34 C
Phnom Penh

មានការ​ជួញដូរមនុស្ស​និង​ការ​រំលោភ​បំពាន​សិទ្ធិពលករធ្ងន់​​​ធ្ងរ​​​​នៅក្នុងឧស្សាហកម្ម​នេសាទ​ថៃ

ដោយ ឌឹ ខេមបូឌា ដេលី

បទវិភាគ

យោង​​​តាម​​​របាយការណ៍​​​ថ្មី​​​មួយ​​​របស់​​​អង្គការ​​​​​​ពល​​​កម្ម​​​អន្តរជាតិ​​​បាន​​​ឲ្យ​​​ដឹង​​​ថា ​​​មាន​​​ពល​​​រដ្ឋ​​​ខ្មែរ​​​តែម្នាក់ប៉ុណ្ណោះនៅ​​​ក្នុង​​​ចំណោម​​​២៤១​​​​​​នាក់​​​ដែល​​​បាន​​​សាក​​​សួរ​​​សម្រាប់​​​ការ​​​ស្ទង់​​​មតិ​​​ដ៏ធំបំផុត​​​អំពីការ​​​រំលោភ​​​បំពាន​​​លើ​​​កម្លាំង​​​ពល​​​កម្ម​​​នៅ​​​ក្នុង​​​​​​ឧស្សាហ​​​កម្ម​​​នេសាទ​​​ថៃ​​​រហូត​​​មកដល់​​​សព្វថ្ងៃ​​​នេះ​​​បាន​​​និយាយ​​​ថា ​​​គាត់​​​ត្រូវ​​​បាន​​​បង្ខំ​​​ឲ្យធ្វើ​​​ការ​​​ងារ​​​​នេសាទ។

បើទោះជាយ៉ាងណា​​​ លទ្ធផល​នៃ​ការ​រក​ឃើញ​​​​មួយ​​​ចំនួន​​​មាន​​​ការ​​​ផ្ទុយ​​​គ្នា​​​ទៅ​​​នឹង​​​របាយ​​​ការណ៍​​​​​​របស់​​​អង្គការ​​​​​​ក្រៅ​​​រដ្ឋាភិបាលអំ​​ពីការ​​​ជួញ​​​ដូរ​​​ពល​​​ករ​​​ចំណាក​​​ស្រុក​​​យក​​​ទៅធ្វើ​​​ការ​​​នៅ​​​ក្នុង​​​ឧស្សា​​​ហក​​​ម្ម​ដែល​មានទឹក​​​ប្រាក់​​​ក្នុង​​​មួយ​​​ឆ្នាំ​​​ៗចំនួន​​​៧ពាន់​​​លាន​​​ដុល្លា​​​រ​​​នេះក៏​​​ដោយ​​​ ក៏​​​របាយ​​​ការណ៍​​​ដែល​​​មាន​​​ចំណង​​​ជើង​​​ថា ការ​​​អនុវត្ត​​​ការងារ​​​ និង​​​លក្ខខណ្ឌ​​​ការងារ​​​នៅ​​​ក្នុង​​​វិស័យ​​​នេសាទ​​​របស់​​​ថៃ​​​ និង​​​បាន​​​ចេញ​​​ផ្សាយ​​​កាល​​​ពី​​​ថ្ងៃ​​​ច័ន្ទ​​​ នោះបានរកឃើញ​​​ថា មាន​​​ការរំលោភ​​​ច្បាប់​​​ការងារ​​​យ៉ាង​​​ធ្ងន់​​​ធ្ងរ។

ពលករ​​​ស្ទើរតែ​ទាំង​អស់​ក្នុង​ចំណោម​ពលករ​​​៥៩៦​​​នាក់​​​ដែល​​ត្រូវ​​បានស្ទង់​​​មតិ​​​ និង​ភាគច្រើន​​​មក​​​ពី​​​ប្រទេស​​​ភូមាមិន​​​មាន​​​កិច្ច​​​សន្យា​​​​​​ការងារ​​ទេ​​​ ដែលនេះ​គឺ​ជា​ការ​​​​រំលោភ​​​ច្បាប់​​​ការងារ​​​ថៃ​​​។មាន​​​តែ​​​ជាង​​​៥ភាគរយ​​​ប៉ុណ្ណោះនៅ​​​​​​ក្នុង​​​ចំណោម​​​អ្នក​​​ស្ទង់​​​មតិ​​​នោះ​​​និយាយថា ពួក​​​គេ​​​ត្រូវ​​​បាន​​​បោក​​​ប្រាស់​​​ ឬ​​​បង្ខំ​​​ឲ្យធ្វើ​​​ការ​នេះ​​​​ ហើយ​​​១៧​​​ភាគរយ​​​និយាយ​​​ថា ​​​ពួក​​​គេ​​​រស់នៅ​​​ក្នុង​ប្រទេស​​​ថៃ​​​ផ្ទុយ​​​នឹង​​​ឆន្ទៈ​​​របស់​​​​​​ខ្លួន​​​ព្រោះ​​​​ខ្លាច​មាន​​ការ​​​រំលោភ​​​បំពាន​​​លើ​​​រាងកាយ ឬ​ខ្លាច​​​​បាត់​​​បង់​​​ប្រាក់​​​ខែ​​​។

របាយការណ៍​​​ដែល​​​ធ្វើ​​​ឡើង​​​ដោយ​​​មជ្ឈ​​​មណ្ឌល​​​ស្រាវ​​​ជ្រាវ​​​អាស៊ី​​​ស្តីពី​​​ចំណាកស្រុក​​នៅ​​​សាកល​​​វិទ្យាល័យ​​​ជូឡាឡុង​​​កន​​​ ប្រទេស​​​ថៃ​​​បាន​​​ឲ្យ​​​ដឹង​​​ថា “មានភាព​ទន់​ខ្សោយ​ក្នុង​ការ​​​​គ្រប់​គ្រង​​​ឧស្សាហកម្មនេះ ដោយ​​​សារ​​​តែ​​​ក្រប​​​​​​ខណ្ឌ​​​ច្បាប់​​ចាស់ ភាព​មិន​​​ច្បាស់​​​លាស់ និង​មិន​គ្រប់​គ្រាន់​​ដោយ​សារ​អំណាច​ទឹក​ដី​ ព្រម​ទាំង​​​​ធន​​​ធាន​​​មិន​​​គ្រប់​​​គ្រាន់​​​ និង​​​សមត្ថភាព​​​របស់​​​អាជ្ញាធរ​​​​​​នៅ​​​ក្នុងការ​​​អនុវត្ត​​​ច្បាប់​​​ឲ្យ​​​មាន​​​ប្រសិទ្ធ​​​ភាព​​​”។ “ជា​​​លទ្ធផល​ ​​ឧស្សាហកម្មនេះបាន​​​ធ្វើ​អាជីវ​​​កម្ម​ច្រើន​ហួសហេតុ​លើ​ធនធាន​ក្នុង​សមុទ្រ​ និង​បាន​ជាប់​ពាក់​ព័ន្ធ​ក្នុង​​ការ​ធ្វើ​អាជីវកម្ម​នេះ​កាន់​តែ​ច្រើន​ឡើងៗ​​​ និងការ​​​រំលោភ​​​សិទ្ធិ​​​ពល​​​ករ​​​ រួម​​​មាន​​​ការ​​​បង្ខំ​​​ឲ្យធ្វើការងារ​​​ និង​​​ការ​​​ជួញ​​​ដូរ​​​មនុស្ស​​​ជាដើម​​​”។

​​​​​​ទោះបី​ជា​​​អង្គការ​​​ពល​​​កម្ម​​​អន្តរជាតិ​​​វិញ​​​បាន​​​លើកឡើង​​​ថា របាយការណ៍​​​នេះ​​​បង្ហញ​​​ ឲ្យ​​​​​​ឃើញ​​​ពីការ​​​ស្ទង់​​​មតិ​​​ពល​​​ករ​​​ដ៏ធំបំផុត​​​នៅ​​​ក្នុង​​​ឧស្សា​​​ហ​​​កម្មនេះ​​​គិត​​មកដល់​​​សព្វ​​​ថ្ងៃ​​​នេះ ក៏​ដោយ​  ក៏​​​​អង្គការ​​​នេះ​​​បាន​​​លើក​​​ឡើង​​​ថា ​​​តួ​​​លេខ​​​​​​​​​នេះ​​​នៅ​​​ទាប​​​​​​ណាស់មិន​​​អាច​​​បង្ហាញ​​​​​​ឲ្យ​​​បាន​​​ពេញ​​​លេញ​​​ឡើយ​​​។ដោយ​ផ្អែកលើ​ការ​​​សាកសួរ​​​អ្នក​​​នេសាទ​​​​ ​វា​​​ក៏បាន​​​បង្ហាញ​​​មិន​​​​​​គ្រប់​​​គ្រាន់​​​​​​ពីកម្ម​​​ករ​​​ដែល​​​ធ្វើ​​​ការ​​​នៅ​​​លើ​​​ទូក​​​នេសាទ​​​ឆ្ងាយៗ​​​ថា មានការ​​​រំលោភ​​​បំពាន​​​​​​ជា​​​ទូទៅ​​​​​​។

យោង​​​តាម​​​របាយការណ៍​​​នេះ​​​បាន​​​ឲ្យ​​​ដឹង​​​ថា ​​​ក្នុង​​​ចំណោម​​ពលករ​​​ខ្មែរ​​​២៤១​​​នាក់​​​ដែល​​​​​​បាន​​​ស្ទង់​​​មតិនោះ​​​ ប្រាំមួយ​​​នាក់​​​បាន​​​និយាយ​​​ថា ​​​ពួក​​​គេ​​​ត្រូវ​​​បាន​​​រំលោភ​​​បំពាន​​លើរាង​​​កាយ​​​​​​។​​​ហើយ​​​មាន​​ពលករ​​​តែ​​​ម្នាក់​​​និយាយ​​​ថា ខ្លួន​​​ ត្រូវ​​​បាន​​​ឪពុក​​​ម្តាយ​​​បង្ខំ​​​ឲ្យ​​​ធ្វើ​​​ការ​​​ងារ​​​  ហើយពល​​​ករ​​​​​​២២​​​នាក់ទៀត​​​និយាយ​​​ថា ពួកគេ​​​ត្រូវ​​​បាន​​​បង្ខំ​​​ឲ្យ​​​រស់​​​​​​នៅ​​​ទីនោះផ្ទុយ​​​នឹង​​​ឆន្ទៈ​​​របស់​​​ខ្លួន​​​ បន្ទាប់​​​ពី​​​ពួក​​​គេ​​​បាន​​​ចាប់​​​ផ្តើម​​​ធ្វើ​​​ការ​​​ដោយ​​​​​​ស្ម័គ្រ​​​ចិត្ត​​​មក​​​។

ពលករ​​​ខ្មែរជាង​​​ពាក់​​​កណ្តាល​​​ដែល​​​បាន​​​ស្ទង់​​​មតិ​​​បាននិយាយ​​​ថា ពួក​​​គេ​​​បាន​​​មក​​​ធ្វើ​​​  ការ​​​នៅក្នុង​​​ឧស្សាហកម្ម​​​នេះ​​​ដោយ​​​សារ​មាន​​​​ប្រាក់​​​​​​ខែខ្ពស់​។ ពួក​​​គេ​​​ក៏បាន​​​និយាយ​​​ថា ខ្លួន​​​ទទួល​​​​​​បាន​​​ប្រាក់​​​ខែ​​​មធ្យម​​​តិច​​​ជាង​ប្រាក់​ខែ​​​​ពល​​​ករ​​​ភូមា​​​បន្តិចបន្តួច​ប៉ុណ្ណោះ។

លោក ប្រេត ឌីកសុន មក​​​ពី​​​អង្គការ​​​អន្តរ​​​ជាតិ​​​​​​ទេ​​​សន្តរប្រវេសន៍​​​បាន​​​មាន​​​ប្រសាសន៍​​​ថា មានពលករ​​​ខ្មែរ​​​មួយ​​​ចំនួន​​​ត្រូវ​​​បាន​​​បញ្ជូន​​​ត្រឡប់​​​មក​​​វិញ​​​ពី​​​ឧស្សាហកម្ម​​​នេសាទថៃ​​​នៅ​​ឆ្នាំ​​នេះ បើ​​​ប្រៀបធៀប​​​ទៅនឹង​​​តួលេខ​​​ឆ្នាំ​​​២០១២​​​ ដែល​​​មាន​​​ប្រហែល​​​១០០នាក់​​​។ លោកបាន​​​មាន​​​ប្រសាសន៍ថា “ដូច្នេះ​​​យើង​​​​​​ឃើញថា តួលេខ​​​នេះ​​​ដូ​​​ចគ្នា​​​នឹង​ពលករ​​​ដែល​​​បញ្ជូន​​​ត្រឡប់​​​មក​​​វិញ​​​តាម​​​រយៈ​​​អង្គការ​​​របស់​​​យើង​​​…​​​ប៉ុន្តែ​​​​​ចំនួន​នោះ​អាចមាន​​​ការ​​​ប្រែប្រួល​​​ច្រើន​​​នៅ​​​ពេល​​យើងចូល​ដល់​ខែ​​​ធ្នូ​​​”។

លោក​​​ ឌីក​​​សុន​​​ បាន​​​មាន​​​ប្រសាសន៍ថា​​​អង្គការ​​​ក្រៅ​​​រដ្ឋាភិបាល​​​ជាដៃគូ​​​កំពុង​​​រៀបចំ​​​បញ្ជូនពល​​​ករ​​​កម្ពុជា​​​ដែល​​​ត្រូវ​​​បាន​​​ជួញ​​​ដូរ​​​ចំនួន​​​២៥​​​នាក់​​​ពីប្រទេស​​​ម៉ាឡេស៊ី​​​​​នៅ​​​សប្តាហ៍​​​​​​ក្រោយ​​​នេះ ដែល​​​មួយ​​​ចំនួន​​​ក្នុង​​​ចំណោម​​ពួកគេ​​ត្រូវ​​​បាន​​​ជួយ​​​សង្គ្រោះ​​​ចេញ​​​ពីឧស្សា​​​ហ​​​កម្ម​​​នេសាទថៃ​​​៕   

ប្រែសម្រួលដោយ សោម សារុន​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស