31 C
Phnom Penh

ប្រទេ​ស​កម្ពុជា​មិ​ន​ទាន់​សម្រេច​​​​​​ចុះហត្ថលេខា​លើ​សន្ធិ​សញ្ញា​គ្រាប់​បែ​ក​ចង្កោ​ម​នៅ​ឡើយ​

ដោយ ឌឹ ខេមបូឌា ដេលី

បទវិភាគ

មន្ត្រី​មួយ​រូប​បានឲ្យ​ដឹ​ង​នៅ​មុន​កិច្ច​ប្រជុំ​ប្រចាំ​ឆ្នាំ​លើក​ទី​៤របស់​ភាគី​រដ្ឋ​ ដែល​ត្រូវ​​ចុះ​ហត្ថ​លេខា​លើ​សន្ធិ​សញ្ញា​ក្រុង​ហ្សាំ​​​បៀ​​​ (Zam-​​​bia) ថា  ទោះបី​​ជា​​​ប្រទេ​ស​កម្ពុជា ​ជា​​​ប្រទេស​​​​​ក្នុង​ចំ​ណោម​ប្រទេ​ស​មុន​ដំបូង​គេ​​ដែល​​​​គាំ​​​ទ្រ​​​អ​នុ​សញ្ញា​ស្តី​ពី​ការ​ហាម​ប្រើ​ប្រាស់​គ្រាប់​​​បែក​ចង្កោម​ ​​​ក្រោម​ការ​ឧបត្ថម្ភ​​ដោ​យ​​អង្​កា​រ​សហ​​ប្រ​ជា​​ជាតិ​ក៏​ដោយ ក៏​ប្រទេ​ស​​កម្ពុជា​​​មិន​ទាន់​ត្រៀម​​ខ្លួន​​​រួច​រាល់​ សម្រាប់​ចុះ​​​ហត្ថ​លេខា​​លើ​កិច្ច​ព្រម​ព្រៀង​នេះ​នៅឡើយ​ដែរ​។

លោក ហេង រតនា ​អ​គ្គ​នា​​យក​មជ្ឈមណ្ឌលសកម្ម​​ភាព​​កម្ចាត់​មី​ន​កម្ពុជា (CMAC) ​បា​ន​ឲ្យ​ដឹង​ថា​រដ្ឋា​​ភិបាលកំពុង​តែ​​សិក្សា​គុណ​​​សម្បត្តិ​ និង​គុណ​​​វិបត្តិ​​​​ នៃ​កា​រ​​ចូ​ល​​រួម​ក្នុង​អនុសញ្ញា​នេះនៅ​ឡើយ​។លោក​​មាន​ប្រសាសន៍ថា “​​ពួ​ក​គេត្រូ​វ​​​​ការ​វាយ​តម្លៃ​​សមត្ថ​​​ភា​ព​​​​យោ​​ធា​​​​របស់​​​ខ្លួន​…គុ​​ណ​សម្បត្តិ​​​​និង​​ផល​​ប៉ះ​​​​ពាល់​​”។ លោក ហេង រតនា បានលើកឡើង​បន្ត​ទៀត​ថា លោក​មិន​ដឹង​ថា តើ​រដ្ឋា​ភិបាល​ប្រើ​ពេល​វាយ​តម្លៃ​យូរប៉ុណ្ណា​នោះ​ទេ ហើយ​ថា ការ​ងារ​​នេះ​ភាគ​ច្រើនបញ្ជូន​ឲ្យ​​ក្រសួង​ការ​ពារ​ជាតិ​ជា​អ្នក​​ចាត់​​ចែង​។

លោក នាង​ ផាត រដ្ឋ​លេខា​ធិការ​ក្រសួង​ការ​ពារ​ជាតិ​ បាន​បង្វែ​រសំណួរ​ទៅ​លោក ប្រាក់ សុខុន រដ្ឋ​លេខា​ធិការ​ទី​ស្តី​ការ​គណៈ​រដ្ឋ​មន្ត្រី ដែល​មិន​អា​ច​​​ទាក់​​ទង​បា​ន។ មក​ទល់​ពេល​នេះ​ ប្រទេស​ចំនួន​១១២​បាន​​ចូល​រួម​ក្នុង​អនុសញ្ញា​នេះ ហើយ​ប្រទេស​​​​ទាំង​នោះបាន​ចាប់​អនុវត្ត​កាលពី​ខែ​សីហា ឆ្នាំ​២០១០ និង​ហាម​មិន​ឲ្យ​មាន​ការប្រើ​ប្រាស់​ ​​​​អភិវឌ្ឍ​ ​ផលិត​ ​ស្តុក​ទុក​គ្រាប់​បែក​ចង្កោម​។ គ្រាប់​បែក​ចង្កោម​បំបែក​ជា​គ្រាប់​បែកតូចៗ​ច្រើន​គ្រាប់​នៅ​ពាក់​កណ្តាល​ផ្ទៃ​អាកាស ហើយ​​​​គ្រាប់​បែប​ប្រភេទ​នេះ​ច្រើន​តែ​​​​មិន​មាន​សុក្រឹត​​​​ភាព​ ​និ​ង​មិនផ្ទុះ​ចំគោល​ដៅ​ ហើយ​ជា​រឿយៗ​តែង​តែ​បង្ក​ការ​គ​ំ​​រាម​​​កំហែង​អាយុ​ជី​វិត​​​ជន​ស៊ីវិល​រយៈ​ពេល​​​ច្រើន​ទស​វត្សរ៍​មក​ហើយ។

មាន​ការ​ប៉ាន់​ប្រមាណ​ថា សហ​រដ្ឋ​អាមេរិក​​បាន​​ទម្លាក់​គ្រាប់​បែក​តូចៗ​ចំនួន​២៦​លាន​គ្រាប់​មក​លើ​កម្ពុជា អំឡុង​សង្គ្រាម​ឥណ្ឌូចិន​​លើក​ទី​២ ហើយ​ក្នុង​ចំណោម​គ្រាប់​ទាំង​នោះ​​​ មាន​​៧,៨​លាន​គ្រាប់​​ប្រហែល​​ជា​​មិន​បាន​​ផ្ទុះ​ចំគោល​ដៅ​ទេ​។

បើ​ទោះ​ជា​រដ្ឋា​ភិបាល​បាន​សន្យា​ចូល​រួម​កិច្ច​​ប្រជុំ​នេះ​ក៏​ដោយ ក៏​ខ្លួន​បាន​ផ្តល់​មូល​ហេតុ​តិច​តួច​សម្រាប់​គាំទ្រ​ការ​ពន្យារ​ពេល​របស់​ខ្លួន​​​រាប់​ទាំង​តម្រូវ​ការ​ពេល​ថែម​ទៀត​ ដើម្បី​ធ្វើ​បញ្ជី​អាវុធ​របស់​ខ្លួន​ និង​ការ​ព្រួយ​បារម្ភ​ផ្នែក​សន្តិ​សុខ​តាម​ព្រំ​ដែន​របស់​ខ្លួន​ជាមួយ​ប្រទេស​​​​ថៃ ដែល​មិន​មែន​ជា​ភាគី​រដ្ឋ​មួយ​ផង​ដែរ។

អាជ្ញាធរ​សកម្ម​ភាព​កម្ចាត់​មីន​កម្ពុជាដែល​ត្រួត​ពិនិត្យសកម្មភាព​របស់​​ CMAC និង​សកម្ម​​​ភាព​ច្រើន​បំផុត​នៃ​សកម្ម​ភាព​ដោះ​មីន​របស់​រដ្ឋា​ភិបាល​ ជា​ធម្មតា​តែង​តែ​បញ្ជូន​តំណាង​ទៅ​ចូល​រួម​កិច្ច​ប្រជុំ​ភាគី​រដ្ឋ​ក្នុង​​អនុ​សញ្ញា​នេះ ក្នុង​នាម​ជា​អ្នក​សង្កេត​ការណ៍។ លោក​ ណេត ​​​​​​សុផល មន្ត្រី​ព័ត៌​មាន​របស់​អាជ្ញាធរ​នេះ​ បាន​លើក​ឡើង​ថា លោក​​មិន​ដឹង​ថា តើពួក​គេ​​​បញ្ជូន​​​​​​​​​​នរណា​ម្នាក់​ទៅ​ចូល​រួម​កិច្ច​ប្រជំុ​ឆ្នាំ​នេះ​នៅ​ទីក្រុង​ហ្សាំបៀ ដែល​ចាប់​ផ្តើម​ពី​ថ្ងៃ​ច័ន្ទ ដល់​ថ្ងៃ​សុក្រ ឬថា តើ​កម្ពុជា​នឹង​ចូល​រួម​កិច្ច​ប្រជុំនេះ​ដែរ​ឬ​យ៉ាង​ណា​ទេ។

លោក ទន់ ចាន់ណារ៉េត សមា​ជិក​​យុទ្ធនា​ការ​កម្ពុជា​ ​ជា​អង្គការ​ក្រៅ​រដ្ឋា​ភិបាល​ដែល​ហាម​ដាក់​គ្រាប់​មីន​ និង​គ្រាប់​បែក​ចង្កោម បាន​លើកឡើងថា ប្រទេស​កម្ពុជា​គួរ​តែ​ចុះ​ហត្ថ​លេខា​លើ​សន្ធិ​សញ្ញា​នេះ​​ឲ្យ​បាន​ឆាប់​តាម​លទ្ធភាព​ដែល​អាច​ធ្វើទៅ​បាន​។

លោក ចាន់ណារ៉េត ដែល​បាត់​បង់​ជើង​ពីរ​​​​របស់​គាត់​ដោយ​សារ​គ្រាប់​មីន​នៅ​ដើម​ទស​​​វត្សរ៍​​​​១៩៨០ ​មាន​ប្រសាសន៍​អំពី​ការ​ពន្យារ​​​​ពេល​​​​របស់​កម្ពុជា​ក្នុង​ការ​ចូល​រួម​អនុសញ្ញា​នេះ​​​ថា “ខ្ញុំ​សោក​ស្តាយ​ចំពោះ​រឿង​នេះ​” ។ ​​​លោក​​​​​​​បន្ត​ថា “ខ្ញុំ​ចង់​ឃើញ​កម្ពុជា​ចុះ​ហត្ថ​លេខា​ ពី​ព្រោះ​ខ្ញុំ​មិន​ចង់​ឲ្យ​រដ្ឋា​ភិបាល​បន្ទាប់​ជាប់ពាក់​ព័ន្ធ​ជាមួយ​បញ្ហា​នេះ​ទេ​”។

ក្រុម​អ្នក​ធ្វើ​យុទ្ធនាការបាន​​លើក​ឡើង​ថា ការ​ចូល​រួម​ក្នុង​សន្ធិសញ្ញា​នេះ​ អាច​ទាក់​ទាញ​ការ​ផ្តល់​មូលនិធិ​អន្តរ​ជាតិ​ដល់​កម្ពុជាបន្ថែម​ទៀត​ សម្រាប់​សកម្ម​ភាព​បោស​សំអាត​គ្រាប់​បែក​ចង្កោម។ មជ្ឈដ្ឋាន​ផ្សេង​ៗទៀត​លើក​ឡើង​ថា ជំនួយ​បន្ថែម​ទៀត​នឹង​អាច​បាន​មក​ពី​ការ​កាត់​បន្ថយការផ្តល់​​មូល​និធិ​សម្រាប់​សកម្ម​ភាព​ដោះ​មីន​ផ្សេង​ទៀត​ដែលកំពុង​​ដំណើរ​ការ​ហើយ។

(រាយការណ៍​បន្ថែម​ដោយ អូន ភាព)
ប្រែ​សម្រួល​ដោយ ចេវ ប៊ុននី

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស