32 C
Phnom Penh

គណបក្ស​សង្គ្រោះ​ជាតិ​មាន​ផែនការ​ហា​ត់​សម​ធ្វើ​បាតុកម្ម​ពីរ​លើក​មុន​ពេលធ្វើ​សកម្មភាព​ជា​ក់​ស្តែ​ង​​

ដោយ ឌឹ ខេមបូឌា ដេលី

បទវិភាគ

​គណបក្សសង្គ្រោះ​ជាតិ​ បាន​ឲ្យដឹ​ង​តាម​​​រយៈ​សេចក្តីប្រកាស​មួយ ​កាល​ពី​ថ្ងៃសុ​ក្រ​ថា ​ខ្លួន​បានរៀបចំ​គម្រោង​ពេ​លវេ​លា​សម្រាប់​ហាត់សម​ធ្វើ​បាតុកម្មចំ​នួ​ន​ពីរ​លើក​ ដើម្បី​ធ្វើ​ប្រាកដ​ថា ​បាតុ​កម្មទូទាំ​ង​ប្រ​ទេស​ដែល​គ្រោង​​​​នឹង​ធ្វើ​នៅ​ថ្ងៃទី​៧​ខែ​ក​ញ្ញា​ខាងមុខ ​ពិត​ជា​ដំណើរ​​​​ការ​ទៅ​ប្រ​កប​ដោ​យសន្តិវិធី​​។

គណ​បក្សសង្គ្រោះ​ជាតិ​ បានចេញ​សេ​ចក្តី​ប្រកាសនេះ​ បន្ទាប់​ពី​សមាជិក​គណ​បក្ស​១០០​​នាក់ និង​សកម្មជន​គណបក្ស​តា​ម​បណ្តា​ខេត្ត​ បាន​រៀបចំ​វគ្គបណ្តុះ​បណ្តាល​រយៈពេល​បី​ម៉ោង​ ក្នុង​រាជធានីភ្នំ​ពេញ​ ​ជា​មួយ​ជំនាញ​ការ​បរទេស​មួយក្រុម​។ វគ្គ​ប​ណ្តុះ​បណ្តាល​នេះ​និយាយ​អំពី​របៀប​ធ្វើ​បា​តុ​កម្ម​ដោយសន្តិវិធី​។
​សេចក្តីប្រកាស​នេះ​មានខ្លឹម​សារ​ថា​ “គណ​បក្ស​សង្គ្រោះ​ជាតិ​ នឹង​ហាត់សម​ធ្វើ​បាតុ​កម្ម​​ចំនួន​ពីរថ្ងៃ​។ ថ្ងៃដំបូង​ ការហាត់​ស​ម​នឹង​ប្រព្រឹត្ត​​ទៅ​នាថ្ងៃ​ទី​១ខែ​កញ្ញា ​និង​ថ្ងៃ​ទី២​ ការ​ហាត់​សម​នឹង​ដំណើរការទៅ​ក្នុង​ទី​៥ខែ​កញ្ញា​”។ ក៏ប៉ុន្តែ សេចក្តីប្រ​កាស​នេះ​មិ​ន​បាន​បង្ហាញ​ពីទីកន្លែង ​និង​ពេល​វេលា​នៃ​សក​ម្មភាព​ហាត់សម​ទាំង​ពីរ​លើកនេះទេ​។

​លោក យឹម ​សុវណ្ណ ​អ្នក​នាំពាក្យ​គ​ណ​​បក្ស​សង្គ្រោះ​ជាតិ​ បាន​ឲ្យដឹងថា ​​កម្មវិធី​ហា​ត់សម​នេះ​នឹង​មាន​ប្រជាជន​ចូលរួម​ប្រ​ហែល​១.០០០​​នាក់ ​និង​មាន​លំហាត់​សំដែ​ង​​ជាច្រើន​លើក​ច្រើន​សា​រ​ផងដែរ​។​ លោ​ក​បាន​មាន​ប្រសា​សន៍ថា ​”យើង​ត្រូវ​តែ​ហ្វឹ​ក​ហាត់​ ពីព្រោះ​ការ​ធ្វើ​បាតុ​កម្ម​របស់​យើ​ង​ត្រូវ​តែ​ប្រព្រឹត្ត​ទៅ​ដោយ​សន្តិ​វិធី​ ​និង​មិន​មាន​អំពើ​ហិង្សា​ ​ហើយ​ទោះបីជាមាន​នគរ​បាល​ ​ឬក៏​កង​កម្លាំង​ប្រដាប់​​អាវុធ​ធ្វើ​អ្វី​មក​លើ​ពួក​យើង​ ឬក៏​ប្រើ​អំពើ​ហិង្សា​ក៏ដោ​យ​ យើង​ត្រូវតែ​អត់ធ្មត់​”។

​នៅ​ពេល​អ្នកសារព័​ត៌មាន​សួរ​ថា  តើ​ប្រសិនបើ​ការ​ហាត់​សម​ការធ្វើ​បាតុកម្ម​ទាំ​ង​នេះប្រព្រឹត្ត​ទៅ​ ខុស​ពី​សេណារីយ៉ូ​នោះ​ លោក​ សុវណ្ណ ​បាន​​លើកឡើងថា ​អ្នក​ចូល​រួម​មួយ​ចំនួន​ “​នឹង​ដើរ​តួ​ជា​នគរបាល ​និង​អ្ន​ក​ខ្លះ​នឹងដើរ​តួជា​បាតុករ​”។​ នៅ​ថ្ងៃធ្វើបាតុ​កម្ម​ពិត​ប្រាកដ​ ដែល​គ្រោង​នឹង​ធ្វើ​នៅ​ថ្ងៃ​ទី​៧​ខែ​កញ្ញា​ ​គណបក្ស​សង្គ្រោះ​ជាតិ​នឹង​ចង​ក្រង​ក្រម​ប្រតិ​បត្តិ​ ដោយ​យក​ខ្លឹមសារ​នៃ​កា​រ​ហ្វឹក​ហាត់​ជា​គោល​ ហើយ​នឹង​អាន​ក្រ​ម​ប្រតិបត្តិ​នោះ​ឲ្យ​បាតុក​រ​ស្តាប់​។

​លោក ផៃ ស៊ីផាន អ្នក​នាំពាក្យ​ទីស្តីកា​រ​គណៈ​រដ្ឋ​មន្ត្រី ​បាន​លើក​ឡើងថា ​កម្មវិធី​ហ្វឹក​ហាត់​នេះ​ឆ្លុះ​បញ្ចាំង​ឲ្យឃើញ​ កាន់​តែ​​ច្បាស់​ថា ​គណបក្សសង្គ្រោះជាតិ​ កំពុងតែ​​ធ្វើ​ “ភេរវ​កម្មនយោបាយ​​” ​ហើយ​ជា​សារ​មួ​យ​ “ដែល​ធ្វើ​ឲ្យ​ប្រជាជន​មាន​អារម្មណ៍​ភ័​យ​ខ្លាច​ ​និង​ទទួល​រង​សម្ពាធ​”។

​ក្នុង​ហេតុ​ការណ៍​ដាច់ដោយ​ឡែក​មួយ​​ ​លោក សម រង្ស៊ី​ ប្រធាន​គណបក្ស​សង្គ្រោះជាតិ​ ​បានសរសេរ​លិខិត​មួយ​ច្បាប់​ ​ផ្ញើ​ជូ​ន​លោក ជា​ ស៊ីម ​ប្រធាន​ព្រឹទ្ធសភា​ ​កាលពី​ថ្ងៃ​សុក្រ​ បន្ទាប់​ពី​លោក ជា​ ស៊ីម​ បាន​ឆ្លើ​យ​តប​ទៅ​នឹង​សំណើ​សុំ​ឲ្យ​មាន​កិច្ច​ប្រជុំ​រវា​ង​ថ្នាក់​ដឹកនាំ​​គណបក្ស​សង្គ្រោះ​ជាតិ​​ និង​គ​ណបក្ស​ប្រ​ជា​ជន​កម្ពុជា​​ ដើម្បី​ចរចា​ស្វែង​រ​ក​ដំណោះ​ស្រាយ​បញ្ហា​ពាក់ព័ន្ធ​នឹង​ភាព​មិន​ប្រក្រតី​នៃ​ការ​បោះ​ឆ្នោត​។ ​លោក ជា ស៊ីម ​បាន​លើក​ឡើងថា ​ខ​ណៈ​ដែល​គ​ណបក្ស​ប្រជាជន​កម្ពុជា​ ​ចង់​ឲ្យ​មាន​ការ​ពិ​ភាក្សា​បន្ថែម​ទៀត​ ដំណើរ​ការ​ផ្លូ​វការ​នៃការ​ស៊ើប​អង្កេត​បញ្ហា​លទ្ធផល ​នៃ​កា​រ​បោះ​ឆ្នោតត្រូវតែ​ត្រូវបាន​គោរព​។ ក៏​ប៉ុន្តែ ​គណបក្សប្រឆាំង​ កំពុងតែ​អំពាវ​នាវ​ឲ្យ​មាន​ការ​បង្កើត​គណៈ​កម្មការ​ឯករាជ្យ​ដែ​ល​មិន​ស្ថិត​ក្រោម​ចំណុះ​ គណៈកម្មាធិការ​ជា​តិ​រៀប​ចំ​ការបោះឆ្នោត​។

​លោក ​សម​ រង្ស៊ី ​បាន​មានប្រសាសន៍​ថា “ដោយ​ឈ​លើស្មារតី​នៃការដោះស្រា​យ​បញ្ហា​ដោយ​សន្តិវិធី​ក្នុងស្មារតីផ្សះ​ផ្សា​រ​បង្រួប​បង្រួម​ជាតិ ​ធានា​នូវភាព​យុត្តិធម៌​ ​និ​ង​ភាព​សុខសាន្ត​របស់ប្រជា​ពលរដ្ឋ​ខ្មែរ​ស្រ​​ប​តាម​ខ្លឹមសារ​លិខិត​របស់​សម្តេច ​ខ្ញុំ​គាំទ្រ​ឲ្យ​មាន​ការជួបចរចា​រវាង​ថ្នាក់ដឹកនាំ​កំពូល​នៃ​គណ​បក្ស​សង្គ្រោះ​ជាតិ ​និង​គណបក្ស​ប្រ​ជាជន​កម្ពុជា ដើម្បី​ស្វែង​រក​ដំណោះ​ស្រា​យ​ភាព​មិនប្រក្រតី​ នៃការបោះឆ្នោ​ត​ជ្រើស​តាំង​តំណាងរាស្ត្រ​នីតិកាលទី៥ ថ្ងៃ​ទី​២៨​ខែ​កក្កដា ឆ្នាំ​២០១៣​ និង​ឈាន​ទៅ​រក​ការ​កែ​ទម្រង់​នយោបាយ​ ដើម្បី​ភាពរី​ក​ចម្រើន​របស់​ប្រទេស​យើង​”៕

ប្រែស​ម្រួលដោ​យ កង ​សុធា​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស