29 C
Phnom Penh

ទឹក​​​ជំនន់​​​ឡើង​​​ខ្លាំង​​​រា​​​ល​​​ដាលដល់​​​បណ្តា​​​ខេ​​​ត្ត​​​នៅ​​​ឯភាគ​​​ពាយព្យ​​​​​​

ដោយ ឌឹ ខេមបូឌា ដេលី

បទវិភាគ

ទឹក​​​ជំនន់​​​បាន​​​លាត​​​សន្ធឹង​​​កាន់​​​តែ​​​ខ្លាំង​​​ឡើង​​​ៗ​​​កាលពី​​​ចុង​​​សប្តាហ៍​​​មុន ​​​ខណៈ​​​ពេ​​​ល​​​មានខ្យ​​​ល់​​​ព្យុះ​​​បាន​​​បក់​​​បោក​​​ក្នុងប្រទេស​​​ ជាហេតុ​​​បណ្តាល​​​ឲ្យ​​​ខេត្ត​​​សៀមរាប ​​​បាត់​​​ដំ​​​បង ​​​និង​​​ខេត្ត​​​ប៉ៃលិន​​​ បានក្លាយ​​​ជា​​​ខេត្ត​​​ថ្មីបន្ថែ​​​ម​​​លើ​​​ខេត្ត​​​ផ្សេង​​​ៗ​​​ទៀត​​​ ដែល​​​រង​​​គ្រោះ​​​ដោ​​​យ​​​សារ​​​ទឹក​​​ជំនន់​​​ឡើង​​​ខ្លាំង​​​នា​​​ពេល​​​កន្លង​​​មក​​​។​​​​​​​​​

លោក នួន គ្រឹស្នា ប្រធាន​​មន្ទីរ​​​ធនធាន​​​ទឹក​​​ និង​​​ឧតុ​​​និយម​​​ខេត្ត​​​សៀមរាប បាន​​​ឲ្យ​​​ដឹង​​​ថា នៅ​​​ក្នុង​​​ខេត្ត​​​នេះ​​​ ទឹក​​​ទន្លេ​​​បាន​​​ឡើង​​​ផុត​​​ចំណុច​​​កម្ពស់​​​ទឹក​​​ប្រកាស​​​អាសន្ន​​​ប្រាំ​​​បី​​​សង់​​​ទីម៉ែត្រ​​​ ដល់​​​ចំណុច​​​១៣,០៨ម៉ែត្រ​​​ កាលពី​​​ម្សិលមិញ។ មន្ត្រី​​​នានា​​​ក្នុង​​​ខេត្ត​​​សៀម​​​រាប​​​ក៏​​​បាន​​​រាយ​​​ការណ៍​​​ផ្សេង​​​ៗ​​​គ្នា​​​ផង​​​ដែរ​​​ ទាក់​​​ទង​​​នឹង​​​ទំនប់​​​តាកៅ ដែល​​​ស្ថិត​​​នៅ​​​ក្បែរ​​​បរិវេណ​​​ប្រាសាទ​​​អង្គរវត្ត​ ពោល​​​គឺ​​​មិន​​​ដឹង​​ថា តើ​​​ទំនប់​​​នេះ​​​បាន​​​បាក់​​​ដោយ​​​ផ្នែក​​​ឬយ៉ាង​​​ណា​​​ទេ។

លោក គ្រឹស្នា បាន​​​មាន​​​ប្រសាសន៍​​​ថា​ “កាលពី​​​យប់ថ្ងៃសៅរ៍ ​​នៅ​​​វេលា​​​ម៉ោង​​​៩និង​​​៣០នាទី​​​យប់​​​ ភ្លៀង​​​បាន​​​ធ្លាក់​​​ខ្លាំង​​​ ជា​​​ហេតុ​​​បណ្តាល​​​ឲ្យ​​​មាន​​​ទឹក​​​ហូរ​​​កាន់​​​តែ​​​ច្រើន​​​ឡើង​​​ៗទៅកាន់​​​ភ្នំគូលេន ហើយ​​​ទឹក​​​នៅ​​​ទំនប់​​​តាកៅ​​​ក៏​​​បាន​​​ឡើង​​​ពេញ​​​ ហើយ​​​បន្ទាប់​​​មក​​​ទំនប់​​​នេះ ក៏​​​បាក់​​​ ជា​​​ហេតុ​​​បណ្តាល​​​ឲ្យ​​​លំនៅ​​​ដ្ឋាន និង​​​ផ្លូវ​​​ថ្នល់​​​នានា ​​​ដែល​​​នៅ​​​ព័ទ្ធជុំវិញ​​​ទំនប់​​​នេះ ត្រូវ​​​បាន​​​ទឹក​​​ជន់​​​លិច​​​ ហើយ​​​បង្ក​​​ផល​​​ប៉ះ​​​ពាល់​​​ដល់​​​ប្រជាជន​​​ជា​​​ច្រើន​​​ពាន់​​​គ្រួសារ​​​”។

លោក​​​បាន​​​ឲ្យ​​​ដឹង​​​បន្ថែមទៀត​​​ថា អាជ្ញា​​​ធរ​​​ខេត្ត​​​បាន​​​បង្គាប់​​អាជ្ញាធរ​​​អប្សរា ដែល​​​គ្រប់​​​គ្រង​​​ទំនប់​​​ និង​​​អាង​​​ស្តុក​​​​​ទឹក​​​នានា ដែល​​​នៅ​​​ជុំ​​​វិញ​​​ប្រាសាទ​​​អង្គរ​​​វត្ត​​​ ឲ្យ​​​បើក​​​ទ្វារ​​​ទំនប់​​​នេះ ដើម្បី​​​ឲ្យ​​​ទឹក​​​អាច​​​ហូរ​​​ចូ​​​លក្នុង​​​អាង​​​ស្តុក​​​ទឹក​​​បារាយណ៍​​​ខាង​​​លិច​​​។ នៅ​​​ចំ​​​កណ្តាល​​​អាង​​​ស្តុក​​​​​​ទឹក​​​នេះ​​​ មាន​​​ប្រាសាទ​​​មេបុណ្យ​​​សត​​​វត្ស​​​ទី​​​១១ ដែល​​​បច្ចុប្បន្ន​នេះ​​​​​កំពុងតែ​​​ប្រឈម​​​នឹង​​​គ្រោះ​​​ទឹក​​​ជំនន់​​​។

លោក យឹម ផល្លី ចៅ​​​សង្កាត់​​​រង​​​សង្កាត់​​​គោក​​​ចាក់​​​​​​ បាន​​​ឲ្យ​​​ដឹង​​​ថា ប្រជាជន​​​ជាង​​​៣០០​​​គ្រួសារ​​​នៅ​​​ក្នុង​​​សង្កាត់​​​នេះ ត្រូវ​​​តែ​​​ត្រូវ​​​បាន​​​ជម្លៀស​​​ចេញ​​​ ដោយ​​​សារ​​​តែ​​​ទំនប់​​​តាកៅ បាក់​​​ដោយ​​​កន្លែង​​​ ខណៈ​​​ដែល​​​លំនៅ​​​ដ្ឋាន​​​២.០០០​​​ខ្នង​​​ត្រូវ​​​បាន​​​ទឹក​​​ជន់​​​លិច​​​។ លោកបាន​​​មាន​​​ប្រសាសន៍​​​ថា “យើង​​​បាន​​​ប្រាប់​​​អាជ្ញាធរ​​​ឲ្យ​​​បើក​​​ទ្វារ​​​ទំនប់​​​តាកៅ​​​ ក៏​​​ប៉ុន្តែ ពួកគេ​​​បាន​​​បើក​​​តែ​​​បន្តិច​​​ប៉ុណ្ណោះ​​​ ហើយ​​​ពួក​​​គេ​​​បាន​​​និយាយ​​​ថា គេ​​​ត្រូវ​​​ការ​​​ការពារ​​​ប្រាសាទ​​​​​​មេបុណ្យ​​​ជាមុន​​​សិន​​​ ហើយ​​​បង្ហូរ​​​ទឹក​​​ចូល​​​ក្នុ​​ង​​​ទីក្រុង​​​។ ប្រសិន​​​បើ​​​អាជ្ញាធរ​​​អប្សរាបើក​​​ទ្វារ​​​ទំនប់​​​មុន​​​ថ្ងៃ​​​សៅរ៍ ទំនប់​​​នោះ​​​ប្រហែល​​​ជា​​​មិន​​​បាក់​​​ទេ​​​”។

ក៏​​​ប៉ុន្តែ លោក ហេង ប៉ៅ​​​ អគ្គនាយក​​​រ​​ង​​​អាជ្ញាធរ​​​អប្សរា បាន​​​លើក​​​ឡើង​​​ថា សេចក្តី​​​​​​រា​​​យ​​​កា​​​រ​​​ណ៍​​​​​​ដែល​​​​​​ថា ទំ​​​ន​​​ប់​​​តា​​​កៅបា​​​ន​​​​​​​​​បាក់​​​នោះ​​​ មិន​​​ពិត​​​​​​នោះទេ ​​​ហើយ​​​ផ្អែ​​​ក​​​លើ​​​​​​​កា​រ​​យល់​ច្រ​​​ឡំ​​​​​​​​​​​​អំ​​​ពីប្រភ​​​ព​​​​​​​​​​​នៃទឹក​​​​​​​​​​​​ជំនន់។ លោក​​​បា​​​ន​​​មា​​​ន​​​​​​ប្រ​​​សាស​​​ន៍​​​ថា “ប្រ​​​សិ​​​ន​​​បើ​​​​​​ទំ​​​នប់​​​នេះ​​​​​​ពិ​​​តជា​​​​​​​​​បា​​​ន​​​​​​បាក់មែ​​​ននោះ ប្រជា​​​​​​ជ​​​ន​​​ជា​​​ច្រើន​​​​​​ប្រ​​​ហែល​​​​​​​​​ជា​​​បា​​​ន​​​ស្លាប់​​​លឿ​​​ន​​​ណាស់។ ​​​ទឹក​​​ជ​ំ​នន់​​​នេះ​​​​​​ពិត​​​ជា​​​​​​​​​ហូរ​​​​​​ពី​​​ស្នាម​​​​​​ភ្លោះ​​​ ​​​និ​​​ង​​​​​​ប្រាសាទ​​​អង្គរ​​​​​​ធំនៅខាង​​​លិចប្រា​​​សាទ​​​អង្គរ​​​វត្ត​​​ ​​​ដែល​​​មា​​​ន​​​កម្ពស់​​​ទឹក​​​​​​ខ្ពស់ ​​​ហើយ​​​បា​​​ន​​​​​​ដាក់​​​សម្ពាធ​​​ ​​​ដែល​​​ធ្វើ​​​ឲ្យបាក់​​​ដង​​​ផ្លូ​​​វ​​​”។ លោក​​​​​​​​​​​​លើក​​​ឡើង​​​បន្ថែម​​​ទៀត​​​ថា អា​ង​​​ស្តុ​​​ក​​​​​​​​​ទឹក​​​បា​​​​​​​​​រា​​​យ​​​ណ៍​​​​​​ខាង​​​លិច ពេញ​​​​​​​​​ដោ​​​យទឹក​​​​​​​​​រួ​​​​​​ចទៅ​​​​​​ហើយ​​​ ដូច្នេះ​​​​​​មិ​​​ន​​​មា​​​ន​​​ទឹក​​​​​​​​​បន្ថែ​​​ម​​​​​​​​​ទៀត​​​​​​​​​អា​​​ច​​​​​​​​​ទៅ​​​​​​ដល់​​​​​​ទី​​​នោះបា​​​ន​​​​​​​​​ទេ​​​។

លោកស្រី ម៉ែន ​​​នា​​​រី​​​សុ​​​ភ័ក្រ អ្នក​​​នាំ​​​ពាក្យ​​​កាក​​​បាទ​​​ក្រហម​​​កម្ពុជា​​​បាន​​​ឲ្យ​​​ដឹង​​​ថា ស្ថាប័ន​​​នេះ​​​កំពុង​​​សហប្រតិបត្តិការ​​​ជាមួយ​​​អាជ្ញាធរ​​​​​​មូលដ្ឋាន​​​ នៅ​​​តាម​​​តំបន់ថ្មីៗដែល​​​​​​ត្រូវ​​​​​​បាន​​​ទឹក​​​ជន់​​​លិច​​​ ក្នុ​​ង​​​ខេត្ត​​​សៀម​​​រាប ក៏​​​ដូច​​​ជា ខេត្ត​​​ប៉ៃលិន និង​​​ខេត្ត​​​បាត់​​​ដំបង​​​ផង​​​ដែរ ដើម្បី​​​ជួយ​​​ជម្លៀស​​​ប្រជាជន​​​ និង​​​ផ្តល់​​​ជំនួយ​​​ដល់​​​ពួកគាត់​​​។

លោកស្រី​​​បាន​​​មាន​​​ប្រសាសន៍​​​ថា “ក្នុង​​​ថ្ងៃ​​​នេះ​​​ នៅ​​​ខេត្ត​​​សៀមរាប​​​ ប្រធាន​​​ប្រចាំ​​​នៅ​​​ទី​​​នោះ​​​ បាន​​​រៀប​​​ចំ​​​ក្រុម​​​ផ្តល់​​​ជំនួយ​​​ដល់​​​ប្រជា​​​ជន​​​២០០គ្រួសា​​រ​​​ ដែល​​ស្ថិត​​​នៅ​​​ភាគ​​​ខាង​​​លិច​​​នៃ​​​បរិវេណ​​​ប្រាសាទ​​​អង្គរ​​​វត្ត​​​ និង​​​បាន​​​យក​​​ថ្នាំក្លរ៉ាមីន ទឹក​​​បរិសុទ្ធ​​​ នំបុ័ង អង្ករ និង​​​មី​​​​​​ ឲ្យ​​​ប្រជាជន​​​ទាំង​​​នោះ”។ លោកស្រី​​​បាន​​​ឲ្យ​​​ដឹង​​​បន្ថែម​​​ទៀត​​​ថា គិត​​​ពី​​​ថ្ងៃ​​​ទី១ ខែ​​​កញ្ញា រហូត​​​មក​​​ដល់​​​ថ្ងៃទី​​​៣ ខែ​​​តុលា កាក​​​បាទ​​​ក្រហម​​​បាន​​​ជួយ​​​ប្រជាជន​​​៨.៩០២គ្រួសារ​​​នៅ​​​ទូទាំង​​​១០​​​ខេត្ត​​​​​​ក្នុង​​​ប្រទេស​​​កម្ពុជា។ ទឹក​​​ជំនន់​​​បាន​​​ឆក់​​​យក​​​ជីវិត​​​របស់​​​​​​ប្រជាជន​​​យ៉ាង​​​តិច​​​៣៩នាក់​​​ក្នុង​​​រយៈពេល​​​បី​​​សប្តាហ៍​​​កន្លង​​​មក​​​នេះ​​​ ហើយ​​​ប្រជាជន​​​ជា​​​ច្រើន​​​ពាន់​​​នាក់​​​ត្រូវ​​​បាន​​​ជម្លៀស​​​ចេញ​​​ពី​​​លំនៅ​​​ដ្ឋាន​​​របស់​​​ខ្លួន​​​៕

ប្រែសម្រួលដោយ កង​​​ សុធា

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស