរ​ប្លុក​ពី​ព្រះ​បរម​រាជវាំងនិង​​ជា​កន្លែង​លក់​ដូរ​ទំនិញ​ដ៏​ម​មា​ញឹក​​​នៅ​តាម​​បណ្ដោយ​ផ្លូវ​លេខ​១៣​ និង​ផ្លូវ​លេខ​១៥៤​ក្នុង​រាជធានី​ភ្នំពេញ។

រហូត​មកទល់​សប្ដាហ៍​មុន​​ ទីតាំង​នោះ​នៅ​តែ​មាន​​​ហាង​លក់​សាច់​គោ​អាំង​ចំនួន​បួន​កន្លែង​ ក្លឹប​កំសាន្ត​រាត្រី​ពីរ​ និង​បៀរ​ហ្គាដិន​មួយ​និង​​ចំណត​​រថយន្ត​​មួយ​​ និង​​ស្ថានីយ៍​រថ​យន្ត​​ក្រុង​មួយ​កន្លែង​​កំពុង​តែ​បើក​ដំណើរការ​ដដែល​។ កាលពី​ថ្ងៃពុធ អ្វី​ដែល​នៅ​សេស​សល់​ពី​​នោះ​​គឺ​​​ដែក​ និង​បំណែក​​​បេតុង ហើយ​ហាង​​​បៀរ​ហ្គាដិន ​ចំណត​​​​រថយន្ត​ក្រុង​ និង​ក្លឹប​កំសាន្ដ​មួយ​ក្នុង​ចំណោម​ក្លឹប​កំសាន្ត​ទាំង​ពីរ​​បាន​បិទ​ទ្វារ​រួច​ហើយ​។

លោក សេង ចន្ធូ លេខា​ផ្ទាល់​របស់​លោក សុខ គង់​ បាន​បញ្ជាក់​កាល​ពី​ថ្ងៃពុធ​ថា ក្រុម​ហ៊ុន​សូគីម៉ិច​បាន​បញ្ជា​ឲ្យ​​ម្ចាស់​អាជីវកម្ម​ទាំង​នោះ​​ រើ​ចេញ​ពី​ដី​នោះ ហើយ​ម្ចាស់​អាជីវកម្ម​ដែល​​​នៅ​សេស​សល់​​កំពុង​ដំណើរការ​ទី​នោះ​បាន​លើក​ឡើង​​ថា ពួកគេ​នៅ​រង់​ចាំ​រហូត​​ដល់​​​ខែ​វិច្ឆិកា​ ឬ​​ខែ​ធ្នូ​ទើប​ចាក​ចេញ​។ ការ​រំពឹង​ទុក​ក្នុង​ការ​​សាង​សង់​អគារ​ខ្ពស់​បែប​នេះ​បាន​បង្ក​ឲ្យ​មាន​ក្តី​បារម្ភ​ដោយ​សារ​វា​ស្ថិត​នៅ​កៀក​​​នឹង​ព្រះ​បរម​រាជវាំង​​ពេក​។

លោកស្រី​ រឿង ផល្លីន ចៅសង្កាត់​ជ័យ​ជំនះ​​ថ្លែង​​​ថា មាន​ការ​ហាម​ឃាត់​ដែល​មាន​ន័យ​ថា​មិន​មាន​ការ​អនុញ្ញាត​ឲ្យ​មាន​ការ​សាង​សង់​អគារ​ខ្ពស់​ជាង​ព្រះ​បរម​រាជវាំង​​ទេ។ លោកស្រី​​បន្ត​ថា “ខ្ញុំ​គិត​ថា ប្រសិន​បើ​សណ្ឋា​​​​​​គារ​នេះ​មាន​កម្ពស់​១៥​ជាន់​ត្រូវ​បាន​សាង​​​សង់​​​​[នៅ​ទី​នោះ​]…វា​​ពិត​ជា​ប៉ះ​ពាល់​យ៉ាង​ខ្លាំង​ដោយ​​​​​​​សារ​នៅ​តំបន់​នេះ​ជា​តំបន់​ហាមឃាត់​”។

លោកស្រី​ អាណេ ឡឺម៉ង់​ត្រេ(Anne Lemaistre)​ តំណាង​ប្រចាំ​ប្រទេស​អង្គការ​យូណេស្កូ​ ​​មាន​ប្រសាសន៍​ថា វា​មិន​សម​រម្យ​​ឡើយ​​ក្នុង​ការ​សាងសង់​អគារ​ណាមួយ​ដែល​មាន​កម្ពស់​ខ្ពស់​ជាង​ព្រះ​បរម​រាជ​វាំង​នោះ​។ លោកស្រី ឡឺម៉ង់ត្រេ បាន​មាន​ប្រសាសន៍​បន្ថែម​ទៀត​ថា “រាជធានី​ភ្នំ​ពេញ គួរ​តែ​រក្សា​​​ទុក​​ទិដ្ឋភាព​ក្រុង​​ជា​​ប្រវត្តិសាស្ត្រ​របស់​ខ្លួន​នៅ​ជុំ​វិញ​ព្រះ​បរម​រាជ​វាំង​ ពី​ព្រោះ​ការ​សាង​សង់​អគារ​ខ្ពស់​បែប​នេះ​​កំពុង​តែ​​បំផ្លាញ​ទិដ្ឋភាព​ និង​សោភ័ណ្ឌភាព​​នៃ​ទីក្រុង​ដោយ​សារ​តែ​​កំណើន​យ៉ាង​ឆាប់រហ័ស​នៃ​អគារ​​ធំ​ៗ​ហើយ​ខ្ពស់​ៗ​ដែល​បាន​សាង​សង់​​ឡើង​នៅ​គ្រប់​ទី​​​ក​ន្លែង​។ នៅ​ជុំ​វិញ​ព្រះ​បរម​រាជវាំង​មិន​មាន​នរណា​ម្នាក់​ត្រូវ​បាន​​អនុញ្ញាត​ឲ្យ​​នៅ​ខ្ពស់​ជាង​កំពូល​នៃ​ព្រះ​បរម​រាជ​វាំង​បាន​ឡើយ​។ នេះ​គឺ​ជាការ​គោរព​ព្រះ​មហាក្សត្រ​”៕

ប្រែសម្រួល​ដោយ​ ឃិន ណៃ

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស