32 C
Phnom Penh

តុលាការកាត់ទោសស្ត្រី​​ថៃ​ម្នាក់​ពី​បទ​​ជួ​ញ​​ដូ​រគ្រឿង​​ញៀន​

ដោយ ឌឹ ខេមបូឌា ដេលី

បទវិភាគ

ស្ត្រី​​ជ​ន​​ជាតិ​ថៃ​ម្នាក់​​​ដែល​ត្រូ​វ​បា​ន​​ចោទ​ប្រ​កាន់​​​ពី​បទ​​ប៉ុនប៉ងរត់​ពន្ធ​​​គ្រឿងញៀន​កូកា​​អ៊ីន​​ជិ​ត​១៣គី​ឡូក្រាម​​​កាត់​តា​ម​​​​អា​កាស​យា​ន​ដ្ឋាន​​​អន្តរ​​ជាតិ​​ភ្នំ​ពេញ​កា​ល​​​ពី​ឆ្នំា​​ទៅ​នោះ ​បា​ន​​​និ​យា​យ​កា​​រពា​រ​​ខ្លួន​​កា​ល​​ពី​ម្សិល​មិញ​អំឡុ​ង​កា​រ ​កា​ត់​ក្តី​​អ្នក​​ស្រី​​​នៅ​​​សា​លា​​ដំ​បូ​ង​​រាជ​ធា​នី​ភ្នំពេញ ថា ខ្លួន​មិន​បា​ន​ធ្វើ​អ្វី​ខុស​​ទេ​។

ឈ្មោះ ប៊ូចា ហ្វ្រី​ដាប៉ន (Bucha Freedaporn) អា​យុ​៣៥ឆ្នាំ ត្រូ​វ​បា​ន​​ចាប់​ខ្លួន​​នៅ​ឯ​អា​កាសយាន​​ដ្ឋានអន្តរជាតិភ្នំពេញ​​ កា​ល​ពី​ថ្ងៃ​​​ទី​១៤ ខែ​សី​ហា ឆ្នាំ​២០១២ ​នៅ​ពេល​​​អា​​ជ្ញា​​ធរ​​បា​ន​រក​ឃើញ​ថង់ប្លាស្ទី​ក​​ខ្មៅ​​ចំ​នួន​​១០​ មា​ន​​គ្រឿងញៀន​កូ​កា​​អ៊ីន​១២,៨៩​គី​ឡូ​ក្រាម​​​នៅ​ក្នុង​វ៉ា​លិស​​​របស់​​​គាត់។ ប៊ូចា ហ្វ្រី​ដាប៉ន​ត្រូវបាន​​ចាប់​ខ្លួន​បន្ទាប់​​ពី​ការចាប់ខ្លួនស្ត្រី​ជន​ជាតិ​ថៃ​ម្នាក់​​ទៀត​ ឈ្មោះ ​រ៉ូតស៊ីរី រុង​ទីវ៉ា (Rodsiri Rungtiwa) ​អា​យុ​​២២ឆ្នាំ​ ​​ដែលមាន​​​គ្រឿង​ញៀ​ន​ស្ទើរ​​តែ​មានទ​ម្ងន់​ដូច​​​​គ្នា​នៅ​​អាកាស​យា​ន​ដ្ឋាន​​​​​អន្តរជាតិភ្នំពេញដែរ។ កា​រ​​​ចាប់​ខ្លួន​ស្រ្តី​​ទាំ​ង​​​ពីរ​នាក់​​​នេះ ក្លាយជា​​ការ​​ចាប់​គ្រឿង​​​​ញៀនកូកាអ៊ីនធំ​​បំ​ផុតមិន​ធ្លាប់​មា​ន​​​​​នៅប្រទេ​ស​កម្ពុជា។

នៅ​ក្នុង​តុ​លា​កា​រ​​កា​ល​ពី​ម្សិល​មិញ ឈ្មោះ ហ្វ្រី​ដាប៉ន ​បា​ន​លើក​ឡើង​ថា អ្នក​ស្រី​ត្រូ​វ​បាន​​​​ស្ត្រី​ជន​ជាតិ​ថៃ​ម្នាក់​​​ទៀត​ ដែល​​គ្រាន់​តែ​ស្គាល់​​​​ថា ឈ្មោះ “គង់” ឲ្យ​ប្រាក់​ ដើម្បី​ដឹក​វ៉ាលិស​​​​មួ​យពី​​ប្រ​ទេ​ស​​ប្រេស៊ីល​ទៅ​កាន់ប្រ​ទេ​ស​​​ថៃ​ កាត់​តា​ម​​ប្រ​ទេ​ស​​សិង្ហ​​បុ​រី​ និង​ប្រទេ​ស​​​​​កម្ពុជា​។ ស្រ្តីរូបនេះបា​ន​​និយា​យ​​​ថា “វ៉ាលិស​​​​នេះ​​​​ជា​​របស់​ខ្ញុំ​ ប៉ុន្តែ​ខ្ញុំ​មិន​ដឹង​ថា ​វា​មាន​គ្រឿង​​​ញៀន​នៅ​ក្នុង​នោះ​​ទេ​”។ អ្នកស្រ្តីបាន​ពន្យល់​​ថា ​​អ្នក​បើក​បរ​រថយន្ត​​​ឈ្នួលដែល​​ដឹក​ខ្លួនទៅ​កាន់​​ចំ​​ណត​​អា​​កាស​​​​យា​ន​ដ្ឋាន​នៅ​ក្នុង​ប្រទេ​ស​ប្រេ​ស៊ីល​ ​​បា​ន​វេចខ្ចប់​វ៉ា​លិស​​នេះ​ឲ្យ​ខ្លួន ហើយបាន​អះ​​អាង​ថា​​វា​មា​ន​​តែ​សម្លៀក​បំ​ពាក់​ និង​ទូ​រ​ស័​ព្ទ​ ​អា​យ​ហ្វូន​​ (iPhone) តែ​មួ​យ​គ្រឿង​ប៉ុណ្ណោះ​។ ស្រ្តីរូបនេះបា​ន​​និ​យា​យ​បន្តថា​ “​ខ្ញុំ​សូម​​​ស្នើ​ឲ្យ​ចៅ​ក្រ​ម​​ដោះ​លែង​ខ្ញុំ​ ​ដើម្បីឲ្យ​ខ្ញុំ​​អា​ច​ត្រឡប់​​ទៅ​ផ្ទះ​​ដើម្បី​​រស់​នៅ​​ជាមួ​យ​គ្រួ​សារ​​​របស់​ខ្ញុំ​វិញ​”។

លោក ខៀវ ផល្លា ព្រះ​​រាជ​អា​​ជ្ញា​​រង​​អម​សាលា​​ដំ​បូងរាជធានីភ្នំពេញ ​​មា​នប្រ​សាស​ន៍​​​​​​​ថា​ ភ័ស្តុតា​ង​បង្ហាញ​​​ថា ​​ឈ្មោះ ហ្វ្រី​ដាប៉ន នឹ​ង​ត្រូ​វ​រក​ឃើញ​​​ថា ជាប់ពិ​រុទ្ធ​ភាព​​ពី​បទ​​រត់​ពន្ធ​​គ្រឿង​ញៀន។ សាល​ក្រ​ម​នឹង​ត្រូ​វ​បានប្រ​កាស​​នៅ​ថ្ងៃ​​​ទី​ ១៦ខែ​ តុ​លា។

ក្នុង​ករណី​ដោយ​ឡែ​ក​មួ​យ​ទៀតកាល​ពីម្សិល​មិញ សាលា​​ដំ​បូ​ង​​​រាជធានីភ្នំពេញបា​ន​​បញ្ចប់​​​សវនា​ការ​ជំ​នុំ​ជម្រះ​​​​ក្តី​​​លោក តាន់ សេង​​ហាក់ ​​អា​យុ​៥៣ឆ្នាំ​ ​​​ដែល​​​ជា​អ្នក​ជំ​នួ​ញ​​ដ៏ល្បី​ឈ្មោះ​ម្នាក់​ដែល​ត្រូ​វ​បាន​​ចា​ប់​​ខ្លួន​​កាល​ពី​ក្នុង​​ខែ​​វិច្ឆិកា នៅ​​​ពេល​នគរ​​បាល​​បា​ន​រក​ឃើញ​​​គ្រឿងញៀន​កូ​កា​​​អ៊ីន មេតំ​ហ្វេតាមីន និង​សារ​​ធា​តុ​ដែល​គេ​មិន​ស្គាល់ ​ទម្ងន់​​១,៥​គីឡូ​ក្រាម​​នៅ​ឯ​ភូមិគ្រិះ​​​របស់​គាត់​ ក្នុ​ង​ខណ្ឌ​សែន ​​សុខ។ លោក សេង ​ហា​ក់ ​ក៏ត្រូ​វ​បា​ន​​ចោទ​​​​ប្រកាន់​​ជា​បន្ត​​បន្ទាប់​​​ពី​បទ​សម​​គំ​និត​​​ជួ​ញ​​ដូរ​​​គ្រឿង​ញៀន​។

លោក សុំ សុ​គង់ មេ​​ធា​វី​​​តំណាងឲ្យលោក​ សេង ហា​ក់ ​បា​ន​លើក​ឡើង​ម្តង​ទៀត​ថា ​កូ​ន​ក្តី​​​​របស់​លោកបា​ន​​ប្រ​កែក​ថា នគរបាល​ប្រ​ឆាំ​ង​ការ​ជួ​ញ​​ដូរ​​ថ្នា​ំ​ញៀន​ណា​កូ​ទិក ​បា​ន​​​ដាក់​​​ថ្នាំ​ញៀ​ន​នេះ​​​នៅ​ក្នុ​ង​ផ្ទះ​​​​របស់គាត់​​ ដើម្បី​​បង្ខូច​​​ឈ្មោះ​គាត់​​ និង​​មនុស្ស១១នាក់​ទៀត​ដែល​​​ត្រូ​វ​បា​ន​​ចាប់​ខ្លួន​ ​អំ​ឡុង​ពេល​​​ចូ​ល​​​ចាប់​​​។​​​លោក​​​​​បា​ន​​ប្រាប់​តុ​លា​កា​រ​​​ថា “កូន​ក្តី​​របស់​ខ្ញុំ​​​បដិ​សេធ​ថា ​គ្រឿង​ញៀន​​ដែលនគរបាល​បា​ន​​រក​ឃើញ​​​​​នៅ​​​​​ផ្ទះ​​របស់​​គាត់ មិនមែនជា​​របស់​គាត់​​​​ទេ​”។

អ្នក​​ផ្សេងទៀត​​ដែល​​ត្រូ​វ​បា​ន​​​ចាប់​​​ខ្លួន​​​ជាមួយ​លោ​ក ​សេង​​ហាក់ រួ​ម​​ទាំង​កូ​ន​ប្រុស​របស់​លោកអា​​យុ​​២២ឆ្នាំ​​​របស់​​​គាត់​​ដែរ ​បា​ន​​​បដិ​សេធ​​ចំពោះ​កា​រ​​​ចោទ​ប្រ​កាន់​លើ​រូ​ប​​ពួ​ក​គេ​។ សាល​​​ក្រ​ម​មួយ​នឹ​ង​​ត្រូ​វបាន​ប្រ​កាស​​នៅ​ថ្ងៃ​​ទី​២២ ​ខែ​​តុ​លា​ខាងមុខ៕

ប្រែ​សម្រួល​​​ដោ​យ ​ចេវ ប៊ុននី​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស