29 C
Phnom Penh

លោក ហ៊ុន ​សែន ​​គាំ​​ទ្រ​​​​ឲ្យ​ប្រទេ​ស​​​ទី​​ម័រ​​ខា​ង​​កើត​​ចូល​​ជា​សមាជិក​សមាគ​ម​អា​​ស៊ាន​

ដោយ ឌឹ ខេមបូឌា ដេលី

បទវិភាគ

កាល​​ពី​ម្សិល​មិញ លោក​នា​យក​រដ្ឋ​មន្ត្រី​ ហ៊ុន សែន ​​បា​ន​​​ជួប​ជា​​មួ​យ​លោក​​​​ កេ រ៉ាឡា ​ហ្សាណា​ន់ ​​ហ្គោសម៉ៅ (Kay Rala Xanana Gusmao) នា​​យក​រដ្ឋ​មន្ត្រី​​​នៃ​ប្រទេ​ស​​​ទី​ម័រ​​​​ខាង​កើ​ត និង​បា​ន​ផ្តល់​ការ​​​​គាំ​​ទ្រ​​មហិច្ឆតា​​របស់​​​ប្រទេ​ស​​​នេះ​ ដែល​ចង់​ក្លាយ​​​ជា​​សមា​​​ជិ​ក​ទី​១១​​នៃ​សមាគម​​​អាស៊ាន។

យោងតាម​លោក ​​អៀង សុផាល្លែត ​​ទី​ប្រឹក្សា​​របស់លោក ហ៊ុន សែន បា​ន​ឲ្យដឹ​ង​​ថា លោក ហ្សាណាន់ ហ្គោសម៉ៅ មក​កាន់​​ប្រ​ទេ​ស​កម្ពុជា​ ដើម្បី​បំពេញ​បេសកកម្ម​​រយៈ​ពេល​​​បួ​ន​​ថ្ងៃ​​ ក្នុង​គោល​បំណងជំរុញ​​កិច្ច​សហ​ប្រតិ​បត្តិ​ការ​​រវា​ង​​ប្រទេ​ស​​ទាំ​ង​​​ពីរ។

លោក សុផាល្លែត បានមាន​ប្រសាសន៍​ថា “កម្ពុជា​​​​មា​ន​ជំ​ហរ​គាំ​​ទ្រ​​​សំ​ណើ​​​របស់​ប្រទេស​​ទីម័រ​ខាង​កើត​ សុំ​ចូល​ជា​​​សមា​​​ជិ​​ក​​​អាស៊ាន” ​ដែលនេះ​ជា​ដំណើរ​វិវឌ្ឍ​ន៍​មួយ​ទំ​​នង​​​ជា​ធ្វើ​​ឲ្យ​រដ្ឋា​ភិបាល​​ទីក្រុ​ង​ហ្សា​កា​រតា មិ​ន​សប្បាយ​​​​ចិត្ត​ទេ​។ យោង​តា​ម​លោក សុផាល្លែត ​​បា​ន​ឲ្យ​ដឹង​ថា ​លោក ហ៊ុន សែន ​បា​ន​មាន​​ប្រ​សាសន៍ថា ជំ​នួប​​​នេះ​ ​​គឺ​​ជា​ការ​ចាប់​​ផ្តើម​ទំនាក់ទំនង​មួ​យ​​រវា​ង​​​ប្រ​ទេសទាំង​​​ពីរប៉ុណ្ណោះ ​​ហើយបាន​​លើក​សរសើរ​​កំ​ណើន​សេដ្ឋ​កិច្ច​​​របស់​ប្រទេស​​​​ទី​ម័រ​ខាង​កើត ដែល​ស្ថិត​ក្នុង​ស្ថានភាព​​ប្រឈម​​នឹង​​វិបត្តិ​ហិរញ្ញ​វត្ថុ​​សាកល​​លោក​។

​យោង​តាម​​របៀប​វា​​រៈ​​ក្នុ​ង​កិច្ច​ប្រជុំ​នោះ​ ​បាន​ឲ្យ​ដឹង​ទៀត​ថា លោក ចម ប្រ​សិទ្ធ​ រដ្ឋ​មន្ត្រី​ក្រសួ​ង​​​ពា​​ណិជ្ជ​កម្ម​ និ​ង លោក ហ្វ្រង់ស៊ីស្កូ កាប៊ុលឌី ឡេ (Francisco Kabuldi Lay) រដ្ឋ​មន្ត្រី​ក្រសួង​ទេសចរណ៍​ទីម័រ​ខាង​កើត​ បា​ន​​ចុះហត្ថ​​លេខា​លើ​​អ​នុ​ស្ស​​រណៈនៃ​ការ​​យល់​យោគ​គ្នា​​ ស្តី​ពី​កា​រ​​​​អ​ភិ​វឌ្ឍ​​​​​ផ្នែក​ពា​ណិជ្ជ​កម្ម និង​​បច្ចេក​ទេស​ ​រវា​ង​ប្រទេ​ស​​ទាំ​ង​​ពីរ។

ថ្ងៃ​នេះ លោក ហ្សាណាន់ ​​ហ្គោសម៉ៅ គ្រោង​នឹង​​ដាក់​កម្រង​ផ្កា​​នៅ​វិ​មា​ន​ឯករាជ្យ​ នៅថ្ងៃនេះ និង​ជួប​​ជា​មួ​យ​លោក ហេង សំរិន ​​ប្រធាន​​រដ្ឋ​​សភា មុន​ពេល​​ចាក​ចេញ​​​ពី​​ប្រទេស​​​​កម្ពុជា​​​នៅ​ថ្ងៃ​ច័ន្ទ​សប្តាហ៍​ក្រោ​យ​៕

ប្រែសម្រួល​​​ដោ​យ ចេវ ប៊ុននី​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស