31 C
Phnom Penh

តុលាការបើក​សវនាការ​ករណី​លួចសម្លៀក​បំពាក់​​ដែលដឹក​ទៅកាន់​កំពង់​ផែ​ភ្នំពេញ​

ដោយ ឌឹ ខេមបូឌា ដេលី

បទវិភាគ

សាលា​​ដំ​បូ​ង​រា​ជ​​ធា​​​នី​ភ្នំពេញ​ កា​ល​ពី​ម្សិល​​​មិញ​​បា​ន​បើក​សវ​នា​ការសម្រាប់​ករណី​កម្មករ​​កំ​ពង់​ផែ​​​ពីរនាក់​ និង​​មន្ត្រី​កង​​រាជ​អា​​វុធ​ហត្ថ​ម្នាក់​ ដែល​​ត្រូ​វ​បាន​​​ចោទ​ប្រកាន់​ថា ​​​បា​​ន​​លួច​សម្លៀក​​បំ​ពាក់​​ជាង​​៨.០០០កំ​​ប្លេ ពី​​កុង​តឺ​ណ័រ​ដាក់​​ទំ​និញ​ ក្នុ​ង​ពេល​​ដែល​កុង​តឺ​ណ័រ​នេះកំ​ពុង​​ត្រូ​វ​បា​ន​​ដឹក​​ទៅ​កាន់​កំ​ពង់​​ផែ​ស្វយ័ត​ក្រុ​ង​ភ្នំពេញ​ ក្នុ​ង​រា​​ជ​​ធា​​នី​ភ្នំ​ពេញ​។

ជ​ន​សង្ស័​យ​ទាំ​ង​​បី​នាក់​ ​ម្នាក់​ឈ្មោះ សន ​និ​វត្ត ​​​អា​យុ​​២៥ឆ្នាំ ​ម្នាក់​​ទៀត​​​ឈ្មោះ លៀច គឹម​ស្រ៊ុន ​​អា​យុ​២៩​ឆ្នាំ​ ​និង​​ចុ​ង​ក្រោយ​ឈ្មោះ ​អ៊ា ណា​ត អា​យុ​​៤៩​ឆ្នាំ​ ​ជា​មន្ត្រី​កង​រាជ​​អា​វុធ​ហត្ថ ត្រូ​វ​បា​ន​​ចោទ​ប្រកាន់ ពី​​​បទ​លួចទ្រង់​ទ្រាយ​​ធំ ​​ដោ​យ​សារ​តែ​​​តា​ម​កា​រ​​ចោទ​ប្រកាន់​ជ​ន​សង្ស័​យ​ទាំ​ង​​នេះ​ ​បា​ន​​ជាប់​​ពាក់​ព័ន្ធ​ក្នុ​ង​​ករណី​លួ​ច​​កុង​​​តឺ​ណ័រ​សម្លៀក​​បំ​ពាក់​​​កា​ល​ពី​​ខែ​ធ្នូ​ឆ្នាំ​​មុ​ន។ បុរស​​​ពី​រ​​នាក់​ផ្សេង​ទៀត​ ត្រូវ​​បា​ន​ចាប់​​ខ្លួន​​​នៅ​ពេល​នោះ​ផង​ដែរ​ ក៏​ប៉ុន្តែ​ត្រូ​វ​បា​ន​ដោះ​លែងឲ្យ​រួចខ្លួន​វិញ ​បន្ទាប់​​ពីត្រូ​វ​បា​ន​​សាក​សួរ​​រួ​ច​រាល់​។

​​​ជន​សង្ស័​យ​​ឈ្មោះ និវត្ត ​បា​ន​គ្រោង​ដឹក​​កុង​តឺណ័រ​​ដាក់​​ទំនិ​ញ​​នេះពី​រោង​ចក្រ​ ​ម៉ាស្ទិចអ៊ិន​ឃែម (ខេមបូឌា​​) ខូ អិលធី​​​ឌី (Mastex Incam (Cambodia) Co.,Ltd.) នៅ​​​ខណ្ឌ​ពោ​ធិ៍​សែ​ន​ជ័យ ទៅកាន់​​​កំ​ពង់​ផែ​ស្វយ័ត​ក្រុង​ភ្នំ​ពេញ​។

ជា​ធម្មតា ​កា​រ​ដឹក​​ជញ្ជូ​ន​នេះ​ប្រើ​​ពេល​ប្រហែលកន្លះ​ម៉ោង​ ក៏​ប៉ុន្តែ​ ​នៅ​តា​ម​ផ្លូវ​ ​ជ​ន​សង្ស័យ​​​បា​ន​ឈប់​​ជា​ច្រើន​លើក​​នៅខណ្ឌ​ឫស្សី​កែ​វ​ ដើម្បី​​យក​​សម្លៀក​​បំ​ពាក់​ប្រហែល​​៩០០ប្រ​អ​ប់​ ចេញ​ពី​​​កុង​​តឺ​​ណ័រ។ ជ​ន​សង្ស័​យ​​​ឈ្មោះ​និវត្ត ​​បា​ន​និ​យា​យ​ថា​ “ខ្ញុំ​បា​ន​ដឹក​​កុង​តឺ​ណ័រ ​ដែល​មា​ន​​សម្លៀក​​បំ​ពាក់​​​​ពេញ​ ​​ហើយបា​ន​ឈប់​​​​ក្នុង​ដី​មួយ​កន្លែង​​ ​ហើយ​​​បុរស​​បួ​ន​នាក់​បាន​បើក[​យក​សម្លៀក​បំពាក់​ចេញ]។ ខ្ញុំ​បាន​ធ្វើ​បែបនេះ​ដោយ​សារ​តែ​គេ​​សន្យា​ឲ្យ​លុយ​ខ្ញុំ​៥០០​ដុល្លារ​”។

ជន​សង្ស័យ​ឈ្មោះ ណាត បាន​អះ​អាង​ថា ខ្លួន​គ្រាន់​តែ​ធ្វើ​ជា​បុគ្គលិក​សន្តិសុខ​ យាម​ដី​នោះ​ប៉ុណ្ណោះ​ ​​និង​មិន​ពាក់​ព័ន្ធ​ក្នុង​រឿង​​លួច​សម្លៀក​បំពាក់​នេះ​ទេ​។
ជន​សង្ស័យ​ឈ្មោះ​ ណាត​ បាន​និយាយ​ថា “ នៅ​ពេល​សម្លៀក​បំពាក់​បាន​យក​ចេញ​ ខ្ញុំ​មិន​បាន​នៅ​ទី​នោះ​ទេ​។ ខ្ញុំ​នៅ​ក្រៅ​ដី”។

ជន​សង្ស័យ​ឈ្មោះ គឹមស្រ៊ុន​ ​បាន​បដិសេធ​ ថា ខ្លួន​មិន​បាន​ដឹង​អំពី​រឿង​លួច​នេះ​ទេ ដោយ​បាន​និយាយថា ​ខ្លួន​គ្រាន់​តែ​ជួយ​ជន​សង្ស័យ​ឈ្មោះ និវត្ត ប៉ុណ្ណោះ។ ជន​សង្ស័យ​ឈ្មោះ​ណាត បាន​និយាយ​ថា “ ខ្ញុំ​គ្រាន់​តែ​ត្រូវ​បាន​គេ​ហៅ​ឲ្យ​ជួយ​យក​សម្លៀក​បំពាក់​ទាំង​នោះ​ចេញ​ពី​កុង​តឺណ័រ​នោះ​ប៉ុណ្ណោះ ហើយ​នៅ​ពេល​ខ្ញុំ​ទៅ​ជួយ​ ខ្ញុំ​បាន​ឃើញ​ថា មាន​មនុស្ស​បួន​នាក់​រួច​ទៅ​ហើយ ដែល​កំពុង​ជួយ​”។

ករណី​ចោទ​ប្រកាន់​ជន​សង្ស័យ​ឈ្មោះ គឹមស្រ៊ុន ថា បាន​ពាក់​ព័ន្ធ​នឹង​ករណី​លួច​ទ្រង់​ទ្រាយ​ធំ​នេះ​ នឹង​ត្រូវ​បានពិនិត្យ​ឡើង​វិញ​ ដើម្បី​ឆ្លុះ​បញ្ជាក់​ឲ្យ​ច្បាស់​ថា ជន​សង្ស័យ​រូប​នេះ​ពិត​ជា​បាន​ចូល​ដៃ​ចូល​ជើង​ ក្នុងករណី​នេះ​មែន​ នេះ​បើ​​យោង​តាម​លោកព្រះ​រាជ​អាជ្ញា​រង​ សឿ វណ្ណី។

លោក លឹម ឆាយ តំណាង​កំពង់​ផែ​ក្រុង​ភ្នំពេញ និង​ជា​ដើម​បណ្តឹង​ក្នុង​ករណី​នេះ បាន​លើក​ឡើង​ថា ជន​សង្ស័យ​ឈ្មោះ និវត្ត និង​ឈ្មោះ គឹមស្រ៊ុន សុទ្ធ​តែ​ជា​បុគ្គលិក​កំពង់​ផែ​នេះ។ លោក​​មាន​ប្រសាសន៍​ថា “​យើង​​​សង្ស័យ​ថា ​សម្លៀក​បំពាក់​ទាំង​នោះ​ត្រូវ​បាន​គេ​លួច​ ពី​ព្រោះ[​លោក និវត្ត​] បាន​ប្រើ​ពេល​បី​ម៉ោង​សម្រាប់​ការដឹក​ជញ្ជូន​មក​ដល់​កំពង់​ផែ ហើយ​នៅ​ពេល​យើង​ពិនិត្យ​មើល​កុង​តឺណ័រ យើង​រក​ឃើញ​ថា​ ​ ​ពាក់​កណ្តាល​​​​នៃ​បរិមាណ​សម្លៀក​បំពាក់សរុប​ត្រូវ​បាន​គេ​លួច​​”។  លោកបានឲ្យ​ដឹង​បន្ថែម​ទៀត​ថា កំពង់​ផែ​លោក​ កំពុង​ទាម​ទារ​ប្រាក់​សំណង​១៥.០០០​ដុល្លារ​។ ចៅក្រុម​ប្រធាន​ក្រុម​ប្រឹក្សា​ជំនុំ​ជម្រះ​ សួស សំអាត បាន​ឲ្យ​ដឹង​ថា សាល​ក្រម​​ នឹង​ត្រូវ​​​ប្រកាស​នៅ​ថ្ងៃ​ទី​២៨ ខែនេះ៕

ប្រែសម្រួលដោយ កង សុធា

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស