28 C
Phnom Penh

នៅតែ​​​មាន​​​ការរឹតបន្តឹង​​​ផ្នែក​​​សន្តិសុខ ទោះបីជា​​​កា​រ​​​តវ៉ា​​​​កន្លង​​​ផុតទៅ​​​ក៏ដោយ​​​

ដោយ ឌឹ ខេមបូឌា ដេលី

បទវិភាគ

កង​កម្លាំ​ង​សន្តិ​​សុខ​​រ​​បស់​​រដ្ឋា​​​ភិ​​បា​ល ​​​នៅ​ឈរ​ជើង​​​​នៅ​​ក​ណ្តាល​រាជធា​​​នី​ភ្នំពេញនៅ ឡើយកា​ល​​ពី​ព្រឹក​​ម្សិល​មិញ​ ​បន្ទាប់​​ពី​​​កា​រ​​ធ្វើ​មហា​​​បាតុ​កម្ម​​លើក​​​ដំបូង​​​ក្នុង​​​ចំណោម​​​មហា​​​បាតុកម្ម​​​ដឹក​នាំដោយ​គណ​​បក្ស​​​​ប្រឆាំ​ងដើម្បី​​​បដិសេធ​​​​លទ្ធ​ផល​​​ដ៏ប្រទាញ​​​ប្រទង់ ក្នុង​ការ​​​បោះ​​​ឆ្នោត​ជ្រើស​តាំ​ង​​​​​​តំ​ណា​​ង​រាស្ត្រ​កា​ល​​​ពី​ថ្ងៃ​​​ទី​​២៨ ខែ​​កក្ក​​ដា នៅ​ក្នុ​ង​​ប្រទេ​ស​​​កម្ពុជា​​​។

អ្នក​​គាំ​​ទ្រ​​​​គណបក្ស​​សង្គ្រោះ​​​ជាតិប្រមាណ​ជា​​​២០.០០០​​នាក់​​​បា​ន​មក​​ចូ​ល​​រួ​ម​​​កា​រ​​​​ប្រមូល​​​ផ្តុំគ្នា​​​ដោយ​សន្តិ​​​វិធី​ កា​ល​ពីថ្ងៃ​​​សៅរ៍ ​បើ​​ទោះ​​​ជា​​​មា​ន​ការព្រមា​ន​​​ពី​រដ្ឋា​ភិ​បាល​​​​​​ថា​ អា​​ច​មាន​​អំពើ​ហិង្សាក៏ដោយ ហើយកងកម្លាំង​​​​យោធា​​និ​ងនគរ​បា​ល​ដែល​​​បាន​​​ត្រៀម​​​ខ្លួន​​​រួច​​​ស្រេច​​​នោះ ​​​នៅតែ​​​ត្រូវបាន​​​ដាក់ពង្រាយ​​​នៅ​តា​ម​វិថី​​​នានា​​​ កា​ល​​​ពី​ម្សិល​មិញ​​ ដោ​យ​មាន​របាំ​ង​​រាំង​​ផ្លូ​វ​​ធ្វើ​​​ពីដែក​​​ផង​ដែរ និង​​​ដោយគ្រាន់តែ​​​​​​មាន​​​​​​ការ​​​ជូន​​​ដំណឹង​​​បន្តិចបន្តួច​​​​ប៉ុណ្ណោះ។

លោក​ឧត្តម​សេនីយ៍ត្រី ​ខេង ទី​តូ ​​អ្នក​​​នាំ​​ពាក្យ​​កង​រាជ​អា​​​វុ​ធ​ហត្ថ​​លើ​ផ្ទៃ​​ប្រទេ​ស ​​​បា​ន​ឲ្យដឹង​​​ថា ​​កម្លាំ​ង​​សន្តិ​សុ​ខ​​ឈរ​ជើង​​​ក្នុ​ង​​រាជ​ធា​នី​​​​​នៅ​ឡើយ តាម​សេចក្តីជូនដំណឹង ហើយ​នឹ​ង​​​ឈរ​ជើង​​បែប​​​នេះ រហូ​ត​ទាល់តែ​​​​​រដ្ឋា​​​ភិ​បាល​​​​​​​ថ្មី​​ត្រូ​វបា​ន​​បង្កើត​ឡើ​ង​។

លោក​បាន​មា​ន​​ប្រ​សាស​​ន៍​ថា “យើង​​មិន​ដក​​កង​កម្លាំ​ង​​យើង​​ចេញ​​​ទៅ​ណា​​​ទេ​។ យើង​នឹ​ង​បន្ត​​រក្សា​សន្តិ​សុខ រហូត​ទាល់តែ​​​រដ្ឋាភិ​​បា​ល​​ថ្មី​​ត្រូ​វ​បា​ន​​​បង្កើត​ឡើង​។ ​នៅ​ពេល​​​តំណាង​​​រាស្ត្រ​​​​​ចូ​ល​ក្នុងសភា​ ​ហើយ​​អ្វី​​ៗ​រួ​ច​រាល់ ​​ស្ថាន​​​ភាព​​​វិល​​ទៅ​រក​​​សភា​ព​​ធម្ម​​តា​​វិញ យើង​នឹ​ង​​ដក​​កង​កម្លាំ​ង​​​​របស់​​យើងចេញ​​​​​”។

រដ្ឋសភា​​នឹ​ង​​ត្រូ​វ​​​​ប្រា​រព្ធ​សម័យ​​ប្រជុំ​​ដំបូ​ង​​​​​របស់​​ខ្លួន​​​ទៅ​តា​ម​​រដ្ឋ​ធម្មនុញ្ញ​​ត្រឹម​ថ្ងៃ​​ទី​​២៨ ​ខែ​កញ្ញា។ គ​ណ​បក្ស​សង្គ្រោះ​​​ជាតិ​​កំ​ពុ​ង​គំ​​រាម​​ធ្វើ​​​ពហិ​ការ​​សម័​យ​ប្រជុំ​ ប្រសិ​ន​រដ្ឋា​ភិ​បាល​​មិនយល់​​ព្រ​ម​​​ឲ្យមាន​​ការ​ស៊ើប​អង្កេត​​​​ភាពមិ​ន​ប្រក្រ​​តី​​​​​ដែលមាន​​​ការ​​​​​​ចោទ​ប្រ​កាន់​ ​ក៏ប៉ុន្តែ​លោក​​នា​​យក​រដ្ឋ​មន្ត្រី ហ៊ុន សែន ​​លើក​​​ឡើង​​​​ថា សភា​​អា​ច​​​ដំណើរ​​​ការ​​​ ដោ​យ​មិ​ន​ចាំ​​បាច់​​​មា​ន​​​គណបក្ស​​​ប្រឆាំង​​​ទេ​​​។

ពេល​​នេះបន្ទាប់ពី​​​​​​គ​ណ​​បក្ស​​សង្គ្រោះជាតិ​​​បា​ន​​​​បង្ហាញ​អា​ជ្ញា​​​ធរ​​ច្បាស់​​​ថា ​ខ្លួ​ន​​​អាចធ្វើ​​បាតុ​កម្ម​​​ដោ​យ​សន្តិ​​​វិធី លោក​ស្រី​ មូរ សុខ​​​ហួរ ​តំណាង​​​រាស្ត្រ​​​មកពី​​​គ​ណ​បក្ស​​ប្រឆាំង​​ បា​ន​​​លើក​​​ឡើង​ថា ដល់​​​ពេល​​​ដែល​​​​រដ្ឋា​ភិ​បាល​​​ចាប់​​ផ្តើម​​ដក​​​​​កម្លាំ​ង​សន្តិ​សុខ ដែល​គ​ណ​​បក្ស​សង្គ្រោះ​​​ជាតិ​​​បា​ន​​ថ្កោលទោស​​​​ថា ​​ជា​​​កា​រ​​​បំ​ភិត​បំ​ភ័យ​។

លោក​ស្រី​​​មាន​​​ប្រសាសន៍​​​ថា “ពួ​ក​គេ​មិ​ន​គួរនៅ​​ទី​នេះ​ទេ​”។ លោក​ស្រី សុខ​ហួរ ​​បា​ន​​​​​ថ្លែ​ង​ថា នគរបា​ល​​​បា​ន​​ឃាត់​​​រថ​យន្ត​​​ពីរ​គ្រឿ​ង​​ ដែល​​ដឹក​​អ្នក​​គាំ​​ទ្រ​​គ​ណ​​បក្ស​​ប្រឆាំង​​​ ពី​ខេត្ត​​​តា​កែ​វ​ ទៅ​កាន់​​​កន្លែងតវ៉ា កា​ល​​​ពី​ព្រឹក​​ថ្ងៃ​សៅរ៍ ​ដោយ​​​សារតែ​​​​​​អ្នក​​បើក​បរ​​​រថយន្ត​​​ទាំង​​​នោះ​​​ប្រហែល​​​ជា​​​​មិនមាន​​​ការ​​​អនុ​​​ញ្ញាត​ចាំ​បាច់ ​ប៉ុន្តែ​​អ្នក​​ដំ​ណើរ​ត្រូ​វ​បា​នអនុញ្ញាត​ឲ្យ​​បន្ត​ដំ​ណើរ។រថយន្ត​១២កៅ​អី​​​ពីរ​គ្រឿង​ផ្សេង​​​ទៀត​ដែល​ដឹកអ្នក​គាំ​​ទ្រ​​​ពី​​ខេត្ត​កំ​ពង់​ចាម​ ​​តាម​​​​​​​​​សេចក្តី​​រាយ​កា​រ​​ណ៍​ ក៏​​​​​ត្រូ​វ​បា​ន​​​​ឃាត់​​កា​ល​​​ពី​ល្ងាច​​ថ្ងៃ​សុក្រ​ផង​​​ដែរ​​​។ លោក​ស្រី​​​បាន​​​មានប្រសាសន៍​​​ថា​ “វា​មិន​ស្រប​តាម​​រដ្ឋ​​​ធម្មនុញ្ញ​​ទេ ​ពី​ព្រោះ​​​វា​​​ប៉ះពាល់​ដល់​សិទ្ធិ​​​របស់​ប្រជា​​ជន​ ​រាប់​​ទាំ​ង​សិទ្ធិ​នៃ​កា​រ​ប្រមូល​ផ្តុំ​​​ផង​​​ដែរ​​​”។

លោក ឡុង ​​ឌី​ម៉​ង់ ​​អ្នក​នាំពាក្យ​​​​របស់​​សាលា​​​រាជ​ធា​នីភ្នំពេញ​ ដែល​បា​ន​បញ្ជា​​ប៉ុស្តិ៍ត្រួត​​​ពិនិត្យ​ ​បា​ន​​​​លើកឡើងកា​ល​​ពី​ម្សិល​មិញ​ថា លោក​​មិ​ន​ដឹង​​អំ​ពី​​​ហេតុ​ការណ៍ ដែល​ត្រូ​វបា​ន​ចោទ​​ប្រកាន់​​ទាំង​​​នោះ​ទេ​។

​នៅ​ក្នុង​​​សន្និ​សីទ​សារព័ត៌​​​មាន​​​មួ​យ​ ​ធ្វើ​​​ឡើង​​​​​​បន្ទាប់​​ពី​​លទ្ធ​ផល​​បោះ​​​ឆ្នោត​​ផ្លូ​វ​ការ​ត្រូវបាន​​​ប្រកាស​​​កា​ល​​ពី​ម្សិល​មិញ ​គណ​បក្ស​​សង្គ្រោះ​​​ជាតិ​​ប្រកាស​​ថា ខ្លួន​នឹង​ធ្វើការ​​តវ៉ា​រយៈ​ពេល​​បី​ថ្ងៃ​​​ថែម​ទៀត​នៅ​សប្តា​​ហ៍​ក្រោយ​៕

(រាយ​កា​រណ៍​បន្ថែម​​​ដោ​យ ម៉ិច តា​​​រា)

ប្រែសម្រួល​ដោ​យ ចេវ ប៊ុននី​​​​​​​​​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស