33 C
Phnom Penh

ក្រុម​ហ៊ុន​ណាហ្គាខប នឹង​វិនិយោគ​រមណីយដ្ឋាន​កាស៊ីណូនៅ​រុស្ស៊ី

ដោយ ឌឹ ខេមបូឌា ដេលី

បទវិភាគ

ក្រុម​ហ៊ុន​​ណា​​​ហ្គាខប (NagaCorp Ltd.,)​​​ ដែល​​​ជា​​​ម្ចាស់សណ្ឋា​​គា​រ​​​​និ​ង​​កា​ស៊ី​​ណូ​​​​​ ណា​​ហ្គា​​​វើល ​ក្នុង​​​រាជ​ធា​នី​ភ្នំ​​ពេញ​​បា​ន​ប្រ​កាស​​កា​ល​​ពី​ម្សិល​​មិ​ញ​​​​ថា ​​ខ្លួ​ន​​មាន​​ផែ​ន​កា​រ​វិ​និ​យោគ​​​ទឹក​ប្រាក់​​​៣៥០​លា​ន​​ដុល្លារ​ លើ​​​រមណីយដ្ឋាន​​​​​​​​កា​ស៊ី​ណូ​​​រុស្ស៊ី​មួ​យ​​​​​​នៅ​ក្បែរ​​ព្រ​ំ​​ដែនជាប់​​​​​ប្រទេ​ស​​​​ចិ​ន។ ​រម​​ណី​យដ្ឋាន​​​ដែ​ល​នឹ​ង​​ត្រូ​វ​​សា​ង​ស​ង់​នៅ​​​​ក្រៅ​​​ទី​ក្រុ​ង​​​​​កំពង់​​​ផែ​​វ៉្លា​​ឌី​​វ៉ូស្តុក (Vladivostok) ​ភាគ​​ខាង​​​កើត​ ក្នុ​ង​​​តំបន់​​​ព្រីម៉ស្គី​(Primorsky)​​ប្រ​ទេស​រុស្សី​​​នេះ​​​ ​​នឹ​ង​​ត្រូ​វ​​គេ​​​​​ឲ្យ​​​ឈ្មោះ​​​ថា​​​ ទី​ក្រុ​ង​​​​រម​ណីយ​​​ដ្ឋាន​កំ​សា​ន្ត​ព្រីម៉​ស្គីហៅកាត់ថា​​​​​​ PERC និ​ង​ជា​​​កា​រ​វិនិ​យោគ​​ដំ​បូ​ង​​​​​​បំផុត​​​របស់​ក្រុ​ម​ហ៊ុន​នេះ​​នៅ​ក្រៅ​​ប្រទេ​ស​កម្ពុជា​ ​ដែល​​​​ជា​​​កន្លែង​​​​​​​​​​​ក្រុ​ម​​​ហ៊ុន​នេះ​មា​ន​​​​អា​ជ្ញា​​​ប័ណ្ណ​​ផ្តាច់​​មុខ​​​​សម្រាប់​​​​​ប្រ​តិ​បត្តិ​ការ​​​កា​ស៊ី​​ណូ​​​​​​ ​​​នៅ​ភ្នំ​ពេញ​។

​ក្នុង​សេចក្តី​ប្រកាស​​​ជា​សា​​ធា​រណៈ​​​​​ទៅ​​ផ្សារ​​​​​ហ៊ុ​ន​ហុ​ង​កុង ​(Hong Kong Stock Exchang) ក្រុម​ហ៊ុន ​ណា​​​​ហ្គា​ខប ​​បា​ន​ឲ្យ​ដឹង​​ថា ​​រម​​ណីយ​ដ្ឋាន​​ថ្មី​នេះ​​នឹ​ង​មា​ន​​ទី​តាំ​​ង​​នៅ​លើ​​ដីប្រ​ហែល​២១៥​ហិកតា ​​​ហៅ​​​ថា “តំ​បន់​កំ​សាន្ត​រួ​ម​​​” ​ដែល​​​​​នឹង​អនុញ្ញាតឲ្យ​មា​ន​​ល្បែ​ង​ស៊ី​​សង ហើយ​​នឹង​​រួមមាន​​​បន្ទ​ប់​សណ្ឋា​​គា​រ​​ចំ​នួ​ន​​១.០០០​ តុ​​​​ល្បែ​​​ង​​​​ចំនួ​ន​​១០០ ទូ​​​ល្បែង​​​​​​៥០០​គ្រឿ​ង សាល​សន្និ​សីទ​​​​​​មួយ​​​​​​មា​ន​​កៅ​អី​​ចំនួ​ន​២.០០០​ និង​​ទីកន្លែង​កំ​សាន្ត​​​មួយ​​​ចំនួន​​​ ព្រមទាំង​​​​​ហាង​លក់​​​​អា​​​ហា​រ​​​និ​ង​ភេសជ្ជៈ​មួយ​​ចំ​នួន​​ទៀត​។

​​បន្ទប់​​​​​មេ​​​នី​មួយៗក្នុង​​​សណ្ឋា​​គារ​​​​នឹ​ង​មា​ន​​​ទំ​ហំ​១២០​​ម៉ែត្រ​ក្រឡា​​​​បំ​​​​​ពាក់​​​ដោ​យ​​​​បន្ទប់​​​គេង​​​ចំនួន​​​​​​​ពីរ បន្ទប់​​ទទួល​ភ្ញៀវ​មួ​យ​ និង​​​ចង្ក្រាន​​​​បាយ​មួ​យ​។​ ​ក្រុមហ៊ុន​​​ណា​ហ្គា​ខប ​មា​ន​ផែ​ន​ការលក់​បន្ទ​ប់​​​​​​​មេ​​​ទាំង​​​នេះ​​​ មុន​​​ការ​​​សាងសង់​​​បញ្ចប់​​​​​​ ជា​ផ្នែក​​​នៃកម្មវិធី​មួយដែល​​​គេ​ហៅ​​​​​ថា កម្មវិធី​ “ព្រីម៉ស្គី ផ្ទះ​​​ទី​​​២​​របស់​​ខ្ញុំ​”។

ជា​​​ការ​​​ផ្តល់​​​​ភ្លើង​​ខៀ​វ កិច្ច​​ព្រ​ម​​ព្រៀង​មួ​យ​​រវា​ង​លោក ចេន ឡិប​គឹង (Chen Lip Keong)​ ប្រធា​​ន​នា​យក​​ប្រតិបត្តិ​​​​របស់​​ណា​​​ហ្គាវើល និង​លោក វ្ល៉ាឌី​មៀ មីគ្លូ​សេវ​ស្គី (Vladimir Mik​lushevsky) ​អភិបាល​​តំបន់​​​​​​ព្រីម៉ស្គី​​​​ត្រូ​វបា​ន​ចុះ​ហត្ថ​លេខា​​​នៅក្នុង​ក្រុ​ង​ វ៉្លាឌី​វ៉ូស្តុក កា​ល​​ពី​ថ្ងៃ​សុក្រ​។ ណាហ្គា​ខប ​​លើកឡើងនៅ​ក្នុង​​សេចក្តី​ប្រ​កាស​​​មួ​យ​ទៅកា​ន់​​​​ផ្សារ​​​​ហ៊ុន​​​​នេះ​​ថា​“ ទស្សន​​​​វិ​ស័យ​​​របស់​ក្រុម​​​ហ៊ុន​​​នេះ​​​ គឺ​​​​​​​​​ធ្វើ​​​យ៉ាង​ណា​​​អភិ​​​វឌ្ឍទីក្រុ​ង ​ដែល​​​មាន​​​និរន្ត​​​រភាព​​​មួ​យ​​ ហៅថា PERC នៅ​​​​តំបន់​​​​ព្រី​ម៉ស្គី​ ​​​ក្នុង​​​ក្រុ​ង ​វ៉្លា​​ឌី​វ៉ូស្តុក ដោយ​​​នឹង​​​មាន​​​ការ​​​រួម​​​បញ្ចូល​​​គ្នា​​​នូវ​​​​កត្តា​​​​ចំនួន​​​បី​​​ គឺ​​​បរិស្ថាន អា​ជី​វ​កម្ម និ​ង​សហ​គមន៍ ដើម្បី​​​​ឲ្យ​​​ PERC ​​​​​ក្លាយ​​​ជា​​​ក្រុង​​​រមណីយដ្ឋាន​​​កាសុីណូ​​​ដែល​​​មិន​​​បង្ក​​​ផល​​​ប៉ះពាល់​​​ដល់​​​​​​បរិ​ស្ថាន​​​​មាន​​​ការ​​​ទទួល​​​ខុសត្រូវ​​​ចំពោះ​​​សង្គម​និង​​​មាន​​​សក្តា​​​នុ​ពល​​​​​​សេដ្ឋកិច្ច​…។នៅ​​​ថ្ងៃ​​​អ​នាគត​​​ ​​វា​​​​​​ជា​​សហ​គមន៍​​​ចម្រុះ​​​ជាតិសាសន៍​​​ដ៏ធំ​​​​មួ​យ​​​ដែល​មា​ន​​ប្រ​ជាជ​ន​​រស់នៅ​​​មិន​ក្រោ​ម​២០.០០០​នាក់​​​​​”។

ក្រុ​ម​ហ៊ុន​នេះបាន​​​​បន្ថែ​ម​​ថា ​គោល​ដៅ​​​របស់​ក្រុម​​ហ៊ុន​​​​នេះ​​​ គឺ​​​​​ភ្ញៀវ​​​មកពី​​​ប្រទេ​ស​​​ចិន​ភាគ​ឦសាន កូរ៉េ​ខាង​ត្បូង និង​​​ជប៉ុ​ន​”។ ក្រុ​ម​ហ៊ុន​ ​ណា​​​ហ្គា​ខប ​​បា​នឲ្យ​ដឹង​ថា ​ខ្លួន​មា​ន​ផែ​នការ​​បើក​​រ​ម​ណីយ​ដ្ឋាន​​ថ្មី​ប្រកប​​​ដោយ​​​មហិច្ឆតា​​​ខ្ពស់​នេះ​​​​​​នៅ​ពេល​​ណា​មួ​យ​ក្រោយ​​ឆ្នាំ​​២០១៨​ ហើយ​​ថា​ កា​រ​​អ​នុញ្ញាត​សម្រាប់​​​ការ​​​​សាង​សង់នឹ​ង​​ទទួល​​បា​ន​ក្នុង​រយ​ៈ​​​ពេល​ “​​ ពី​មួ​យ​ឆ្នាំ​​ទៅ​ពីរ​ឆ្នាំ​” ​បន្ទាប់​​​ពី​ខ្លួន​​​បង្កើត​​​​​បាន​​​ក្រុ​ម​ហ៊ុន​​​​​​​​បុត្រ​​​សម្ពន្ធ​​​មួយ ​​​ដើម្បី​ដាក់​​ពា​ក្យ​សុំ​កា​រ​​​អនុញ្ញាតបើក​​​​កាស៊ីណូ​។

អ្វី​​​ដែល​​​អា​​ចជា​​​​​ចំណុច​​​​​ទាក់​​ទាញ​​​​មួយ​​​​​​​ឲ្យ​​​​​​​​ក្រុម​​ហ៊ុន ​​​​ណា​​ហ្គាខប វិនិយោគ​​​នៅ​​​ប្រទេ​ស​​រុស្ស៊ី​ នេះ ​​​គឺ​​កា​រ​​​យក​ពន្ធ​​​​ទាប​​​លើ​​​​វិស័យ​កាស៊ីណូ​​​​​​​​​ ​នៅ​​​ក្នុង​​​​​ប្រទេ​ស​​នេះ​។
សេចក្តី​​​ប្រកាស​​​នេះ​​​មាន​​​ខ្លឹមសារ​​ថា “បច្ចុប្បន្ន​​​នេះប្រទេស​​​​​​​​រុស្ស៊ី​​ផ្តល់​​​​​​ការ​​​អនុគ្រោះ​​​ណាស់​​​​​​លើ​​​ការ​​​យក​​​​​​​ពន្ធ​​​​នៅក្នុង​​​​​​វិស័យ​​​កាស៊ីណូ​​​​ ​​​​​​​បើ​​ធៀប​នឹង​ប្រទេស​​​​ផ្សេង​​​ៗ​​​ទៀត​​​ដែល​​​​វិស័យ​​​​កាស៊ីណូ​​​បាន​​​ចាក់​​​ឫស​​​រឹងមាំ​​​​​ជាង​​​​​​​” ​​​ ដោយ​​​​បាន​​​លើកឡើង​​​ថា​​​ ​​​ពន្ធ​​​ល្បែ​ង​​​​​​នៅ​​​​​ប្រទេ​ស​រុស្ស៊ី​ ​គឺ​ប្រហែល​៤.២០០​ដុល្លារ​​ក្នុ​ង​មួយ​ខែ​សម្រាប់​​តុ​ល្បែង​​​មួយ និង​២៥០​ដុល្លារ​​​ក្នុ​ង​មួយ​ខែ​​​សម្រាប់​​​​ទូ​​​ល្បែង​​​​មួ​យ​គ្រឿង។

ណា​​​ហ្គាខប ​ស្ថិត​​​​​​​​​ក្នុង​​​ចំណោម​​​​​ក្រុ​ម​​ហ៊ុន​ចំនួន​​​​​ពីរ​​​ដែល​​​បាន​​​​​វិ​និ​យោគ​​​​លើ​​​​​​​​ការ​​​បង្កើត​​​រម​ណី​យ​ដ្ឋាន​កា​ស៊ី​​ណូ​​នៅ​ក្នុ​ង​តំ​បន់​ ព្រីម៉ស្គី​ ​​របស់​​ប្រទេ​ស​​រុស្ស៊ី។ ​ក្រុមហ៊ុន​​​មួ​យ​ទៀតគឺក្រុម​ហ៊ុន​​អភិ​វឌ្ឍ​ន៍​អន្តរជាតិ​ មែលកូ (Melco International Development Ltd.) ដែល​​​មា​ន​មូល​ដ្ឋាននៅ​ក្រុ​ង​ហុ​ងកុង​ ​​​​​​​​របស់លោក ឡរិន ហូ (Lawrence Ho) ​​ជាអ្នក​​ជំ​នួញ​​នៅ​ម៉ាកាវ ដែលបាន​​ចុះហត្ថ​លេខាលើ​កិច្ច​ព្រ​ម​​ព្រៀង​​វិនិ​យោគ​លើ​​​​​រម​ណី​យ​ដ្ឋាន​​​កាស៊ី​ណូ​ ដោ​យ​ឡែក​​មួ​យ​​​​ក្នុង​​​រង្វង់​​​​ទឹក​ប្រាក់​៧០០​លា​ន​​ដុល្លារ​​​​​​កាលពី​​​ថ្ងៃ​​​សុក្រ​​​ នេះ​បើ​យោងតា​ម​​សេចក្តីរា​យកា​រ​​ណ៍​​ព័ត៌​មា​ន​​​នានា​​​​។ ​​ណា​ហ្គា​វើល ​មា​ន​​បំណង​​ចំ​ណា​យ​លើ​​​​​​​​កា​រ​​​វិ​និ​យោគ​​​​​​នេះ​​​តាម​​រយៈ​ទុន​​​របស់​​​ក្រុមហ៊ុន​​​ ឬ​​​ប្រាក់​​​កម្ចី​​​ ឬ​​​​តាម​រយៈ​​​មធ្យោបាយ​​​​​ទាំង​ពីរ​​​នេះ​​​តែ​​​ម្តង​៕

ប្រែ​សម្រួល​ដោ​យ ​ចេវ ប៊ុននី​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស