31 C
Phnom Penh

ទឹក​ជន់លិចក្នុងខេត្តរតនគិរីនាំ​ឲ្យ​ប្រជាជនជាច្រើន​រយ​គ្រួសារ​ឡើង​លើដំបូល​ផ្ទះ​

ដោយ ឌឹ ខេមបូឌា ដេលី

បទវិភាគ

មន្ត្រី​បា​ន​ឲ្យដឹង​ថា  ទឹក​​ជំ​នន់​​​បា​ន​នាំ​ឲ្យប្រជា​ពល​រដ្ឋ​​​រា​ប់​រយ​គ្រួ​សារ​​បា​ន​ជាប់​នៅ​​ភូមិ​​​​របស់​​ខ្លួន​ ​បា​ន​បំ​ផ្លាញ​​​ទ្រព្យ​សម្បត្តិ​ និ​ងសម្លាប់​​បសុ​បក្សី​​​នៅ​ក្នុង​ស្រុ​ក​លំផាត់ ខេត្ត​រតនគិរី​​​​កា​ល​​ពី​ម្សិល​មិញ​។

យោង​តា​ម​លោក ខ្លឹម សុ​វណ្ណ ជា​មេឃុំ​ល្បាំ​ង​១​ដែល​​​មានភូមិ​​​​ទាំង​ពីរនេះ​​ ​បា​នមា​ន​ប្រ​សាសន៍​ថា ​​ភ្លៀង​ធ្លាក់យ៉ាង​ខ្លាំង​​​បា​ន​ធ្វើ​ឲ្យ​របាំ​ង​​ទំនប់​មា​ន​​សភាព​ទន់​ ហើយទឹក​ក៏​បុ​ក​​ខ្លាំ​ងតែ​ម្តង។

លោក សុវណ្ណ ​​មា​ន​ប្រ​សាស​ន៍​ថា ​​“ភ្លៀង​​ធ្លាក់​ខ្លាំ​ង​​កា​ល​ពី​យប់​ថ្ងៃ​ច័ន្ទ បាន​បណ្តាល​ឲ្យ​មា​ន​​​​ទឹកជំ​នន់​​ជម្រៅ​ជា​ង​មួ​យ​ម៉ែត្រ​នៅ​​​ក្នុ​ង​ភូមិ​​​​​នេះ​។​​វា​ប​៉ះ​​ពាល់​ដល់ផ្ទះ​ប្រ​មាណ​​​​៥០០​ខ្នង ហើយ​ប្រជា​​ពល​រដ្ឋ​​បង្ខំ​ចិត្ត​​​ឡើង​​​ទៅ​នៅ​លើ​​ដំ​​បូ​ល​ផ្ទះ​​របស់​​ខ្លួន​”។ លោកបា​ន​មា​ន​ប្រសាសន៍បន្ត​ថា ​ស្ពាន​​ឈើ​​ចំនួ​ន​​​ពីរ​​​​បា​ន​​រង​ការខូច​ខាត​ និង​ផ្នែក​ជា​ច្រើន​នៃ​កំណាត់​​ផ្លូ​វ​​​ជាតិ​លេខ​៦​អា ​ដែល​ជា​ផ្លូវ​ភ្ជាប់​​ខេត្តរត​នគិរី​ និ​ង​ខេត្ត​​មណ្ឌល​គិ​រី ជា​ហេតុ​​នាំឲ្យ​មនុស្ស​​រាប់​រយ​នាក់​​មិន​អា​ច​​ធ្វើ​ដំណើរ​ទៅ​មក​បា​ន​។

ទឹក​​​ជំនន់​​បា​ន​ធ្វើ​ឲ្យ​ប្រជា​ពល​រដ្ឋ​​​ភ្ញាក់​ផ្អើល​​​នៅ​ម៉ោ​ង​ប្រហែល​​៤​​​ទៀប​ភ្លឺ​ ប៉ុន្តែ​ មិនមាន​សេចក្តីរាយការណ៍​ថា  មាន​មនុស្ស​បាត់​បង់​ជីវិត​ ឬបាត់​ខ្លួន​​ទេ។

លោក ខ្លឹម  សុ​វ​ណ្ណ​ ​មាន​ប្រ​សាស​ន៍​​ថា “ទឹក​ជំ​នន់​មិន​បាន​​ធ្វើ​ឲ្យ​មា​ន​កា​រ​​​បាត់​បង់​ជី​វិត​​​ទេប៉ុន្តែ​ ​​វា​បា​ន​បំ​ផ្លាញ​​​ចម្ការ​​​ទាំង​ស្រុ​ង​ ដូច​​ជា​​ចម្ការ​​សណ្តែក​ ​និង​ដំ​ឡូង​មី​ ​តាម​បណ្តោយ​​​ទន្លេស្រែ​​ពក​ ​។ ចំណែក​ឯបសុ​បក្សី​​ជាច្រើន​ក្បាលក៏​កំ​ពុង​បាត់ផងដែរ”។ លោក​បានមាន​ប្រសាសន៍​បន្ថែ​ម​​​ទៀត​ថា ទឹក​​បា​ន​ចាប់​ផ្តើម​​ស្រ​ក​បន្តិច​ម្តងៗ​​ បើ​គិត​ត្រឹម​​ថ្ងៃ​ត្រង់​ម្សិលមិញ​នេះ​។

លោក សម សូត្រ ​​​​កសិ​ករ​នៅឃុំ​ល្បាំង​១​​ស្រុកលំ​ផាត់ ខេត្ត​​រតនគិរី បាន​ឲ្យដឹងថា លោក​ភ្ញាក់​ឡើង ​ដោ​យ​សារ​ទឹក​​​​ហូរ​​​ចូ​ល​​​ក្នុ​ង​ផ្ទះ​​​​របស់​​លោក​យ៉ាង​ច្រើន​ហើយ​​លោក និង​​សមាជិកគ្រួ​សារ​​​របស់​លោក​​​បា​ន​​រត់​ឡើង​លើ​​ដំ​បូ​ល​ផ្ទះ​​​​ទាន់​​។ លោក សម សូត្រ បា​ន​​មាន​ប្រសាសន៍​បន្ត​ទៀត​ថា “ទ្រព្យ​សម្បត្តិ​ និង​បសុ​បក្សី​​​ភាគ​ ច្រើន​​​បា​ន​បាត់​”។ ​​

គ្រួសារ​​​របស់​លោកនៅ​លើ​​ដំ​​​បូ​ល​​ផ្ទះ​ អស់​រយៈ​ពេល​​ប្រហែល​៨​ម៉ោង​ ខណៈ​​ដែល​​​លោក សម សូត្រ ​បា​ន​ព្យា​យា​ម​​​ស្រង់យក​​របស់​របរ​ប្រើ​ប្រាស់​ ក្នុង​ផ្ទះសម្បែង​​​​​របស់​​​លោកបា​ន​ខ្លះ​​​​។ លោក​​​បា​នមាន​​ប្រ​សាសន៍​បន្ថែម​ទៀត​ថា “​​ពេល​នេះ ​ខ្ញុំ​​កំ​ពុ​ង​ហែល​​​ទៅ​យក​​របស់​របរខ្លះ​​​​របស់​ខ្ញុំ​”។

លោក គង់ ស្រ៊ុន ​អភិ​បា​ល​ស្រុក លំផាត់​​​បា​នឲ្យដឹងកា​ល​​ពី​រ​សៀ​ល​ម្សិល​មិញ​​ថា ​ទឹកជំ​នន់ក៏​បា​ន​ទៅ​ដល់​​ឃុំ​បា​តាង​​ដែរ ប៉ុន្តែ​​មិន​បង្ក​ការខូច​​ខាត​​​ធ្ងន់​ទេ ​​ពី​ព្រោះ​​​អ្នក​ស្រុក​​ត្រូ​វ​បា​ន​ជូ​ន​​ដំ​ណឹង​ជា​​​មុន​។

លោក គង់ ស្រ៊ុន ​​បា​ន​​មានប្រសាសន៍​​ថា “​ពេល​នេះ ទឹកជំនន់​​មា​ន​កម្ពស់​ប្រ​ហែល​១ម៉ែត្រ​ ដូច្នេះ​​​វា​​មិន​​​បា​ន​បំផ្លាញ​​លំ​នៅ​ដ្ឋាន​​​​​របស់​​អ្នក​​​ភូមិ​​ទេ​ ប៉ុន្តែ​សត្វ​​ពា​ហ​នៈ​​​​​និង​បសុ​បក្សី​​​ជា​ច្រើនក្បាលបា​នបាត់​”។

លោក ​គង់ ស្រ៊ុន បា​ន​ប៉ាន់​ប្រមាណ​​ថា ​គេ​នឹង​ចំ​ណាយ​ទឹក​ប្រាក់​យ៉ាង​​​តិច​​២៥​លា​ន​​រៀល​ ឬ​ប្រហែល​ ៦.២៥០​​ដុល្លារសហ​រដ្ឋ​អាមេរិក​​ ​​ដើម្បី​​​ជួ​ស​​​ជុល​​​កា​រ​​​ខូច​​​​​ខាត​ស្ពាន​ដោយសារ​​​​ទឹកជំ​នន់​​​េនះ​៕

ប្រែសម្រួលដោយ ​ចេវ ប៊ុននី​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស