28 C
Phnom Penh

មនុស្ស​​​ពីរ​​​នាក់​​​ទៀត​​​​​​ស្លាប់​​​ដោយសារ​​​ទឹក​​​ជំនន់​​​ ខណៈកិច្ច​​​ប្រឹង​​​ប្រែង​​​សង្គ្រោះ​​​នៅ​​​ភ្នំពេញ​​​យឺត​​​យ៉ាវ​​​

ដោយ ឌឹ ខេមបូឌា ដេលី

បទវិភាគ

មន្ត្រី​​​ពាក់​​​ព័ន្ធ​​​បាន​​​ឲ្យ​​​ដឹ​​​ង​​​ថា មនុស្ស​​​ចំនួន​​​ពីរ​​​នាក់​​​ទៀត​​​បាន​​​ស្លាប់​​​នៅ​​​ក្នុង​​​ខេត្ត​​​កំពង់​​​ចាម​​​ កាលពី​​​ម្សិលមិញ ដោយ​​​សារ​​​ទឹក​​​ជំនន់​​​​​​ដែល​​​បាន​​​ឆក​​​យក​​​ជីវិត​​​ជន​​​រង​គ្រោះ​​​យ៉ាង​​​តិច​​​​​​៣០​​​នាក់ ចាប់​​​តាំង​​​ពី​​​ភ្លៀង​​​ធ្លាក់​​​ខ្លាំង​​​បង្ក​​​ឡើង​​​ដោយ​​​​​​​​​ព្យុះ​​​ត្រូ​​​ពិច​​​ក្នុង​​​រយៈ​​​ពេល​​​ពីរ​​​សប្ដាហ៍​​​ចុង​​​ក្រោយ​​​​​​​​​នេះ​​​បាន​​​ធ្វើ​​​ឲ្យ​​​ទឹក​​​ទន្លេ​​​មេគង្គ​​​ទម្លាយ​​​ច្រាំង​​​ ហើយ​​​បាន​​​ធ្វើ​​​ឲ្យ​​​ជន់​​​លិច​​​សហ​​​គមន៍​​​រាប់​​​ពាន់​​​នៅ​​​ក្នុង​​​ខេត្ត​​​ចំនួន​​​១០។

ទោះ​​​បីជា​​​ទឹក​​​ជំនន់​​​នៅ​​​ក្នុង​​​តំបន់​​​មួយ​​​ចំនួន​​​បាន​​​បង្ហាញ​​​សញ្ញា​​​ស្រក​​​ចុះ​​​ខ្លះ​​​កាលពី​​​ម្សិល​​​មិញ​​​ក៏​​​ពិត​​​មែន ប៉ុន្តែ​​​​​​ព្យុះ​​​ទីហ្វុង​​​វូទីប (Wutip)ដែល​​​ត្រូវ​​​បាន​​​ព្យាករថា ជាព្យុះ​​​ត្រូពិច​​​កំណាច​​​បំផុត​​​ក្នុង​​​តំបន់​​​ក្នុង​​​រយៈ​​​ពេល​​​ប្រាំពីរ​​​ឆ្នាំ​​​នេះ បាន​​​​​​វាយ​​​លុកប្រទេស​​​វៀតណាម កាលពី​​​យប់​​​ថ្ងៃ​​​ម្សិល​​​មិញ​​​ ជាហេតុ​​​ធ្វើ​​​ឲ្យ​​​មាន​​​ការ​​​ព្រួយ​​​បារម្ភ​​​កាន់​​​​​​តែ​​​ខ្លាំង​​ថា ការ​​​កើន​​​ឡើង​​​នូវ​​​កម្រិត​​​ទឹក​​​ជំនន់​​​​​​អាច​​​ធ្វើ​​​ឲ្យ​​​ខូច​​​ដល់​​​កិច្ច​​​ប្រឹង​​​ប្រែង​​​ជួយ​​​សង្គ្រោះ​​​របស់​​​កម្ពុជា​​​។

លោក កែវ វី នាយកខុទ្ទកាល័យគណៈកម្មាធិការជាតិគ្រប់គ្រងគ្រោះមហន្តរាយ​​​បាន​​​ឲ្យ​​​ដឹង​​​ថា ​​​ខេត្ត​​​កំពង់ចាម បន្តរង​​​គ្រោះ​​​ខ្លាំង​​​បំផុត​​​ដោយ​​​សារតែ​​​ព្យុះ​​​ថ្មីៗ​​​នេះ ។ លោក​​​មាន​​​ប្រសាសន៍​​​ថា “ មនុស្ស​​​ពីរ​​​នាក់​​​​​​ទៀត​​​បាន​​​ស្លាប់​​​នៅ​​​ក្នុង​​​ខេត្ត​​​កំពង់​​​ចាម​​​​​​ ដោយ​​​​​​​​​​​​​​​​​​កុមារ​​​ចំនួន​​​១០​​​នាក់ ស្ថិត​​​​​​ក្នុង​​​ចំណោម​​​មនុស្ស​​​ចំនួន​​​​​​១៨​​​នាក់ ដែល​​​បាន​​​បាត់​​​បង់​​​ជីវិត​​​។ មនុស្ស​​​យ៉ាង​​​តិច​​​៣០​​​នាក់ បាន​​​លង់​​​ទឹក​​​ស្លាប់​​​ក្នុ​​​ង​​​​​​​​​រយៈ​​​ពេល​​​ពីរ​​​សប្ដាហ៍​​​ចុង​​​ក្រោយ​​​នេះ ធ្វើ​​​ឲ្យ​​​ចំនួន​​​​​​​​​​​​អ្នក​​​ស្លាប់​​​សរុប​​​ដោយ​​​សារ​​​ទឹក​​​ជំនន់​​​កើន​​​ឡើង​​​ដល់​​​​​​​​​​​​៤៣​​​នាក់​​​ហើយ គិត​​​រហូត​​​មក​​​ទល់​​​នឹង​​​ពេល​​​​​​​​​នេះ​​​នៃ​​​ឆ្នាំ​​​នេះ ខណៈ​​​មនុស្ស​​​ចំនួន​​​៩.៥០៩​​​គ្រួសារ​​​​​​​​​​​​​​​​​​​​​​​​ត្រូវ​​​បាន​​​ជម្លៀ​​​ស​​​ចេញ​​​​​​ ផ្ទះ​​​ចំនួន​​​៦៧​​​.៥៥១​​​ខ្នង​​​​​​បាន​​​ជន់​​​លិច​​​ ហើយ​​​ប្រជា​​​ជន​​​ចំនួន​​​៨១.៣៥៧​​​​​​​​​គ្រួសារ​​​បាន​​​រងនូវ​​​​​​ការ​​​ប៉ះពាល់​​​​​​”។​​​

ក្នុង​​​ពេល​​​ជាមួយ​​​គ្នា​​​នេះ ប្រជា​​​ជន​​​ជាង​​​១៧០​​​គ្រួសារ​​​នៅ​​​ក្នុង​​​ខណ្ឌ​​​មាន​​​ជ័យ​​​ រាជធានី​​​ភ្នំពេញ នៅ​​​កំពុង​​​រង់​​​ចាំជំនួយ​​​នៅ​​​ឡើយ​​​ទេ កាលពី​​​ម្សិលមិញ ចាប់​​​តាំង​​​ពី​​​ពេល​​​ច្រាំង​​​ទន្លេ​​​បាសាក់​​​ បាន​​​បាក់​​​នៅ​​​ក្នុង​​​សង្កាត់​​​ច្បារអំពៅ​​​២​​​កាលពី​​​ចុ​​​ង​​​សប្ដាហ៍​​​មុន​​​ ដោយ​​​បង្ខំ​​​ឲ្យ​​​ពួកគាត់​​​​ចាក​​​ចោល​​​ផ្ទះ​​​សំបែង​​​របស់​​​ខ្លួន​​​។ នៅ​​​ម្ខាង​​​នៃ​​​ច្រាំង​​​ទន្លេ​​​ក្នុ​​​ង​​​ភូមិ​​​ដើម​​​ស្លែង​​​កាលពី​​​ម្សិលមិញ មនុស្ស​​​​​​​​​ជាង​​​៥០​​​នាក់​​​​​​បាន​​​ប្រមូល​​​ផ្ដុំ​​​គ្នា​​​កក​​​កុញ ក្នុង​​​ផ្ទះ​​​​​​ឈើ​​​សង់​​​ផុត​​​ពី​​​ដី​​​​​​​​​​​​មាន​​​តែ​​​មួយ​​​បន្ទប់​​​ ដែល​​​​​​គ្មាន​​​កន្លែង​​​នៅ​​​សល់​​​​​​សូម្បី​​​តែ​​​សម្រាប់​​​មនុស្ស​​​ម្នាក់​​​ទៀត​​​ផង​​​។ អ្នក​​​ភូមិ​​​បាន​​​នាំ​​​គ្នា​​​ដាំបាយនៅ​​​​​​ក្នុង​​​ខ្ទះ​​ក្បែរ​​​នោះ សម្រាប់​​​​​​​​​មនុស្ស​​​​​​ទាំង​​​១២​​​គ្រួសារក្នុង​​​ផ្ទះ​​​​​នោះ​​​​​​ទទួល​​​ទាន​​​​​​។

បុរស​​​អាយុ​​​៣២​​​ឆ្នាំ​​​ម្នាក់បាន​​​និយាយ​​​ថា “តើ​​​លោក​​​គិត​​​ថា មាន​​​មនុស្ស​​​ប៉ុន្មាន​​​នាក់​​​ទៀត​​​​​​​​​ដែល​​​អាច​​​រស់​​​នៅ​​​​​​ក្នុង​​​ផ្ទះ​​​ដែល​​​មាន​​​បុរស​​​ ស្ត្រី និង​​​កុមារ​​​រស់​​​នៅ​​​ផ្ដុំ​​​គ្នា​​​ច្រើន​​​បែប​​​នេះ​​​បាន​​​? យើង​​​រស់​​​នៅ​​​ទី​​​នេះ​​​បួនថ្ងៃ​​​ហើយ គ្មាន​​​អង្គការ​​​​​​កាក​​​បាទ​​​ក្រហម​​​ ឬ​​​អង្គការ​​​ក្រៅ​​​រដ្ឋាភិបាល​​​ណា​​​​​​​​​មួយ​​​មក​​​ជួយ​​​យើង​​​ទេ។ អភិបាល​​​ [ស្រុក​​​នេះ​​​] បាន​​​មក​​​កាលពី​​​ថ្ងៃ​​​សៅរ៍ ប៉ុន្តែ​​​បាន​​​ចាក​​​ចេញ​​​ទៅ​​​វិញ​​​បន្ទាប់​​​ពី​​​រាប់​​​ចំនួន​​​មនុស្ស​​​រួច”។

លោក គឹម រតនា នាយក​​​ប្រតិបត្តិ​​​អង្គការ​​​ការីតាស​​​​​​ (Caritas) បាន​​​ឲ្យ​​​ដឹង​​​ថា អង្គការ​​​របស់​​​លោក​​​នៅ​​​មិន​​​ទាន់​​​ទទួល​​​បាន​​​ព័ត៌មាន​​​ណាមួយ​​​ពាក់​​​ព័ន្ធ​​​នឹង​​​ខណ្ឌ​​​មាន​​​ជ័យ​​​ទេ ដោយ​​​ពេល​​​នេះ​​​កំពុង​​​បន្ត​​​កិច្ច​​​ប្រឹង​​​ប្រែង​​​សង្គ្រោះ​​​ក្នុង​​​បណ្ដាខេត្ត​​​រង​​​ការ​​​ប៉ះពាល់​​​បំផុត​​​នៅ​​​ក្នុង​​​ប្រទេស​​​នេះ​​​។ លោក​​​បាន​​​មា​​​ន​​​ប្រសាសន៍​​​ថា ប្រសិន​​​បើ​​​មាន​​​តំបន់​​​ណាមួយ​​​ [ ក្នុង​​​ខណ្ឌ​​​មាន​​​ជ័យ] ដែល​​​ត្រូវ​​​ការ​​​ជំនួយ​​​ យើង​​​ត្រូវ​​​ទទួល​​​បាន​​​ព័ត៌មាន​​​​​​ពី​​​អាជ្ញាធរ​​​ខណ្ឌ​​​ ឬ​​​រាជធានី​​​ជាមុន​​​សិន​​​”។

បច្ចុប្បន្ន​​​ អង្គការ​​​ការីតាស កំពុង​​​ផ្ដល់​​​សេវា​​​សង្គ្រោះ​​​ដល់​​​ប្រជា​​​ជន​​​ចំនួន​​​១.៥០០​​​គ្រួសារ​​​នៅ​​​ក្នុង​​ខេត្ត​​​កំពង់​​​ចាម ៥៤០​​​គ្រួសារ​​​នៅ​​​ក្នុង​​​ខេត្ត​​​ក្រចេះ និង​​​១.៥០០​​​គ្រួសារ​​​ក្នុង​​​ខេត្ត​​​រតនៈគិរី ក្នុង​​​ចំណោម​​​ខេត្ត​​​ផ្សេងៗ​​​ទៀត​​​ ភាគ​​​ច្រើន​​​គឺ​​​នៅ​​​ក្នុង​​​តំបន់​​​ជម្លៀស​​​ដែល​​​គេ​​​ហៅ​​​ថា “តំបន់​​​មាន​​​សុវត្ថិ​​​ភាព​​​” ដែល​​​​​​ត្រូវ​​​បាន​​​​​​ខណ្ឌ​​​ចែក​​​ជា​​​ពិសេស​​​​​​​​​​​​​​​ក្រោម​​​ការ​​​រៀប​​​ចំ​​​របស់​​​អាជ្ញា​​​ធរ​​​ គណៈ​​​កម្មាធិការជាតិ​​​​​​គ្រប់​​​គ្រង​​​គ្រោះ​​​មហន្ត​​​​​​​​​រាយ ​​​និង​​​អង្គការ​​​ក្រៅ​​​រដ្ឋាភិបាល​​​។ លោក​​​បាន​​​មាន​​​ប្រសាសន៍​​​ថា “យើង​​​កំពុង​​​​​​​​​ផ្ដល់​​​តង់​​​ ស្បៀង​​​អាហារ​​​ ធុង​​​ទឹក​​​ដែល​​​មាន​​​ទឹក​​​ស្អាត​​​ចំនួន​​​១.០០០​​​លីត្រ​​​ បង្គន់​​​អនាម័យ​​​ចល័ត​​​ និង​​​សម្ភារ​​​អនាម័យ​​​មួយ​​​ចំនួន​​​ទៀត​​​”។

នៅ​​​ចម្ងាយ​​​ប្រហែល១០០​​​ម៉ែត្រ លើ​​​ទួល​​​​​​​​​ពី​​​​​កន្លែ​​​ង​​​​​​ប្រជា​​​ជន​​​ប្រមូល​​​ផ្ដុំគ្នា​​​នៅ​​​ក្នុ​​​ង​​​ភូមិ​​​ដើម​​​ស្លែង​​​ ប្រជាជន​​​ជាង​​​៣០​​​គ្រួសារដែល​​​​​​បាន​​​ប្រមូល​​​ផ្ដុំ​​​គ្នា​​​នៅ​​​លើ​​​ទីធ្លា​​​តូ​​​ច​​​មួយ​​​ក្នុង​​​វត្ត​​​​​​​​​មួយ​​​កន្លែង​​​បាន​​​និយាយ​​​ថា ខ្លួន​​​មិន​​​គិត​​​ថាតំបន់​​​នេះ​​​​​​សម​​​នឹង​​​ឲ្យ​​​ឈ្មោះ​​​ថា ជា​​​ “តំបន់​​​មាន​​​សុវត្ថិ​​​​​​​​​​​​​​​​​​​​​​​​​​​ភាព” ​​​ទេ ហើយ​​​ថា​​​ ពួកគាត់​​​បាន​​​នាំគ្នា​​​រើ​​​ទៅ​​​បរិវេណ​​​​​​​​​នេះ​​​ ដោយ​​​ការ​​​សម្រេច​​​ចិត្ត​​​ដោយ​​​ខ្លួន​​​ឯង​​​។

អ្នកស្រី​​​ ម៉ៅ សំនៀង អាយុ​​​៣២​​​ឆ្នាំ ​​​​​​និយាយ​​​​​​​​​​​​​​​​​​​​​ថា “ខ្ញុំ​​​គ្មាន​​​ជម្រើស​​​ឡើយ​​​ ផ្ទះ​​​របស់​​​ខ្ញុំ​​​ម្ខាង​​​បាន​​​ដួល​​​រលំ​​​​​​ទៅ​​​ក្នុង​​​ទន្លេ​​​ ហើយ​​​ខ្ញុំ​​​បារម្ភ​​​ខ្លាច​​​កូន​​​ប្រុស​​​អាយុ​​​ប្រាំឆ្នាំ​​​របស់​​​ខ្ញុំ​​​លង់​​​ទឹកស្លាប់​​​​​​​​​”។ អ្នកស្រី​​​បាន​​​​​​បន្ត​​​ថា “ប្រជាជន​​​​​​​​​ផ្សេង​​​ទៀត​​​​​​​​​បាន​​​មក​​​ទី​​​នេះកាលពី​​​ថ្ងៃ​​​សុក្រ ពេល​​​ទឹក​​​​​​​​​ក្រោម​​​​​​ផ្ទះ​​​របស់​​​ខ្លួន​​​បាន​​​ឡើង​​​ដល់​​​ត្រឹម​​​ក​​​​​​ ប៉ុន្តែ​​​​​​គ្មាន​​​អ្នក​​​ណាមក​​​ជួយ​​​ទេ ដោយ​​​ពួកគេ​​​គ្រាន់​​​តែ​​​មករាប់​​​មនុស្ស​​​ ហើយ​​​កត់​​​ឈ្មោះ​​​របស់​​​យើង​​​ប៉ុណ្ណោះ ដូច្នេះ​​​យើង​​​នឹង​​​ទៅ​​​វិញ​​​នៅ​​​ពេល​​​ទឹក​​​ស្រក​​​” ដោយ​​​បាន​​​បន្ថែម​​​​​​​​​​​​​​​​​​​​​​​​ថា  ពួក​​​គាត់​​​គ្មាន​​​បង្គន់​​​ ឬ​​​ទឹក​​​ស្អាត​​​ប្រើ​​​ប្រាស់​​​ទេ។

លោកស្រី ខារ៉ូលីន មឹក​​​ខសលែន (Caroline McCausland) នាយក​​​ប្រចាំ​​​ប្រទេស​​​នៃ​​​​​​អង្គ​​​ការ​​​ Action Aid Cambodia ដែល​​​កំពុង​​​ចេញ​​​ប្រតិ​​​បត្តិ​​​ការ​​​នៅ​​​ក្នុង​​​បណ្ដា​​​ខេត្ត​​​រង​​​ការ​​​ប៉ះពាល់​​​បំផុត​​​ បាន​​​ឲ្យ​​​ដឹង​​​ថា ធម្មតា អាជ្ញាធរ​​​រាជ​​​ធានី​​​​​​ គណៈ​​​កម្មា​​​ធិការ​​​ជាតិ​​​គ្រប់​​​​​​គ្រង​​​គ្រោះ​​​មហន្តរាយ និង​​​កាក​​​បាទ​​​ក្រហម​​​កម្ពុជា​​​ ត្រូវ​​​សម្រប​​​សម្រួល​​​កិច្ច​​​ប្រឹង​​​ប្រែង​​​សង្គ្រោះ​​​ក្នុង​​​រាជធានីភ្នំពេញ។ លោក​​​ស្រី​​​បាន​​​មាន​​​ប្រសាសន៍​​​ថា “បើ​​​តាម​​​​​​យើង​​​ដឹង​​​ អាជ្ញាធរ​​​កំពុងតែ​​​​​​ត្រៀម​​​ខ្លួន​​​ចុះ​​​ទៅ​​​ [ខណ្ឌ​​​​​​មាន​​​ជ័យ​​​] ​​​ប៉ុន្តែ​​​ប្រសិន​​​បើ​​​ពួកគេ​​​មិន​​​ទាន់​​​ចុះ​​​ទៅ​​​ទេ​​​នោះ វា​​​គឺ​​​ជា​​​ការ​​​សម្រេច​​​ចិត្ត​​​​​​របស់​​​អាជ្ញាធរ​​​ខណ្ឌ​​​ និង​​​រាជធានី​​​”។

លោក ឡុង ឌីម៉ង់ អ្នក​​​នាំពាក្យ​​​សាលា​​​រាជ​​​ធានីភ្នំពេញ បាន​​​ឲ្យ​​​ដឹង​​​ថា លោក​​​មិន​​​ដឹង​​​ថា តើ​​​មាន​​​ការ​​​រៀ​​ប​​​ចំ​​​ផែនការ​​​អ្វី​​​ ដើម្បី​​​ជួុ​​​យ​​​ប្រជា​​​​​​ជន​​​ក្នុង​​​ខណ្ឌ​​​មាន​​​ជ័យទេ ប៉ុន្តែ​​​បាន​​​បញ្ជាក់​​​ថា សាលា​​​រាជធានី​​​កំពុង​​​តាម​​​ដាន​​​ស្ថាន​​​ការណ៍។ លោក​​​បាន​​​ថ្លែង​​​ថា “លោក​​​អភិបាល​​​រាជ​​​ធានី​​​ភ្នំពេញ នឹង​​​ចុះ​​​ទៅ​​​ពិនិត្យ​​​មើល​​​ស្ថាន​​​ភាព​​​ [​​​នៅ​​​ថ្ងៃ​​​នេះ​​​]”។

លោក គួច ចំរើន អភិបាល​​​ខណ្ឌ​​​មាន​​​ជ័យ បាន​​​ឲ្យ​​​ដឹង​​​ថា លោក​​​បាន​​​ចុះ​​​ទៅ​​​តែ​​​តំបន់​​​មួយចំនួន​​​ប៉ុណ្ណោះ។

លោក គ្រួច សាមឿន នាយក​​​ប្រតិបត្តិ​​​សា​​​ខា​​​កាក​​​បាទ​​​ក្រហម​​​រាជធានីភ្នំពេញ បាន​​​ឲ្យ​​​ដឹង​​​ថា កាក​​​បាទ​​​ក្រហម​​​រាជធានីភ្នំពេញ កំពុង​​​ស្ថិត​​​ក្នុង​​​ដំណាក់​​​កាល​​​រៀប​​​ចំ​​​ផែន​​​ការ​​​ ហើយបាន​​​បញ្ជា​​​​​​ឲ្យ​​​សាខា​​​នៅ​​​​​​តាម​​​ខណ្ឌ​​​ទាំង​​​អស់​​​កត់​​​ត្រា​​​ចំនួន​​​គ្រួសារ​​​​​​​​​​​​​​​​​​ដែល​​​បាន​​​រង​​​ការ​​​ប៉ះ​​​ពាល់​​​ដោយសារ​​​ទឹក​​​ជំនន់​​​។ លោក​​​បាន​​​មាន​​​ប្រសាសន៍​​​ថា “ នៅ​​​ពេល​​​យើង​​​កត់​​​ត្រា​​​ចំនួន​​​គ្រួសារ​​​រង​​​គ្រោះ​​​រួច​​​រាល់​​​ហើយ យើង​​​នឹង​​​ចុះ​​​ជួយ​​​ពួកគេ​​​ភ្លាម​​​”។

លោក អ៊ែន​​​ឌ្រូ ម័រ (Andrew Moore) នាយក​​​ប្រចាំ​​​ប្រទេស​​​នៃ​​​អង្គការ​​​​​​សង្គ្រោះ​កុមារ​​​ ​​ (Save the Children)ដែល​​​កំពុង​​​ផ្ដោត​​​គោល​​​ដៅលើ​​​គ្រួសារ​​​រង​​​គ្រោះ​​​ក្នុង​​​​​​​​​តំបន់​​​ដាច់​​​ស្រយាល​​​នៅ​​​ភាគ​​​ខាង​​​កើត​​​​​​នៃ​​​ប្រទេស​​​កម្ពុជា ​​​​​​បាន​​​ឲ្យ​​​ដឹង​នៅ​​​ក្រៅ​​​រាជធានី​​​ភ្នំពេញ​​​ថា ការ​​​ឆ្លើយតប​​​​​​ដែល​​​មាន​​​ការ​​​សម្រប​​​សម្រួល​​​ចំពោះ​​​គ្រោះ​​​ទឹក​​​ជំនន់​​​នៅ​​​ក្នុង​​​ឆ្នាំនេះ​​​​ គឺ​​​​​​ដំណើរ​​​ការ​​​​​ល្អ​​​អាច​​​ទទួល​​​យក​​​បាន​​​។

លោក​​​​​​មាន​​​ប្រសាសន៍​​​ថា “កម្រិត​​​នៃ​​​ការ​​​ឆ្លើយ​​​តប​​​ដែល​​​គេ​​​​​​ត្រូវ​​​ការ​​​ចាំបាច់​​​ក្នុង​​​ឆ្នាំ​​​២០១១ គឺ​​​មិន​​​ទាន់​​​ត្រូ​​​វ​​​ការ​​​នៅ​​​ពេល​​​នេះ​​​នៅ​​​ឡើយ​​​ទេ ហើយ​​​ណាមួយ​​​ទឹក​​​ជំនន់​​​កំពុង​​​ស្រក​​​ចុះ​​​ផង​​​។ ពិត​​​ណាស់​​​ថា បញ្ហា​​​ពេល​​​នេះ​​​គឺ​​​ស្ថិត​​​​​​នៅ​​​ត្រង់​​​ថា​​​តើ​​​​ព្យុះ​​​ត្រូ​​​ពិច​​​បន្តបន្ទាប់​​​ទៀត​​​នឹង​​​ធ្វើ​​​ឲ្យ​​​ស្ថាន ​​​ភាព​​​កាន់​​​តែ​​​អាក្រក់​​​ទៅ​​​ឬអត់​​​”៕

ប្រែសម្រួល​​​ដោយ កង សុធា​​​

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស