29 C
Phnom Penh

អាជ្ញាធរ​អះអាង​ថា សត្វ​ពាហនៈ​ជាង​២.០០០​ក្បាល​ឆ្លង​ជំងឺ​​អុត​ក្ដាម​​ក្នុង​ស្រុក​ស្វាយ​ជ្រំ ​ខេត្ត​ស្វាយ​រៀង​

ដោយ ឌឹ ខេមបូឌា ដេលី

បទវិភាគ

មន្ត្រី​បាន​ឲ្យ​ដឹង​ថា សត្វ​ពាហនៈ​ជាង​២.០០០​​ក្បាល​នៅ​ក្នុង​ខេត្ត​ស្វាយ​រៀង​បាន​ឆ្លង​ជំងឺ​​អុត​ក្ដាម​​យ៉ាង​​ធ្ងន់ធ្ងរ​។

លោក ប៉ែន ចន្ធី​ ប្រធាន​មន្ទីរ​បសុសត្វ​និង​ផលិតកម្ម​ខេត្ត​ បាន​មាន​ប្រសាសន៍​ថា ​​សត្វ​ពាហនៈ​នៅ​ក្នុង​ស្រុក​ចំនួន​ប្រាំ​មួយ​​ក្នុង​ខេត្ត​ស្វាយ​រៀង​​បាន​ធ្វើ​តេស្ត​វិជ្ជមាន​ពី​មេរោគ​ដែល​ឆ្លង និង​រាតត្បាត​យ៉ាង​ងាយ​បំផុត​។

លោក ចន្ថី បានមាន​ប្រសាសន៍​បន្ត​ថា​ នៅ​​ចំកណ្ដាល​ស្រុកស្វាយ​ជ្រំ បាន​រង​ការ​ប៉ះ​ពាល់​ដោយ​សារ​ជំងឺ​នេះ​ធ្ងន់​ជាង​គេ​បំផុត​ដោយ​សត្វ​ពាហនៈ​ចំនួន​១.៦៩០​ក្បាល​​ក្នុង​ចំណោម សត្វ​ពាហនៈ​សរុប​ចំនួន​២.១២១ក្បាល​​ដែល​បាន​ធ្វើ​តេស្តនោះ​មាន​លទ្ធផល​វិជ្ជមាន​​ចាប់​តាំង​ពី​ខែ​កក្កដា​មក​ ហើយ​សត្វ​ពាហនៈ​ចំនួន​១៥​ក្បាល​បាន​ងាប់​ដោយ​សារ​ជំងឺ​នេះ​ក្នុង​អំឡុង​ពេល​កន្លង​មក​។

លោក ចេង សំអឿន​ ប្រធាន​ការិយា​ល័យ​​​កសិកម្ម​ស្រុក​ស្វាយ​ជ្រុំ បាន​មាន​ប្រ​សាសន៍​ថា ​ក្នុង​ឃុំ​ចំនួន​ប្រាំ នៃ​ឃុំ​ទាំង​​១៦​ក្នុង​ស្រុក​នេះ មាន​ករណី​ឆ្លង​ជំងឺ​​អុត​ក្ដាម​​។

លោក ចេង សំអឿន បានមាន​ប្រសា​សន៍​​បន្ត​ថា​ “ យើង​មិន​មាន​វ៉ាក់សាំង​គ្រប់​គ្រាន់​ដើម្បី​គ្រប់​គ្រង​ការ​ឆ្លង​ជំងឺ​នេះ​ទេ​។ បច្ចុប្បន្ន​នេះ យើង​បាន​ជម្រាប​អ្នក​ភូមិ​តាម​​រយៈ​វិទ្យុ និង​តាម​ខិត្ត​​ប័ណ្ណ​​នានា​អំពី​ការ​រីក​រាលដាល​នៃ​ជំងឺ​នេះ​ និង អំពី​​វិធី​ការពារ​សត្វ​ពាហនៈ​របស់​ពួក​គាត់​រួច​ហើយ”។

លោកបន្ត​ថា​អាជ្ញាធរ និងមន្ត្រី​មន្ទីរ​កសិ​កម្ម​​​​ខេត្ត​ស្វាយ​រៀង​កំពុង​ធ្វើការ​ជាមួយ​គ្នា​ដើម្បី​រក​ឲ្យ​ឃើញ​ថា តើ​គ្រួសារ​ណា​ត្រូវការ​ចាក់​វ៉ាក់សាំង​ឲ្យ​សត្វ​ពាហនៈ​របស់​ពួក​គាត់​​ជាង​គេ​បំផុត​ ដើម្បី​ផ្ដល់​​វ៉ាក់​សាំង​ឲ្យ​ពួក​គាត់​៕

ប្រែសម្រួលដោយ ឃិន ណៃ​​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស